{"id":46936,"date":"2025-04-28T11:41:37","date_gmt":"2025-04-28T09:41:37","guid":{"rendered":"https:\/\/edublog.educastur.es\/ixuxu\/?p=46936"},"modified":"2025-04-30T11:56:05","modified_gmt":"2025-04-30T09:56:05","slug":"46936","status":"publish","type":"post","link":"https:\/\/edublog.educastur.es\/ixuxu\/2025\/04\/46936\/","title":{"rendered":"Entrevista con Carmen Ruiz-Tilve"},"content":{"rendered":"<p style=\"text-align: center\"><a href=\"https:\/\/estaticos-cdn.prensaiberica.es\/clip\/f7400d54-593e-48f3-83fc-06006c6a6813_16-9-discover-aspect-ratio_default_0.webp\"><img loading=\"lazy\" decoding=\"async\" class=\"aligncenter size-large\" src=\"https:\/\/estaticos-cdn.prensaiberica.es\/clip\/f7400d54-593e-48f3-83fc-06006c6a6813_16-9-discover-aspect-ratio_default_0.webp\" width=\"1200\" height=\"675\" \/><\/a><\/p>\n<ul>\n<li><span style=\"color: #008080\"><em>\u00abUvi\u00e9u tien de saber lo que ye<br \/>\ny nun pretender ser lo que nun ye;<strong><br \/>\ntien que modernizase calteniendo les sos tradiciones\u00bb.\u00a0\u00a0<\/strong><\/em><\/span><\/li>\n<li><span style=\"color: #008080\"><strong>La Corredoria&#8230;<\/strong>\u00a0<em>Tengo un colexu col mio nome, y ye bien guapu.<br \/>\nLa Corredoria ye casi una ciud\u00e1 y\u00e1, ye pergrande.<\/em><\/span><\/li>\n<li>Fonte: <a href=\"https:\/\/www.lne.es\/oviedo\/2025\/04\/28\/oviedo-debe-pretender-modernizarse-manteniendo-116803388.html\">LNE<\/a> \/<\/li>\n<\/ul>\n<p><!--more--><\/p>\n<p>LA NUEVA ESPA\u00d1A presenta la serie \u00abUvi\u00e9u, a cuerpu de cai\u00bb, un percorr\u00edu per una ciud\u00e1 de m\u00e1s de mil doscientos a\u00f1os, una capital a escala humana que se vive al travi\u00e9s de los sos barrios. En diverses entregues, la serie va ufiertar un pas\u00e9u por esos barrios en busca de les hestories humanes que definen a la capital asturiana. Na siguiente entrevista, Carmen Ruiz-Tilve, cronista oficial d&#8217;Uvi\u00e9u, ufierta&#8217;l so particular puntu de vista sobro la ciud\u00e1.<\/p>\n<p><strong>Carmen Ruiz-Tilve (Uvi\u00e9u, 83 a\u00f1os) ye cronista oficial de la ciud\u00e1 na que vivi\u00f3 tola so vid<\/strong>a, de San Pedro de los Arcos a Llamaquique. Novelista, historiadora y profesora universitaria xubilada de Ciencies de la Educaci\u00f3n, exerz esti cargu con arguyu y constancia, presente ensin fallu nes cites importantes nel sal\u00f3n de Plenos.<\/p>\n<p>Na so memoria, la ciud\u00e1 multipl\u00edcase m\u00e1s all\u00e1 de les sos vivencies, tami\u00e9n nel Uvi\u00e9u que retrat\u00f3&#8217;l so padre, el delliniante Francisco Ruiz Tilve, y nel Antiguu, onde exerc\u00eda la so g\u00fcela, la maestra Matilde Tilve. A manera de bienvenida a la secci\u00f3n<strong> \u00abUvi\u00e9u, a cuerpu de cai\u00bb<\/strong> que LA NUEVA ESPA\u00d1A va dedicar mientres los pr\u00f3ximos meses a la ciud\u00e1 milenaria, con un percorr\u00edu barriu a barriu, Carmen Ruiz-Tilve p\u00e1rase a pensar, otra vegada, nesti llugar, el so llugar.<\/p>\n<ul>\n<li><strong>\u00bfC\u00f3mo siente Uvi\u00e9u nesti momentu vital?\u00a0 <\/strong>Toi bien vendida a Uvi\u00e9u. Ye bien importante pa mi dende tolos puntos de vista. Dende la cercan\u00eda, dende la hestoria\u2026 Uvi\u00e9u ye enforma y equ\u00ed toi.<\/li>\n<li><strong>\u00bfQu\u00e9 deseya a Uvi\u00e9u pa lo que vien? <\/strong>Nun s\u00e9 lo que me quedar\u00e1 por ver, pero que non se desorbite, que siga calteniendo tradiciones y moderniz\u00e1ndose, por qu\u00e9 non. Pero dientro de les nueses llendes. Saber lo que ye y nun pretender ser lo que nun ye.<\/li>\n<li><strong>Uvi\u00e9u ye enforma y tami\u00e9n son munchos. L&#8217;Uvi\u00e9u relixosu, l&#8217;universitariu, l&#8217;industrial, el comercial\u2026. <\/strong>Pero ta cada vez m\u00e1s unific\u00e1u. L&#8217;Uvi\u00e9u universitariu ta un tanto ven\u00edu a menos, por m\u00e1s que lo sintamos. Del Uvi\u00e9u comercial tami\u00e9n podr\u00eda dicir lo mesmo. Pero siguimos tando equ\u00ed perbi\u00e9n, contentos de lo que somos, n\u00f3s, los uvieinos de verd\u00e1.<\/li>\n<li><strong>\u00bfQui\u00e9n son esos? <\/strong>Non necesariamente los nac\u00edos equ\u00ed. La nacencia nun ye vital. Puedes nun ser d&#8217;Uvi\u00e9u y sentite uvie\u00edn. A partir d&#8217;ende, perdonamos munches coses.<\/li>\n<li><strong>\u00bfQu\u00e9 perdonamos? <\/strong>Pos toes eses coses que se fueron perdiendo nuna ciud\u00e1 que, con too y con eso, siguimos queriendo.<\/li>\n<li><strong>Pero \u00bfc\u00f3mo somos los uvieinos? \u00bfqu\u00e9 significa ser d&#8217;Uvi\u00e9u? <\/strong>Somos como somos y tamos bien conformes con c\u00f3mo somos.<\/li>\n<li><strong>\u00bfCiertu conformismu, ent\u00f3s? <\/strong>Quiciabes<\/li>\n<li><strong>Depu\u00e9s hai coses bien d&#8217;equ\u00ed que nun camudaron tantu. El Campu. <\/strong>Paezme xuna cosa maraviyosa. Antigua y moderna al empar. El Campu San Francisco ta totalmente vivu y lo que precisa ye que nun se-y meta muncha mano<\/li>\n<\/ul>\n<p><em>\u00abUvi\u00e9u a cuerpu de cai\u00bb: un viaxe barriu a barriu pola vida de la ciud\u00e1 \u00abUvi\u00e9u a cuerpu de cai\u00bb: un viaxe barriu a barriu pola vida de la ciud\u00e1<\/em><\/p>\n<ul>\n<li><strong>L&#8217;Uvi\u00e9u comercial <\/strong>Les tiendes cl\u00e1siques sumieron casi toes. Surden otres, delles, pequenes tiendes, pero duren pocu. S\u00eda que non, ye ciertu, la vida comercial sigue activa.<\/li>\n<li><strong>Ta la dulcer\u00eda carbayona. Toes eses confiter\u00edes. <\/strong>S\u00ed, les confiter\u00edes aguanten muncho meyor<\/li>\n<li><strong>\u00bfSomos llambiones? \u00bfYe llambiona la cronista d&#8217;Uvi\u00e9u? <\/strong>Non, nun soi llambiona. Pero a tol mundu g\u00fasta-y un dulce.<\/li>\n<li><strong>\u00bfCu\u00e1l ye&#8217;l so prefer\u00edu? <\/strong>Un milfueyes\/milhojas d&#8217;una tienda qu&#8217;hai por equ\u00ed cerca de la mio casa.<\/li>\n<li><strong>Vive en Llamaquique. <\/strong>Cuando fixeron la casa en que vivu agora nun hab\u00eda m\u00e1s que praos. Llevo equ\u00ed m\u00e1s de cincuenta a\u00f1os y sigo bien contenta equ\u00ed, Esto agora ta bien construy\u00edu, bien ocup\u00e1u. Y sigue siendo un barriu allegre, abiertu.<\/li>\n<li><strong>Ta am\u00e1s al llau d&#8217;un colexu. <\/strong>S\u00ed, pero los ne\u00f1os dan xunas voces\u2026<\/li>\n<li><strong>Uvi\u00e9u, \u00abel bien novelada\u00bb \u00bfPor qu\u00e9 gust\u00f3 tantu a escritores?<\/strong> Quiciabes pola so condici\u00f3n de ciud\u00e1 de segunda, non trunfadora en nada, sometida a costumes, Yo, equ\u00ed, onde me ves, tengo seis noveles onde sale. Creo qu&#8217;Uvi\u00e9u ye un bon llugar pa escribir y pa lleer.<\/li>\n<li><strong>M\u00e1s llugares importantes. La Catedral.\u00a0 <\/strong>La Catedral y tol barriu que lu arrodia. Ye un sitiu perimportante, sigue siendo&#8217;l picu m\u00e1s altu de la ciud\u00e1, y si nun lu ye, paezlo.<\/li>\n<li><strong>L&#8217;Antiguu ye una ayalga, \u00bfnon?\u00a0 <\/strong>El barriu vieyu ye importante. Y ye igual d&#8217;importante que siga vivu.<\/li>\n<li><strong>Hai muncho turista agora. <\/strong>Antes nun hab\u00eda nengunu. Va unos a\u00f1os dalgunos empezamos a salir de veran\u00e9u. Y nun m&#8217;estra\u00f1a que la xente venga y que guste.<\/li>\n<li><strong>\u00bfPor qu\u00e9? \u00bfPor aquello de la ciud\u00e1 llimpia, de cuentu de faes que dixo Woody Allen?<\/strong> Y porque ye una ciud\u00e1 distinta.<\/li>\n<li><strong>\u00bfEn qu\u00e9?<\/strong> En tou. Tou lo fai&#8217;l mesmu. El Campu, los barrios qu&#8217;apiguren. Nun ye que s\u00eda una ciud\u00e1 especialmente guapa pero sigo ye singular.<\/li>\n<li><strong>\u00bfL&#8217;Uvi\u00e9u de los barrios?<\/strong> Nac\u00ed en Santa Susana, que yera y ye una cai bien guapa y bien sele. Fui a vivir a San Pedro de los Arcos que yera, ent\u00f3s, dafechu nueva. Y depu\u00e9s t\u00e1n los barrios cl\u00e1sicos, pela redolada de la Catedral, Y m\u00e1s all\u00e1, nun s\u00e9, l&#8217;avenida de Galicia\u2026<\/li>\n<li><strong>Y Vallob\u00edn, Pumar\u00edn\u2026<\/strong> L&#8217;Uvi\u00e9u populosu y popular.<\/li>\n<li><span style=\"color: #008080\"><strong>La Corredoria, tami\u00e9n.<\/strong> Ende tengo un colexu col mio nome, y ye bien guapu. La Corredoria ye casi una ciud\u00e1 y\u00e1, ye pergrande.<\/span><\/li>\n<li><strong>Tenemos un monte tami\u00e9n.<\/strong> El Naranco, el probe, de guapu nun tien nada. Tuvo fueos de xemes en cuando, dellos gordos. Y siempres hubo xente avezao a xubir ell\u00ed tolos d\u00edes.<\/li>\n<li><strong>La Cuesta, llam\u00e1base.<\/strong>\u00a0 S\u00ed, la Cuesta. Y el Picu del Paisanu.<\/li>\n<li><strong>Y el Uvi\u00e9u de les fiestes, popular. <\/strong>Ta bien que lo haya. Anque yo nun vaiga. Pero soi balesquida. Ye una fiesta guapa, y depu\u00e9s tienes San Mateo que s&#8217;enche tou. Al mio pensar, descomanadamente.<\/li>\n<li><strong>Y tou l&#8217;Uvi\u00e9u rural.<\/strong> Claro que s\u00ed. Tenemos De cultivalo y vivilo. Ye una zona bien guapa que tien munches ventayes, bien guapa, con una historia bien importante y bien amena en s\u00ed mesma.<\/li>\n<\/ul>\n","protected":false},"excerpt":{"rendered":"<p>\u00abUvi\u00e9u tien de saber lo que ye y nun pretender ser lo que nun ye; tien que modernizase calteniendo les sos tradiciones\u00bb.\u00a0\u00a0 La Corredoria&#8230;\u00a0Tengo un colexu col mio nome, y ye bien guapu. La Corredoria ye casi una ciud\u00e1 y\u00e1, ye pergrande. Fonte: LNE \/<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64,33],"tags":[],"class_list":["post-46936","post","type-post","status-publish","format-standard","hentry","category-carmen-ruiz-tilve","category-uvieu"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/46936","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=46936"}],"version-history":[{"count":10,"href":"https:\/\/edublog.educastur.es\/ixuxu\/wp-json\/wp\/v2\/posts\/46936\/revisions"}],"predecessor-version":[{"id":47058,"href":"https:\/\/edublog.educastur.es\/ixuxu\/wp-json\/wp\/v2\/posts\/46936\/revisions\/47058"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=46936"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=46936"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=46936"}],"curies":[{"name":"wp","href":"https:\/\/api.w.org\/{rel}","templated":true}]}}