{"id":44519,"date":"2025-03-23T17:57:49","date_gmt":"2025-03-23T15:57:49","guid":{"rendered":"https:\/\/edublog.educastur.es\/ixuxu\/?p=44519"},"modified":"2025-03-23T18:05:22","modified_gmt":"2025-03-23T16:05:22","slug":"juncal-alonso-de-la-cuenca-minera-al-imperiu-de-twitch","status":"publish","type":"post","link":"https:\/\/edublog.educastur.es\/ixuxu\/2025\/03\/juncal-alonso-de-la-cuenca-minera-al-imperiu-de-twitch\/","title":{"rendered":"Juncal Alonso, de la cuenca minera al imperiu de Twitch"},"content":{"rendered":"<p style=\"text-align: center\"><a href=\"https:\/\/estaticos-cdn.prensaiberica.es\/clip\/3c02e304-5fdc-4b24-a0ef-cd1c55b18eec_16-9-aspect-ratio_default_0_x765y485.webp\"><img loading=\"lazy\" decoding=\"async\" class=\"aligncenter \" src=\"https:\/\/estaticos-cdn.prensaiberica.es\/clip\/3c02e304-5fdc-4b24-a0ef-cd1c55b18eec_16-9-aspect-ratio_default_0_x765y485.webp\" width=\"636\" height=\"358\" \/><\/a><\/p>\n<p>Juncal Alonso, de la cuenca minera al imperiu de Twitch: una asturiana ente les profesionales nueves con m\u00e1s potencial del pa\u00eds.<span style=\"color: #008080\"><em> \u00abAsturies ye nuesa \u00cdtaca particular, entamamos el viaxe siempres teni\u00e9ndola como dest\u00edn final, dacuando ensin danos cuenta de que teamos onde teamos y\u00e1 nos lo dio tou, vien con n\u00f3s y ye parte de lo que somos\u00bb.<\/em><\/span><\/p>\n<ul>\n<li>Fonte: <a href=\"https:\/\/www.lne.es\/asturias-exterior\/2025\/03\/22\/juncal-alonso-cuenca-minera-imperio-115566721.html?fbclid=IwY2xjawJNDmlleHRuA2FlbQIxMQABHWwiqBA0RDD3QPnZMNwpoK7fi4F3TC7DmFMTKS-sO1RJaMNT3X6tMOih8A_aem__I7G6rMW4P_Bkgv6dartww\">LNE<\/a> \/<\/li>\n<\/ul>\n<p><!--more--><\/p>\n<p><em>\u00abNac\u00ed n&#8217;Ayer. Lidero en Madrid la estratexa creativa del <strong>Brand Partnerships Studio de Twitch<\/strong>, el mayor serviciu de streaming del mundu y parte del ecosistema Amazon n&#8217;Espa\u00f1a. Am\u00e1s, fui escoyida por Nova como una de los 111 profesionales menores de 35 a\u00f1os con m\u00e1s potencial del pa\u00eds. El mio trabayu siempres consisti\u00f3 en cuntar hestories: de persones, marques y organizaciones, buscando crear conexones al travi\u00e9s de la creativid\u00e1\u00bb<\/em><\/p>\n<p>Ye una de los 111 profesionales menores de 35 a\u00f1os con m\u00e1s potencial del pa\u00eds. Casi nada. Juncal Alonso (Ayer, 1991) lidera en Madrid la estratexa creativa del Brand Partnerships Studio de Twitch,<strong> el mayor serviciu de streaming del mundu<\/strong>.<\/p>\n<p>Rebobinemos: <em>\u00abPor caprichu del mio padre, nac\u00ed en \u2018Ayer\u2019. Asina lo inscribi\u00f3 nel rexistru, a pesar de que llegu\u00e9 al mundu nel hospital n&#8217;Uvi\u00e9u. Los ayeranos tami\u00e9n nacemos onde queremos. Esti fechu reflexa&#8217;l so enfotu \u2013creo qu&#8217;esitosu\u2013 en crear nel mio hermanu y en mi un enraigono y un arguyu de \u2018pueblu\u2019. Los mios padres, que siempres nos dieron llibert\u00e1 para salir y esquizar, supieron semar en n\u00f3s esi xerme d&#8217;asturian\u00eda que nos devuelve a casa con solo escuchar una palabra nesi acentu cantariegu tan nuesu. Potenciaron en n\u00f3s grandes nales con raiga\u00f1os fuertes, un gran sent\u00edu de la llealt\u00e1 y la xusticia tan amestaos a esta tierra, y un tes\u00f3n que raspia la cabezoner\u00eda, propiu de los de \u2018la viga traves\u00e1\u2019\u00bb.<\/em><\/p>\n<p>Los sos primeros a\u00f1os trescurrieron en Moreda d&#8217;Ayer, arrodiada de muyeres: <em>\u00abToya, Mati, Lluz\u2026 y la mio g\u00fcela Zuce, omnipresente como cuidadora y referente, ent\u00f3s y agora. Cuando los mios padres trabayaben, siempres hab\u00eda dalguna \u2013munches vegaes toes\u2013 en casa, d\u00e1ndo-y sent\u00edu a la palabra sororidad muncho primero de que se punxera de moda. Depu\u00e9s camudamos a La Pola L.lena, onde pas\u00e9 la mayor parte de la mio ni\u00f1ez y moced\u00e1, gan\u00e1ndome les credenciales de \u2018asturiana de la cuenca minera\u2019 que llevo con arguyu\u00bb.<\/em><\/p>\n<p>Foi al colexu Sagrada Familia-El Pilar, onde empez\u00f3 a forxase<em> \u00abla mio vocaci\u00f3n. Yera una \u2018mala\u2019 estudiante de bones notes. Tuvi grandes profesores que s&#8217;ocuparon de potenciar otres habilidaes qu&#8217;angua\u00f1o son clave nel mio oficiu. El club de llectura y les redacciones qu&#8217;escrib\u00eda cada domingu para Yayo desenvolvieron el mio amor poles lletres; los concursos de dibuxu y toles \u2018fueyes\u2019 que pint\u00e9 fix\u00e9ronme entender la importancia visual de les idees; les obres de teatru de Carlos emburri\u00e1ronme a crear ensin complexos, y les oportunidaes creatives que Rafa punxo sobro la mesa non solo semaron la grana del mio oficiu, sin\u00f3n que tami\u00e9n me brindaron la posibilid\u00e1 de faer el mio primer viaxe fora d&#8217;Espa\u00f1a coles mios compa\u00f1eres\u00bb.<\/em><\/p>\n<p>Entrando&#8217;l primer d\u00eda de clase al sal\u00f3n d&#8217;actos, \u00abRafa estrem\u00f3me un segundu para dicime que llegara un proyectu y qu&#8217;hab\u00eda que montar equipu. Tr\u00e1tase d&#8217;un concursu para amosar la nuesa visi\u00f3n de la Uni\u00f3n Europea, col premiu d&#8217;un viaxe para conocer les sos instituciones. Fiximos un curtiu con mo\u00f1ecos de plastilina qu&#8217;agora alcordanza con tenrura, tantu pol terrible esfuerzu que supunxo cada figurina y la so grabaci\u00f3n como pola resultancia, que nun foi otru que l&#8217;esperable d&#8217;un grupu de seis ne\u00f1es ensin conocencies na materia. Eso s\u00ed, ganamos, fuimos a Bruxeles y, por primer y \u00fanica vegada, un frisuelu s\u00fapome m\u00e1s ricu qu&#8217;un frixuelu del mio \u2018g\u00fcela\u2019. Taba comiendolo na Grand Presta coles mios amigues, gracies a una idea que saliera de les nueses cabeces. A nenguna d&#8217;elles sosprendi\u00f3-yos qu&#8217;a\u00f1os dempu\u00e9s decant\u00e1rame por estudiar periodismu, a pesar de que paec\u00eda empuesta a ciencies\u00bb.<\/p>\n<p>En 2015, en plena crisis de refuxaos, <em>\u00abvi lo que taba pasando en Calais con \u2018The Jungle\u2019, unu de los campamentos de m\u00e1s grandes d&#8217;Europa. Present\u00e9me ell\u00ed como voluntaria para collaborar con una ONG local. *Malviv\u00edan m\u00e1s de 10.000 persones ensin neng\u00fan tipu d&#8217;infraestructura y fa\u00eden falta manos para tou. Gracies a esta esperiencia, entend\u00ed&#8217;l valor d&#8217;aplicar les habilidaes adquir\u00edes nel \u00e1mbitu profesional a l&#8217;acci\u00f3n social. Tiempu dempu\u00e9s, un amigu asturianu fal\u00f3me d&#8217;una iniciativa n&#8217;Uganda: un programa d&#8217;agricultura de caf\u00e9 sostenible por que los llabradores pudieren unviar a los sos f\u00edos a la escuela. Un\u00edme, ensin\u00a0 duldar. Construyimos la marca de caf\u00e9, creemos xuna empresa social que reinvert\u00eda los beneficios nel desenvolvimientu de la comunid\u00e1 y pasamos d&#8217;unes docenes de granxeros a m\u00e1s de mil seiscientos en tol pa\u00eds. Aquel amigu asturianu convertiose nel mio home. Siguimos faciendo equipu y enguedey\u00e1ndonos\u2019 l&#8217;unu al otru para sacar alantre proyectos como este\u00bb.<\/em><\/p>\n<p>La creativid\u00e1 \u00abnun ye otra cosa que saber crear conexones entre distintos conceutos ya idees. Faen falta referencies, cuantes m\u00e1s y m\u00e1s diverses, meyor. Munches t\u00e1n en llibros, esposiciones, cine\u2026 pero tami\u00e9n n&#8217;esperiencies vitales. <strong>Aprender a mirar y ver el valor de lo que tenemos delantre son deberes de casa<\/strong>. Por eso, a pesar de vivir fora d&#8217;Asturies dende los 18 a\u00f1os y tar en m\u00e1s pa\u00edses qu&#8217;a\u00f1os tengo, nun dex\u00e9 de pasar nin un solu branu en Xix\u00f3n. Va ser la so lluz d&#8217;agostu, como diz Nachu Vegues, o que soi asturiana practicante, porque me gusta sacar l&#8217;asturian\u00eda a ventilar tou lo que puedo, por que nun s&#8217;aferru\u00f1e\u00bb.<\/p>\n<p>Va unos meses adoptaron xuna perrina \u00aby asocedi\u00f3nos llamala \u2018Ablana\u2019. Sol\u00eda ser una palabra bien recurrente na mio casa porque los mios g\u00fcelos ten\u00eden \u2018ablanos\u2019, pero llevaba a\u00f1os ensin utilizala. Hasta agora, que la tengo que repitir costantemente\u2026 y cuando lo faigo, munches vegaes afayo pensando nel mio g\u00fcelu Jes\u00fas, en \u2018todes les ablanes\u2019 que refugu\u00e9 magar la so insistencia y na mio g\u00fcela Nieves percorriendo&#8217;l perllargu pasiellu para tra\u00e9meles acabante turrar.<\/p>\n<p>Va a\u00f1os que morrieron y nunca naide volvi\u00f3 ufiertame ablanes. Escuchar \u2018ablana\u2019 en boca de los mios amigos de fora d&#8217;Asturies, d&#8217;angloparlantes y de llatinos ye un trunfu peque\u00f1\u00edn que m&#8217;enllena d&#8217;arguyu, un troc\u00edn de la mio casa asturiana que y\u00e1 forma parte d&#8217;otres de too el mundu. Lo de practicar l&#8217;asturian\u00eda na mio casa traduzse en fabaes para 15 o 20 amigos un par de vegaes al a\u00f1u colos ingredientes tra\u00edos la mayor parte de les vegaes de Moreda de la carnicer\u00eda de Pep\u00edn hasta Londres o Madrid. Nun se trata solo de comer el platu t\u00edpicu, sin\u00f3n de compartir como lo faemos ell\u00ed porque les meses n&#8217;Asturies siempres fueron bien llargues y si nun cabemos, faise sitiu, tr\u00e1ense sielles, cuyares, dalg\u00fan aguanta de pies\u2026 pero comemos toos\u00bb.<\/p>\n<p>Asturies ye <em>\u00abpara munchos de n\u00f3s nuesa \u00cdtaca particular, entamamos el viaxe siempres teni\u00e9ndola como dest\u00edn final, dacuando ensin danos cuenta de que teamos onde teamos, volvamos o non, Asturies y\u00e1 nos lo dio tou. Vien con n\u00f3s y ye parte de quien somos\u00bb.<\/em><\/p>\n<p>&nbsp;<\/p>\n","protected":false},"excerpt":{"rendered":"<p>Juncal Alonso, de la cuenca minera al imperiu de Twitch: una asturiana ente les profesionales nueves con m\u00e1s potencial del pa\u00eds. \u00abAsturies ye nuesa \u00cdtaca particular, entamamos el viaxe siempres teni\u00e9ndola como dest\u00edn final, dacuando ensin danos cuenta de que teamos onde teamos y\u00e1 nos lo dio tou, vien con n\u00f3s y ye parte de [&hellip;]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[121],"tags":[],"class_list":["post-44519","post","type-post","status-publish","format-standard","hentry","category-muyeres"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/44519","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=44519"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/posts\/44519\/revisions"}],"predecessor-version":[{"id":44522,"href":"https:\/\/edublog.educastur.es\/ixuxu\/wp-json\/wp\/v2\/posts\/44519\/revisions\/44522"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=44519"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=44519"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=44519"}],"curies":[{"name":"wp","href":"https:\/\/api.w.org\/{rel}","templated":true}]}}