{"id":46977,"date":"2025-04-29T19:34:35","date_gmt":"2025-04-29T17:34:35","guid":{"rendered":"https:\/\/edublog.educastur.es\/ixuxu\/?p=46977"},"modified":"2025-04-29T19:35:13","modified_gmt":"2025-04-29T17:35:13","slug":"vero-rubio-afonda-nel-so-primer-trabayu-como-compositora","status":"publish","type":"post","link":"https:\/\/edublog.educastur.es\/ixuxu\/2025\/04\/vero-rubio-afonda-nel-so-primer-trabayu-como-compositora\/","title":{"rendered":"Vero Rubio afonda nel so primer trabayu como compositora"},"content":{"rendered":"<ul>\n<li>Fonte:<strong><a href=\"https:\/\/musicasturiana.com\/vou-ia-un-viaxe-pola-mia-cabeza-ya-cumo-en-muitas-cabezas-el-miou-pensamientu-ia-multidisciplinar\/?fbclid=IwY2xjawJ97BRleHRuA2FlbQIxMQBicmlkETFNVEQ5c1Jabm93a0xqaGxQAR557QnBjNdNCS8YW6Mvt2Aku8BMIYk8JeCg0aCUXq8rTvWm63w1UWaJxRr-1Q_aem_eCqIT8Ze1fsff0V44B0xrQ\"> M\u00fasicasturiana.com<\/a><\/strong> \/ <em>Semeyes propied\u00e1 de La Llaboral y autor\u00eda de Pablo Campillo<\/em><\/li>\n<\/ul>\n<p style=\"text-align: center\"><a href=\"https:\/\/musicasturiana.com\/wp-content\/uploads\/2025\/04\/Vero-Rubio-Vou.jpg\"><img loading=\"lazy\" decoding=\"async\" class=\"aligncenter size-large\" src=\"https:\/\/musicasturiana.com\/wp-content\/uploads\/2025\/04\/Vero-Rubio-Vou.jpg\" width=\"1200\" height=\"600\" \/><\/a><\/p>\n<div class=\"elementor-element elementor-element-72daa04 e-con-full e-flex e-con e-child\" data-id=\"72daa04\" data-element_type=\"container\">\n<div class=\"elementor-element elementor-element-667e3c7 elementor-widget__width-inherit elementor-widget elementor-widget-theme-post-title elementor-page-title elementor-widget-heading\" data-id=\"667e3c7\" data-element_type=\"widget\" data-widget_type=\"theme-post-title.default\">\n<div class=\"elementor-widget-container\">\n<h1 class=\"elementor-heading-title elementor-size-default\" style=\"text-align: center\"><span style=\"font-size: 28px\">\u00ab\u2019Vou\u2019 \u00eda un viaxe pola m\u00eda cabeza, ya cumo en muitas cabezas, el miou pensamientu \u00eda multidisciplinar\u00bb<\/span><\/h1>\n<\/div>\n<\/div>\n<div class=\"elementor-element elementor-element-00f4678 elementor-widget__width-inherit elementor-widget elementor-widget-theme-post-excerpt\" data-id=\"00f4678\" data-element_type=\"widget\" data-widget_type=\"theme-post-excerpt.default\">\n<div class=\"elementor-widget-container\">Vero Rubio afonda nel so primer trabayu como compositora, el procesu de creaci\u00f3n, esta nueva etapa na so carrera art\u00edstica y muncho m\u00e1s.<\/div>\n<\/div>\n<\/div>\n<div class=\"elementor-element elementor-element-eea4e26 e-con-full e-flex e-con e-child\" data-id=\"eea4e26\" data-element_type=\"container\">\n<div class=\"elementor-element elementor-element-9bc739f e-con-full e-flex e-con e-child\" data-id=\"9bc739f\" data-element_type=\"container\">\n<div class=\"elementor-element elementor-element-2d6b391 elementor-share-buttons--view-icon elementor-share-buttons--skin-minimal elementor-share-buttons--shape-circle elementor-grid-mobile-3 elementor-share-buttons--align-right elementor-share-buttons--color-custom elementor-widget__width-auto elementor-widget-tablet__width-auto elementor-grid-0 elementor-widget elementor-widget-share-buttons\" data-id=\"2d6b391\" data-element_type=\"widget\" data-widget_type=\"share-buttons.default\">\n<div class=\"elementor-widget-container\">\n<div class=\"elementor-grid\">\n<div class=\"elementor-grid-item\">\n<div class=\"elementor-share-btn elementor-share-btn_facebook\" role=\"button\" aria-label=\"Compartir en facebook\"><\/div>\n<\/div>\n<\/div>\n<\/div>\n<\/div>\n<\/div>\n<\/div>\n<p><!--more--><\/p>\n<div class=\"elementor-element elementor-element-a767a8c elementor-widget__width-inherit elementor-widget elementor-widget-theme-post-content\" data-id=\"a767a8c\" data-element_type=\"widget\" data-widget_type=\"theme-post-content.default\">\n<div class=\"elementor-widget-container\">\n<p><strong>Vero Rubio<\/strong>\u00a0(Cangas del Narcea, 1981) ta acabante de publicar\u00a0<em><a href=\"https:\/\/musicasturiana.com\/vero-rubio-publica-vou-el-so-primer-trabayu-quaxunta-musica-palabra-y-imaxe\/\" target=\"_blank\" rel=\"noreferrer noopener\" data-type=\"link\" data-id=\"https:\/\/musicasturiana.com\/vero-rubio-publica-vou-el-so-primer-trabayu-quaxunta-musica-palabra-y-imaxe\/\"><strong>Vou<\/strong><\/a><\/em>, el so primer trabayu como compositora nel qu\u2019amuesa una\u00a0<strong>perspectiva multidisciplinar de la so m\u00fasica<\/strong>\u00a0axuntando son\u00edu, imaxe y pallabra. Ye multiinstrumentista, form\u00f3se cola trompa nel \u00e1mbitu acad\u00e9micu cl\u00e1sicu, pero tien tocao munchos x\u00e9neros mesmo con ella que cola trompeta, el pianu, el bodhr\u00e1n y la so voz.<\/p>\n<p>Angua\u00f1o ta\u00a0<strong>presentando\u2019l so proyectu<\/strong>\u00a0acompa\u00f1ada de Pep\u00edn de Mu\u00f1al\u00e9n a les flautes, Puri Pen\u00edn al harmoniu y les voces, Javi San Marcos o Paula Men\u00e9ndez al violonchelu, Miguel Garc\u00eda al viol\u00edn y M\u00f3nica Jivanescu a la viola. Am\u00e1s, ta arrancando un\u00a0<strong>trabayu personal nuevu<\/strong>\u00a0tami\u00e9n con Pep\u00edn de Mu\u00f1al\u00e9n y forma parte de\u00a0<strong>grupos<\/strong>\u00a0como\u00a0<a href=\"https:\/\/musicasturiana.com\/los-sonios-de-nacasa-trio-sientense-por-primer-vez-guei-nos-ozcos\/\">Nacasa\u00a0<\/a>-con Rita Ojanguren y Tania Pereira-, Improviso -formaci\u00f3n d\u2019improvisaci\u00f3n llibre- y A tropical eonaviega -una orquesta de baille inspirada nes orquestes de mediaos del sieglu XX nel occidente del pa\u00eds-.\u00a0<strong>Collabora davezu<\/strong>\u00a0col Ensemble L\u2019Arca, Anabel Santiago y otres artistes.<\/p>\n<p>Falamos con ella aprovechando qu\u2019esti\u00a0<strong>xueves 1 de mayu interpreta\u00a0<em>Vou\u00a0<\/em>nel Per S\u00e9 Caf\u00e9 d\u2019Uvi\u00e9u a les 21.30h\u00a0<\/strong>p\u2019afondar na so creaci\u00f3n, esta etapa nueva na so carrera art\u00edstica, dalgunos detalles del so procesu de composici\u00f3n y muncho m\u00e1s.<\/p>\n<div class=\"wp-block-spacer\" aria-hidden=\"true\"><\/div>\n<p><strong><em>Vou\u00a0<\/em>ye una amuesa d\u2019un llabor musical y multidisciplinar nel qu\u2019axuntes son\u00edu, imaxe y pallabra en ca\u00fana de les once pieces que lu componen, \u00bfc\u00f3mo foi, ent\u00f3s, el procesu de creaci\u00f3n d\u2019esa cadarma?<\/strong><\/p>\n<p>Pues dalgo mui natural pa mi, en realid\u00e1, ya una cousa pid\u00eda la siguiente, se nun yera que ven\u00edan xuntas. Siempre digo que\u00a0<em>Vou<\/em>\u00a0\u00eda un viaxe pola m\u00eda cabeza, ya cumo en muitas cabezas, el miou pensamientu \u00eda multidisciplinar. Con son\u00edos, imaxes ya col restu de los sent\u00edos tenemos pensamientos r\u00e1pidos que conectan muitas partes del cerebru, ya las palabras son el resume, la traducci\u00f3n pal mundu esterior.<\/p>\n<p>Caduna de las piezas de\u00a0<em>Vou<\/em>\u00a0l.l\u00e9vame a un cuartu, a un pensamientu, a una idea ou emoci\u00f3n distintos dientro de la m\u00eda cabeza, ya pa eso tengo dous caminos r\u00e1pidos (son\u00edu ya imaxe) ya l.lou la traducci\u00f3n, la palabra, el cam\u00edn m\u00e1s l.largu\u2026 ya uso los tr\u00e9s pa nun perdeme, pa saber l.legar bien.<\/p>\n<div class=\"wp-block-spacer\" aria-hidden=\"true\"><\/div>\n<p><strong>\u00bfQu\u00e9 consecuencies tien nel directu esa concepci\u00f3n mutidisciplinar del to trabayu?<\/strong><\/p>\n<p>Nel directo pasan cousinas, cambia muito de sentir la m\u00fasica tu sola na t\u00faa casa a sentila nun conciertu. Dalgunas veces f\u00f3rmase una enerx\u00eda colectiva na que cobra too una dimensi\u00f3n que you sola nun ser\u00eda quien alcanzar. Ya muito vien de lo que vos dec\u00eda enantes, hai muitos caminos pa l.legar al mesmu l.lau, ya you garro tr\u00e9s ya p\u00f3ngolos xuntinos. Asina que mientras tocamos, que tas sitiendo la m\u00fasica ya la palabra, tas viendo\u2019l videu pasar proyect\u00e1u en grande tres n\u00f3s.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abNel directo pasan cousinas, cambia muito de sentir la m\u00fasica tu sola na t\u00faa casa a sentila nun conciertu. Dalgunas veces f\u00f3rmase una enerx\u00eda colectiva na que cobra too una dimensi\u00f3n que you sola nun ser\u00eda quien alcanzar\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>Nel llibru acompa\u00f1es los testos nos que descubres tolos detalles sonoros de los cantares coles partitures, \u00bfpor qu\u00e9 decidisti amestar esa dimensi\u00f3n de la m\u00fasica escrita?<\/strong><\/p>\n<p>Pa quien pudiera ya quisiera. A mi gust\u00f3me tola vida l.leer m\u00fasica, ya se dalgui\u00e9n sabe ou quier ponese, eh\u00ed lo tien. Ya nun pens\u00e9is que fai falta saber de m\u00fasica pa enterase de lo que cunto nel l.libru. Falo de las ideas que me pasaban pola cabeza cuando escrib\u00eda cada pieza ya de porqu\u00e9i orden\u00e9i esas ideas d\u2019esa manera.\u00a0Las partituras\u2026 puedes pensar nel.las cumo fotos que puedes saltate, nun miralas ya nun perdete nada.<\/p>\n<p>Pol outru l.lau, que\u00a0<em>Vou<\/em>\u00a0vaya l.libre pol mundu alantre, pr\u00e9stame, ya se dalgui\u00e9n quier facer qu\u2019esa colecci\u00f3n de puntinos ya rayas suene\u2026 que lo faiga. Ya sab\u00e9is tami\u00e9n que tengo a disposici\u00f3n los ama\u00f1os completos con tola instrumentaci\u00f3n qu\u2019us\u00e9i nas grabaciones, que nel l.libru ten\u00e9is nam\u00e1s un esquemina de la esencia.<\/p>\n<div class=\"wp-block-spacer\" aria-hidden=\"true\"><\/div>\n<p><strong>Y\u00e1 dende que pudimos sentir \u2018Dixo miou padre\u2019 vimos que la to manera de componer y interpretar taba enllena de personalid\u00e1 y sensibilid\u00e1. Agora con\u00a0<em>Vou\u00a0<\/em>abristi les puertes de la to casa pa dexanos conocela al travi\u00e9s de la m\u00fasica, \u00bfc\u00f3mo ta siendo esponer esa parte de ti al mundu?<\/strong><\/p>\n<p>Pues dame mieu a veces, parezme que la l.lectura profunda que se puede facer de los mious testos puede asustar a dalgui\u00e9n\u2026 el tiempu dir\u00e1.\u00a0Tamos nuna suerte de socied\u00e1 que cuida m\u00e1s la forma que\u2019l fondu, ya\u00a0<em>Vou<\/em>\u00a0\u00eda la m\u00eda manera de decivos que pa mi la forma ensin fondu nun diz nada, ya que\u2019l miou trabachu, ensin pretender nam\u00e1s qu\u2019esplicame, tien un fondu, bonu ou malu, tienlu.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abTamos nuna socied\u00e1 que cuida m\u00e1s la forma que\u2019l fondu, ya \u2018Vou\u2019 \u00eda la m\u00eda manera de decivos que pa mi la forma ensin fondu nun diz nada, ya que\u2019l miou trabachu tien un fondu, bonu ou malu, tienlu\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>Siendo, como dic\u00edemos, un trabayu mui personal, tami\u00e9n hai coralid\u00e1 detr\u00e1s, porque n\u00e9l participaron un equipu de m\u00fasicos importante, con delles collaboraciones incluso, \u00bfpor qu\u00e9 decidisti facelo asina? \u00bfQu\u00e9 aportaron eses persones al to procesu y al result\u00e1u?<\/strong><\/p>\n<p>La m\u00fasica tien falta de colores distintos pa espresar cousas distintas, eso f\u00edxelo con armon\u00edas ya sonoridades, ya ayud\u00e9me tami\u00e9n d\u2019instrumentos que you nun toco.\u00a0Am\u00e1s, sei que\u2019l mundu \u00eda grande ya que tou llendada pola m\u00eda imaxinaci\u00f3n, tener m\u00e1s voces que la m\u00eda fixo esti viaxe m\u00e1s grande ya m\u00e1s enriquecedor. Tuvi una suerte tremenda, si\u00e9ntome afortunada de la xente que participa nesti trabachu, y\u00e1 los mencion\u00e9i abondo: Anabel Santiago, Puri Pen\u00edn, Siset, Javier Bergia, Pep\u00edn de Mu\u00f1al\u00e9n, Juanjo Marqu\u00e9s, Cristina Gestido, Paula Men\u00e9ndez, Miguel Garc\u00eda, M\u00f3nica Jivanescu, Javier San Marcos, Andy da Silva, Miguel Rodr\u00edguez Monteavaro, Arturo Santiago\u2026<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abLa m\u00fasica tien falta de colores distintos pa espresar cousas distintas, eso f\u00edxelo con armon\u00edas ya sonoridades, ya ayud\u00e9me tami\u00e9n d\u2019instrumentos que you nun toco. Tener m\u00e1s voces que la m\u00eda fixo esti viaxe m\u00e1s grande ya m\u00e1s enriquecedor\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>El to percorr\u00edu musical tien paraes en munchos x\u00e9neros y estilos, dende la m\u00fasica cl\u00e1sica acad\u00e9mica hasta\u2019l folk, pasando pel jazz, \u00bfqu\u00e9 coses deprendisti interpretando ca\u00fan d\u2019ellos qu\u2019agora espeyen les tos creaciones?<\/strong><\/p>\n<p>De la cl\u00e1sica vienme la t\u00e9cnica, la disciplina, la base de los conocimientos. Del jazz vienme la l.libert\u00e1, l\u2019armon\u00eda, el placer del xuegu pol xuegu.\u00a0Del folk -que toco\u2019l bodhran n\u00e9l- vienme la comprensi\u00f3n del ritmu ya l\u2019agarre a la \u201ctierra\u201d, cumo conceptu r\u00edtmicu ya de pertenencia.\u00a0Ya toqu\u00e9i m\u00e1s cousas\u2026 xugu\u00e9i col rock, col blues, improvisaci\u00f3n l.libre, suf\u00ed\u2026\u00a0Too eso vese ya si\u00e9ntese nesti proyectu.<\/p>\n<div class=\"wp-block-spacer\" aria-hidden=\"true\"><\/div>\n<p><strong>Toques davezu nes sesiones folk de L\u2019Esperteyu y, enantes, nel Ca Bele\u00f1o, que-y da nome al caberu tema de\u00a0<em>Vou<\/em>. Dices nel llibru qu\u2019esi \u00abfacer m\u00fasica porque si\u00bb pr\u00e9state muncho, \u00bfpor qu\u00e9 pienses que ye? \u00bfQu\u00e9 sensaciones descubristi cuando entamasti a tocar nesos contestos?<\/strong><\/p>\n<p>Nun fan falta palabras, eso \u00eda\u2026\u00a0La comunicaci\u00f3n nuna jam session, nun conciertu, nun ensayu, mientras tas tocando\u2026 cuanto miyor vei, menos falta de palabras tien. Ya lo que pasa nuna jam \u00eda cumo l.legar a una fiesta na que nun conoces case a naide, pero d\u2019a pouco, si\u00e9ntaste ya entamas falar col de la vera, ya l.lou col d\u2019acul.l\u00f3, ya nun plis-plas tas en comuni\u00f3n con toos na mesma conversaci\u00f3n na que nun fan falta palabras, toos a una.. maxa\u2026<\/p>\n<p>Nun siempre veise cumo la seda, somos humanos, pero esos momentinos bonos son tesoros pa guardar na calor del pechu, cuando tolo qu\u2019importa alredor ta nel sou sitiu\u2026 maxa\u2026 ya nun pidis nada, nun esperas nada\u2026 nam\u00e1s tocar\u2026 nam\u00e1s xugar\u2026<\/p>\n<div class=\"wp-block-spacer\" style=\"text-align: center\" aria-hidden=\"true\"><a href=\"https:\/\/musicasturiana.com\/wp-content\/uploads\/2025\/04\/Vero-Rubio-768x1153.jpg\"><img loading=\"lazy\" decoding=\"async\" class=\"aligncenter \" src=\"https:\/\/musicasturiana.com\/wp-content\/uploads\/2025\/04\/Vero-Rubio-768x1153.jpg\" width=\"569\" height=\"854\" \/><\/a><\/div>\n<div class=\"wp-block-spacer\" aria-hidden=\"true\"><\/div>\n<p><strong>En toos estos a\u00f1os nel mundu de la m\u00fasica, fuisti int\u00e9rprete en dellos \u00e1mbitos, como y\u00e1 coment\u00e1bemos, pero cuentes nel llibru que la primer vez que tocasti les tos composiciones en p\u00fablico foi nel Jazz Caf\u00e9 de Xix\u00f3n, \u00bfcu\u00e1ndo foi? \u00bfC\u00f3mo recuerdes esi momentu?<\/strong><\/p>\n<p>Pues foi nuna jam de micru abiertu que se fac\u00eda ente selmana, nun me recuerdo de m\u00e1s. Puedo decivos \u00f3nde taba sentada, a qu\u00e9 gol\u00eda\u2019l bar, la l.luz qu\u2019hab\u00eda\u2026 dalgunas desafinaciones que ten\u00eda\u2019l pianu\u2026\u00a0pero\u2019l d\u00eda, non. Fixi \u2018Dixo miou padre\u2019, ya una moza pregunt\u00f3ume \u00f3nde pod\u00eda escuitase\u2026 (ya inda pas\u00f3u una pandemia ya tr\u00e9s a\u00f1os enantes de qu\u2019eso fora posible). Al d\u00eda siguiente madrugaba, march\u00e9i pront\u00edn, nel viaxe en coche arranc\u00f3u la cabeza andar, ya al l.legar a casa sent\u00e9me al tecl\u00e1u ensin quitame nin la cazadora\u2026 Naci\u00f3u \u2018Qu\u00e9 far\u00e9i\u2019.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abLa primer vez que toqu\u00e9 \u2018Dixo miou padre\u2019 en p\u00fablico foi nel Jazz Caf\u00e9 de Xix\u00f3n. Una moza pregunt\u00f3me \u00f3nde pod\u00eda escuitase, ya inda pas\u00f3u una pandemia ya tr\u00e9s a\u00f1os enantes de qu\u2019eso fora posible\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>Dempu\u00e9s d\u2019aquello, \u00bfC\u00f3mo ficisti\u2019l to cam\u00edn como creadora?<\/strong><\/p>\n<p>Pues eso foi un comienzo na m\u00eda reafirmaci\u00f3n cumo persona, ya por ende, cumo artista. Nesi mediu tiempu pas\u00f3u outra cousa guapa: Ana Lamela invit\u00f3ume a participar nuna\u00a0<em>Bares\u00eda<\/em>, una reuni\u00f3n nun bar pa recitar poes\u00eda con entemedios musicales, you fixi cousinas nos dous l.laos del eventu\u2026<\/p>\n<p>Esi d\u00eda foi bien bonu\u2026 de mano conoc\u00ed m\u00e1s xente con una sensibilid\u00e1 parec\u00eda a la m\u00eda, eso reafirm\u00f3me, nun taba l.louca. Tami\u00e9n empez\u00f3u una rede de collaboraciones ya participaciones n\u2019eventos nos que la m\u00eda manera d\u2019entender l\u2019arte ten\u00eda sent\u00edu. Ya am\u00e1s top\u00e9i con xente que me di\u00f3u bonos emburriones p\u2019alantre: Armando Vega, Alejandra Caldevilla, Pedro Men\u00e9ndez\u2026 ya l\u2019apoyu de muita m\u00e1s\u2026<\/p>\n<p>Pero, en realid\u00e1, las cousas volvienon al armariu nel que taban, ya anque y\u00e1 qued\u00f3u entornadina la puerta, hasta que nun pas\u00f3u lo de la mano, nun me par\u00e9i a facer d\u2019esi armariu la collecci\u00f3n de 11 cuartos que veis, la casina ordenadina que toi faciendo na m\u00eda cabeza. Ya nun fixi m\u00e1s que sentime ya tirar por onde la barriga dic\u00eda. Taba faciendo l.laves ya puertas pa entrar a sitios a saname, taba poniendo orde nos planos qu\u2019esbozara hai tiempu\u2026 Tuvi d\u2019arquitecta ya de constructora, ya sigo.<\/p>\n<div class=\"wp-block-spacer\" aria-hidden=\"true\"><\/div>\n<p><strong>Nesi procesu, \u00bfPor qu\u00e9 decidisti escribir los tos cantares na fala de Cangas del Narcea? \u00bfCu\u00e1la ye la to vinculaci\u00f3n col asturianu dende ne\u00f1a y qu\u00e9 sonorid\u00e1 pienses que-y da a la to m\u00fasica?<\/strong><\/p>\n<p>L\u2019outru d\u00eda pas\u00f3u una cousa ya deix\u00f3me pensando un cachu.\u00a0Fixi\u00e9nonme una entrevista mui guapa, que foi mayormente en castellanu, pero nun momentu que fixienon la pregunta: \u00ab\u00bfQu\u00e9-l.ly dir\u00edas a la Vero nena se pudieras?\u00bb. Pa responder, primero emocion\u00e9me ya cost\u00f3ume falar, cousas que pasan\u2026 ya cuando foi abrir la boca sali\u00f3u n\u2019asturianu. Ya qued\u00e9me pensando.<\/p>\n<p>Esta \u00eda la l.lingua na que me calmanon cuando yera nena, esta \u00eda la l.lingua na qu\u2019aprend\u00ed a entender la esencia de las emociones ya las primeras sutilezas de la comunicaci\u00f3n, ya lo dem\u00e1s vino porriba ya aplast\u00f3ula un pouco, pero nun la pudo sacar del sitiu, imposible. Ya cuando taba na met\u00e1 de la m\u00eda d\u00e9cada de los 20, que march\u00f3u miou padre ya lo que yera una \u201cvisita\u201d qued\u00f3u nun \u201cvolver\u201d, tuvi que situame ya encontrame, ya lo que fixi foi buscar dientro, na memoria.<\/p>\n<p>Lo que faigo ta intr\u00ednsecamente l.ligao a lo que you viv\u00ed ya sent\u00ed, nas m\u00edas melod\u00edas pueden sentise las inflexones internas del asturianu de la m\u00eda casa, esas melod\u00edas internas que tienen todas las l.linguas ya son \u00fanicas.\u00a0Veise bien en \u2018Dixo miou padre\u2019, qu\u2019am\u00e1s nun tendr\u00eda neng\u00fan sent\u00edu n\u2019outra l.lingua porque son espresiones ya maneras de falar mui concretas, ya se dalgui\u00e9n se para a dicir n\u2019altu las frases, vei salil.le bien parec\u00edo a lo qu\u2019\u00eda\u2019l cantar.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abEsta \u00eda la l.lingua na qu\u2019aprend\u00ed a entender la esencia de las emociones ya las primeras sutilezas de la comunicaci\u00f3n, ya lo dem\u00e1s vino porriba ya aplast\u00f3ula un pouco, pero nun la pudo sacar del sitiu. Nas m\u00edas melod\u00edas pueden sentise las inflexones internas del asturianu de la m\u00eda casa\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>Am\u00e1s, confesasti delles veces que la to vida cambi\u00f3 enforma dende qu\u2019algamasti\u2019l Premiu Camaret\u00e1 al Meyor Cantar, \u00bfqu\u00e9 supunxo mesmo a nivel art\u00edstico que profesional?<\/strong><\/p>\n<p>Dio-l.ly un xiru bonu\u2026 ya you que lu garr\u00e9i.\u00a0Trabachaba de maestra de m\u00fasica a tiempu completu, sacaba tiempu pa las clases de trompa ya trompeta, pa tocar nos proyectos d\u2019outros, ya colas miguinas que quedaban fac\u00eda las m\u00edas cousas. Ent\u00f3s pas\u00e9i a poner el miou proyectu nel primer planu, yera la \u00fanica manera de sacalo p\u2019alantre.\u00a0La xira de conciertos que vino col premiu espiert\u00f3me, ya lo que falta, qu\u2019\u00eda muito ya bien variao\u2026 Ya \u00e1u l.legue, l.leg\u00f3u.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abLa pandemia par\u00f3ume los planes en secu, arranqu\u00e9i cola docencia; pas\u00f3ume lo de la mano ya agarreme m\u00e1s fuerte a el.la porque nun ten\u00eda claro que fuera a recuperame. Ya nesta socied\u00e1 siendo artista ties que tar produciendo constantemente. P\u00e1gante por facer, non por tar bien. Ya nun \u00eda realista\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>Pa finar, anque agora tas viviendo un momentu perespecial y bayurosu, nes carreres musicales siempre hai etapes d\u2019incertidume -y\u00e1 seyan por lesiones inesperaes o por un par\u00f3n d\u2019activid\u00e1-, \u00bfc\u00f3mo los vives tu? \u00bfCrees que les instituciones u otres organizaciones debieren desendolcar sistemes pa sofitar a los artistes nellos?<\/strong><\/p>\n<p>Esta incertidume \u00eda vibrante, ponte viva, la vida \u00eda cambiu\u2026 pero tami\u00e9n puede apetecer sentase un cach\u00edn. Anque cumo y\u00e1 me dixenon: you soi un culu de mal asientu, asina que\u2026<\/p>\n<p>La pandemia par\u00f3ume los planes en secu, arranqu\u00e9i cola docencia; pas\u00f3ume lo de la mano ya agarr\u00e9me m\u00e1s fuerte a el.la porque nun ten\u00eda claro que fuera a recuperame (anque nas vacaciones arrancara a grabar)\u2026\u00a0Ya nesta socied\u00e1 siendo artista (ya m\u00e1s profesiones) ties que tar produciendo constantemente, teas bien ou non. P\u00e1gante por facer, non por tar bien. Ya nun \u00eda realista.\u00a0Una suerte de merc\u00e1u de futuros pal arte, cumo lo que y\u00e1 se fai colas residencias art\u00edsticas, pero m\u00e1s estensivu, nun ser\u00eda mala idea, pero cumo too tien que ser un negociu ya\u2019l valor de las cousas \u00eda relativu\u2026 ta complicao\u2026 pero imposible, non.<\/p>\n<p>Sei que n\u2019outros l.laos hai, ou hab\u00eda, sistemas de compensaci\u00f3n econ\u00f3mica, ya se nun l.legabas a cierta cantid\u00e1, declarabas los conciertos ya pag\u00e1bate l\u2019est\u00e1u los ensayos, entendiendo que\u2019l d\u00eda del conciertu cobrabas nam\u00e1s por esi momentu concretu, non pol trabachu que requier l.legar a \u00e9l.\u00a0Eso tien la cousa de que tienes primero que tocar, que nun \u00eda de lo que tamos falando, pero polo menos d\u2019a poucos, puedes facer dalgo.<\/p>\n<p>Si s\u2019entamara por terminar d\u2019ama\u00f1ar la situaci\u00f3n de la m\u00fasica en directo n\u2019Asturias, y\u00e1 yera un pasu bonu. Fan falta salas pequenas, por favor, salas pequenas.<\/p>\n<p>Pero bono, la esencia de la hestoria, pa mi, \u00eda\u2019l valor que-l.ly deas a las cousas. Se dalgo pa ti nun val nada, nun vas querer deixar cuartos nel.lo. Por eso fai falta contactu cola m\u00fasica ya cantera, reforzar la m\u00fasica nos colexos, nas escuelas, nas asociaciones\u2026\u00a0Los nenos (ya non tan nenos) tienen qu\u2019aprender a cantar, a tocar un instrumentu, a escuitar, a tocar nun grupu, a ayudase de la m\u00fasica pa tar mechor, a valorala, a respetala ya tami\u00e9n a los que la fan. Por eso, cumo la mechor manera d\u2019entender dalgo \u00eda ponete a facelo tu, tienen que tener la voz espierta pa cantar ya un instrumentu nas manos ceo, lo enantes posible. Am\u00e1s, aprender a escuitase, a entendese, a frustrase ya des-frustrase\u2026 lo que vien ser un poquin\u00edn d\u2019intelixencia emocional, val de muito.<\/p>\n<div class=\"wp-block-spacer\" aria-hidden=\"true\"><\/div>\n<p style=\"text-align: center\"><a href=\"https:\/\/musicasturiana.com\/wp-content\/uploads\/2025\/04\/vero-rubio-vou-1-1.jpg\"><img loading=\"lazy\" decoding=\"async\" class=\"aligncenter size-large\" src=\"https:\/\/musicasturiana.com\/wp-content\/uploads\/2025\/04\/vero-rubio-vou-1-1.jpg\" width=\"500\" height=\"500\" \/><\/a><\/p>\n<p style=\"text-align: center\"><a href=\"https:\/\/musicasturiana.com\/producto\/vero-rubio-llibru-vou\/\"><strong>Mercar<\/strong><\/a><\/p>\n<p><strong><em>Vou<\/em>\u00a0<\/strong>ye\u2019l primer trabayu de\u00a0<strong>Vero Rubio<\/strong>. N\u00e9l van de la mano\u00a0<strong>m\u00fasica, palabra y imaxe<\/strong>. Como desplica la multiinstrumentista \u00abcada pieza del proyectu, instrumental o vocal, tien un poema\/lletra y un videu que la acompa\u00f1a, como tres caminos que lleven al mesmu dest\u00edn\u00bb. El trabayu ed\u00edtase en\u00a0<strong>dos formatos\u00a0<\/strong>estremaos: un CD y un llibru, que contienen ca\u00fan unes caracter\u00edstiques concretes.<\/p>\n<p>Nesti\u00a0<strong>llibru\u00a0<\/strong>n\u00e1rrase la historia de ca\u00fan de los cantares, recu\u00e9yense les partitures y tami\u00e9n hai fotogrames, poemes\/lletra y enllaces pa reproducir la m\u00fasica y l\u2019audiovisual.<\/p>\n<p>\u00abEsti proyectu vien de les mios paranoies, de los mios camientos y de la mio necesid\u00e1 d\u2019entender, desplicar y poner una banda sonora a cada pasu que doi na vida\u00bb, desplica Vero Rubio sobre la\u00a0<strong>filosof\u00eda\u00a0<\/strong>de\u00a0<em>Vou<\/em>. N\u00e9l tola\u00a0<strong>m\u00fasica y lletres t\u00e1n feches por ella<\/strong>\u00a0sacantes una melod\u00eda de \u2018Vou cantar\u2019 -que vien d\u2019una pieza tradicional gallega- y la lletra de \u2018el d\u00eda\u2019 -basada nun poema de Miguel R. Monteavaro-. Tolo dem\u00e1s:<strong>\u00a0ig\u00fces, videos, producci\u00f3n, voz y dem\u00e1s instrumentaci\u00f3n<\/strong>\u00a0-pianu, distintos\u00a0teclaos, armoniu, trompa, trompeta, fliscornu\u00a0y bodhran- ye obra dafechu d\u2019esta artista canguesa.<\/p>\n<p>Sicas\u00ed, Rubio nun ta sola del too. L\u2019\u00e1lbum cunta con varies collaboraciones a la secci\u00f3n de\u00a0<strong>cuerda<\/strong>; cola flauta de\u00a0<strong>Pep\u00edn de Mu\u00f1al\u00e9n<\/strong>; coles voces y coros d\u2019<strong>Anabel Santiago, Puri Pen\u00edn<\/strong>\u00a0y l\u2019agrupaci\u00f3n vocal femenina\u00a0<strong>Siset<\/strong>; y coles percusiones de<strong>\u00a0Javier Bergia<\/strong>. Los mandos t\u00e9cnicos d\u2019<strong>Andy da Silva<\/strong>, la imaxe d\u2019<strong>Arturo Santiago<\/strong>\u00a0y les correcciones lling\u00fc\u00edstiques de\u00a0<strong>Miguel R. Monteavaro<\/strong>, completen l\u2019equipu que da forma a\u00a0<em>Vou.<\/em><\/p>\n<p>Cola publicaci\u00f3n d\u2019esti trabayu Vero Rubio da un pasu m\u00e1s na so trayectoria tres d\u2019algamar el\u00a0<strong>XV Premiu Camaret\u00e1 al Meyor Cantar\u00a0<\/strong>con \u2018<a href=\"https:\/\/youtu.be\/37xjSIC4sX8?si=2GTneSy_45CEIb2d\" target=\"_blank\" rel=\"noopener\">Dixo miou padre<\/a>\u2018, xirar per toa Asturies en 2024 y llanzar dellos singles. La so carrera desenvu\u00e9lvese ente\u2019l mundu de la\u00a0<strong>m\u00fasica cl\u00e1sica<\/strong>, onde tuvo la oportunid\u00e1 de tocar con orquestes como la Orquesta Sinf\u00f3nica de Barcelona y Nacional de Catalunya (O.B.C.), y el del\u00a0<strong>jazz<\/strong>. Angua\u00f1o, toca en dellos grupos de distintos estilos (<strong>folk, rock, improvisaci\u00f3n llibre, jazz\u2026<\/strong>): Orquesta C\u00e9ltica Asturiana, Son\u00e1mbulos, Improviso\u2026 Am\u00e1s compaxina esti llabor como instrumentista cola composici\u00f3n y producci\u00f3n de la so m\u00fasica de manera\u00a0<strong>independiente<\/strong>, daqu\u00e9 de lo que se siente\u2019l result\u00e1u nesti trabayu.<\/p>\n<\/div>\n<\/div>\n","protected":false},"excerpt":{"rendered":"<p>Fonte: M\u00fasicasturiana.com \/ Semeyes propied\u00e1 de La Llaboral y autor\u00eda de Pablo Campillo \u00ab\u2019Vou\u2019 \u00eda un viaxe pola m\u00eda cabeza, ya cumo en muitas cabezas, el miou pensamientu \u00eda multidisciplinar\u00bb Vero Rubio afonda nel so primer trabayu como compositora, el procesu de creaci\u00f3n, esta nueva etapa na so carrera art\u00edstica y muncho m\u00e1s.<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[35,125],"tags":[],"class_list":["post-46977","post","type-post","status-publish","format-standard","hentry","category-musica","category-musicasturiana-com"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/46977","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=46977"}],"version-history":[{"count":2,"href":"https:\/\/edublog.educastur.es\/ixuxu\/wp-json\/wp\/v2\/posts\/46977\/revisions"}],"predecessor-version":[{"id":46979,"href":"https:\/\/edublog.educastur.es\/ixuxu\/wp-json\/wp\/v2\/posts\/46977\/revisions\/46979"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=46977"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=46977"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=46977"}],"curies":[{"name":"wp","href":"https:\/\/api.w.org\/{rel}","templated":true}]}}