{"id":43387,"date":"2025-03-10T09:24:18","date_gmt":"2025-03-10T07:24:18","guid":{"rendered":"https:\/\/edublog.educastur.es\/ixuxu\/?p=43387"},"modified":"2025-03-10T10:42:30","modified_gmt":"2025-03-10T08:42:30","slug":"interpretamos-un-cartelu-6","status":"publish","type":"post","link":"https:\/\/edublog.educastur.es\/ixuxu\/2025\/03\/interpretamos-un-cartelu-6\/","title":{"rendered":"Interpretamos un cartelu: \u00f3nde, cu\u00e1ndo, qui\u00e9n, qu\u00e9&#8230; sobro arqueolox\u00eda"},"content":{"rendered":"<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" src=\"https:\/\/www.facebook.com\/plugins\/post.php?href=https%3A%2F%2Fwww.facebook.com%2Ffundacionbelenos%2Fposts%2Fpfbid02usNzk21aAq7j3d5qdf3Y8ayTyUmg3hATTDhiF8jMP7Hz8CDuNoZbdskfuXoVigrAl&#038;show_text=false&#038;width=500\" width=\"500\" height=\"281\" style=\"border:none;overflow:hidden\" scrolling=\"no\" frameborder=\"0\" allowfullscreen=\"true\" allow=\"autoplay; clipboard-write; encrypted-media; picture-in-picture; web-share\" 0=\"\/iframe\" class=\"iframe-class\"><\/iframe>\n<\/p>\n<ul>\n<li style=\"text-align: left\"><a href=\"https:\/\/scontent-mad1-1.xx.fbcdn.net\/v\/t39.30808-6\/482093302_9458304457617520_6374832501997364586_n.jpg?_nc_cat=102&amp;ccb=1-7&amp;_nc_sid=127cfc&amp;_nc_ohc=xrnIVavf664Q7kNvgHaivSd&amp;_nc_oc=AdgLy18rhCHjWdC6tFtp-GY79oLjAIEhHYY4-7n7Jbb2rDX7FGLtPIvf6KyqZJ3WUbI&amp;_nc_zt=23&amp;_nc_ht=scontent-mad1-1.xx&amp;_nc_gid=Ahc6TyNUNut62-5kLM6RiV7&amp;oh=00_AYEaqJRlVzDY04LHVWiqAm_jChN4WcJbTYmf4sKSlX1WFQ&amp;oe=67D46460\">Cartelu<\/a><\/li>\n<li style=\"text-align: left\">Entrevista: <a href=\"https:\/\/asturias4steam.eu\/concienciahistorica\/\">\u00abLa idea ye averar el m\u00e9todu cient\u00edficu a la reciella al travi\u00e9s de l&#8217;arqueolox\u00eda.\u00bb<\/a><\/li>\n<\/ul>\n<p><!--more--><\/p>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" width=\"500\" height=\"281\" src=\"https:\/\/www.youtube.com\/embed\/kQztL48gG7c\" title=\"CONCIENCIA HISTORICA 2020 Largo\" frameborder=\"0\" allow=\"accelerometer; autoplay; clipboard-write; encrypted-media; gyroscope; picture-in-picture; web-share\" referrerpolicy=\"strict-origin-when-cross-origin\" 0=\"allowfullscreen\" 1=\"\/iframe\" scrolling=\"yes\" class=\"iframe-class\"><\/iframe>\n<\/p>\n<p style=\"text-align: center\"><a href=\"https:\/\/asturias4steam.eu\/wp-content\/uploads\/2021\/06\/MargaritaFdezMier_banner.png\"><img loading=\"lazy\" decoding=\"async\" class=\"aligncenter \" src=\"https:\/\/asturias4steam.eu\/wp-content\/uploads\/2021\/06\/MargaritaFdezMier_banner.png\" width=\"459\" height=\"230\" \/><\/a><\/p>\n<p><em>Esti mes falamos con Margarita Fern\u00e1ndez Mier, Catedr\u00e1tica d\u2019Historia Medieval de la Universid\u00e1 d\u2019Uvi\u00e9u, de un proyeutu dida\u00faticu muy prestosu nel que \u00a0l\u2019arqueolox\u00eda ye una ferramienta al travi\u00e9s de la cual averar el m\u00e9todu cient\u00edficu a les rapacines y los rapacinos del CP Balmonte faci\u00e9ndo-yos participar en tolos procesos y fases d\u2019una escavaci\u00f3n arqueol\u00f3xica. Margarita tien una trayeutoria en forma llarga n\u2019investigaci\u00f3n en distintes instituciones, lo que-y da una perspeutiva bastante <\/em><em>complexa de lo que tien de ser la investigaci\u00f3n, la docencia y c\u00f3mo tien de repercutir na socied\u00e1.\u00a0<\/em><\/p>\n<p><strong>Dende\u2019l grupu d\u2019investigaci\u00f3n que dirixes,\u00a0 <\/strong><strong>LLABOR<\/strong><strong>,<\/strong><strong>\u00a0 tais intentando sacar l\u2019arqueolox\u00eda d\u2019esa torre de marfil. \u00bfQu\u00e9 ye esto de l\u2019arqueolox\u00eda comunitaria? <\/strong><\/p>\n<p>N\u00f3s trabayamos direutamente cola xente y col territoriu al travi\u00e9s de l\u2019arqueolox\u00eda. Ye perimportante reflexonar sobre\u2019l papel que xugamos na socied\u00e1 y sobre c\u00f3mo facer participar a toa esa xente, a la que tamos investigando y que na mayor\u00eda de los casos dexamos al marxen, tanto de los conocimientos que sintetizamos, como de les decisiones que se tomen en rellaci\u00f3n col patrimoniu . Nun se trata de traducir la investigaci\u00f3n en <em>papers Q1<\/em> -que tamien, eso hai que facelo- sin\u00f3n en convertila \u00a0nuna ferramienta \u00fatil pa la xente qu\u2019habita nesos territorios. Intentamos caltener l\u2019alta producci\u00f3n cient\u00edfica, pero colos pies afitaos na tierra pa coneutar con esa xente sobre la que tamos investigando.<\/p>\n<p><strong>Si bien ye verd\u00e1 que llevabeis tiempu informando en blog y en redes sociales sobre\u2019l trabayu del grupu en 2014 decidisteis dar un pas\u00edn m\u00e1s.<\/strong><\/p>\n<p>Nos caberos a\u00f1os f\u00e1lase muncho de \u201cArqueolox\u00eda p\u00fablica\u201d que significa facer part\u00edcipe a la xente de la investigaci\u00f3n. Les primeres esperiencies que ficimos foron alderiques y xornaes pa tresmitir la importancia de los yacimientos a la xente de los pueblos nos que t\u00e1bemos escavando.\u00a0 En 2013, Jes\u00fas Fern\u00e1ndez ech\u00f3 a andar<\/p>\n<p>en Santu Adrianu y a partir de la esitosa experiencia, planteg\u00e1monos da-y una vuelta a lo que t\u00e1bamos faciendo na excavaci\u00f3n, dando-y el formatu de talleres arqueol\u00f3xicos pa rapacines y rapacinos. L\u2019oxetivu yera integrar el conocimientu llocal, clave pa interpretar yacimientos y afondar na conocencia de los socied\u00e1es del pasau; \u00a0y asina dise\u00f1amos una serie de talleres rellacionaos cola escavaci\u00f3n: talleres de coci\u00f3n de cer\u00e1mica, reconstrucci\u00f3n d\u2019una cabana neol\u00edtica\u2026, pero siempre contando coles aportaciones de la xente que tien tov\u00eda conocimientos: los que saben facer pan, teitar\u2026 y foi un \u00e9situ.<\/p>\n<p><strong>Y d\u2019eh\u00ed, lo siguiente ye el proyeutu <\/strong><\/p>\n<p><strong>, una esperiencia d\u2019arqueolox\u00eda comunitaria na qu\u2019enred\u00e1is al colexu p\u00fablicu de Balmonte y al Ayuntamientu de Balmonte de Miranda y que ye\u2019l principal motivu d\u2019esta entrevista.\u00a0 \u00bfEn qu\u00e9 consiste la propuesta?<\/strong><\/p>\n<p>Dimos el pasu de trabayar col pueblu, colos turistes, a trabayar colos escolinos y escolines de Balmonte.\u00a0 Fai tres cursos planteg\u00e1monos cola direuci\u00f3n del colexu que\u2019l proyeutu dida\u00faticu xirase arrodiu la investigaci\u00f3n sobre\u2019l Monasteriu de Santa Mar\u00eda de Lapedo, un yacimientu de referencia en Balmonte; yera una manera de xuntar la nuesa investigaci\u00f3n en Viga\u00f1a, col sitiu nel que taben los escolinos.\u00a0 La idea yera convertir l\u2019arqueolox\u00eda na ferramienta al travi\u00e9s de la cual averar el m\u00e9todu cient\u00edficu a les rapacines y los rapacinos, faci\u00e9ndo-yos participar en tolos procesos y fases d\u2019una escavaci\u00f3n arqueol\u00f3xica y qu\u2019entiendan y vivan c\u00f3mo se xenera\u2019l conocimientu hist\u00f3ricu.<\/p>\n<p><strong>\u00bfPor qu\u00e9 Balmonte?<\/strong><\/p>\n<p>Porque ye\u2019l conceyu onde tamos escavando y am\u00e1s porque conozo a la direutora del colexu dende fai munchos a\u00f1os. Fac\u00eda tiempu que ven\u00edamos falando d\u2019ello y tamien nos influy\u00f3 les munches conversaciones que les dos tuviemos per a\u00f1os con una maeestra d\u2019infantil del colexu, Mar\u00eda Jes\u00fas. Nuria comparti\u00f3 con\u2019ella a\u00f1os de docencia y yo munches conversaciones cuando y daba clase a la mio f\u00eda. Pienso que foi una bona influencia nes dos y hai que reconoce-ylo, amas foi una pena que nun pudo ver los result\u00e1os de los \u00faltimos cursos. Pero pel branu cuando fac\u00edamos la escavaci\u00f3n yera imposible facer participar al colexu porque en xunetu taba pesllao. Falando cola direutora, Nuria Pel\u00e1ez, decidimos participar ensin neng\u00fan tipu de sofitu esternu nel cursu 2018-2019, esperimentando a ver que resultaba col allumn\u00e1u. Nel curso siguiente ya contamos cola financiaci\u00f3n de la que lleva dos cursos sofitando\u2019l proyeutu.<\/p>\n<p><strong>Esti ye un proyeutu que d\u2019entamu muncha xente enxam\u00e1s pensar\u00eda encuadrar na tipolox\u00eda de proyeutos STEAM <\/strong><\/p>\n<p>Si, como tu dic\u00edes xeneralmente los proyeutos STEAM paez que siempres se sofiten na Teunolox\u00eda, les Ciencies\u2026, pero nesti casu la intenci\u00f3n yera emplegar el patrimoniu pa introducilos nel m\u00e9todu cient\u00edficu y qu\u2019entamen a da-y valir al patrimoniu llocal, los raiga\u00f1os del territoriu nel que tan viviendo. Y eso, probablemente ye lo m\u00e1s importante nel mundu rural, esa ye la batalla,\u00a0 da-yos ferramientes de calter identitariu y de revalorizaci\u00f3n del mundu rural.<\/p>\n<p><strong>En esa revalorizaci\u00f3n del patrimoniu y los saberes llocales \u00bfHasta qu\u00e9 puntu influye tener unos raiga\u00f1os mui fondos nel mundu rural como ye\u2019l to casu? <\/strong><\/p>\n<p>Eso ye perimportante porque fai que lo veas d\u2019una forma distinta y ll\u00e9vate a plantegate c\u00f3mo tolo que se fai dende\u2019l mundu cient\u00edficu tien de repercutir positivamente nesi mundu rural del que munches vegaes nun somos a pescanciar los c\u00f3digos. Am\u00e1s, tami\u00e9n influye muncho en da-y valir a esa cultura rural y poner n\u2019equilibriu\u2019l\u00a0 conocimientu cient\u00edficu y la conocencia llocal. Entiendo que ye dif\u00edcil pa los investigadores renunciar al espexismu de la superiorid\u00e1 del conocimiento cient\u00edficu, pero hai que tener mui presente la xente que dende milenios foi atesorando experiencia de conocencia del mediu, que nun podemos escaecer y que hai qu\u2019equilibrar col mundo cient\u00edficu. Nesti casu ye mui sintom\u00e1tico que la mayor parte de la xente que collabora col grupu d\u2019investigaci\u00f3n tien que ver col mundo rural; dempu\u00e9s de once a\u00f1os d\u2019investigaci\u00f3n, somos conscientes que la g\u00fceyada de la xente que tienen raiga\u00f1os no rural ye mui distinta de la perceici\u00f3n de la xente que nun tiene m\u00e1s referente que la ciud\u00e1. Ye un interesante esperimentu socioll\u00f3xicu.<\/p>\n<div id=\"attachment_1688\" class=\"wp-caption aligncenter\">\n<p><img loading=\"lazy\" decoding=\"async\" class=\"wp-image-1688 size-full\" src=\"https:\/\/asturias4steam.eu\/wp-content\/uploads\/2021\/06\/Fig1_rec.jpg\" alt=\"vista al yacimientu del Cuernu\" width=\"765\" height=\"370\" aria-describedby=\"caption-attachment-1688\" \/><\/p>\n<p id=\"caption-attachment-1688\" class=\"wp-caption-text\">De visita al yacimientu del Cuernu<\/p>\n<\/div>\n<p><strong>\u00bfC\u00f3mo se desendolca\u2019l proyeutu nun cursu normal? <\/strong><\/p>\n<p>Al entamu\u2019l cursu facemos una activid\u00e1 de motivaci\u00f3n. Esi a\u00f1u llevamos a tola comunid\u00e1 educativa al yacimientu del Cuernu que t\u00e1bemos escavando en Viga\u00f1a, que t\u00e1 a 1100 m d\u2019altit\u00fa.\u00a0 Tuvimos que rozar un cam\u00edn pa poder llevalos en todoterrenos y que viesen lo que ye una escavaci\u00f3n arqueol\u00f3xica y se motivaren pal desendolcu del proyeutu a lo llargo\u2019l cursu. Ya dende esi momento contamos col sofitu del Ayuntamientu, as\u00ed que podemos decir que\u2019l proyectu ye una tayuela af\u00edtada en tres pates: el colexu, la Universid\u00e1 y l\u2019Ayuntamientu.<\/p>\n<p><strong>Y a partir d\u2019eh\u00ed empieza\u2019l trabayu nel aula pa documentase. <\/strong><\/p>\n<p>Dise\u00f1amos una unid\u00e1 cola documentaci\u00f3n qu\u2019hai sobre\u2019l monasteriu qu\u2019agora mesmo ta en ruines nuna finca nes afueres de Balmonte. Ye un peque\u00f1u averamientu hist\u00f3ricu, una informaci\u00f3n m\u00ednima pa que los docentes emprincipiaren a trabayar colos ne\u00f1os y ne\u00f1es.<\/p>\n<div id=\"attachment_1690\" class=\"wp-caption aligncenter\">\n<p><img loading=\"lazy\" decoding=\"async\" class=\"wp-image-1690 size-full\" src=\"https:\/\/asturias4steam.eu\/wp-content\/uploads\/2021\/06\/zooarqueoloxia.jpg\" alt=\"taller de zooarqueoloxia\" width=\"750\" height=\"380\" aria-describedby=\"caption-attachment-1690\" \/><\/p>\n<p id=\"caption-attachment-1690\" class=\"wp-caption-text\">Taller de Zooarqueolox\u00eda<\/p>\n<\/div>\n<p><strong>La ciencia y la teunolox\u00eda tan mui presentes nos talleres que vais ufiertando demientres el cursu.<\/strong><\/p>\n<p>Eso ye. Dise\u00f1amos una serie de talleres qu\u2019amosaben les actividaes que se lleven a cabu nuna escavaci\u00f3n. Por exemplu, un taller d\u2019arqueolox\u00eda forense, pa desplica-yos c\u00f3mo estudiamos un enterramientu pa sacar informaci\u00f3n sobre la vida de les sociedaes del pas\u00e1u. Otru de zooarqueolox\u00eda, pa qu\u2019entiendan qu\u00e9 entrugues nos facemos cuando atopamos g\u00fcesos d\u2019animales nun yacimientu, por exemplu: cu\u00e1ndo se maten, qu\u00e9 tipu de ganao ten\u00eden. Otru foi un taller de reconstrucci\u00f3n en 3D de les pieces de cer\u00e1mica qu\u2019atopamos; tamien facemos un taller cer\u00e1mica con Orlando Mor\u00e1n que llega a facenos un forn\u00edn pa cocer les pieces que fan los ne\u00f1os y ne\u00f1es, ah\u00ed ya entra la conocencia cient\u00edfica y la etnogr\u00e1fica. \u00a0Esti a\u00f1u ficimos unu del estudiu de los carbones que atopamos nes excavaciones. \u00a0Cada cursu intentamos buscar coses distintes.<\/p>\n<div id=\"attachment_1689\" class=\"wp-caption aligncenter\">\n<p id=\"caption-attachment-1689\" class=\"wp-caption-text\"><strong>Taller de memoria oral<\/strong><\/p>\n<\/div>\n<p>Tamos trabayando sobre la socied\u00e1 en xeneral, as\u00ed que tami\u00e9n facemos talleres de tradici\u00f3n oral con Amb\u00e1s y Rams\u00e9s, que siempres mos echen un gabitu y a los que tengo qu\u2019 agradecer la so desintresada collaboraci\u00f3n. Lo mesmo que a Nieves Gonz\u00e1lez, la panadera, que siempre se pon a disposici\u00f3n. La idea ye revalorizar esi tipu de cultura. El proyeutu busca l\u2019equilibriu ente diferentes tipos de saberes y todos tenemos coses qu\u2019apurrir.<\/p>\n<div id=\"attachment_1691\" class=\"wp-caption aligncenter\">\n<p><img loading=\"lazy\" decoding=\"async\" class=\"size-full wp-image-1691\" src=\"https:\/\/asturias4steam.eu\/wp-content\/uploads\/2021\/06\/excavando.jpg\" alt=\"escavando\" width=\"750\" height=\"350\" aria-describedby=\"caption-attachment-1691\" \/><\/p>\n<p id=\"caption-attachment-1691\" class=\"wp-caption-text\">Escolinos del CP Balmonte escavando<\/p>\n<\/div>\n<p><strong>Y too esti trabayu nun se fai porque s\u00ed.\u00a0 <\/strong><\/p>\n<p>Too esto termina cola escavaci\u00f3n nel monasteriu y esti a\u00f1u cola escavaci\u00f3n nel medio del pueblu. Dempu\u00e9s de deprender munches cosines facemos una escavaci\u00f3n seria. Yo digo-yos a les ne\u00f1es y los ne\u00f1os que vamos a pasar de xugar cola arqueolox\u00eda, a escavar de verd\u00e1.\u00a0 Ye importante que los rapacinos y rapacines escaven, que s\u2019empuerquen, que s\u2019emocionen viendo si-yos sal cer\u00e1mica o non, que sepan lo que ye pe\u00f1erar, cribar, inventariar\u2026, pero darr\u00e9u hai que deducir a partir d\u2019eh\u00ed. Lo importante ye que vean que nun s\u00f3lo ye pasalo bien, sin\u00f3n que tienen qu\u2019albidrar, que sacar conclusiones.<\/p>\n<p><strong>Y esa \u00faltima parte ye precisamente la que suel tar ausente de les clases convencionales d\u2019historia <\/strong><\/p>\n<p>Esa ye la barrera que siempres quisimos francer. Pues tener un p\u00fablicu que se siente y escuche, pero eso nun ye tresferencia del conocimientu. La \u00fanica manera de que sepan lo que ye\u2019l trabayu cient\u00edficu ye faci\u00e9ndo-yos participar braeramente en tolos procesos.<\/p>\n<p><strong>Tolos proyeutos xeneren unos resultaos \u00bfQu\u00e9 se fixo coles conclusiones que sacaron? <\/strong><\/p>\n<p>El primer cursu les rapacines y rapacinos organizaron una feria nel parque\u2019l pueblu p\u2019amosar lo qu\u2019atoparen y desplicar c\u00f3mo algamaren determinaes conclusiones. Armaron una conferencia y desplicaben too con un pallabreru espec\u00edficu. Llam\u00f3nos l\u2019atenci\u00f3n la naturalid\u00e1 cola qu\u2019emplegaben t\u00e9rminos como estratigraf\u00eda, desamortizaci\u00f3n\u2026<\/p>\n<p>Otra activid\u00e1 que primero yera dalgo marxinal, que nun taba planeada, pero qu\u2019acab\u00f3 tornando en dalgo mui guapo foi llocalizar tolos restos del monasteriu qu\u2019hab\u00eda desperdigaos per Balmonte. Hai un mont\u00f3n de sillares, bases, columnes peles cases y muries del pueblu. F\u00edzose una catalogaci\u00f3n con una fichina pa dir metiendo nuna base de datos a\u00fa taben los restos del monasteriu, foron llocaliz\u00e1ndolos, faciendo-yos semeyes y viendo c\u00f3mo se trabaya col patrimoniu.<\/p>\n<p><strong>Nel proyeutu collabora l\u2019Ayuntamientu de Balmonte que-yos propunxo facer una ruta bas\u00e1ndose na documentaci\u00f3n que ficieren. <\/strong><\/p>\n<p>Eso ye lo que vino en llamase la \u201cChalga de los Escolinos\u201d, un percorr\u00edu se\u00f1aliz\u00e1u que pues facer agora mesmo si vas a Balmonte. Y eso enlazaba col proyeutu de contratu-serviciu que ten\u00eda el colexu.<\/p>\n<p><strong>Otru oxetivu del proyeutu ye fomentar vocaciones cient\u00edfiques, pero veo diferencies con iniciatives d\u2019esti tipu, porque nun vos sofitais tanto n\u2019alderiques motivacionales, sin\u00f3n que pon\u00e9is a les escolines y escolinos a trabayar coldu con coldu con investigadores que tan n\u2019estayes diferentes de la so carrera y qu\u2019am\u00e1s trabayen en fasteres de conocimientu dixebraes. <\/strong><\/p>\n<p>Participa muncha xente. La mayor parte de es activid\u00e1es sof\u00edtense nel trabayu de Pablo L\u00f3pez, que pertenez al grupu d\u2019investigaci\u00f3n; tami\u00e9n participen otros becarios o investigadores que tan entamando coles investigaciones o que tienen proyeutos d\u2019investigaci\u00f3n en marcha. Esti a\u00f1u, el proyeutu taba pens\u00e1u en tornu al conceutu del agua que se trabay\u00f3 de una manera perinteresante dende\u2019l colexu. Tol profesor\u00e1u tuvo mui implic\u00e1u y nosotros fuimos adaptando los talleres y actividades al proyeutu. Por exemplu, particip\u00f3 <em>on line<\/em> una alumna m\u00eda que ta trabayando en Per\u00fa con sistemes aterrazaos nel mundu inca; ficimos una conex\u00f3n colos escolinos y escolines pa falar sobre esti tema y que vieren lo importante que ye l\u2019agricultura y la naturaleza n\u2019eses cultures.<\/p>\n<p><strong>Paezme que con esto y\u00e1 podemos facenos una idea de lo potente que ye esta propuesta, pero nun puedo dexar d\u2019entrugate hasta qu\u00e9 puntu influy\u00f3 la to llabor como docente nel \u00e1mbito universitariu pa iguar esti proyeutu. \u00bfEsto d\u2019averar l\u2019arqueolox\u00eda a ne\u00f1es y ne\u00f1os de Primaria yera dalgo a lo que-y llevabes tiempu dando vueltes? <\/strong><\/p>\n<p>Demientres tuvi na Universid\u00e1 de Lli\u00f3n impart\u00ed durante catorce a\u00f1os l\u2019asignatura de Did\u00e1utica de la Historia n\u2019Educaci\u00f3n Primaria; esta reivindicaci\u00f3n \u00f1az d\u2019eh\u00ed. Nesos catorce a\u00f1os tuvi tiempu a da-y munches vueltes a qu\u00e9 hab\u00eda que facer nuna asignatura d\u2019esti tipu. Y tengo pendiente volcar toes este idees nun manual.\u00a0 Catorce a\u00f1os pensando col alumn\u00e1u c\u00f3mo formalos como maestros que darr\u00e9u algamen despertar inter\u00e9s y vocaciones ente los ne\u00f1os y les ne\u00f1es a los que-yos van poner clas.<\/p>\n<p>Yo reivindico la importancia de la did\u00e1utica de la historia.\u00a0 Nel casu de mio sirvi\u00f3me pa decatame de c\u00f3mo tenemos de tresmitir eso y c\u00f3mo nos tenemos qu\u2019implicar nesi procesu; camiento que ye un equ\u00edvocu pergrave la estremadura qu\u2019hai ente los departamentos de Dida\u00fatica y la xente que trabaya nes distintes disciplines.<\/p>\n<p><strong>\u00bfHai esperiencies asemeyaes n\u2019otres comunidaes aut\u00f3nomes, pa\u00edses o esto ye dalgo nuevo? <\/strong><\/p>\n<p>S\u00ed. De fechu esti a\u00f1u ficimos un cursu ente\u2019l CSIC y la Universid\u00e1 d\u2019Uvi\u00e9u que s\u2019entitulaba \u201cSi haces ciencia, div\u00falgala\u201d y eh\u00ed punx\u00e9ronse sobre la mesa una serie d\u2019iniciatives mui diverses.\u00a0 Hai un grupu mui potente del CSIC en Barcelona que trabaya temes de Prehistoria con coleutivos marxinales. Tienen un proyeutu mui guapu n\u2019El Rabal, otru con xente discapacitada.\u00a0 Y tami\u00e9n hai muncha xente trabayando n\u2019Extremadura, Andaluc\u00eda nel mediu rural.\u00a0 Nel \u00e1mbitu internacional too esto tien munchu m\u00e1s desarrollu sobre todo nel mundu anglosax\u00f3n.<\/p>\n<p><strong>\u00bfQu\u00e9 ye lo siguiente? <\/strong><\/p>\n<p>La nuesa idea ye da-y una vuelta, porque sedr\u00eda perimportante poder llevar esto a los institutos. Creo qu\u2019hai que dir afitando esti tipu de cuestiones colos institutos de la zona y d\u2019eh\u00ed enllazar cola Universid\u00e1. Col institutu y\u00e1 se pue trabayar d\u2019otra manera, asina que cuando salga la siguiente convocatoria de los proyeutos FECYT, tenemos que da-y una vuelta y ver c\u00f3mo dir dando pasos n\u2019esti sen. De mano esti cursu ya ficimos coses tamien col colexu de Proaza, aunque se fizo como estraescolares, non dentro del proyeutu did\u00e1uticu.<\/p>\n<p>&nbsp;<\/p>\n","protected":false},"excerpt":{"rendered":"<p>Cartelu Entrevista: \u00abLa idea ye averar el m\u00e9todu cient\u00edficu a la reciella al travi\u00e9s de l&#8217;arqueolox\u00eda.\u00bb<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[206,214],"tags":[],"class_list":["post-43387","post","type-post","status-publish","format-standard","hentry","category-arqueoloxia","category-cartelos"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/43387","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=43387"}],"version-history":[{"count":6,"href":"https:\/\/edublog.educastur.es\/ixuxu\/wp-json\/wp\/v2\/posts\/43387\/revisions"}],"predecessor-version":[{"id":43393,"href":"https:\/\/edublog.educastur.es\/ixuxu\/wp-json\/wp\/v2\/posts\/43387\/revisions\/43393"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=43387"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=43387"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=43387"}],"curies":[{"name":"wp","href":"https:\/\/api.w.org\/{rel}","templated":true}]}}