![\"\"](\"http:\/\/edublog.educastur.es\/ixuxu\/files\/2020\/08\/fueu.jpg\")
<\/p>\n<\/p>\n
La nueche de San Juan <\/b>o San Xuan\u00a0<\/b> ye muncho m\u00e1s qu’una onom\u00e1stica n’Asturies, ye una nueche \u00fanica, especial y m\u00e1xica que’l so orixe ta envolubr\u00e1u en misteriu, y ye d’ende onde surde ese halo de maxa que s’entemez col golor a fumu de les fogueres que se prenden cada 23 de xunu a lo llargo de tola xeograf\u00eda asturiana. Rescata del fondu de cada unu de los asturianos esa esencia celta que cuerre poles nueses venes.<\/p>\n
Esta nueche m\u00e1xica ye para celebrar la nuesa cultura y la nuesa tradici\u00f3n onde tien de sonar la m\u00fasica asturiana, xiblar les gaites y resonar los tambores alredor de la foguera.<\/p>\n
<\/p>\n
L’orixe d’esta celebraci\u00f3n tien enforma de misteriu, y ye ende onde quiciabes surde ese halo de maxa que s’entemez col golor a fumu de les fogueres que pueblen cada pequenu n\u00facleu habit\u00e1u d’Asturies cuando la lluz de cada 23 de xunu va llegando al so fin para da-y la bienvenida a la nueche.<\/p>\n
Diz quiciabes la tradici\u00f3n m\u00e1s lliteraria qu’esta nueche ye la celebraci\u00f3n d’un amor; el del sol a la tierra; que nesta nueche aguantase a abandonala dando llugar a la nueche m\u00e1s curtia del a\u00f1u (asina se cre\u00eda va sieglos primero que se precisara’l solsticiu de branu al 21 de xunu). N’honor a esti amor \u00e1lcense fogueres qu’empiecen a amburar xusto a la fin d’ese 23 de xunu, cuando’l d\u00eda llanza’l so \u00faltimu aliendu y naz con tola so fuerza’l nuevu.<\/p>\n
Munches otres tradiciones fu\u00e9ronse xuniendo a esti ritu paganu: los bailles alredor de la foguera, los ba\u00f1os en r\u00edos y nel mar para tener sal\u00fa mientres l’a\u00f1u, el llanzar deseos a la foguera por que se cumplan o usar les sos llapaes y la fuerza purificador del fueu para quemar lo malo.<\/p>\n
Tami\u00e9n tien la so aguada cristiana la celebraci\u00f3n; y ye que nesti casu atrib\u00fayese la fecha a la nacencia de San Juan Bautista, y la tradici\u00f3n de les fogueres a la qu’encender\u00eda’l so padre Zacar\u00edas para celebrar l’allumamientu.<\/p>\n
S\u00eda como fora y cual quiera que s\u00eda’l so orixe, n’Asturies estes feches son un momentu de celebraci\u00f3n de la nuesa cultura y de la nuesa tradici\u00f3n; espaciu reserv\u00e1u por que suene la m\u00fasica asturiana, por que xiblen les gaites y truenen los tambores. Una fiesta na que la sidra conviertese nel mestranzu m\u00e1xicu, na que los sabores de la nuesa tierra para compartir nun mantel sirven para esconxurar a trasgos, xianas y tolos seres mitol\u00f3xicos de la nuesa cultura.<\/p>\n
RESUME: <\/b><\/span><\/p>\n \u00bfQu\u00e9 ye la Nueche de San Xuan? <\/b>Ye una celebraci\u00f3n que tien raiga\u00f1os celtes, que recib\u00eda\u2019l nome d\u2019Alban Heruin, y na que se fai cultu al sol y al agua. Tr\u00e1tase d\u2019una nueche m\u00e1xica pa munches cultures, ente elles l\u2019asturiana.<\/p>\n \u00bfQu\u00e9 se celebra? <\/b>El solsticiu de branu, esto ye, cuando\u2019l sol ta nel so puntu m\u00e1s altu, lo que fai qu\u2019esta xornada s\u00eda la nueche m\u00e1s curtia del a\u00f1u; el d\u00eda con m\u00e1s lluz.<\/p>\n \u00bfCu\u00e1ndo ye? <\/b>La nueche del 23 de xunu, anque\u2019l solsticiu de branu en verd\u00e1 ye\u2019l 20 de xunu. La raz\u00f3n d\u2019esti cambiu foi la decisi\u00f3n de la Ilesia cat\u00f3lica d\u2019adaptar la folixa a San Xuan Bautista.<\/p>\n \u00bfQu\u00e9 rituales se faen? <\/b>Nesta xornada faense fogueres cola intenci\u00f3n de dar m\u00e1s fuercia al sol. N\u2019Asturies, \u00e9stes suelen asitiase cerca de puntos d\u2019agua, como fontes o r\u00edos, cola fin de purificar. Asina, la xente suel baillar alredor de la foguera y engalana les fontes nesti d\u00eda. Tami\u00e9n ye habitual que se ba\u00f1e nel mar, fontes o r\u00edos pa tener sal\u00fa.<\/p>\n \u00bfPor qu\u00e9 ye m\u00e1xica esta nueche? <\/b>La tradici\u00f3n asturiana atrib\u00fai a la Nueche de San Xuan aspeutos m\u00e1xicos. Por exemplo, esta nueche salen de les sos cueves les xanes, muyeres de muncha belleza y llarga cabellera rubia a les que se pue ver nes fontes esti d\u00eda. \u00c9stes poseen importantes ayalgues a la que podr\u00e1n acceder qui\u00e9n consiga desencantales. Tami\u00e9n ye posible ver la flor d\u2019agua, que naz per un instante colos primeros rayos de la ma\u00f1ana. \u00c9sta trae amor, belleza y sal\u00fa.<\/p>\n![\"\"](\"http:\/\/edublog.educastur.es\/ixuxu\/files\/2020\/08\/xuan.jpg\")
<\/p>\n\n
\n<\/i><\/u><\/a><\/li>\n
\n<\/i><\/u><\/li>\n