{"id":47101,"date":"2025-04-30T19:32:35","date_gmt":"2025-04-30T17:32:35","guid":{"rendered":"https:\/\/edublog.educastur.es\/ixuxu\/?p=47101"},"modified":"2025-04-30T20:24:02","modified_gmt":"2025-04-30T18:24:02","slug":"marina-pangua-novela-pel-norte-nel-cantu-llunada","status":"publish","type":"post","link":"https:\/\/edublog.educastur.es\/ixuxu\/2025\/04\/marina-pangua-novela-pel-norte-nel-cantu-llunada\/","title":{"rendered":"Marina Pangua: novela \u00abPel norte n’el cantu Llunada\u00bb"},"content":{"rendered":"

<\/a><\/p>\n

Ver PIECES RTPA<\/a> \/ El Comercio<\/a> \/<\/p>\n

\u00abLlevaba dientro facer esta novela dende diba tiempu\u00bb<\/span><\/p>\n

Marina Pangua. L’autora y m\u00fasica uve\u00edna algam\u00f3 el Premiu ‘Muyer’ de Narrativa Trabe<\/strong> con ‘Pel norte n’El Cantu Llunada’. Marina Pangua Cuesta (Uvi\u00e9u, 1992)<\/strong><\/span>, una autora hasta agora c\u00e1sique desconocida \u2013inda non nel \u00e1mbitu de la m\u00fasica asturiana\u2013, algamaba esta selmana el I Premiu ‘Muyer’ de Narraciones Trabe cola so novela ‘Pel norte n’El Cantu Llunada’.<\/p>\n

<\/p>\n

Profesora de franc\u00e9s en Secundaria y componente nel so d\u00eda del grupu folk Verdasca y del conxuntu de m\u00fasica tradicional Muyeres, ten\u00eda publicaes delles traducciones de Guillaume Apollinaire y \u00e9sta ye la so \u00f3pera prima. Una novela, a la que’l xur\u00e1u califica como \u00abmuncho bien estructurada, vertebrada pola m\u00fasica, de llectura esixente, escrita con volunt\u00e1 d’estilu y enllena finura\u00bb. Nel fallu empond\u00e9rase tami\u00e9n el so calter de \u00abobra coral, na que los personaxes van movi\u00e9ndose xeogr\u00e1ficamente dende un pueblu d’Asturies a pa\u00edses y ciudades europees, movimientu que diversifica’l paisaxe y los ambientes\u00bb.<\/p>\n

La ganadora d’esti primer premiu, cre\u00e1u pol sellu Trabe col oxetivu de promover la creaci\u00f3n lliteraria n’asturianu d’autor\u00eda femenina<\/strong>, en declaraciones a esti diariu y cola sorpresa tov\u00eda en calletre \u00abmui feliz, agradecida y emocionada\u00bb por un gallard\u00f3n dot\u00e1u con 2.000 euros y la publicaci\u00f3n del que, desvelaba \u00abquixo la casualid\u00e1 de que surdiere y vini\u00e9re-y como un guante una novela que taba pr\u00e1cticamente terminando nel momentu de la convocatoria. Foi como una se\u00f1al de que ten\u00eda de mandalu\u00bb.<\/p>\n

Alrodiu de la pulsi\u00f3n que la encarril\u00f3 a escribila, Pangua afirma que \u00abllevaba dientro el facela dende diba tiempu pero hasta que me punxe a ello, nam\u00e1s lo tentara con testos de tipu diariu y m\u00e1s bien pa min, pero lleg\u00f3 un puntu en que decid\u00ed entamalo a los dos meses de nacer la mio f\u00eda. Foi el momentu de sentame al llabor y mientres ella durm\u00eda, yo escrib\u00eda\u00bb, relata ente rises.<\/p>\n

\n
\n
<\/div>\n<\/div>\n<\/div>\n

Alrodiu del procesu d’escritura, la so autora asegura que foi \u00abllaboriosu y muy concentr\u00e1u, anque enantes de que me punxera con ello ya taba xerminando dientro min. Not\u00e9lo seg\u00fan la escrib\u00eda porque me diben llevando unes coses a otres, como si surdiera con muncha fuercia dientro lo que yo ten\u00eda arrequexao\u00bb. El puntu de partida lleg\u00f3-y de forma casual: \u00abUn d\u00eda que taba conduciendo ocurri\u00f3seme una idea y en llegando a casa p\u00fanxeme a tirar del filu. A partir d’eh\u00ed foi viniendo too\u00bb.<\/p>\n

Manifi\u00e9stase d’alcuerdu col xur\u00e1u na definici\u00f3n de novela coral pa esta hstoria que ye \u00abla de cuatro cases d’un pueblu ficticiu, pero que pod\u00eden ser munchos reales d’Asturies, van entetex\u00e9ndose les histories de los personaxes que vienen d’eses cases, les sos families y el propiu pueblu pasa a ser tami\u00e9n un protagonista m\u00e1s, Con esti filu conductor voi falando de munches coses: d’identid\u00e1, amor y desamor, maternid\u00e1 y non maternid\u00e1, d’\u00e9xodos, viaxes, o de la tradici\u00f3n\u00bb.<\/p>\n

La oral ye una de les fontes nes que bebe \u00abpor munchos motivos , hai personaxes venceyaos a ella y ta mui presente la m\u00fasica tradicional, cantares que van dexando buelga no que pasa a lo llargo los cap\u00edtulos del llibru\u00bb, desplica.<\/p>\n

De cualquiermiente, Pangua aclaria que nun se trata d’un relatu ambient\u00e1u nun tiempu pret\u00e9ritu ni esclusivamente rural sin\u00f3n presente y desenvueltu en diverses xeograf\u00edes: \u00abReflexa diferentes xeneraciones de les cases, pero aparez la realid\u00e1 actual de los pueblos onde hai personaxes mui distintos, dende’l que lleva tola vida viviendo ell\u00ed o el que ta faciendo una estancia de doctor\u00e1u en Par\u00eds. Ye una historia de g\u00fcei inda viaxa nel tiempu de los personaxes pa dexar fil\u00e1u el so pas\u00e1u y el so presente\u00bb.<\/p>\n