{"id":20639,"date":"2023-06-13T09:07:52","date_gmt":"2023-06-13T07:07:52","guid":{"rendered":"https:\/\/edublog.educastur.es\/ixuxu\/?p=20639"},"modified":"2023-06-13T09:48:39","modified_gmt":"2023-06-13T07:48:39","slug":"viaxe-pol-fondu-del-mar-nel-bioparc-acuariu-de-xixon","status":"publish","type":"post","link":"https:\/\/edublog.educastur.es\/ixuxu\/2023\/06\/viaxe-pol-fondu-del-mar-nel-bioparc-acuariu-de-xixon\/","title":{"rendered":"Viaxe pol fondu del mar nel Bioparc Acuariu de Xix\u00f3n"},"content":{"rendered":"<p style=\"text-align: center\"><a href=\"https:\/\/www.laviajeraempedernida.com\/wp-content\/uploads\/2023\/05\/acuario-bioparc-gijon-tortuga-640x512.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/www.laviajeraempedernida.com\/wp-content\/uploads\/2023\/05\/acuario-bioparc-gijon-tortuga-640x512.jpg\" width=\"640\" height=\"512\" \/><\/a><\/p>\n<ul>\n<li><a href=\"https:\/\/www.laviajeraempedernida.com\/visita-acuario-gijon-informacion-que-ver-viaje-familias\/?fbclid=IwAR3l8914_CtvBWVrwDIiV36QHXrVgF6QrZ5uzoJX_V3uTQrwPtM_p5WdoCw\">Fonte: La viajera empedernida<\/a> \/<\/li>\n<\/ul>\n<p>Enc\u00e1ntame esta descripci\u00f3n del Bioparc Acuariu de Xix\u00f3n<em><span style=\"color: #008080\">. \u201cTas nun hotel de cinco estrelles para los seres acu\u00e1ticos\u201d<\/span><\/em>. Mientres la visita confirmo qu&#8217;asina ye. Mientres percuerro los distintos ecosistemes marinos y detengo \u00e9nte les enormes peceres non y\u00e1 afayo peces, animales y plantes interesaos y bien interesantes. Tami\u00e9n atalanto que t\u00e1n perbi\u00e9n atend\u00edos. Gracies a esos cuidos cons\u00edguese caltener con vida exemplares d&#8217;especies en peligru grave d&#8217;estinci\u00f3n y qu&#8217;ensin l&#8217;ayuda de proyectos como&#8217;l del Bioparc quiciabes y\u00e1 nun esistir\u00eden. Y educar a la xente pa ser m\u00e1s respetuosos col desconoc\u00edu y apasionante fondu del mar.<\/p>\n<p><!--more--><\/p>\n<p>\u00a1Cuantos intereses afay\u00e9 na mio visita al Bioparc Acuariu de Xix\u00f3n! Un viaxe fascinante travi\u00e9s de distintos ecosistemes marinos nel que non y\u00e1 puedes contemplar especies de lo m\u00e1s interesaes ya interesantes. Lo que m\u00e1s me gust\u00f3 d&#8217;esta esperiencia ye TOU lo qu&#8217;apriendes sobre&#8217;l desconoc\u00edu, enigm\u00e1ticu y siempres sorprendente fondu del mar.<\/p>\n<p>La Fundaci\u00f3n Bioparc ye un proyectu ensin \u00e1nimu d&#8217;arriquecimientu que fai realid\u00e1&#8217;l sua\u00f1u conservacionista de los tr\u00e9s BIOPARC qu&#8217;hai n&#8217;Espa\u00f1a: el Bioparc Acuariu de Xix\u00f3n y los parques d&#8217;animales de Valencia y Fuengirola, centros creaos pa caltener y protexer la naturaleza. Y xestionaos por Rain Forest, entid\u00e1 pionera nel desenvolvimientu del conceutu de zooinmersi\u00f3n n&#8217;Europa.<\/p>\n<p style=\"text-align: center\"><a href=\"https:\/\/www.laviajeraempedernida.com\/wp-content\/uploads\/2023\/05\/acuario-bioparc-gijon-interior-640x480.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/www.laviajeraempedernida.com\/wp-content\/uploads\/2023\/05\/acuario-bioparc-gijon-interior-640x480.jpg\" width=\"640\" height=\"480\" \/><\/a><\/p>\n<p><strong>Intereses del fondu del mar n&#8217;Asturies. <\/strong>Por casu. Yo nun sab\u00eda que na mari\u00f1a d&#8217;Asturies hai un llugar llam\u00e1u<strong> \u201cEl Cachuchu\u201c<\/strong>. Un cordal submar\u00edn tan llarga como los Picos d&#8217;Europa (50 km d&#8217;anchu y unos 20 km de norte a sur) que la so cume m\u00e1s altu at\u00f3pase xustu frente a Ribesella y supera los 4.000 metros.<\/p>\n<p><strong>Una ayalga que presume tami\u00e9n por ser la primer \u00e1rea marina protex\u00eda n&#8217;Espa\u00f1a y declarada Zona Especial de Caltenimientu la redolada marina.<\/strong> Con una riqueza biol\u00f3xica \u00fanica. Por casu, ye una zona rica n&#8217;esponxes, gorgonias y petones de corales d&#8217;ag\u00fces fr\u00edes, un ser vivu con \u00a1m\u00e1s de 5.500 a\u00f1os de vida!. Los pescadores conocen bien el Cachuchu pos ye una \u00e1rea onde ta prohib\u00edu afaenar, pero los que vivimos ayenos al mar afayamos esta marav\u00eda gracies a el llabor did\u00e1cticu del Bioparc Acuariu de Xix\u00f3n.<\/p>\n<p style=\"text-align: center\"><a href=\"https:\/\/www.laviajeraempedernida.com\/wp-content\/uploads\/2023\/05\/mision-bioparc-acuario-gijon-640x340.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/www.laviajeraempedernida.com\/wp-content\/uploads\/2023\/05\/mision-bioparc-acuario-gijon-640x340.jpg\" width=\"640\" height=\"340\" \/><\/a><\/p>\n<p>Nel Bioparc Acuariu de Xix\u00f3n hai una zona dedicada n&#8217;esclusiva a los r\u00edos asturianos y la riqueza de la mari\u00f1a cant\u00e1brica<\/p>\n<p><strong>El Gran Ca\u00f1\u00f3n submar\u00edn d&#8217;Avil\u00e9s<\/strong>. Tami\u00e9n afayo mientres la visita que cerca del Cachuchu, n&#8217;Avil\u00e9s, hai un sistema de ca\u00f1ones que los conocedores del mar definen como \u201cel gran ca\u00f1\u00f3n del oc\u00e9anu\u201d y que presumen por ser los m\u00e1s estensos y fondos de la Tierra. En concretu son tr\u00e9s ca\u00f1ones con una rimada digna del llibru de los records onde s&#8217;escuenden m\u00e1s de 1.500 especies de seres vivos distintos. Y lo que queda por afayar pos investigar per debaxo de los 2.000 metros de fondura ye xera posible pero bien complexa y costosa.<\/p>\n<p>\u201cL&#8217;estudiu del fondu del mar lleva un gran retrasu en comparanza colos estudios de la tierra, nam\u00e1 se conoz el 1% del mundu submar\u00edn\u201d c\u00fantenme Mariana y Uz, los mios anfitrionas na mio visita al acuariu. Mientres m&#8217;aprofien que la misi\u00f3n de centros como&#8217;l Bioparc Acuariu de Xix\u00f3n ye amosar la biodiversid\u00e1 marina, concenciar de lo importante que ye la so protecci\u00f3n. Ya investigar pa conocer un m\u00e1s.<\/p>\n<p style=\"text-align: center\"><a href=\"https:\/\/www.laviajeraempedernida.com\/wp-content\/uploads\/2023\/05\/ultima-frontera-acuario-gijon-640x361.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/www.laviajeraempedernida.com\/wp-content\/uploads\/2023\/05\/ultima-frontera-acuario-gijon-640x361.jpg\" width=\"640\" height=\"361\" \/><\/a><\/p>\n<p><strong>El misteriosu y desconoc\u00edu fondu del mar.<\/strong> El desconocimientu del fondu del mar faise m\u00e1s evidente cuando entres nel espect\u00e1culu audiovisual \u201cLa \u00faltima frontera: espedici\u00f3n al abilsu mar\u00edn\u00bb. Un pel\u00edcula en tr\u00e9s dimensiones que te lleva de viaxe peles ag\u00fces m\u00e1s fondes del planeta y d\u00e9xate ver de cerca \u00a1casi tocar! les estra\u00f1es criatures que los habiten.<\/p>\n<p>Un mundu bien desconoc\u00edu pos tenemos de tener en cuenta qu&#8217;a partir de los 200 metros de fondura apaez el llam\u00e1u \u201cmar fondu\u201d. Un llugar fr\u00edu, ensin lluz y onde la presi\u00f3n ye insoportable pal ser humanu. Hasta agora, el r\u00e9cord d&#8217;inmersi\u00f3n, nun submar\u00edn, ta nos 11.000 metros, lo que significa que queda muuuucho fondu por afayar. Amorio solo de pensar la cantid\u00e1 de misterios que la ciencia tien que resolver.<\/p>\n<p>Especies marines en peligru d&#8217;estinci\u00f3n Continuu la mio visita pol Bioparc Acuariu de Xix\u00f3n contemplando estelada los m\u00e1s de 5.000 animales de 460 especies y 12 ecosistemes qu&#8217;asomen ante los mios g\u00fceyos part\u00edos en m\u00e1s de 60 acuarios, dalgunos d&#8217;agua duce y otros de salada. Sigo afayando intereses.<\/p>\n<p>Ignoraba tami\u00e9n que, al igual qu&#8217;asocede na tierra, nel mar hai munches especies en peligru d&#8217;estinci\u00f3n. Animales acu\u00e1ticos que, en dellos casos, sobreviven gracies a la xera de caltenimientu de los acuarios. Mientres la visita en Xix\u00f3n afayo la esistencia de munchos seres interesantes y sorprendentes.<\/p>\n<p style=\"text-align: center\"><a href=\"https:\/\/www.laviajeraempedernida.com\/wp-content\/uploads\/2023\/05\/ajolote-acuario-gijon-640x380.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/www.laviajeraempedernida.com\/wp-content\/uploads\/2023\/05\/ajolote-acuario-gijon-640x380.jpg\" width=\"640\" height=\"380\" \/><\/a><\/p>\n<p>Los curiosos ajolotes. Por casu l&#8217;ajolote. Anfibiu, una sacavera acu\u00e1tica incluy\u00edu na Llista Colorada d&#8217;Especies Amenaciaes. La so desapaici\u00f3n d\u00e9bese a la perda del so h\u00e1bitat pola introducci\u00f3n d&#8217;especies invasores a la sobresplotaci\u00f3n, pola contaminaci\u00f3n. Como an\u00e9cdota, antes en M\u00e9xico com\u00edense y taben consideraos un manxar.<\/p>\n<p>Pero lo m\u00e1s interesao del ajolote ye la so capacid\u00e1 rexenerativa. C\u00fantenme los mios gu\u00edes qu&#8217;estos anfibios son capaces de refaer les sos estremidaes \u00a1por completu.! Esto ye, que si un depredador c\u00f3me-yos parte de la cola, ta \u00a1crez de nuevu! Pero lo allucinante ye que faen esto tami\u00e9n los sos \u00f3rganos. Pueden refaer los g\u00fceyos, los pulmones, el migollu y \u00a1hasta&#8217;l coraz\u00f3n!.<\/p>\n<p>\u00bfC\u00f3mo lo faen? Afayalo pue ser clave pa crear tratamientos m\u00e9dicos. D&#8217;ende parte&#8217;l so gran valor y la necesid\u00e1 del so caltenimientu en llugares onde am\u00e1s de protexelos estudienlos. Si quies ver de cerca a estos simp\u00e1ticos seres non dexes d&#8217;averate al Bioparc Acuariu de Xix\u00f3n onde hai ajolotes tami\u00e9n albinos, bien interesaos.<\/p>\n<p><strong>La iguana de cola espinosa.<\/strong>\u00a0 Otru animal que me sospriende ye la iguana de la cola espinosa d&#8217;Utila. Llagartu que mora nos manglares de la isla d&#8217;Honduras del mesmu nome y tami\u00e9n ta en cr\u00edticu peligru d&#8217;estinci\u00f3n. Apenes queden unos pocos miles d&#8217;exemplares y viven part\u00edos en centros como&#8217;l Bioparc, onde se-yos protexe y est\u00fadiase la so reproducci\u00f3n pa evitar que suman pa siempres.<\/p>\n<p>Ensin dulda esta xera del Bioparc Acuariu de Xix\u00f3n de fomentar el caltenimientu y el bienestar de los animales y promover acciones de divulgaci\u00f3n y educaci\u00f3n pal cuidu del mediu ambiente ye digna d&#8217;aplausu.<\/p>\n<p><strong>Les especies interesaes del fondu del mar.<\/strong> Pero hai m\u00e1s. Non tou son animales amenaciaos. Hai otros munchos que la so supervivencia nun apeligra y que da gustu contemplar. Por casu les aguamales, veles baillar ye allucinante, al igual que saber que ye unu de los animales m\u00e1s \u201cvieyos\u201d con m\u00e1s de 700 millones d&#8217;a\u00f1os d&#8217;hestoria. O los caballinos de mar. O los tiburones.<\/p>\n<p>Tampoco sab\u00eda que&#8217;l pexe payasu, nel que s&#8217;inspiraron nel personaxe de Nemo, vive protex\u00edu polos tent\u00e1culos urticantes de les an\u00e9mones. O que&#8217;l salm\u00f3n ye&#8217;l pexe m\u00e1s viaxeru, que pueden percorrer hasta 6.000 kil\u00f3metros na so traves\u00eda del r\u00edu al mar. \u00a1Y que tres a\u00f1os d&#8217;aventura pelos oc\u00e9anos allo\u00f1aos torna al so r\u00edu d&#8217;orixe pa reproducise!<\/p>\n<p>La Fundaci\u00f3n Bioparc participa en m\u00e1s de 20 proyectos de caltenimientu part\u00edos por tol mundu y foi premiada pola so contribuci\u00f3n al caltenimientu del salm\u00f3n atl\u00e1nticu.<\/p>\n<p><strong>L&#8217;os\u00edxenu y el mar.<\/strong> Nun ten\u00eda conocencia de que los petones de coral son los mayores sumidorios de CO2. O qu&#8217;ente&#8217;l 50% y el 80% del os\u00edxenu que lliberense na atm\u00f3sfera vien de los organismos marinos, lo que significa que&#8217;l mar purifica m\u00e1s que tolos montes del mundu xun\u00edos.<\/p>\n<p>El poder terap\u00e9utico de los acuarios Otru detalle a tener en cuenta ye que los acuarios tienen un poder hipn\u00f3tico. \u00bfSab\u00edes qu&#8217;ayuden a amenorgar l&#8217;estr\u00e9s? \u00bfY la contemplaci\u00f3n de peces ye terap\u00e9uticu y beneficiosu hasta&#8217;l puntu de que producen efectos positivos en persones agresives o n&#8217;enfermos d&#8217;Alzheimer?<\/p>\n<p>Nel Bioparc s\u00e1benlo. Y frente a les peceres m\u00e1s grandes hai asientos onde puedes quedate&#8217;l tiempu que quieras contemplando&#8217;l desfile de pexes de toles formes, tama\u00f1os y colores y pap\u00e1ndote cola paz que tresmiten.<\/p>\n<p>Sigui-yos ye hipn\u00f3ticu. Ve-yos nadar ensin topetar ente ellos, en toles direcciones. Enriba y embaxo. Los grandes colos peque\u00f1os\u2026 \u00bfQui\u00e9n los dirixe? \u00bfQui\u00e9n entama esta llocura? Dacuando paez que baillen. Ye Maraviyosu.<\/p>\n<p>Entiendo qu&#8217;haya xente con abonu que se pase equ\u00ed hores y hores. Yo non vivu cerca y nun puedo dir con frecuencia. Pero si que me gusta averame hasta equ\u00ed cuando viaxo a Asturies. Creo que ye una visita bien gratificante y recomendable. Especialmente si faes una escapada a Xix\u00f3n en familia.<\/p>\n<p><strong>Los ping\u00fcinos del Bioparc Acuariu de Xix\u00f3n.<\/strong> Pero lo que de verd\u00e1 conquista ye saber que tolos animales que ves t\u00e1n llimpios, protex\u00edos, sanos, bien alimentaos. Si pudi\u00e9ramos falar con ellos seguro dir\u00edennos que tean felices nesti hotel de cinco estrelles. El bienestar de los animales ye una obligaci\u00f3n pal Bioparc Acuariu de Xix\u00f3n y cumplinse a raxatabla. Sirva como exemplu&#8217;l casu de los ping\u00fcinos. Y\u00e1 nun t\u00e1n. Munchos visitantes \u00e9chenlos de menos.<\/p>\n<p>Ye ciertu que nos sos empiezos hab\u00eda nesti acuariu una pecera dedicada a estes aves tan peculiares. Pero cuando la Fundaci\u00f3n Bioparc aport\u00f3 a la xesti\u00f3n del acuariu de Xix\u00f3n en 2018, lo primero que fixeron foi xustu comprobar el bienestar de tolos habitantes. Al reparar que los ping\u00fcinos nun taben en condiciones *\u00f3ptimas decidieron busca-yos un agospiamientu m\u00e1s afechu a les sos necesidaes.<\/p>\n<p>Tami\u00e9n s&#8217;esmolecen enforma pol problema de la contaminaci\u00f3n y tienen una pecera llena de pl\u00e1sticos y basura, a la fin de la visita, onde sollerten de los peligros qu&#8217;acesmen si nun curiamos los oc\u00e9anos.<\/p>\n<p><strong>Otros Bioparc n&#8217;Espa\u00f1a: Valencia y Fuengirola. <\/strong>Sensibilizar. Y que tres la visita tengas la sensaci\u00f3n d&#8217;aprender daqu\u00e9 ye otra de les premises de la fundaci\u00f3n la cual tami\u00e9n xestiona los parques d&#8217;animales Bioparc Valencia y de Bioparc de Fuengirola. Toos ellos nacieron con un oxetivu bien claro: caltener, concenciar, educar\u2026 ya investigar.<\/p>\n<p>Por eso nel acuariu trabayen coordinaos cola Universid\u00e1. Nel casu del Bioparc Acuariu de Xix\u00f3n tami\u00e9n collaboren col Princip\u00e1u d&#8217;Asturies. Y am\u00e1s faen costantemente estudios y una pervalible xera de preservaci\u00f3n.<\/p>\n<p><strong>El proyectu Crama p&#8217;ayudar a les tort\u00faes.<\/strong> Por casu acoyendo a foques y a tort\u00faes, especies que suelen apaecer con cierta frecuencia nes sableres de la mari\u00f1a asturiana. Gracies al Bioparc Acuariu de Xix\u00f3n estes especies despistaes\u201d tienen agora un llugar onde recuperase de los sos problemes so los cuidos de los meyores espertos.<\/p>\n<p>Esi ye l&#8217;oxetivu del acabante <a href=\"https:\/\/www.acuariogijon.es\/inauguracion-del-crama\/\">inaugurar Crama Bioparc, el centru de recuperaci\u00f3n d&#8217;animales marinos d&#8217;Asturies.<\/a><\/p>\n<p style=\"text-align: center\"><a href=\"https:\/\/www.laviajeraempedernida.com\/wp-content\/uploads\/2023\/05\/crama-bioparc-acuario-gijon.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/www.laviajeraempedernida.com\/wp-content\/uploads\/2023\/05\/crama-bioparc-acuario-gijon.jpg\" width=\"800\" height=\"399\" \/><\/a><\/p>\n<p style=\"text-align: center\"><span style=\"color: #008080\"><strong>CRAMA BIOPARC<br \/>\n(Centro de Recuperaci\u00f3n de Animales Marinos d&#8217;Asturies)<\/strong>, <\/span><br \/>\n<span style=\"color: #008080\">el Centru d&#8217;Apoyu a la Red de Varamientos del Princip\u00e1u d&#8217;Asturies<\/span><\/p>\n<p style=\"text-align: center\"><a href=\"https:\/\/www.rtpa.es\/fotos\/\/23\/03\/20230327144338_RTPA3301235.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/www.rtpa.es\/fotos\/\/23\/03\/20230327144338_RTPA3301235.jpg\" width=\"853\" height=\"480\" \/><\/a><\/p>\n<blockquote>\n<div class=\"cover-intro-detalle-noticia cover-padding-resp padding-b-0\">\n<h3 class=\"font-size-xxl margin-b-5 font-weight-b color-b-050 letter-spacing--1\"><em style=\"font-size: 14px\"><span style=\"color: #008080\">L&#8217;equipamientu supunxo una inversi\u00f3n de 320.000 euros. El <\/span><\/em><em style=\"font-size: 14px\"><span style=\"color: #008080\">Bioparc Acuariu de Xix\u00f3n alluga dende g\u00fcei&#8217;l Centru de Recuperaci\u00f3n d&#8217;Animales Marinos d&#8217;Asturies como instalaci\u00f3n de sofitos a la rede de varamientos del Princip\u00e1u y cuenta y\u00e1 con una inquilina, una tortuga boba recoyida a finales de xineru en Ba\u00f1ugues en mui mal est\u00e1u y que se ta recuperando enantes de volver a la mar.<\/span><\/em><\/h3>\n<\/div>\n<div id=\"noticiacompleta\" class=\"contenido-padding-resp parragraph-padding font-c-conent\">\n<h3><span style=\"font-size: 14px\"><em><span style=\"color: #008080\">El nome Crama Bioparc foi propuestu pola clase de 2\u00ba de Primaria del colexu Sagrada Familia (L&#8217;Entregu), qu&#8217;am\u00e1s tuvo presente na inauguraci\u00f3n, y foi escoy\u00edu d&#8217;ente los m\u00e1s del centenar propuestos dende los centros escolares de la rex\u00f3n y les families.<\/span><\/em><\/span><\/h3>\n<h3><span style=\"font-size: 14px\"><em><span style=\"color: #008080\">El centru ta destin\u00e1u a acoyer animales xabaces como tortugues o foques que puean apaecer varaos nes nueses costes y seyan rescataos pol personal de la Rede de Varamientos y el proyectu ta cofinanci\u00e1u pola Fundaci\u00f3n Biodiversid\u00e1 y la Fundaci\u00f3n Bioparc.<\/span><\/em><\/span><\/h3>\n<\/div>\n<\/blockquote>\n<p>&nbsp;<\/p>\n<p><strong>Tuber\u00edes y sistemes complexos.<\/strong> Este ye unu de los secretos del acuariu. Pero hai m\u00e1s. Mientres la visita tami\u00e9n aprecio&#8217;l ingente trabayu que realicen y que nun se ve por que tou lo que tenemos ante n\u00f3s funcione. Procesos complexos de pener\u00e1u pa purificar l&#8217;agua. Tuber\u00edes superlatives que soporten el pasu de millones de llitros d&#8217;agua.<\/p>\n<p>Y bien importante, un equipu humanu que se conoz casi con nome a ca\u00fanu de los miles d&#8217;animales qu&#8217;ell\u00ed habiten. Que saben los sos gustos, les sos costumes, les sos peculiaridaes. Ye otru de los cambeos efectuaos pola fundaci\u00f3n Bioparc. L&#8217;aumentu del personal p&#8217;ameyorar l&#8217;atenci\u00f3n y poder dedicar m\u00e1s tiempu a la divulgaci\u00f3n.<\/p>\n<p>Dempu\u00e9s de visitar el Bioparc del Acuariu de Xix\u00f3n seguro vas cavilgar. Y creo que nun vas tirar nunca m\u00e1s un papel a la sablera. Nin un pl\u00e1sticu al mar. Si salisti concenci\u00e1u cola importancia del cuidu de los oc\u00e9anos felicidaes Bioparc. \u00a1Xera consiguida!<\/p>\n<p style=\"text-align: center\"><a href=\"https:\/\/www.laviajeraempedernida.com\/wp-content\/uploads\/2023\/05\/bioparc-acuario-gijon-640x767.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/www.laviajeraempedernida.com\/wp-content\/uploads\/2023\/05\/bioparc-acuario-gijon-640x767.jpg\" width=\"640\" height=\"767\" \/><\/a><\/p>\n<p><strong>Comer y cenar nel Bioparc Acuariu de Xix\u00f3n.<\/strong> Na segunda planta del Bioparc Acuariu de Xix\u00f3n puedes siguir la visita con una esperiencia gastron\u00f3mica. Comer o cenar con vistes a la sablera de Poniente, ye la propuesta del restor\u00e1n Kraken con una carta de primera con productos locales como protagonistes. Y recetes que combinen la tradici\u00f3n con nuevos sabores. Bien recomendable.<\/p>\n<p>Si prefieres un picotio m\u00e1s informal na cafeter\u00eda de la planta baxa puedes tomar daqu\u00e9 a cualquier hora del d\u00eda. Almorzar, comer, cenar, merendar \u00bfentamar el to cumplea\u00f1os? Y en la tienda puedes llevate una mascota de peluche o llibros risonderos pa siguir afayando secretos del mar dende la to casa.<\/p>\n<p><strong>Precios y horarios del Bioparc Acuariu de Xix\u00f3n.<\/strong> Si la propuesta conv\u00e9ncete te animes a visitar el Bioparc Acuariu de Xix\u00f3n sollerte a la informaci\u00f3n pr\u00e1ctica que precises.<\/p>\n<p>All\u00fagase frente a la sablera de Poniente de Xix\u00f3n, a 15 minutos caminando dende la Plaza Mayor y bien cerquita de la estaci\u00f3n del tren.<\/p>\n<p>Abren tolos d\u00edes a les 10:30 y cierren a les 19 hores en mayu, a les 20 hores en xunu y en xunetu, agostu y primer quincena de setiembre a les 21 hores. Consulta los horarios del Bioparc Acuariu de Xix\u00f3n n&#8217;otres feches del a\u00f1u na so web.<\/p>\n<p>La entrada xeneral cuesta 18 euros, y l&#8217;amenorgada (ne\u00f1os de 3 a 14 a\u00f1os) 8,90 euros. Los residentes en Xix\u00f3n tienen una tarifa especial de 8 y 6 euros respectivamente. Hai tami\u00e9n precios amenorgaos pa estudiantes, senior, families numberoses que puedes consultar nesti enllaz.<\/p>\n<p>&nbsp;<\/p>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" width=\"100%\" height=\"500\" src=\"https:\/\/www.youtube.com\/embed\/k1hiBbXKX8A\" 0=\"\/iframe\" scrolling=\"yes\" class=\"iframe-class\" frameborder=\"0\"><\/iframe>\n<\/p>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" width=\"100%\" height=\"395\" src=\"https:\/\/www.youtube.com\/embed\/4xHDmEYS8Kk\" title=\"Bioparc Acuario de Gij\u00f3n\" frameborder=\"0\" allow=\"accelerometer; autoplay; clipboard-write; encrypted-media; gyroscope; picture-in-picture; web-share\" 0=\"allowfullscreen\" 1=\"\/iframe\" scrolling=\"yes\" class=\"iframe-class\"><\/iframe>\n<\/p>\n","protected":false},"excerpt":{"rendered":"<p>Fonte: La viajera empedernida \/ Enc\u00e1ntame esta descripci\u00f3n del Bioparc Acuariu de Xix\u00f3n. \u201cTas nun hotel de cinco estrelles para los seres acu\u00e1ticos\u201d. Mientres la visita confirmo qu&#8217;asina ye. Mientres percuerro los distintos ecosistemes marinos y detengo \u00e9nte les enormes peceres non y\u00e1 afayo peces, animales y plantes interesaos y bien interesantes. Tami\u00e9n atalanto que [&hellip;]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[4],"tags":[],"class_list":["post-20639","post","type-post","status-publish","format-standard","hentry","category-natura"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/20639","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=20639"}],"version-history":[{"count":9,"href":"https:\/\/edublog.educastur.es\/ixuxu\/wp-json\/wp\/v2\/posts\/20639\/revisions"}],"predecessor-version":[{"id":20649,"href":"https:\/\/edublog.educastur.es\/ixuxu\/wp-json\/wp\/v2\/posts\/20639\/revisions\/20649"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=20639"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=20639"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=20639"}],"curies":[{"name":"wp","href":"https:\/\/api.w.org\/{rel}","templated":true}]}}