{"id":29632,"date":"2024-08-23T12:47:10","date_gmt":"2024-08-23T10:47:10","guid":{"rendered":"https:\/\/edublog.educastur.es\/ixuxu\/?p=29632"},"modified":"2024-08-31T20:58:02","modified_gmt":"2024-08-31T18:58:02","slug":"la-segunda-llingua-de-yolanda-castano","status":"publish","type":"post","link":"https:\/\/edublog.educastur.es\/ixuxu\/2024\/08\/la-segunda-llingua-de-yolanda-castano\/","title":{"rendered":"La segunda llingua, de Yolanda Casta\u00f1o"},"content":{"rendered":"<div class=\"html-div xdj266r x11i5rnm xat24cr x1mh8g0r xsag5q8 xz9dl7a x1pi30zi x1swvt13 x1jx94hy\">\n<div class=\"html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd x78zum5 x1q0g3np x1ba4aug\">\n<div class=\"html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd x1iyjqo2\">\n<div class=\"x78zum5 xdt5ytf xz62fqu x16ldp7u\">\n<div class=\"xu06os2 x1ok221b\">\n<ul>\n<li class=\"html-h3 x11i5rnm xat24cr x1mh8g0r xexx8yu x4uap5 x18d9i69 xkhd6sd x1vvkbs x1heor9g x1qlqyl8 x1pd3egz x1a2a7pz x1gslohp x1yc453h\"><span class=\"xt0psk2\"><a class=\"x1i10hfl xjbqb8w x1ejq31n xd10rxx x1sy0etr x17r0tee x972fbf xcfux6l x1qhh985 xm0m39n x9f619 x1ypdohk xt0psk2 xe8uvvx xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd x16tdsg8 x1hl2dhg xggy1nq x1a2a7pz x1sur9pj xkrqix3 xzsf02u x1s688f\" role=\"link\" href=\"https:\/\/www.facebook.com\/lavozdeasturias?__cft__[0]=AZUbRZ-QbX8B7HKRSbElwgJBnhOYXu3-QomYIAFk_RNf_bSrom7cIrfbQH1i1qF_91_I-m1d8RBLh0mTb1tZmmIKE6faNFKi2jXbVPVa_xRENIv4oGzvgsJuJK1XkIRANZlKx9goJR6Buv-GJfFOzTFE66VA98Y_VgRTWwe6lGYkqnkqItWxVGygOkZHU96P4rDtBjebuU991g6_02HL6JoEpBo6t9e-N8accvzb36ra18uBuzWjZXEaj2me_2RgSysIxTt6rlCmfssKussfjQNG&amp;__tn__=-UC%2CP-y-y-R\"><strong class=\"html-strong xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd x1hl2dhg x16tdsg8 x1vvkbs x1s688f\"><span class=\"html-span xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd x1hl2dhg x16tdsg8 x1vvkbs\">La Voz de Asturias<\/span><\/strong><\/a><\/span> \/ AGORA<\/li>\n<\/ul>\n<\/div>\n<\/div>\n<\/div>\n<\/div>\n<\/div>\n<div class=\"html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd\" dir=\"auto\">\n<div class=\"html-div xdj266r x11i5rnm xat24cr x1mh8g0r xexx8yu x4uap5 x18d9i69 xkhd6sd\" dir=\"auto\">\n<div class=\"x1iorvi4 x1pi30zi x1l90r2v x1swvt13\" data-ad-comet-preview=\"message\" data-ad-preview=\"message\">\n<div class=\"x78zum5 xdt5ytf xz62fqu x16ldp7u\">\n<div class=\"xu06os2 x1ok221b\">\n<div class=\"xdj266r x11i5rnm xat24cr x1mh8g0r x1vvkbs x126k92a\">\n<div dir=\"auto\">El llibru que dende y\u00e1 se pue lleer n&#8217;asturianu, ta form\u00e1u por 35 poemes que reflexonen sobre la escritura como manera de vida. Cuatro Gotes Ediciones asoleya la traducci\u00f3n al asturianu de \u00abA segunda lingua\u00bb, <strong>poemariu de la Premiu Nacional de Poes\u00eda 2023<\/strong>, Yolanda Casta\u00f1o.<\/div>\n<\/div>\n<div dir=\"auto\">\n<div class=\"row\">\n<div class=\"col flex sz-dk-60 hdln-blk\">\n<h2 class=\"section f-ord-first detalle_cliche_agora \" style=\"text-align: center\"><a href=\"https:\/\/img.lavdg.com\/sc\/-95r3_OeDu8Z0jiTn-lzBS67Bgg=\/768x\/2024\/08\/21\/00121724240716404394894\/Foto\/seg1.jpg\"><img loading=\"lazy\" decoding=\"async\" class=\"aligncenter size-full\" src=\"https:\/\/img.lavdg.com\/sc\/-95r3_OeDu8Z0jiTn-lzBS67Bgg=\/768x\/2024\/08\/21\/00121724240716404394894\/Foto\/seg1.jpg\" width=\"768\" height=\"432\" \/><\/a><\/h2>\n<\/div>\n<\/div>\n<div class=\"row f-dir-row p-rel\">\n<div class=\"col sz-dk-67 txt-blk\">\n<div class=\"figure\">\n<div class=\"media ratio16-9\">El llibru que dende y\u00e1 se pue lleer n?asturianu, ta form\u00e1u por 35 poemes que reflexonen sobre la escritura como manera de vida<\/div>\n<\/div>\n<div class=\"date\"><\/div>\n<p class=\"first-paragraph txt\">Y\u00e1 ta nes llibrer\u00edes\u00a0<em>La segunda llingua<\/em>, unu de los poemarios m\u00e1s\u00a0esitosos\u00a0de la Premiu Nacional de poes\u00eda 2023,<strong>\u00a0Yolanda Casta\u00f1o<\/strong>. El llibru, que ye\u2019l cuartu de la colecci\u00f3n Matilde de Soignie de Cuatro\u00a0Gotes\u00a0Ediciones, llega\u00a0<strong>n&#8217;edici\u00f3n billing\u00fce<\/strong>, col orixinal\u00a0gallegu\u00a0y la traducci\u00f3n al asturianu del escritor y\u00a0acad\u00e9micu\u00a0Inaciu Gal\u00e1n.<\/p>\n<p><!--more--><\/p>\n<p class=\"first-paragraph txt\">El\u00a0poemariu\u00a0foi\u2019l\u00a0ganador nel a\u00f1u 2013 del Premiu de poes\u00eda Novacaixagalicia. La obra llega al idioma asturianu gracias al trabayu del traductor, que remarca como un\u00a0retu\u00a0mui\u00a0apasionante, cola so propia autora como gu\u00eda nel procesu, nel\u00a0qu\u2019hebo\u00a0un bon\u00a0di\u00e1logu\u00a0p\u2019asoleyar\u00a0la meyor de les traducciones.<\/p>\n<p class=\"txt\"><em>La segunda llingua<\/em>,\u00a0un\u00a0llibru form\u00e1u por\u00a0<strong>35 poemes<\/strong>, reflexona sobre la escritura y la so tensi\u00f3n cola vida, sobre la escritura como manera de vida y sobre la escritura como vida paralela, y prop\u00f3n un percorr\u00edu guapu y perduru per eses m\u00e1s duldes que certidumes: pa qu\u00e9&#8217;l llinguaxe, pa qu\u00e9&#8217;l cuerpu, qu\u00e9 espaciu ente dambos, por qu\u00e9 nun ocupalu.<\/p>\n<p class=\"txt\">Premiu Nacional de Poes\u00eda 2023,\u00a0<strong>Yolanda Casta\u00f1o<\/strong>\u00a0(Santiago de Compostela, 1977) ye poeta, fil\u00f3loga, traductora, videocreadora y una activa y premiada xestora cultural con Residencia d\u2019Escritores propia n\u2019A Coru\u00f1a. Dende 2009 dirixe talleres de traducci\u00f3n de poes\u00eda, festivales y ciclos mensuales de poes\u00eda, siempres con autores gallegos ya internacionales. Dos vegaes Premiu Nacional de la Cr\u00edtica (1998 y 2022), Premiu Espiral Maior 2007, Premiu Ojo Cr\u00edtico 2009, Premiu Fundaci\u00f3n Novacaixagalicia, Premiu Hermand\u00e1 del Llibru \u00abAutora del A\u00f1u\u00bb 2014, Premiu Gonz\u00e1lez-Garc\u00e9s de Poes\u00eda, Premiu Ram\u00f3n Pi\u00f1eiro d\u2019Ensayu, \u00abGallega del A\u00f1u 2023\u00bb y Premiu de la Cultura de Galicia am\u00e1s del Premiu Nacional de Poes\u00eda, Yolanda cuenta con siete poemarios individuales, ediciones billing\u00fces (gallegu-castell\u00e1n) pal restu d\u2019Espa\u00f1a y Llatinoam\u00e9rica, llibros publicaos n\u2019ingl\u00e9s, franc\u00e9s, catal\u00e1n, italianu, serbiu, macedoniu, eslovenu y armeniu, plaquetes publicaes n\u2019alem\u00e1n, franc\u00e9s, croata, macedoniu, griegu y chinu, delles antolox\u00edes ?con m\u00fasica, billing\u00fces, en c\u00f3mic po\u00e9ticu\u2026- y siete llibros m\u00e1s de poes\u00eda infantil, am\u00e1s d\u2019otres obres publicaes como editora, bi\u00f3grafa o traductora de poetes contempor\u00e1neos. Trabay\u00f3 mientres a\u00f1os en TV (Premiu Mestre Mateo de l\u2019Academia del Audiovisual de Galicia) y recibi\u00f3 beques como Escritora en Residencia en Rodas (Grecia), M\u00fanich, Pequ\u00edn, Escocia, Andaluc\u00eda, Finlandia, California y Turqu\u00eda. Con 30 a\u00f1os de carrera profesional en poes\u00eda, desenvuelve esperiencies que funden la escritura col arte, la m\u00fasica, la performance, l\u2019arquitectura, la danza, l\u2019audiovisual, el c\u00f3mic, el cine 360\u00ba o inclusive la cocina, y\u00e1 seya sola o en collaboraci\u00f3n con otros artistes. La so obra apaez representada nuna montonera de revistes, llibros colectivos y antolox\u00edes, asino como en numberosos alcuentros y festivales en m\u00e1s de cuarenta pa\u00edses d\u2019Europa, Am\u00e9rica, \u00c1frica y Asia, siendo parcialmente traducida a m\u00e1s de 30 idiomes. El so \u00faltimu poemariu ye\u00a0<em>Materia<\/em>\u00a0(Premiu de la Cr\u00edtica Espa\u00f1ola 2022 y Premiu Nacional de Poes\u00eda 2023).<\/p>\n<p class=\"txt\">Inaciu Gal\u00e1n\u00a0(Xix\u00f3n, 1986) ye periodista, profesor, xestor cultural y activista en defensa de los drechos lling\u00fc\u00edsticos, fundando la ONG Iniciativa pol Asturianu. Doctor\u00a0<em>cum laude<\/em>\u00a0pola Universid\u00e1 d\u2019Uvi\u00e9u, ye miembro de n\u00famberu de l\u2019Academia de la Llingua Asturiana. Como periodista trabay\u00f3 en medios como la Cadena Ser, RPA o TPA, presentando programes como\u00a0<em>Mundu Sidreru,\u00a0Asturies 81:21 La hora de l\u2019autonom\u00eda\u00a0o\u00a0Sentir Asturies<\/em>. Foi Premiu Enriqueta Gonz\u00e1lez Rub\u00edn de periodismu audiovisual.\u00a0Nel \u00e1mbitu lliterariu apaez en vol\u00famenes colectivos y revistes como Lliteratura, Reciella Malory o Formientu, que fund\u00f3 en 2006. Foi Premiu Fern\u00e1n Coronas de poes\u00eda col poemariu\u00a0<em>Nes ruines de la nueche y les hores<\/em>\u00a0(Trabe, 2018). Tiene asoleyaos tami\u00e9n los poemarios\u00a0<em>Tierra Podre<\/em>\u00a0(Camelot, 2017) y<em>\u00a0Patria en pallabres menores<\/em>\u00a0(BaxAmar, 2017) y dellos llibros infantiles, entre los que destaca\u00a0<em>La Curuxa Catuxa<\/em>\u00a0(en colaboraci\u00f3n con Vero Suari), Premiu Mar\u00eda Josefa Canellada, asina como un volumen de narrativa,\u00a0<em>Cartes nel horru (y delles hestories m\u00e1s)<\/em>\u00a0(Cuatro Gotes, 2019), que ta traduc\u00edu al aragon\u00e9s (Garaz d\u2019Edizi\u00f3ns, 2024) y va asoleyase tami\u00e9n en catal\u00e1n. Dirixe la Residencia Lliteraria Xix\u00f3n, que busca convertise nun espaciu d\u2019intercambiu internacional ente lliteratures.\u00a0Como traductor asoley\u00f3 obra abondante en revistes, traduciendo a autores en catal\u00e1n, aragon\u00e9s, ingl\u00e9s, portugu\u00e9s, castell\u00e1n y franc\u00e9s al asturianu. Fixo tami\u00e9n la traducci\u00f3n de\u00a0<em>The English Roses<\/em>, de Madonna (Camelot, 2016). Ye autor tami\u00e9n del \u00fanicu\u00a0<em>Diccionariu asturianu-ingl\u00e9s\/ingl\u00e9s- asturianu<\/em>\u00a0(Trabe, 2006).<\/p>\n<\/div>\n<\/div>\n<\/div>\n<\/div>\n<\/div>\n<\/div>\n<\/div>\n<\/div>\n<p>&nbsp;<\/p>\n","protected":false},"excerpt":{"rendered":"<p>La Voz de Asturias \/ AGORA El llibru que dende y\u00e1 se pue lleer n&#8217;asturianu, ta form\u00e1u por 35 poemes que reflexonen sobre la escritura como manera de vida. Cuatro Gotes Ediciones asoleya la traducci\u00f3n al asturianu de \u00abA segunda lingua\u00bb, poemariu de la Premiu Nacional de Poes\u00eda 2023, Yolanda Casta\u00f1o. El llibru que dende [&hellip;]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[345,322],"tags":[],"class_list":["post-29632","post","type-post","status-publish","format-standard","hentry","category-cuatrogotes","category-inaciu-galan"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/29632","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=29632"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/posts\/29632\/revisions"}],"predecessor-version":[{"id":30155,"href":"https:\/\/edublog.educastur.es\/ixuxu\/wp-json\/wp\/v2\/posts\/29632\/revisions\/30155"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=29632"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=29632"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=29632"}],"curies":[{"name":"wp","href":"https:\/\/api.w.org\/{rel}","templated":true}]}}