{"id":33030,"date":"2024-10-16T14:15:51","date_gmt":"2024-10-16T12:15:51","guid":{"rendered":"https:\/\/edublog.educastur.es\/ixuxu\/?p=33030"},"modified":"2024-10-16T14:18:32","modified_gmt":"2024-10-16T12:18:32","slug":"fiestes-gastronomiques-de-la-seronda-nasturies","status":"publish","type":"post","link":"https:\/\/edublog.educastur.es\/ixuxu\/2024\/10\/fiestes-gastronomiques-de-la-seronda-nasturies\/","title":{"rendered":"Fiestes gastron\u00f3miques de la seronda n&#8217;Asturies"},"content":{"rendered":"<ul>\n<li>Fonte:<a href=\"https:\/\/www.turismoasturias.es\/-\/fiestas-gastronomicas-para-este-otono-en-asturias?utm_source=Facebook&amp;utm_medium=Post_promocionado&amp;utm_campaign=Promocion_RRSS&amp;utm_content=Fiestas_otono&amp;fbclid=IwY2xjawF8hr5leHRuA2FlbQIxMQABHVVnSQymBWlcc9pzhIROLq0C0WIgGzc_7nidS6ELKOqJkb0m5FlmRgWOCg_aem_UKJyKI4qcvHeVyURgyjPXg\"> Turismo Asturias<\/a> \/<\/li>\n<\/ul>\n<p><a href=\"https:\/\/www.turismoasturias.es\/o\/adaptive-media\/image\/10144403\/3\/e58676a4-468b-4fe6-8f5c-acba1adae5cb?t=1727866352681\"><img loading=\"lazy\" decoding=\"async\" class=\"aligncenter size-large\" src=\"https:\/\/www.turismoasturias.es\/o\/adaptive-media\/image\/10144403\/3\/e58676a4-468b-4fe6-8f5c-acba1adae5cb?t=1727866352681\" width=\"1000\" height=\"531\" \/><\/a><\/p>\n<p>La gastronom\u00eda ye una de les reines de la seronda n&#8217;Asturies. Cola llegada de \u201cla seronda\u201d empiecen fiestes y eventos en redol a la bona mesa y a los productos de temporada, momentos que se compaxinen con otres actividaes l\u00fadicu-festives propies de d\u00f3mina serondiega. Equ\u00ed te suxurimos un sabrosu itinerariu poles meyores cites gastron\u00f3miques de la seronda n&#8217;Asturies, declaraes <strong>d&#8217;Inter\u00e9s Tur\u00edsticu.<\/strong><\/p>\n<p><!--more--><\/p>\n<p><span style=\"color: #008080\"><strong>Festival de l&#8217;Ablana. <\/strong>Del 4 al 6 d&#8217;ochobre en L\u2019Infiestu<\/span> (Pilo\u00f1a). La localid\u00e1 de L\u00b4Infiestu acueye una nueva edici\u00f3n del Festival de l&#8217;Ablana, un productu de temporada qu&#8217;adquier gran protagonismu nel entamu de la seronda.<\/p>\n<p style=\"text-align: center\"><a href=\"https:\/\/www.turismoasturias.es\/o\/adaptive-media\/image\/10144288\/3\/07d00951-d197-4bdd-e443-f7107f62c5c8?t=1727866344051\"><img loading=\"lazy\" decoding=\"async\" class=\"aligncenter size-large\" src=\"https:\/\/www.turismoasturias.es\/o\/adaptive-media\/image\/10144288\/3\/07d00951-d197-4bdd-e443-f7107f62c5c8?t=1727866344051\" width=\"698\" height=\"466\" \/><\/a><\/p>\n<p>Pilo\u00f1a ye un territoriu bien vencey\u00e1u a la tradici\u00f3n rural y natural asturiana nes sos m\u00faltiples manifestaciones: montes, artesan\u00eda, madera, agroalimentaci\u00f3n ecol\u00f3xica, turismu rural, etc. Por esta raz\u00f3n, esti festival ye una cita l\u00fadica y cultural de gran tradici\u00f3n nesti territoriu, y tien un programa d&#8217;actividaes festives venceyaes al merc\u00e1u tradicional, esposici\u00f3n d&#8217;artesan\u00eda y productos agroalimentarios, esposici\u00f3n d&#8217;aves, esposici\u00f3n d&#8217;artesan\u00eda de la madera, campeonatos de bolos, etc. Tou ello remat\u00e1u coles t\u00edpiques verbenes.<\/p>\n<p><span style=\"color: #008080\"><strong>Fiesta de la Vendimia del Vinu de Cangas.<\/strong> <\/span>Del 11 al 13 d&#8217;ochobre en Cangas. La Fiesta de la Vendimia ye \u00fanica n&#8217;Asturies, ente otres razones porque&#8217;l suroccidente asturianu y principalmente Cangas ye la \u00fanica zona que destaca pola so producci\u00f3n vitivin\u00edcola nel \u00e1mbitu del Princip\u00e1u, con una tradici\u00f3n que se remonta a la Ed\u00e1 Media y con un tipu de vi\u00f1eos de monte que faen d&#8217;esta viticultura una activid\u00e1 verdaderamente heroica.<\/p>\n<p style=\"text-align: center\"><a href=\"https:\/\/www.turismoasturias.es\/o\/adaptive-media\/image\/10144421\/3\/4cf108a6-c6ae-5635-0415-66ae16e3a82f?t=1727866354067\"><img loading=\"lazy\" decoding=\"async\" class=\"aligncenter size-large\" src=\"https:\/\/www.turismoasturias.es\/o\/adaptive-media\/image\/10144421\/3\/4cf108a6-c6ae-5635-0415-66ae16e3a82f?t=1727866354067\" width=\"698\" height=\"466\" \/><\/a><\/p>\n<p>La escenificaci\u00f3n del tresporte de la uva nun carru del pa\u00eds y la tradicional pisada d&#8217;uva son dalgunos de los principales actos d&#8217;esta fiesta, y complem\u00e9ntense con cates de vinos DOP de Cangas, mercad\u00edn, puestos d&#8217;artesan\u00eda, vienta de productos tradicionales, visites a bodegues y actividaes pa ne\u00f1os, tollo incluy\u00edu nun gran programa l\u00fadicu-festivu.<\/p>\n<p><span style=\"color: #008080\"><strong>Fiesta gastron\u00f3mica del Desarme. 19 d&#8217;ochobre n&#8217;Uvi\u00e9u.<\/strong><\/span> Una de les manifestaciones gastron\u00f3miques con m\u00e1s enraigono de cuantes se celebren na rex\u00f3n a lo llargo del a\u00f1u. Esti afam\u00e1u eventu, que vien celebr\u00e1ndose con una gran acoyida dende fai m\u00e1s de 50 a\u00f1os, ye la gran cita gastron\u00f3mica uvieina na que participen tou tipu de restoranes, sidrer\u00edes y cases de com\u00edes.<\/p>\n<p style=\"text-align: center\"><a href=\"https:\/\/www.turismoasturias.es\/o\/adaptive-media\/image\/10144250\/3\/58410c37-14ed-e432-6809-18c1c8df0b37?t=1727866339405\"><img loading=\"lazy\" decoding=\"async\" class=\"aligncenter size-large\" src=\"https:\/\/www.turismoasturias.es\/o\/adaptive-media\/image\/10144250\/3\/58410c37-14ed-e432-6809-18c1c8df0b37?t=1727866339405\" width=\"332\" height=\"500\" \/><\/a><\/p>\n<p>El men\u00fa del Desarme ufi\u00e9rtase cada 19 d&#8217;ochobre nos restoranes de la ciud\u00e1, tando compuestu por garbanzos con bacal\u00e1u y espinaques, dureces y arroz con lleche. El Desarme d&#8217;Uvi\u00e9u ye una tradici\u00f3n que se remonta al a\u00f1u 1836, cuando les autoridaes d&#8217;ent\u00f3s gasayaron con un ranchu de garbanzos con toc\u00edn a los combatientes de les guerres ente carlistes ya isabelinos. La ciud\u00e1 an\u00edmase nesos d\u00edes con recreaciones hist\u00f3riques, concursos culturales, el cap\u00edtulu de la Confrer\u00eda del Desarme, etc. Son d\u00edes de muncho ambiente n&#8217;Uvi\u00e9u.<\/p>\n<p><span style=\"color: #008080\"><strong>Certame del Quesu Gamon\u00e9u<\/strong>. 26 y 27 d&#8217;ochobre en Benia d&#8217;On\u00eds<\/span> (On\u00eds) Benia d&#8217;On\u00eds acueye la celebraci\u00f3n del Certame del Quesu Gamon\u00e9u, nel que cada a\u00f1u escueye a los meyores productores de les variedaes del Puertu y del Valle. Tr\u00e1tase d&#8217;un eventu que se consolid\u00f3 a lo llargo de los a\u00f1os convirti\u00e9ndose nun referente n&#8217;Asturies, y al que se-y fueron sumando m\u00e1s actividaes como la Feria de los Picos d&#8217;Europa, una amuesa d&#8217;otros productos y artesan\u00eda de la contorna. Am\u00e1s, unu de los momentos destacaos ye la llectura del preg\u00f3n, y tami\u00e9n la entrega de los premios Gamon\u00e9u d&#8217;oru. El programa compl\u00e9tase davezu con distintes cates y degustaciones. Esti certame ye l&#8217;eventu promocional m\u00e1s importante vencey\u00e1u a la ellaboraci\u00f3n d&#8217;unu de los quesos artesanales con mayor tradici\u00f3n y excelencia de too el Princip\u00e1u d&#8217;Asturies: el Gamon\u00e9u.<\/p>\n<p><span style=\"color: #008080\"><strong>Feria del Miel de Boal.<\/strong> <\/span>2 y 3 de payares en Boal. La Feria del Miel de Boal ye un eventu que cunta con m\u00e1s de tr\u00e9s d\u00e9cades d&#8217;antig\u00fced\u00e1, y ye tou un referente nel calendariu l\u00fadico y festivo d&#8217;Asturies. Un ampliu programa d&#8217;actos culturales y tur\u00edsticos fai esta feria una cita bien curiosa, qu&#8217;am\u00e1s ye una ocasi\u00f3n ideal pa conocer la capital del conceyu, y tami\u00e9n otros llugares d&#8217;inter\u00e9s nes proximidaes. El concursu de platos ellaboraos con miel ye un curiosu m\u00e1s d&#8217;esta fiesta, qu&#8217;am\u00e1s-y apurre un plus d&#8217;orixinalid\u00e1 y tradici\u00f3n a un tiempu. Am\u00e1s, l&#8217;artesan\u00eda y otros productos agroalimentarios como&#8217;l quesu son protagonistes d&#8217;un eventu qu&#8217;axunta a cientos de persones a lo llargo de los dos d\u00edes de merc\u00e1u.<\/p>\n<p><span style=\"color: #008080\"><strong>Festival del esfoy\u00f3n y l&#8217;amagosto<\/strong>. 9 de payares en Navelgas (Tin\u00e9u)<\/span>. Navelgas, en Tin\u00e9u, acueye la Nueche M\u00e1xica y el Festival del Esfoy\u00f3n y Amag\u00fcestu, que remembra les vieyes tradiciones populares de l&#8217;Asturies rural.<\/p>\n<p style=\"text-align: center\"><a href=\"https:\/\/www.turismoasturias.es\/o\/adaptive-media\/image\/10144306\/3\/54c30a1a-cdc7-9e58-af52-4e13ee4275ae?t=1727866345720\"><img loading=\"lazy\" decoding=\"async\" class=\"aligncenter size-large\" src=\"https:\/\/www.turismoasturias.es\/o\/adaptive-media\/image\/10144306\/3\/54c30a1a-cdc7-9e58-af52-4e13ee4275ae?t=1727866345720\" width=\"698\" height=\"466\" \/><\/a><\/p>\n<p>El festival intenta retratar cola mayor exactit\u00fa los \u201cesfoyones\u201d d&#8217;anta\u00f1o, nos que los vecinos del pueblu x\u00fantense nuna casa pa esfoyar el ma\u00edz d&#8217;esta familia y ayudar darr\u00e9u a enrestralo y colgar de los corredores. Xuntes que supon\u00eden un acontecimientu social, onde persones de toles edaes x\u00fantense pa charrar, cantar, ya inclusive los m\u00e1s nuevos aprovechaben pa cortexar. La esfoyaza convi\u00e9rtese nuna celebraci\u00f3n onde nun faltaben los cuentos, les lleendes, les tradiciones, les folixes y cantares.<\/p>\n<p>L&#8217;Esfoy\u00f3n empieza al escurecer, nel barriu de Navelgas de Riba, que s&#8217;engalana pa la ocasi\u00f3n. Les cais c\u00fabrinse de paya y all\u00famense con antorches. Los vecinos v\u00edstinse con ropaxes antiguos y les distintes Asociaciones Culturales enc\u00e1rguense de realizar diversos \u00e1gapes &#8211; frixuelos, casta\u00f1es, tortes de ma\u00edz, bollu pre\u00f1ao, o mantega reci\u00e9n desnat\u00e1 -, ente otros.<\/p>\n<p>Coles mesmes, otru momentu importante ye la entrega de la &#8216;Panoya d&#8217;Oru&#8217;, habiendo de sigu\u00edo degustaciones y actividaes infantiles. Los m\u00e1s nuevos parten la garutsa (an\u00eds de guindes caseru y oruxu), caf\u00e9 de pucheru y sidra del duernu reci\u00e9n fecha qu&#8217;ayuden a sobrollevar la fr\u00eda nueche de payares. Los baxos de les paneres y les cortes son ocupaos por artesanos de la contorna que faen xuna pequena demostraci\u00f3n del so trabayu. Asina podemos atopanos al madre\u00f1eiro, el cesteiro, el ferreiro, etc.<\/p>\n<p><span style=\"color: #008080\"><strong>Fiesta de los Nabos. 11 de payares en Sotrondio<\/strong><\/span> (Samart\u00edn del Rei Aurelio). La localid\u00e1 de Sotrondio, capital de Samart\u00edn del Rei Aurelio, celebra la Fiesta de los Nabos. Imaxe de la Fiesta de los Nabos (Sotrondio, Samart\u00edn del Rei Aurelio). Restoranes y sidrer\u00edes de Sotrondio y contorna ufierten el men\u00fa tradicional, compuestu por pote de nabos, un cl\u00e1sicu de la cocina local que se remonta a los a\u00f1os 70, y que tien como base un productu de la tierra qu&#8217;abonda nos meses de seronda &#8211; los nabos -, cocinaos a poco fueu y acompa\u00f1aos por compangu de primera calid\u00e1 (chorizu, morciella, toc\u00edn y carne de gochu) -. El men\u00fa se completa con dureces y casadielles.<\/p>\n<p style=\"text-align: left\"><a href=\"https:\/\/www.turismoasturias.es\/o\/adaptive-media\/image\/10144345\/3\/288b6e02-8b80-7f4a-9f57-4debb5dec8ec?t=1727866348471\"><img loading=\"lazy\" decoding=\"async\" class=\"aligncenter size-large\" src=\"https:\/\/www.turismoasturias.es\/o\/adaptive-media\/image\/10144345\/3\/288b6e02-8b80-7f4a-9f57-4debb5dec8ec?t=1727866348471\" width=\"698\" height=\"466\" \/><\/a><\/p>\n<p>Les xornaes gastron\u00f3miques incl\u00fain un ampliu programa festivu. Hai pasacais, sesi\u00f3n verm\u00fa, concursu gastron\u00f3micu, teatru, karaoke, la feria del miel, la ceremonia de distinci\u00f3n de los F\u00edos Predilectos, conciertos y verbenes, ente otres actividaes.<\/p>\n<p><strong><span style=\"color: #008080\">Fiesta de los Humanitarios. 11 de payares en Morea (Ayer).<\/span>\u00a0<\/strong>Los Humanitarios ye una asociaci\u00f3n que toma&#8217;l nome del patronu de la parroquia, y que toma m\u00faltiples actividaes: gastron\u00f3miques, culturales y un llargu ec\u00e9tera. Tien como fin primordial l&#8217;ayuda solidaria para colos m\u00e1s desfavorecios, am\u00e1s del espardimientu de la cultura asturiana.<\/p>\n<p style=\"text-align: center\"><a href=\"https:\/\/www.turismoasturias.es\/o\/adaptive-media\/image\/10144364\/3\/1885b870-2d9e-a783-6f3c-f2ea369dff07?t=1727866349824\"><img loading=\"lazy\" decoding=\"async\" class=\"aligncenter size-large\" src=\"https:\/\/www.turismoasturias.es\/o\/adaptive-media\/image\/10144364\/3\/1885b870-2d9e-a783-6f3c-f2ea369dff07?t=1727866349824\" width=\"698\" height=\"466\" \/><\/a><\/p>\n<p>El 11 de payares ye&#8217;l d\u00eda m\u00e1s esper\u00e1u por tolos ayeranos: San Mart\u00edn. A les 10:00 hores de la ma\u00f1ana l&#8217;Alborada, cola presencia de grupos de bandes de gaites y bandines que van llevar la m\u00fasica por tolos barrios de la localid\u00e1 p&#8217;anunciar que la fiesta y\u00e1 ta en marcha. Acompa\u00f1ar\u00e1n grupos de baille tradicional asturianu. Sobro les 10:30 hores una comitiva de gaiteros va visitar la Residencia de Persones Mayores en Sotiel.lo. Pa dar pasu a les 11:00 hores a la Misa solemne n&#8217;honor al patr\u00f3n San Mart\u00edn. Al rematar la misa, tien llugar la Puya del Ramu.<\/p>\n<p>Y y\u00e1 pa unir del mediud\u00eda&#8217;l gran desfile de gaiteros, grupos de baille tradicional y xarr\u00e9s\/carroces, al cargu de les llamaes xandas, que son pe\u00f1es d&#8217;amigos. Alredor de les tr\u00e9s y media, va tener llugar la tradicional comida: fabes, casadielles y panch\u00f3n &#8211; postre t\u00edpicu del Conceyu d&#8217;Ayer -. Esti men\u00fa, esi d\u00eda, s\u00edrvise en tolos chigres del conceyu, siendo habitual dexar la reserva d&#8217;un a\u00f1u pa otru. Pela tarde, la chicolatada infantil y pa rematar el colof\u00f3n los fueos artificiales.<\/p>\n<p><span style=\"color: #008080\"><strong>Les Cebolles Rellenes. 30 de payares en L\u2019Entregu<\/strong><\/span> (Samart\u00edn del Rei Aurelio). Coincidiendo cola festivid\u00e1 de San Andr\u00e9s, la \u00faltima fin de selmana de payares, les Cebolles Rellenes, fiesta gastron\u00f3mica de gran animaci\u00f3n cel\u00e9brase per tolo alto na localid\u00e1 de L\u2019Entregu, en Samart\u00edn del Rei Aurelio. Decenes de restoranes, chigres y sidrer\u00edes sirven el men\u00fa, compuestu de cebolles rellenes de bonitu, raci\u00f3n de dureces y casadielles de postre.<\/p>\n<p style=\"text-align: center\"><a href=\"https:\/\/www.turismoasturias.es\/o\/adaptive-media\/image\/10144326\/3\/5d8f8e8b-14dd-167f-af27-9bcd296a23c8?t=1727866347085\"><img loading=\"lazy\" decoding=\"async\" class=\"aligncenter size-large\" src=\"https:\/\/www.turismoasturias.es\/o\/adaptive-media\/image\/10144326\/3\/5d8f8e8b-14dd-167f-af27-9bcd296a23c8?t=1727866347085\" width=\"698\" height=\"466\" \/><\/a><\/p>\n<p>L&#8217;orixe d&#8217;esti sabrosu platu atrib\u00fayese-y a la cocinera Aniceta Fueyo, popularmente conocida como La Nina, quien dempu\u00e9s de la Guerra Civil, y mientres la Cuaresma, apin\u00f3 l&#8217;inxeniu \u00e9nte la necesid\u00e1 y escurri\u00f3 un platu de cebolles rellenes a base de un sofritu con migues de bonitu pa sirvir una xinta a dellos sacerdotes qu&#8217;allegaren al chigre de La Llaguna. A partir d&#8217;esi momentu, les cocineres Aurora y Belarmina, del restor\u00e1n La Conda, recoyeron el testigu de la ellaboraci\u00f3n d&#8217;esti platu, que progresivamente foise estendiendo hasta qu&#8217;adquiri\u00f3&#8217;l calter de festivid\u00e1 gastron\u00f3mica como g\u00fcei conozse. Y asina surdieron les Cebolles Rellenes, pa gayola de los cielos la boca de propios y foranos.<\/p>\n<p><span style=\"color: #008080\"><strong>Xornaes gastron\u00f3miques del Pote.<\/strong> Del 30 de payares al 9 d&#8217;avientu en Tur\u00f3n (Mieres)<\/span>. Les Xornaes gastron\u00f3miques del Pote son un acontecimientu bien orixinal, y\u00e1 que se centren nuna activid\u00e1 gastron\u00f3mica bien enraigonada n&#8217;Asturies, como ye la degustaci\u00f3n d&#8217;un bon pote asturianu en plena seronda, y qu&#8217;am\u00e1s nel Valle de Tur\u00f3n tien singularidaes espec\u00edfiques, pos se trata d&#8217;un pote \u00abm\u00e1s probe, m\u00e1s agu\u00e1u, con m\u00e1s grasa por que fartuque (enllene) y con algunes fabes espe\u00f1icaes por qu&#8217;engorde el caldu\u00bb, tal como comenten los paisanos.<\/p>\n<p>Estes xornaes, que se celebren dende fai m\u00e1s de venticinco a\u00f1os, coincidiendo cola festivid\u00e1 de Santa B\u00e1rbara &#8211; patrona de los mineros -, tienen como escenariu unu de los valles m\u00e1s representativos de la miner\u00eda y el patrimoniu industrial d&#8217;Asturies: el de Tur\u00f3n, nel conceyu de Mieres.<\/p>\n<p>Ello ye que el Pozu Santa B\u00e1rbara foi declar\u00e1u Bien d&#8217;Inter\u00e9s Cultural en 2010, y puede conocese con una visita empuesta. Am\u00e1s, tola redolada natural ta declar\u00e1u como Paisaxe Protex\u00edu de les Cuenques Mineres. Coles mesmes, ente les manifestaciones relixoses d&#8217;esta fiesta destaca la misa cantada pol Coru Mineru y la procesi\u00f3n de Santa B\u00e1rbara. Am\u00e1s, tien llugar un emotivu actu con ufrienda floral en memoria de los mineros finaos nes mines del Valle de Tur\u00f3n.<\/p>\n<p><span style=\"color: #008080\"><strong>Fiesta Gastron\u00f3mica \u201cLa so Excelencia la Fabada\u201d.<\/strong> <\/span>Del 4 al 15 d&#8217;avientu en La Felguera (Llangr\u00e9u). La fabada tien la so fiesta en La Felguera, unu de los llugares d&#8217;Asturies onde m\u00e1s enraigono y calid\u00e1 atesora la gastronom\u00eda tradicional asturiana. Asina que dende 1980 cel\u00e9brase la Fiesta Gastron\u00f3mica \u00abLa so Excelencia la Fabada\u00bb, un homenaxe a esti platu y a la cultura asturiana.<\/p>\n<p style=\"text-align: center\"><a href=\"https:\/\/www.turismoasturias.es\/o\/adaptive-media\/image\/10144269\/3\/ac850006-92bc-57c2-421d-7bf29bfe9d74?t=1727866342135\"><img loading=\"lazy\" decoding=\"async\" class=\"aligncenter size-large\" src=\"https:\/\/www.turismoasturias.es\/o\/adaptive-media\/image\/10144269\/3\/ac850006-92bc-57c2-421d-7bf29bfe9d74?t=1727866342135\" width=\"698\" height=\"466\" \/><\/a><\/p>\n<p>La llectura del preg\u00f3n ye unu de los momentos que concita m\u00e1s espectaci\u00f3n, cuidao que davezu la so llectura cuerre al cargu de xuna personalid\u00e1 &#8211; y\u00e1 s\u00eda d&#8217;\u00e1mbitu local, rexonal o nacional -, venceyada a distintos \u00e1mbitos de la cultura y la conocencia. Y am\u00e1s, como colof\u00f3n, esti actu ta ameniz\u00e1u per una banda de gaites y un coru.<\/p>\n<p>Pela so parte, nel intre del actu del preg\u00f3n fai entrega del premiu del Concursu Internacional de Fotograf\u00eda \u00abLa mina y el mar\u00bb, y los visitantes pueden esfrutar cola esposici\u00f3n de les obres m\u00e1s destacaes d&#8217;esti concursu. Una esposici\u00f3n que dempu\u00e9s se fai itinerante por distintes localid\u00e1es d&#8217;Asturies.<\/p>\n<p>Coles mesmes, hai degustaci\u00f3n de fabada mientres tolos d\u00edes de la fiesta nos restoranes de La Felguera (Llangr\u00e9u). Y de xac\u00edu, otru motivu d&#8217;atracci\u00f3n festiva ye&#8217;l concursu de fabada. Ye induldable que, am\u00e1s del gran ambiente festivo-gastron\u00f3micu que se da en La Felguera, la singularid\u00e1 d&#8217;esta celebraci\u00f3n tien tami\u00e9n la so raz\u00f3n de ser nel productu: les fabes son eminentemente asturianes, y unu de los principales emblemes culinarios d&#8217;Asturies.<\/p>\n<p><span style=\"color: #008080\"><strong>Fiesta de los Pimientos Rellenos.<\/strong> 8 d&#8217;avientu en Blimea<\/span> (Samart\u00edn del Rei Aurelio). La localid\u00e1 de Blimea acueye l&#8217;\u00fanicu certame gastron\u00f3micu dedic\u00e1u a los pimientos n&#8217;Asturies &#8211; la fiesta de los Pimientos Rellenos &#8211; de gran tradici\u00f3n na zona y con m\u00e1s de cuatro d\u00e9cades d&#8217;antig\u00fced\u00e1. Esta fiesta entronca cola cultura tradicional de la cuenca minera, que cultiva l&#8217;arte culinario y x\u00fanelo cola esaltaci\u00f3n de l&#8217;amist\u00e1 en redol a la mesa.<\/p>\n<p style=\"text-align: center\"><a href=\"https:\/\/www.turismoasturias.es\/o\/adaptive-media\/image\/10144383\/3\/6ee6ae2f-bbd0-09b3-9755-1bb182260aeb?t=1727866351278\"><img loading=\"lazy\" decoding=\"async\" class=\"aligncenter size-large\" src=\"https:\/\/www.turismoasturias.es\/o\/adaptive-media\/image\/10144383\/3\/6ee6ae2f-bbd0-09b3-9755-1bb182260aeb?t=1727866351278\" width=\"698\" height=\"466\" \/><\/a><\/p>\n<p>Am\u00e1s de les manifestaciones gastron\u00f3miques, que son la esencia de la fiesta, esiste un ampliu programa d&#8217;actos culturales. La celebraci\u00f3n dura dellos d\u00edes (siendo&#8217;l d\u00eda grande&#8217;l 8 d&#8217;avientu), nel intre de los cualos pres\u00e9ntase&#8217;l Preg\u00f3n de los Pimientos Rellenos, cola entrega del Pimientu d&#8217;Oru. Coles mesmes hai talleres infantiles, gaites, conciertos, sesi\u00f3n verm\u00fa, concursu de pimientos, mercad\u00edn navidiegu, teatru, etc.<\/p>\n<p>&nbsp;<\/p>\n<p>&nbsp;<\/p>\n","protected":false},"excerpt":{"rendered":"<p>Fonte: Turismo Asturias \/ La gastronom\u00eda ye una de les reines de la seronda n&#8217;Asturies. Cola llegada de \u201cla seronda\u201d empiecen fiestes y eventos en redol a la bona mesa y a los productos de temporada, momentos que se compaxinen con otres actividaes l\u00fadicu-festives propies de d\u00f3mina serondiega. Equ\u00ed te suxurimos un sabrosu itinerariu poles [&hellip;]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[175,21,219],"tags":[],"class_list":["post-33030","post","type-post","status-publish","format-standard","hentry","category-festival-gastronomicu","category-fiestes","category-gastronomia"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/33030","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=33030"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/posts\/33030\/revisions"}],"predecessor-version":[{"id":33033,"href":"https:\/\/edublog.educastur.es\/ixuxu\/wp-json\/wp\/v2\/posts\/33030\/revisions\/33033"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=33030"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=33030"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=33030"}],"curies":[{"name":"wp","href":"https:\/\/api.w.org\/{rel}","templated":true}]}}