{"id":26278,"date":"2024-05-03T17:00:13","date_gmt":"2024-05-03T15:00:13","guid":{"rendered":"https:\/\/edublog.educastur.es\/ixuxu\/?p=26278"},"modified":"2024-05-10T10:22:25","modified_gmt":"2024-05-10T08:22:25","slug":"actu-dia-de-les-lletres-nel-campoamor","status":"publish","type":"post","link":"https:\/\/edublog.educastur.es\/ixuxu\/2024\/05\/actu-dia-de-les-lletres-nel-campoamor\/","title":{"rendered":"Actu D\u00eda de les Lletres nel Campoamor"},"content":{"rendered":"<ul>\n<li><a href=\"https:\/\/www.lne.es\/fotos\/asturias\/2024\/05\/04\/imagenes-acto-central-dia-les-101914183.html#foto=26\">Galer\u00eda LNE<\/a> \/ <a href=\"http:\/\/www.asturies.com\/noticies\/asturiescom-ufrel-discursu-institucional-completu-nel-campoamor-de-gonzalez-riano\">Discursu Ria\u00f1o<\/a><\/li>\n<\/ul>\n<p style=\"text-align: center\"><a href=\"https:\/\/estaticos-cdn.prensaiberica.es\/clip\/6118c495-08b3-47e6-bd64-9516fd3ef655_source-aspect-ratio_default_0.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/estaticos-cdn.prensaiberica.es\/clip\/6118c495-08b3-47e6-bd64-9516fd3ef655_source-aspect-ratio_default_0.jpg\" width=\"2000\" height=\"1116\" \/><\/a><\/p>\n<p><!--more--><\/p>\n<p style=\"text-align: center\"><a href=\"https:\/\/estaticos-cdn.prensaiberica.es\/clip\/e1ce6431-723b-457f-96f9-e0ac996ee667_source-aspect-ratio_default_0.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/estaticos-cdn.prensaiberica.es\/clip\/e1ce6431-723b-457f-96f9-e0ac996ee667_source-aspect-ratio_default_0.jpg\" width=\"2000\" height=\"1334\" \/><\/a><\/p>\n<p style=\"text-align: center\"><a href=\"https:\/\/estaticos-cdn.prensaiberica.es\/clip\/b7b12b50-6981-442e-8f4f-f44e6f4c2fe1_source-aspect-ratio_default_0.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/estaticos-cdn.prensaiberica.es\/clip\/b7b12b50-6981-442e-8f4f-f44e6f4c2fe1_source-aspect-ratio_default_0.jpg\" width=\"2000\" height=\"1333\" \/><\/a><\/p>\n<p style=\"text-align: center\"><a href=\"https:\/\/estaticos-cdn.prensaiberica.es\/clip\/0ff32b78-edee-41b5-a4a1-273428a45146_source-aspect-ratio_default_0.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/estaticos-cdn.prensaiberica.es\/clip\/0ff32b78-edee-41b5-a4a1-273428a45146_source-aspect-ratio_default_0.jpg\" width=\"2000\" height=\"1469\" \/><\/a><\/p>\n<p><a href=\"https:\/\/estaticos-cdn.prensaiberica.es\/clip\/58da6e71-59b1-4efe-87db-252e1d035011_source-aspect-ratio_default_0.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/estaticos-cdn.prensaiberica.es\/clip\/58da6e71-59b1-4efe-87db-252e1d035011_source-aspect-ratio_default_0.jpg\" width=\"1245\" height=\"1883\" \/><\/a><\/p>\n<p style=\"text-align: center\"><a href=\"https:\/\/estaticos-cdn.prensaiberica.es\/clip\/48b5da5e-b237-420c-b265-70f1f64cb211_source-aspect-ratio_default_0.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/estaticos-cdn.prensaiberica.es\/clip\/48b5da5e-b237-420c-b265-70f1f64cb211_source-aspect-ratio_default_0.jpg\" width=\"2000\" height=\"1276\" \/><\/a><\/p>\n<div id=\"contenedor_noticies\">\n<div id=\"main-content\" class=\"clearfix\">\n<div id=\"main-content-inner\" class=\"main-equal\">\n<div class=\"region region-content\">\n<div id=\"block-system-main\" class=\"block block-system\">\n<div class=\"block-inner\">\n<div class=\"content\">\n<div id=\"node-56931\" class=\"node node-noticies node-promoted clearfix\">\n<div class=\"node-inner\">\n<div class=\"full-node\">\n<div class=\"content clearfix\">\n<div class=\"field field-name-body field-type-text-with-summary field-label-hidden\">\n<div class=\"field-items\">\n<div class=\"field-item even\">\n<p>Con motivu de la xunta estraordinaria de l&#8217;<a href=\"http:\/\/academiadelallingua.com\">Academia de la Llingua Asturiana<\/a> celebrada nel XLV D\u00eda de les Lletres Asturianes.<\/p>\n<p><strong>3 de mayu de 2024<\/strong><\/p>\n<p><strong>XLV D\u00eda de les Lletres Asturianes<\/strong><\/p>\n<p><strong>Xos\u00e9 Ant\u00f3n Gonz\u00e1lez Ria\u00f1o<\/strong><\/p>\n<p>Sr. Presidente del Gobiernu del Princip\u00e1u d\u2019Asturies; Sr. Presidente de la Xunta Xeneral; Sr. Rector de la Universid\u00e1 d\u2019Uvi\u00e9u; Sra. Presidenta de l\u2019Academia Valenciana de la Llengua; representantes pol\u00edticos, sindicales y sociales; amigos y amigues de l\u2019Academia; amigues y amigos d\u2019Asturies.<\/p>\n<p>Quixere, en primer llugar, agradecer la vuesa presencia ente n\u00f3s nesti actu a\u00f1al nel que l\u2019Academia fai xunta estraordinaria y abierta d\u2019acoyida de les nueves persones que van inxerise na instituci\u00f3n.<\/p>\n<p><u>L\u2019alcordanza de Conceyu Bable<\/u><\/p>\n<p>G\u00fcei ye\u2019l D\u00eda de les Lletres Asturianes, pero nun ye un D\u00eda de les Lletres m\u00e1s. Porque esti a\u00f1u, xustamente, festexamos los 50 de l\u2019apaici\u00f3n de \u201cConceyu Bable\u201d (CB). Ten\u00e9moslo dicho munches vegaes y d\u00edxose nel actu que fexemos el 14 de marzu pas\u00e1u y qu\u2019apellamos \u201cXorrec\u00edes t\u00e1n les manes\u201d: Asturies nun sedr\u00eda lo mesmo (social, cultural y pol\u00edticamente) ensin les aportaciones de CB. Porque <strong>Conceyu represent\u00f3, nel tardofranquismu, la primer demanda de dignificaci\u00f3n lling\u00fc\u00edstica y cultural p\u2019Asturies, pero tami\u00e9n la esixencia de les llibertaes democr\u00e1tiques y el llogru de l\u2019autonom\u00eda pol\u00edtica del Pa\u00eds. Nesti sen, l\u2019Academia consid\u00e9rase, a tolos efeutos, heriede de los enfotos de Conceyu Bable<\/strong>. Munchos y munches de n\u00f3s tenemos l\u2019arguyu d\u2019haber pertenec\u00edo a Conceyu y de poder siguir darr\u00e9u na mesma xera na Academia, pero qu\u00e9danos la tristura de l\u2019alcordanza d\u2019aquellos que y\u00e1 nun t\u00e1n (Teresa, Urbano, Andr\u00e9s, Pin, Fernanda, Quilo\u2026). A toos ellos y elles el nuesu m\u00e1s sent\u00edu homenax y la m\u00e1s fonda de les reconocencies.<\/p>\n<p><u>Dos acad\u00e9micos bien mozos y l\u2019honor d\u2019una acad\u00e9mica de sonad\u00eda.<\/u><\/p>\n<p>Pero g\u00fcei tami\u00e9n tamos \u00e9nte una sesi\u00f3n de fonda allegr\u00eda. L\u2019Academia tien dos nuevos miembros de n\u00famberu: la fil\u00f3loga Claudia Men\u00e9ndez Fern\u00e1ndez y l\u2019escritor Pablo Rodr\u00edguez Medina. Acabamos de sentilos. Ye verd\u00e1 que son mozos, bien mozos, pero con una trayeutoria y un puxu que nun almiten duldes. <strong>A Claudia pid\u00edmos-y que siga nel mesmu sen, faciendo les sos aportaciones filol\u00f3xiques col m\u00e1ximu rigor y proponiendo nueves llinies d\u2019estudiu pa la instituci\u00f3n. A Pablo demand\u00e1mos-y que siga escribiendo la meyor lliteratura, pero tami\u00e9n, como profesor y especialista, que contribuya al afondamientu de los estudios lliterarios que lleva alantre la instituci\u00f3n<\/strong>. A dambos d\u00e1mos-yos les gracies pol so compromisu y promet\u00e9mos-yos que con n\u00f3s, dende llueu, nun van aburrise.<\/p>\n<p>Quiero dedica-y unes pallabres especiales a \u00c9va Buchi, nueva Acad\u00e9mica d\u2019Honor. <strong>\u00c9va ye un perb\u00f3n exemplu (cient\u00edficu y, al empar, \u00e9ticu) d\u2019investigadora que pa meyor entender los fen\u00f3menos l\u00e9xicos de la roman\u00edstica tien en cuenta les aportaciones d\u2019una llingua que, siendo minoritaria como l\u2019asturianu, ufre posibilidaes de primer nivel a la hora d\u2019interpretar filol\u00f3xicamente la realid\u00e1 europea<\/strong>. \u00c9va Buchi, arriendes d\u2019ello, tien una llarga y granible trayeutoria de collaboraci\u00f3n cola Academia. A ella encament\u00e1mos-y que siga siendo la meyor<br \/>\nembaxadora, nel contestu internacional, del llabor cient\u00edficu y normativizador que se ta llevando alantre n\u2019Asturies en rellaci\u00f3n cola nuesa llingua hist\u00f3rica.<\/p>\n<p><u>La xera de l\u2019Academia a lo llargo l\u2019a\u00f1u.<\/u><\/p>\n<p>A lo llargo del periodu que va d\u2019\u00fan a otru D\u00eda de les Lletres, l\u2019Academia sigui\u00f3 llevando alantre la so xera y algamando y\u00e1 dafechu la normalid\u00e1 funcional. De xuru que nun habr\u00eda tiempu pa facer un rep\u00e1s fondu del trabayu desendolc\u00e1u, pero s\u00ed podemos falar de dalgunes cuestiones fundamentales del facer de nueso. D\u2019esti mou y entamando pel llabor tutelar, la instituci\u00f3n que presido caltuvo contautos, siempres granibles, col Gobiernu del Princip\u00e1u d\u2019Asturies y coles fuerces pol\u00edtiques democr\u00e1tiques que s\u2019asitien na Xunta Xeneral (Part\u00edu Popular; Convocatoria por Asturies, Podemos y Foro-Asturies). <strong>Ye especialmente trescendente, nesti sen y pola so importancia simb\u00f3lica, la visita que fexo a l\u2019Academia\u2019l Ministru de Cultura del Gobiernu d\u2019Espa\u00f1a\u2019l 21 de febreru pas\u00e1u porque, al facer reconocencia de la instituci\u00f3n lling\u00fc\u00edstica, el gobiernu del est\u00e1u taba faciendo, al empar, reconocencia de la nuesa realid\u00e1 lling\u00fc\u00edstica y cultural.<\/strong><\/p>\n<p>Dende\u2019l puntu de vista de les nueses funciones normatives y cient\u00edfiques, la instituci\u00f3n sigui\u00f3 trabayando na anovaci\u00f3n en rede del DALLA (Diccionariu de l\u2019Academia) y asoley\u00f3 un estudiu fundamental pa entender la realid\u00e1 social del asturianu: \u2018Conocimientu del asturianu nos \u00e1mbitos urbanos: Uvi\u00e9u, Xix\u00f3n y Avil\u00e9s\u2019. El result\u00e1u d\u2019esti estudiu ye bien relevante porque tresllada una vixencia social del asturianu urbanu especialmente favoratible pa facer una pol\u00edtica lling\u00fc\u00edstica activa y ambiciosa. Tami\u00e9n, a pidimientu de la Radio Televisi\u00f3n P\u00fablica del Princip\u00e1u, ellabor\u00f3se, cuntando colos especialistes de nueso, un documentu que consideramos referencial pa la normalizaci\u00f3n de les lling\u00fces d\u2019Asturies nel \u00e1mbitu period\u00edsticu: \u201cContribuciones dende l\u2019asturianu al Manual d\u2019Estilu de la RTPA\u201d. Otramiente, siguieron los trabayos de calter organizativu y lox\u00edsticu per parte del comit\u00e9 entamador del Congresu Mundial de Cultura Asturiana, que se fair\u00e1, a comu\u00f1a ente l\u2019Academia, el Gobiernu d\u2019Asturies y la Universid\u00e1 d\u2019Uvi\u00e9u, en febreru de 2025. Pa n\u00f3s, esti aconceyamientu va ser y, de fechu, yelo, un acontecimientu acad\u00e9micu ensin precedentes n\u2019Asturies.<\/p>\n<p>En conto al Navia-Eo, a Secretar\u00eda Lling\u00fc\u00edstica sigu\u00edu col sou trabayo de preparaci\u00f3n del DEN (el Diccionario Normativo del Eonaviego). Podemos dicillo y s\u00e1belo ben a s\u00faa comisi\u00f3n t\u00e9cnica: fer este diccionario \u00e9, agora mesmo, a empresa cient\u00edfica m\u00e1is importante y de m\u00e1is altura das que lleva alantre a instituci\u00f3n. Por outro llao, a Secretar\u00eda ta po\u00f1endo \u00e1 disposici\u00f3n del profesorao d\u2019eonaviego materiales curriculares novos y axustaos \u00e1 llei educativa actual; de modo que, neste momento, xa podemos anunciar a posta en distribuci\u00f3n dos<br \/>\ncuatro manuales de Segundas Foyas, pra todos os niveles da Educaci\u00f3n Secundaria Obligatoria. El apoyo \u00e1 lliteratura en fala tam\u00e9n \u00e9 \u00faa realid\u00e1 nel noso llabor. N\u00faa mao, a consolidaci\u00f3n da colecci\u00f3n Bidureira, \u00e1 que temos qu\u2019axuntar a publicaci\u00f3n de novas obras de lliteratura infantil. Nel outra, ta tam\u00e9n a creaci\u00f3n d\u2019\u00faa nova revista lliteraria, \u201cViermo Carpinteiro\u201d, qu\u2019empeza agora mesmo el sou cam\u00edn.<\/p>\n<p>D\u2019outro xeito, siguiron desenvolv\u00e9ndose, tam\u00e9n con normalid\u00e1, d\u00faas das xeiras m\u00e1is emblem\u00e1ticas da instituci\u00f3n, as d\u00faas d\u2019emparzao cua Universid\u00e1 d\u2019Uvi\u00e9u: a Universid\u00e1 Asturiana de Brao (recuperando a presencialid\u00e1 nel conceyo de Casu, nel coraz\u00f3n del Parque Natural de Redes) y as Xornadas Internacionales d\u2019Estudio, que xa alcanzaron as cuarenta y \u00faa edici\u00f3is y que van fendo realid\u00e1, paso a paso, esa orientaci\u00f3n internacional da nosa filolox\u00eda, con aportaci\u00f3is cient\u00edficas d\u2019universidades d\u2019\u00fan y del outro llao del Atl\u00e1ntico.<\/p>\n<p><u>La pol\u00edtica lling\u00fc\u00edstica y el futuru<\/u><\/p>\n<p>L\u2019Academia considera, en fin, que fai\u2019l so llabor con procuru, pero n\u00f3s nun facemos la pol\u00edtica lling\u00fc\u00edstica, anque s\u00ed tengamos l\u2019enfotu de ser un axente facilitador de la mesma . Y Asturies necesita con urxencia una pol\u00edtica lling\u00fc\u00edstica, seg\u00fan la opini\u00f3n de nueso, en dos niveles. Nun nivel macro, esplorando \u2013de contino y d\u00eda a d\u00eda\u2013 toles posibilidaes de consensu pol\u00edticu al rodiu del cumplimientu constitucional del art\u00edculu 3.2, esto ye, la oficialid\u00e1. Nesi sen, <strong>l\u2019esfuerzu per parte del gobiernu d\u2019Asturies tien qu\u2019empobinar, necesariamente, a la busca del alcuerdu col centru-derecha que representa\u2019l Part\u00edu Popular d\u2019Asturies, pero esti part\u00edu tami\u00e9n tien que dar pasos claros na direici\u00f3n de sopelexar qu\u00e9 oficialid\u00e1 necesitamos p\u2019acabar con una escepcionalid\u00e1 constitucional inasumible en t\u00e9rminos pol\u00edticos y democr\u00e1ticos. Ye m\u00e1s, y afondando no anterior, l\u2019Academia considera que nun hai xustificaci\u00f3n dala pa nun intentar el llogru d\u2019alcuerdos nesta mesma llexislatura<\/strong>. Somos conscientes del clima pol\u00edticu a nivel del est\u00e1u, pero ye que tamos falando de la llingua que nos xune como asturianos y asturianes, la llingua que nos xune como asturianos y asturianes\u2026 Arriendes d\u2019ello, tamos enfotaos en que l\u2019aliendu de la crispaci\u00f3n nun apuerte a una comunid\u00e1 moderna, abierta y lliberal como ye l\u2019asturiana.<\/p>\n<p>Pero la pol\u00edtica lling\u00fc\u00edstica tami\u00e9n tien de facese efeutiva a un nivel micro; esto ye, de mou cotidianu y perceutible y plantegada acordies cola marcaci\u00f3n llegal que va dende les disposiciones europees hasta les auton\u00f3miques, pasando peles estatales.<\/p>\n<p>Fac\u00edemos referencia enantes al papel afalador que podr\u00eda xugar l\u2019Academia nesti sen. Esi papel y\u00e1 lu tamos xugando. En toles xuntes, col gobiernu y colos part\u00edos parllamentarios, l\u2019Academia punxo enriba la mesa una propuesta concreta d\u2019actuaci\u00f3n en pol\u00edtica lling\u00fc\u00edstica: el documentu \u201cExes b\u00e1siques y dalgunes consideraciones pal dise\u00f1u d\u2019un Plan de Dignificaci\u00f3n y Usu del Asturianu\u201d. Sabemos qu\u2019estes propuestes de nueso tuvieron bona acoyida per parte de los interllocutores pol\u00edticos. Y tuvieron tal acoyida, ente otres razones, porque non solo s\u2019afayen a lo qu\u2019Asturies tien que facer, necesariamente, pa dar cumplimientu a una llegalid\u00e1 cuantay\u00e1 afitada, sin\u00f3n porque son exemplos de mid\u00edes, realistes y axustaes, d\u2019actuaci\u00f3n n\u2019\u00e1mbitos tan importantes como los medios de comunicaci\u00f3n p\u00fablicos, la puesta en pr\u00e1utica efeutiva de la toponimia recuperada, la meyora de la presencia de les nueses lling\u00fces nel sistema educativu, la visualizaci\u00f3n y el so emplegu na vida institucional o, en fin, l&#8217;usu del asturianu y del eonaviegu como espresi\u00f3n social y cultural del pa\u00eds.<\/p>\n<p>Pues bien, nesti nivel micro\u2019l Conseyu de Gobiernu acaba aprobar, el pas\u00e1u 19 d\u2019abril, les \u201cInstrucciones relatives a los criterios lling\u00fc\u00edsticos pa usar nel \u00e1mbitu de l\u2019alministraci\u00f3n del Princip\u00e1u d\u2019Asturies y el so sector p\u00fablicu\u201d. Ye, ensin dulda, un pasu importante en pol\u00edtica lling\u00fc\u00edstica, pero, llueu de meses d\u2019aici\u00f3n del gobiernu, ye un pasu abondo curtiu en rellaci\u00f3n coles necesidaes d\u2019Asturies nesti tarr\u00e9n.<\/p>\n<p>La realid\u00e1 ye qu\u2019<strong>inda nun sabemos cu\u00e1ndo se va facer p\u00fablicu \u2013y efeutivu\u2013 el Plan de Normalizaci\u00f3n del que se dio anuncia al entamar la llexislatura. Y ye que pasen los meses y entama a espardese\u2019l nerviosismu y, lo que ye m\u00e1s preocupante, dalguna deceici\u00f3n, ente los sectores sociales m\u00e1s compromet\u00edos cola defensa de los nuesos derechos lling\u00fc\u00edsticos y culturales<\/strong>.<\/p>\n<p>Somos sabedores de qu\u2019en pol\u00edtica les coses hai que faceles a mou. Ye verd\u00e1 que\u2019l rigor ye lo que-y da calter y credibilid\u00e1 a un gobienu, pero tami\u00e9n-y la quita la falta d\u2019audacia y n\u00f3s, y la sobrevivencia de la llingua d\u2019Asturies, necesitamos d\u2019esa audacia y de tiempos que nun puen esperdiciase.<\/p>\n<p>Conceyu Bable entam\u00f3 va 50 a\u00f1os; l\u2019autonom\u00eda y l\u2019estatutu tienen fecha de mil novecientos ochenta y \u00fan; la pol\u00edtica lling\u00fc\u00edstica, coincidente col aniciu de la escolarizaci\u00f3n, cumple 40 a\u00f1os. \u00bfPuede pid\u00edsenos que sigamos siendo pacientes? \u00bfHai daqui\u00e9n que lleve aguantando lo que n\u00f3s?<\/p>\n<p class=\"rtecenter\">Amigues y amigos, de Conceyu Bable foi <strong>Andr\u00e9s Solar<\/strong>, un gran poeta y arrechu activista, tr\u00e1xicamente fin\u00e1u en 1984 con malpenes trenta a\u00f1os. De so, cueyo emprestaes les pallabres:<\/p>\n<p class=\"rtecenter\"><strong>Camiento cans\u00e1u<\/strong><br \/>\n<strong>qu\u2019ellos<\/strong><br \/>\n<strong>nin siquiera sabr\u00e1n<\/strong><br \/>\n<strong>que tuviemos equ\u00ed,<\/strong><br \/>\n<strong>asoleyando un Pa\u00eds<\/strong><br \/>\n<strong>que cay\u00f3 una nueche a la mar<\/strong><br \/>\n<strong>y na mar y na nueche lu quixeren dexar.<\/strong><\/p>\n<p class=\"rtecenter\"><strong>Que nin siquiera sabr\u00e1n<\/strong><br \/>\n<strong>que tuviemos equ\u00ed<\/strong><br \/>\n<strong>cola voz y les manes<\/strong><br \/>\n<strong>falando de ti.<\/strong><\/p>\n<p class=\"rtecenter\"><strong>Pero ye igual,<\/strong><br \/>\n<strong>hai que siguir,<\/strong><br \/>\n<strong>hai que siguir<\/strong><br \/>\n<strong>faciendo del argayu un fueu<\/strong><br \/>\n<strong>y del vientu un hermanu<\/strong><br \/>\n<strong>qu\u2019esparda\u2019l calor.<\/strong><\/p>\n<p class=\"rtecenter\"><strong>Hai que siguir, asina y equ\u00ed:<\/strong><br \/>\n<strong>hai que siguir\u2026 hai que siguir.<\/strong><\/p>\n<p>Munches gracies a toes y a toos. N\u00f3s, de xuru, vamos siguir\u2026<br \/>\nFeliz D\u00eda de les Lletres Asturianes, Feliz d\u00eda das Lletras Asturianas<\/p>\n<p class=\"rteright\">Teatru Campoamor<br \/>\nUvi\u00e9u, 3 de mayu de 2024<\/p>\n<\/div>\n<\/div>\n<\/div>\n<\/div>\n<div class=\"taxonomy\"><\/div>\n<\/div>\n<\/div>\n<\/div>\n<\/div>\n<\/div>\n<\/div>\n<\/div>\n<\/div>\n<\/div>\n<\/div>\n<div class=\"sidebar-second clearfix main-equal\">\n<div class=\"sidebar-first-inner\">\n<div class=\"region region-sidebar-second\">\n<div id=\"block-views-vinietes_efren-block_1\" class=\"block block-views\">\n<div class=\"block-inner\"><\/div>\n<\/div>\n<div id=\"block-block-7\" class=\"block block-block\">\n<div class=\"block-inner\">\n<div class=\"content\">\n<div class=\"clearfloat\"><\/div>\n<\/div>\n<\/div>\n<\/div>\n<\/div>\n<\/div>\n<\/div>\n","protected":false},"excerpt":{"rendered":"<p>Galer\u00eda LNE \/ Discursu Ria\u00f1o<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-26278","post","type-post","status-publish","format-standard","hentry","category-sin-categoria"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/26278","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=26278"}],"version-history":[{"count":8,"href":"https:\/\/edublog.educastur.es\/ixuxu\/wp-json\/wp\/v2\/posts\/26278\/revisions"}],"predecessor-version":[{"id":26338,"href":"https:\/\/edublog.educastur.es\/ixuxu\/wp-json\/wp\/v2\/posts\/26278\/revisions\/26338"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=26278"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=26278"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=26278"}],"curies":[{"name":"wp","href":"https:\/\/api.w.org\/{rel}","templated":true}]}}