{"id":38813,"date":"2024-12-27T16:03:37","date_gmt":"2024-12-27T14:03:37","guid":{"rendered":"https:\/\/edublog.educastur.es\/ixuxu\/?p=38813"},"modified":"2024-12-27T16:11:23","modified_gmt":"2024-12-27T14:11:23","slug":"la-gastrificacion-nasturies","status":"publish","type":"post","link":"https:\/\/edublog.educastur.es\/ixuxu\/2024\/12\/la-gastrificacion-nasturies\/","title":{"rendered":"La gastrificaci\u00f3n n&#8217;Asturies&#8230;"},"content":{"rendered":"<p style=\"text-align: center\"><a href=\"https:\/\/img.lavdg.com\/sc\/q3Agj-hOKpXY5YfA6jmRU3x4hiY=\/768x\/2024\/12\/26\/00121735212873333249323\/Foto\/gastro.jpg\"><img loading=\"lazy\" decoding=\"async\" class=\"aligncenter size-large\" src=\"https:\/\/img.lavdg.com\/sc\/q3Agj-hOKpXY5YfA6jmRU3x4hiY=\/768x\/2024\/12\/26\/00121735212873333249323\/Foto\/gastro.jpg\" width=\"768\" height=\"432\" \/><\/a><\/p>\n<p>Zarru de chigres, comida r\u00e1pida de quinta gama y perda d&#8217;identid\u00e1 culinaria: asina ta impactando la gastrificaci\u00f3n n&#8217;Asturies<\/p>\n<ul>\n<li>Fonte:<a href=\"https:\/\/www.lavozdeasturias.es\/noticia\/asturias\/2024\/12\/26\/amenaza-gastrificacion\/00031735212883662679193.htm?fbclid=IwZXh0bgNhZW0CMTEAAR2Ujh9awpfETq7FXqMI_9r7IdYkMqsYcJa0J5xsb_OjKe1qTwGosK40mSQ_aem_e9uyCtL911nVWGx30yRy4g\"> La Voz<\/a> \/<\/li>\n<\/ul>\n<p><em>\u00abTe tomes el mesmu caf\u00e9 o la mesma hamburguesa, en platu o caxa de cart\u00f3n, en Barcelona, Xix\u00f3n, Madrid o Sevilla\u00bb<\/em>, alvierte&#8217;l gastroconsultor Lluis Nel Estrada, qu&#8217;analiza los riesgos latentes d&#8217;esti fen\u00f3menu nos conceyos asturianos<br \/>\n<!--more--><br \/>\nAmenaza con homoxeneizar la siempres rica ufierta gastron\u00f3mica d&#8217;Asturies, quitar la so identid\u00e1 culinaria y perdiendo ese pervalible leg\u00e1u que se foi calteniendo vivu de xeneraci\u00f3n en xeneraci\u00f3n a lo llargo del los a\u00f1os.<\/p>\n<p>Ye&#8217;l fen\u00f3menu de la gastrificaci\u00f3n, que los sos impactos y posibles riesgos n&#8217;Asturies son encetaos nel \u00faltimu documentu de trabayu de la C\u00e1tedra de Turismo <strong>Uvi\u00e9u Orixe del Cam\u00edn<\/strong> pol gastroconsultor Lluis Nel Estrada, qu&#8217;asegura que ye necesariu dotase de <em>\u00abferramientes y ant\u00eddotos\u00bb para evitar qu&#8217;el nuesu patrimoniu gastron\u00f3micu quede apostr\u00e1u a una ufierta indistinguible y masificada n&#8217;una comunid\u00e1 avieyada, en \u00abevidente\u00bb cayente demogr\u00e1ficu \u2014sobremanera nos pueblos\u2014 y con una \u00abproblem\u00e1tica de potencial falta de mano d&#8217;obra activa nel sector hosteleru\u00bb.<\/em><\/p>\n<p>La xentrificaci\u00f3n, como recuerda Estrada, ye&#8217;l procesu de renovaci\u00f3n d&#8217;una zona urbana xeneralmente popular o deteriorada, qu&#8217;implica&#8217;l desplazamientu de la so poblaci\u00f3n orixinal per parte d&#8217;otra d&#8217;un mayor poder adquisitivu, y nos \u00faltimos a\u00f1os, impact\u00f3 \u00abde llenu\u00bb en n\u00facleos urbanos y barrios hist\u00f3ricos \u2014ende ta l&#8217;exemplu de Cimavilla, en Xix\u00f3n\u2014, seg\u00fan en pequenes villes costeres, cola eclosi\u00f3n de viviendes tur\u00edstiques. Esa <strong>xentrificaci\u00f3n tur\u00edstica<\/strong>, seg\u00fan el gastroconsultor, traxo consigo lo que se denomina gastrificaci\u00f3n o foodificaci\u00f3n de los territorios, un fen\u00f3menu \u00abque resulta f\u00e1cilmente detectable\u00bb con un simple pas\u00e9u pol cascu urbanu de cualquier ciud\u00e1 tur\u00edstica europea.<\/p>\n<p>\u00abSumen les tasques y chigres tradicionales d&#8217;estes \u00e1rees tur\u00edstiques y se desnaturaliza la ufierta y vezos gastron\u00f3micos del territoriu, llegando a sumir. Desembarquen les grandes marques de restauraci\u00f3n que provoquen que te tomes el mesmu caf\u00e9 o la mesma hamburguesa en platu o caxa de cart\u00f3n en Barcelona, Xix\u00f3n, Madrid, Sevilla o Salamanca\u00bb, esplica. Una ufierta gastron\u00f3mica \u00abtremendamente homoxeneizante\u00bb que, de la mesma, mueve a la poblaci\u00f3n local, que, seg\u00fan Estrada, reh\u00faye eses zones de consumu tantu pola masificaci\u00f3n qu&#8217;esiste en locales, terraces y cais como pola mesma desnaturalizaci\u00f3n y perda d&#8217;identid\u00e1 gastron\u00f3mica \u00abde lo que se viende y de c\u00f3mo se viende\u00bb.<\/p>\n<p><strong>Les consecuencies n&#8217;Asturies.\u00a0<\/strong>En dellos conceyos d&#8217;Asturies, por \u00abparad\u00f3xicu\u00bb que pueda resultar al ser un territoriu \u00abcon una diversid\u00e1 granible y patrimoniu y cultura gastron\u00f3mica tan potentes\u00bb, los riesgos de gastrificaci\u00f3n y\u00e1 t\u00e1n ende, latentes, y non solo por cuenta de la turistificaci\u00f3n masiva. As\u00ed, Estrada menta los cambeos de vezos nos nuevos consumidores, productu d&#8217;una educaci\u00f3n alimentaria \u00abdeficitaria\u00bb y una globalizaci\u00f3n \u00abmal entendida\u00bb nos vezos alimentarios: <em>\u00abLleguen les xeneraciones de la inmediatez, o la falta de tiempu para una fayadiza comida col so correspondiente sobremesa, lo que provoca una desafecci\u00f3n per parte d&#8217;un ampliu porcentaxe de los nuevos consumidores nel fechu de comer bien, conforme a los patrones de la nuesa cultura y vezos gastron\u00f3micos\u00bb.<\/em><\/p>\n<p>O la cultura de la inmediatez incentivada poles redes sociales y los influencers gastron\u00f3micos qu&#8217;emulen el consumu tur\u00edsticu \u2014\u00abparada, pos\u00e1u, xubida a redes sociales y siguimos ruta\u00bb, describe Estrada\u2014, <strong>mientres cierren chigres, cases de com\u00edes, cafetones y sidrer\u00edes tradicionales.<\/strong> <em>\u00abEn barrios y zones d&#8217;alta incidencia tur\u00edstica esti tipu d&#8217;establecimientos pasen a ser sustituy\u00edos por tou tipu de franquiciados hosteleros o establecimientos de comida informal, onde primen, am\u00e1s, les ellaboraciones de quinta gama\u00bb<\/em>, llamenta, esplicando que nel casu de los chigres am\u00e1s empieza a vese c\u00f3mo sume&#8217;l serviciu de barra y l&#8217;escanci\u00e1u profesional, en desterciu de la cultura sidrera asturiana que fai nada era reconocida como Patrimoniu Inmaterial de la Humanid\u00e1.<\/p>\n<p>Tami\u00e9n menta la falta d&#8217;obra cualificada nel sector hosteleru, que \u00abimpacta directamente na perda calidable ya identid\u00e1 de la ufierta gastron\u00f3mica asturiana\u00bb, principalmente nes \u00e1rees m\u00e1s turistificaes, y<strong> la perda de t\u00e9cnica y del recetario tradicional na ufierta gastron\u00f3mica<\/strong>. <em>\u00abLa falta de cultura culinaria dom\u00e9stica afecta tami\u00e9n a un sector de profesionales y entamadores hosteleros, de nueva xeneraci\u00f3n, que nun aprendieron a cocinar en casa y que nun cuntaron col leg\u00e1u familiar de madres o g\u00fceles del saber y sabor tradicional. Munchos de los ciclos formativos empobinaos a profesionales pasen desgraciadamente de dides polo que debe d&#8217;entendese como la base de la culinaria profesional n&#8217;Asturies, lo que repercute, arriendes d&#8217;ello, nuna futura ufierta gastron\u00f3mica descomanadamente globalizadora y ensin identid\u00e1\u00bb<\/em>, alvierte.<\/p>\n<p>Otra consecuencia de la gastrificaci\u00f3n que y\u00e1 se ta percibiendo n&#8217;Asturies ye <strong>la perda de vocabulariu aut\u00f3ctonu a la de definir platos y ellaboraciones.<\/strong> <em>\u00abAsturies ye tan rica y diversa tantu en producci\u00f3n agroalimentaria, como en recetario tradicional, como tami\u00e9n en vocabulariu para definir estos productos y ellaboraciones\u00bb<\/em>, esplica Estrada, qu&#8217;indica que prescindir d&#8217;esi vocabulariu n&#8217;asturianu favorez esa perda d&#8217;identid\u00e1 culinaria d&#8217;Asturies.<\/p>\n<p><strong>Quedase ensin identid\u00e1 gastron\u00f3mica.\u00a0<\/strong>Para entender lo que significa qu&#8217;Asturies pierda esta identid\u00e1 gastron\u00f3mica Estrada considera que ye fundamental entender lo que ye la gastronom\u00eda asturiana, que les sos caracter\u00edstiques son \u00abbien f\u00e1ciles\u00bb d&#8217;identificar: \u00abDende la cocina tradicional rural, la de les cases y guisanderes, pasando por tol potencial gastron\u00f3micu que trai la cultura de la sidra, dando darr\u00e9u pasu al influxu indianu de la emigraci\u00f3n asturiana a Am\u00e9rica Llatina, o la cocina m\u00e1s cl\u00e1sica y burguesa procedente de d\u00f3mines m\u00e1s reci\u00e9n y clases m\u00e1s riques; hasta llegar a esti tiempu de globalizaci\u00f3n onde lo propio paez <strong>recuperar el so valor por sanu y diferencial\u00bb.<\/strong><\/p>\n<p><strong>La cocina tradicional asturiana ye la de \u00ablos mil y un potes asturianos\u00bb, porque \u00aben cada valle, en cada aldega, en cada casa, ese mesmu pote cuntaba con variaciones na so ellaboraci\u00f3n\u00bb<\/strong>. Nesi sent\u00edu, el gastroconsultor destaca c\u00f3mo un problema estructural asturianu\u00bb como ye l&#8217;aislamientu xeogr\u00e1ficu apurri\u00f3 riqueza nes formes d&#8217;ellaborar munchos de los productos asturianos: <em>\u00abYe precisamente d&#8217;esi orixe rural primeru, ya industrial dempu\u00e9s col apurra de la miner\u00eda y la metalurxa, d&#8217;onde surden delles traces d&#8217;identid\u00e1 de la gastronom\u00eda asturiana baltes como los refer\u00edos a la firmeza y riqueza del comer n&#8217;Asturies. La dieta asturiana yera tradicionalmente una dieta humilde, pero hipercal\u00f3rica, por necesid\u00e1, que nos fixo herederos de la fama de bon comer por calid\u00e1 de lo que com\u00edamos, pero tami\u00e9n pola cantid\u00e1 de les raciones qu&#8217;esfrut\u00e1bamos, primero en casa, y depu\u00e9s nos chigres y cases de com\u00edes\u00bb.<\/em><\/p>\n<p><strong>C\u00f3mo combatir la gastrificaci\u00f3n.\u00a0\u00a0<\/strong>Teniendo en cuenta que la gastronom\u00eda asturiana sigue siendo, xuntu col paisaxe, unu de los motivos principales para escoyer la comunid\u00e1 como dest\u00edn tur\u00edsticu, Estrada calcula que la gastrificaci\u00f3n puede tener un desenvolvimientu m\u00e1s lentu. Sicas\u00ed, aboga por usar ferramientes \u00abnon solo para evitar que la xentrificaci\u00f3n gastron\u00f3mica impacte de llenu n&#8217;\u00e1rees y villes tur\u00edstiques, sin\u00f3n para consolidar y\u00e1 non solo la nuesa cultura gastron\u00f3mica dende una perspectiva tur\u00edstico y econ\u00f3mico, sin\u00f3n la nuesa cultura alimentaria, cada vez m\u00e1s afectada por motivos de toa \u00edndole\u00bb.<\/p>\n<p><strong>Dende formaciones gastron\u00f3miques y culinaries en colexos y centros sociales para educar el cielu la boca de los nuevos consumidores<\/strong>, como por casu la Escuela Popular de Gastronom\u00eda Sostenible de La Ribera desenvuelta pol Conceyu de La Ribera, hasta la escoyeta, y n&#8217;ocasiones recuperaci\u00f3n, de la memoria gastron\u00f3mica de los conceyos asturianos, que \u00absigue siendo una xera pindia\u00bb.<\/p>\n<p><em>\u00abCada xeneraci\u00f3n perdida nuna aldega o conceyu asturianu supon xuna perda de leg\u00e1u en forma de tradici\u00f3n oral, tocantes a lo que com\u00eden y comen los nuesos mayores\u00bb<\/em>, llamenta&#8217;l gastroconsultor, que recuerda que l&#8217;alta calid\u00e1 y l&#8217;amplia varied\u00e1 de la gastronom\u00eda asturiana constit\u00fain tami\u00e9n xuna ferramienta de llucha contra la gastrificaci\u00f3n.<\/p>\n<p><em>\u00abL&#8217;activaci\u00f3n de sinerxies entre pequenos productores locales, obradores y tresformadores artesanales, y tou tipu d&#8217;establecimientos hosteleros que faciliten l&#8217;atroxu de materies primes locales para&#8217;l sector, tami\u00e9n resulta fundamental para garantizar la identificaci\u00f3n de la nuesa gastronom\u00eda al travi\u00e9s del empl\u00e9u d&#8217;ingredientes locales. Y, am\u00e1s, aplicando esta midida, vamos tar encetando munchos otros oxetivos, refer\u00edos a aspeutos demogr\u00e1ficos, econ\u00f3micos y de contribuci\u00f3n a la sostenibilid\u00e1 de la nuesa redolada rural, y en consecuencia de la mesma Asturies\u00bb<\/em>, sostien.<\/p>\n","protected":false},"excerpt":{"rendered":"<p>Zarru de chigres, comida r\u00e1pida de quinta gama y perda d&#8217;identid\u00e1 culinaria: asina ta impactando la gastrificaci\u00f3n n&#8217;Asturies Fonte: La Voz \/ \u00abTe tomes el mesmu caf\u00e9 o la mesma hamburguesa, en platu o caxa de cart\u00f3n, en Barcelona, Xix\u00f3n, Madrid o Sevilla\u00bb, alvierte&#8217;l gastroconsultor Lluis Nel Estrada, qu&#8217;analiza los riesgos latentes d&#8217;esti fen\u00f3menu nos [&hellip;]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[219],"tags":[],"class_list":["post-38813","post","type-post","status-publish","format-standard","hentry","category-gastronomia"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/38813","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=38813"}],"version-history":[{"count":4,"href":"https:\/\/edublog.educastur.es\/ixuxu\/wp-json\/wp\/v2\/posts\/38813\/revisions"}],"predecessor-version":[{"id":38817,"href":"https:\/\/edublog.educastur.es\/ixuxu\/wp-json\/wp\/v2\/posts\/38813\/revisions\/38817"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=38813"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=38813"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=38813"}],"curies":[{"name":"wp","href":"https:\/\/api.w.org\/{rel}","templated":true}]}}