{"id":48795,"date":"2025-05-18T11:56:40","date_gmt":"2025-05-18T09:56:40","guid":{"rendered":"https:\/\/edublog.educastur.es\/ixuxu\/?p=48795"},"modified":"2025-05-18T20:06:25","modified_gmt":"2025-05-18T18:06:25","slug":"entrevista-con-hector-braga","status":"publish","type":"post","link":"https:\/\/edublog.educastur.es\/ixuxu\/2025\/05\/entrevista-con-hector-braga\/","title":{"rendered":"Entrevista con H\u00e9ctor Braga"},"content":{"rendered":"<div class=\"elementor-element elementor-element-667e3c7 elementor-widget__width-inherit elementor-widget elementor-widget-theme-post-title elementor-page-title elementor-widget-heading\" data-id=\"667e3c7\" data-element_type=\"widget\" data-widget_type=\"theme-post-title.default\">\n<div class=\"elementor-widget-container\">\n<p class=\"elementor-heading-title elementor-size-default\" style=\"text-align: center\"><span style=\"font-size: 20px;color: #008080\"><em>\u00abDecid\u00ed caleyar estos estilos porque<strong> ser artista<\/strong><br \/>\n<strong>ye como montar en bici:<\/strong><br \/>\n<strong>si nun te mueves, pierdes l\u2019equilibriu\u00bb<\/strong><\/em><\/span><\/p>\n<p style=\"text-align: center\"><a href=\"https:\/\/musicasturiana.com\/wp-content\/uploads\/2025\/05\/hector-braga-entrevista.jpg\"><img loading=\"lazy\" decoding=\"async\" class=\"aligncenter size-large\" src=\"https:\/\/musicasturiana.com\/wp-content\/uploads\/2025\/05\/hector-braga-entrevista.jpg\" width=\"1200\" height=\"600\" \/><\/a><\/p>\n<\/div>\n<\/div>\n<div class=\"elementor-element elementor-element-00f4678 elementor-widget__width-inherit elementor-widget elementor-widget-theme-post-excerpt\" data-id=\"00f4678\" data-element_type=\"widget\" data-widget_type=\"theme-post-excerpt.default\">\n<div class=\"elementor-widget-container\">Falamos con H\u00e9ctor Braga del so trabayu nuevu, &#8216;Rabil&#8217; y d&#8217;otres cuestiones rellacionaes cola cultura asturiana y la so industria. Fonte: <a href=\"https:\/\/musicasturiana.com\/decidi-caleyar-estos-estilos-porque-ser-artista-ye-como-montar-en-bici-si-nun-te-mueves-pierdes-lequilibriu\/?fbclid=IwY2xjawKWjaNleHRuA2FlbQIxMQBicmlkETFhVHNsaFRBS3FUWVpkQm96AR5QLpiqWo5DjAE7YUYKHsx5dwRL1yLK9nWh1YBpBLVglSzV8lmgw7QWiFFUdA_aem_nJynn4Tr08Qapav1UU0TZw\">Musicasturiana.com<\/a> \/<\/div>\n<div><\/div>\n<\/div>\n<p><!--more--><\/p>\n<p>Va xusto una selmana<strong>\u00a0H\u00e9ctor Braga<\/strong>\u00a0asoleyaba en toles plataformes dixitales y en CD\u00a0<em><a href=\"https:\/\/musicasturiana.com\/producto\/hector-braga-cd-rabil\/\">Rabil<\/a><\/em>, l\u2019octavu trabayu d\u2019una estensa carrera en solitario na que tien caley\u00e1u pel <span style=\"color: #008080\"><strong>folk, la m\u00fasica tradicional, la canci\u00f3n d\u2019autor y l\u2019asturianada.<\/strong><\/span><\/p>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" width=\"655\" height=\"370\" src=\"https:\/\/www.youtube.com\/embed\/KMRFp8nRVnM\" title=\"H\u00e9ctor Braga - Valiente (ft. V\u00edctor Manuel)\" frameborder=\"0\" allow=\"accelerometer; autoplay; clipboard-write; encrypted-media; gyroscope; picture-in-picture; web-share\" referrerpolicy=\"strict-origin-when-cross-origin\" 0=\"allowfullscreen\" 1=\"\/iframe\" scrolling=\"yes\" class=\"iframe-class\"><\/iframe>\n<\/p>\n<p>&nbsp;<\/p>\n<p>Nesta obra compila diez temes qu\u2019amuesen el so so son\u00edu m\u00e1s celta; too ello con un montonera collaboraciones (<strong>V\u00edctor Manuel, Hevia, Algaire, Baxel, Deira, Joaqu\u00edn D\u00edaz, Luis Delgado, \u00d3scar Ib\u00e1\u00f1ez, Bango<\/strong>, am\u00e1s de les bandes de gaites<strong>\u00a0Picos d\u2019Europa<\/strong>,\u00a0<strong>LaKadarma\u00a0<\/strong>y la berciana<strong>\u00a0Castro B\u00e9rgidum<\/strong>) y la producci\u00f3n de Javier Blanco (M\u00e4go de Oz, S\u00f4ber).<\/p>\n<p>Ye un trabayu que tien un claro componente colectivu y na qu\u2019el multiinstrumentista trabay\u00f3 a lo llargo de dellos a\u00f1os\u00a0<strong>cuidando aspectos que van acull\u00e1 de lo puramente musical<\/strong>. Conocedor fondu de la cultura asturiana -ya tami\u00e9n Doctor en Musicolox\u00eda y ganador del Premiu M\u00e1ximu Fuertes Acevedo d\u2019Ensayu con una obra dedicada a l\u2019asturianada-, aprovechamos esti llanzamientu pa\u00a0<strong>falar de la so carrera, d\u2019esti discu y de la situaci\u00f3n de la cultura\u2019l pa\u00eds y la m\u00fasica\u00a0<\/strong>asturiana.<\/p>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe style=\"border-radius:12px\" src=\"https:\/\/open.spotify.com\/embed\/album\/6ZBSsGumWnGDFNH3jKSX0W?utm_source=generator\" width=\"100%\" height=\"352\" frameborder=\"0\" allowfullscreen allow=\"autoplay; clipboard-write; encrypted-media; fullscreen; picture-in-picture\" loading=\"lazy\" 0=\"\/iframe\" scrolling=\"yes\" class=\"iframe-class\"><\/iframe>\n<\/p>\n<p><strong>La primer entruga ye casique obligada. \u00bfQu\u00e9 ye pa ti la gaita rabil?<\/strong><\/p>\n<p>Ye un cachu importante del mio alma, una compa\u00f1era inseparable que conoc\u00ed mientres el trabayu de campu pel rural d\u2019Asturies, nos a\u00f1os 90. Los paisanos y paisanes falaben d\u2019ella con se\u00f1ald\u00e1, del repertoriu del t\u00edu Agust\u00edn, de Luciano Andr\u00e9s o de Manol\u00edn de Barredos. Eh\u00ed entam\u00f3 too. Yo siento la gaita de rabil como canto nel tema onde collabora Algaire: \u201clo guapo de vivir y les coses importantes son con gaita de rabil\u201d.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abNesti discu entamo la xera d\u2019andoliar, musicalmente, otru tarr\u00e9n. Rabil amuesa un momentu tan importante como ye\u2019l d\u2019abrir el coraz\u00f3n al mundu ensin dexar de tener los g\u00fceyos na cultura del mio pa\u00eds\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>En rellaci\u00f3n a esto, \u00bfpor qu\u00e9 decidisti da-y el protagonismu a esti instrumentu nesti discu?<\/strong><\/p>\n<p>Ye too un procesu vital. Inda que ye\u2019l mio instrumentu principal, na mio discograf\u00eda hai otros instrumentos, otros repertorios y otres estayes dedicaes a la m\u00fasica de nueso. A la recuperaci\u00f3n etnogr\u00e1fica, que ye lo que daveres m\u00e1s m\u2019interes\u00f3. Poro, inda que na escena tradicional mov\u00edme como pexe nel agua en conciertos cuasique diarios, agora fice un camb\u00e9u de pexe p\u2019anfibiu. Nesti discu entamo la xera d\u2019andoliar, musicalmente, otru tarr\u00e9n.\u00a0<em>Rabil\u00a0<\/em>amuesa un momentu tan importante como ye\u2019l d\u2019abrir el coraz\u00f3n al mundu ensin dexar de tener los g\u00fceyos na cultura del mio pa\u00eds.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abNa tranquilid\u00e1 del mio estudio de grabaci\u00f3n sorprend\u00edme a m\u00ed mesmu componiendo muncha m\u00fasica nueva y toa yera, como digo, cola gaita de rabil\u00bb<\/mark><\/p><\/blockquote>\n<p><strong>Pasaron seis a\u00f1os dende\u2019l to anterior llarga duraci\u00f3n,\u00a0<em>Fundamentos de l\u2019Asturianada<\/em>, polo que\u00a0<em>Rabil<\/em>\u00a0foi cocin\u00e1ndose a fueu llentu. \u00bfC\u00f3mo foi\u2019l procesu de creaci\u00f3n d\u2019esti trabayu?<\/strong><\/p>\n<p>El procesu tard\u00f3 n\u2019entamar porque\u00a0<em>Fundamentos<\/em>\u00a0dex\u00f3me mui cans\u00e1u. Foi una xera escomanada de siete meses grabando, moviendo la mio tesitura vocal pa cantar 75 asturianaes de tolos estilos a pelu y con ocho gaiteros y dos pianistes\u2026 Punxe-y el ramu a una \u00e9poca y a un trabayu desaxer\u00e1u, tami\u00e9n nel campu acad\u00e9micu, alredor de l\u2019asturianada. Am\u00e1s, xusto enantes de la pandemia viv\u00ed una retafila de cambeos personales y llaborales mui radicales, magar que toos pa bien. El casu ye que na tranquilid\u00e1 del mio estudio de grabaci\u00f3n sorprend\u00edme a m\u00ed mesmu componiendo muncha m\u00fasica nueva y toa yera, como digo, cola gaita de rabil.<\/p>\n<figure class=\"wp-block-embed is-type-rich is-provider-spotify wp-block-embed-spotify\">\n<div class=\"wp-block-embed__wrapper\"><strong>El discu ta form\u00e1u por diez temes que nacen de melod\u00edes tradicionales con lletres feches por ti y tami\u00e9n de composiciones propies. \u00bfQu\u00e9 pues cuntar de los temes que lu formen en cuantes a m\u00fasica y lletres?<\/strong><\/div>\n<\/figure>\n<p>N\u2019Asturies tenemos la suerte de vivir nun llugar enllenu de tradiciones, con una bayura musical y una rica mitolox\u00eda qu\u2019andolien la maxa y el misteriu, que faen esnalar la imaxinaci\u00f3n al travi\u00e9s de tem\u00e1tiques universales y atemporales. Tolos cantares tienen una base lliteraria y narrativa importante, como la propia tradici\u00f3n de los rabileros, y los protagonistes son xanes, cu\u00e9lebres y gua\u1e25es llobatos, en temes como \u2018Tres Besos\u2019, \u2018El Penitente\u2019 o \u2018Llobatu\u2019. Tami\u00e9n quixi tocar la historia reci\u00e9n, en cantares como \u2018Valiente\u2019, onde falo de la Guerra Civil y la so \u00e9pica mientes que los chisgos a la tradici\u00f3n tan en \u2018Roubiltones\u2019 y \u2018Rabil\u2019. Tol repertoriu amiesta elementos tradicionales con argumentos hist\u00f3ricos, m\u00e1xicos y, davezu, instrumentaciones escures o lluminoses, seg\u00fan el cantar.<\/p>\n<p>Tami\u00e9n ye importante solli\u00f1ar que tolos temes cantaos son dafechu n\u2019asturianu. Asina lo faen comigo V\u00edctor Manuel, Algaire o Joaqu\u00edn D\u00edaz, de la Fundaci\u00f3n d\u2019Urue\u00f1a. Alredor de les melod\u00edes, h\u00e1iles mui virtuoses y desixentes, davezu con con efeutos lletr\u00f3nicos y momentos cimeros de dificult\u00e1 t\u00e9unica y espresiva mui nuevos na tradici\u00f3n d\u2019esti instrumentu.\u00a0<em>Rabil\u00a0<\/em>ye un trabayu reondu de principiu a fin y toi arguyosu del result\u00e1u. Ta fechu a conciencia, como te digo, mientres cuasique cuatro a\u00f1os de trabayu pos\u00e1u y fechu con precuru.<\/p>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abFacer coses nueves y orixinales hab\u00eda de ser lo normal al marxe de m\u00e1s o menos reinterpretaci\u00f3n d\u2019otros est\u00e1ndares\u00bb<\/mark><\/p><\/blockquote>\n<p><strong>Una de les novedaes m\u00e1s bultables ye l\u2019apuesta por un son\u00edu que nun ten\u00edes cuasi transit\u00e1u hasta agora. Esti discu ye\u2019l m\u00e1s folk, el m\u00e1s celta, el m\u00e1s electr\u00f3nicu y rockeru de la to carrera. \u00bfPor qu\u00e9 decidisti caleyar per estos estilos?<\/strong><\/p>\n<p>Despu\u00e9s de tanta dedicaci\u00f3n al folclor, esti cambiu de rexistru quer\u00eda facelu bien claru, y renovar los direutos pa ufiertar un nuevu formatu ambiciosu y de primer nivel. Hai quien diz que los mios conciertos son esperiencies culturales de primer orde, chutes d\u2019amor pola m\u00fasica, la llibert\u00e1 y la diversid\u00e1 onde la xente canta, bailla y hasta ve im\u00e1xenes d\u2019intelixencia artifical mientres tocamos. Decid\u00ed caleyar estos estilos porque ser artista ye como montar en bici: si nun te mueves, pierdes l\u2019equilibriu. Mesmo que los cocineros, los artistes tenemos que saber cocinar munchos platos am\u00e1s de les especialidaes. Facer coses nueves y orixinales hab\u00eda de ser lo normal al marxe de m\u00e1s o menos reinterpretaci\u00f3n d\u2019otros est\u00e1ndares.<\/p>\n<div class=\"wp-block-spacer\" aria-hidden=\"true\"><\/div>\n<p><strong>La figura de Javier Blanco, productor de M\u00e4go de Oz y S\u00f4ber (ente otres bandes) camiento que tien muncho que ver nesto \u00faltimo. \u00bfC\u00f3mo surdi\u00f3 esta collaboraci\u00f3n con \u00e9l, cu\u00e1nto d\u2019\u00e9l hai en\u00a0<em>Rabil\u00a0<\/em>y de qu\u00e9 manera<em>?<\/em><\/strong><\/p>\n<p>Javier pux\u00f3 enforma pa empobiname per esta llinia. Elli tien trabayao pa xente de primera divisi\u00f3n como M\u00e4go de Oz, S\u00f4ber y otros artistes como Ana Bel\u00e9n o Driss El Maloumi. Dio comigo de casualid\u00e1 buscando n\u2019intern\u00e9 instrumentos \u201craros\u201d pa les sos composiciones sinf\u00f3niques. Ello fue que, tres llargos alderiques previos (pasamos hores falando per tel\u00e9fono mientres la pandemia), coneutamos dafechu y non nam\u00e1s nel tarr\u00e9n musical, sinon que tami\u00e9n nel filos\u00f3ficu y na \u00e9tica profesional. Apautamos trabayar a comu\u00f1a y ficimos un equipu: yo diba enfotame m\u00e1s en componer y orquestar mientres qu\u2019elli fadr\u00eda ig\u00fces, produciendo\u2019l material. Tanto-y gusta\u2019l proyeutu qu\u2019incorpor\u00f3se a los direutos, y esto nun ye habitual, porque les producciones d\u2019otros artistes suelen ser por encargu y eh\u00ed termina\u2019l v\u00ednculu. Nel mio casu, en Javier Blanco gan\u00e9 un m\u00fasicu pa la banda am\u00e1s d\u2019un bon collaciu que fai milenta aportaciones con un criterio art\u00edsticu fondu y precisu, y que siempres diz la verd\u00e1 de lo que piensa. Angua\u00f1o eso nun tien preciu.<\/p>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abJavier Blanco dio comigo de casualid\u00e1 buscando n\u2019intern\u00e9 instrumentos \u2018raros\u2019 pa les sos composiciones sinf\u00f3niques. Ello fue que, tres llargos alderiques previos coneutamos dafechu\u00bb<\/mark><\/p><\/blockquote>\n<p><strong>Les sonoridaes de calter celta tan bien presentes nel \u00e1lbum y n\u00fan de los testos promocionales del trabayu faes una reivindicaci\u00f3n de la m\u00fasica celta. \u00bfTa habiendo un \u2018revival\u2019 de lo celta? Proyectos nuevos como Guieldu o Bango son firmes defensores d\u2019esta etiqueta de la qu\u2019otres formaciones de m\u00fasica tradicional renieguen.<\/strong><\/p>\n<p>De revival celta, nada. Esti ye\u2019l momentu del baille y la pandereta, que por fin salieron del armariu de posguerra, ho (rises). Bromes aparte, mira, tanto Bango como H\u00e9ctor Aneiros, alma m\u00e1ter de Guieldu, andechen nel discu. Y nun ye casualid\u00e1. Yo soi celtista simpatizante, no personal y sentimental, dende qu\u2019a los 15 a\u00f1os lle\u00ed llibros sobro\u2019l paganismu, les cultures prerromanes y sent\u00ed vinilos d\u2019Alan Stivell, Bele\u00f1o o d\u2019aquel sellu Guimbarda que mos aver\u00f3 a folclores del mundu atl\u00e1nticu. Pensar que\u2019l celtismu ye nam\u00e1s que melod\u00edes d\u2019inspiraci\u00f3n irlandesa col buzuki y el vigul\u00edn ye una simpleza. El celtismu ye muncho, munch\u00edsimo m\u00e1s qu\u2019eso.<\/p>\n<p>Nesti tiempu la ciencia dex\u00f3 claru l\u2019heriedu celta na cultura, na xen\u00e9tica, na lling\u00fc\u00edstica o n\u2019arqueolox\u00eda d\u2019Asturies, magar que terraplanistes nunca nun falten \u00bfeh? (rises).<\/p>\n<p>Per otru llau, ye verd\u00e1 que musicol\u00f3xicamente nun hai muncho que rascar alluendi dellos instrumentos como los que toca Abraham Cupeiro, pero comercialmente, la celta ye una etiqueta del s. XIX tan bona como cualisquier otra. Si hai m\u00fasica mediterr\u00e1nea, andalus\u00ed, exipcia, babil\u00f3nica, metal viquingu y hasta rock g\u00f3ticu, \u00bfc\u00f3mo nun va a haber m\u00fasica celta?<\/p>\n<p>Ye curioso cu\u00e1nto ofiende \u201clo celta\u201d a dalgunos. La xente qu\u2019arreniega del celtismu, o bien nun ye consciente de lo que diz, o bien ye que nun-y presta nada\u2019l puxu y visibilid\u00e1 internacional qu\u2019ufre esta etiqueta a cultures minoritaries y les sos lling\u00fces, casu de l\u2019asturiana. Sicas\u00ed, al marxe de lo musical y est\u00e9tico, lo m\u00e1s interesante pa m\u00edn y el verdaderu trasfondu de la militancia \u201ccelta\u201d n\u2019Asturies ye, como diz David Guardado, si queremos ser esa Asturies, cuna y madre d\u2019Espa\u00f1a, qu\u2019apigaza ensin facer nada por sigo mesma mientres otros la utilicen interesadamente, o si queremos una Asturies que sobreviva como comunid\u00e1 espec\u00edfica, calteniendo la so identid\u00e1 y viabilid\u00e1 econ\u00f3mica n\u2019andecha coles cultures hermanes del atl\u00e1nticu, los llamaos pa\u00edses celtes.<\/p>\n<p>Mientres Noam Chomsky sopelexa qu\u2019hai un prop\u00f3situ en distorsionar la historia y facenos creyer que ye mesi\u00e1nica y los grandes homes fici\u00e9ronlo too, los conocedores de la cultura com\u00fan y colectiva, como los celtistes, somos xente sabedor de que na historia d\u2019Asturies Pelayo nun falaba castell\u00e1n, Xix\u00f3n nun yera nin la mit\u00e1 d\u2019importante qu\u2019Asturica Augusta nin un xenocida como Augusto diba merecer angua\u00f1o una estatua nesa ciud\u00e1.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abYe curioso cu\u00e1nto ofiende \u201clo celta\u201d a dalgunos. La xente qu\u2019arreniega del celtismu, o bien nun ye consciente de lo que diz, o bien ye que nun-y presta nada\u2019l puxu y visibilid\u00e1 internacional qu\u2019ufre esta etiqueta a cultures minoritaries y les sos lling\u00fces, casu de l\u2019asturiana\u00bb<\/mark><\/p><\/blockquote>\n<p><strong>Precisamente l\u2019interceltismu tami\u00e9n ta presente nel trabayu a travi\u00e9s d\u2019unes pieces d\u2019orixe escoc\u00e9s y gallegu.<\/strong><\/p>\n<p>Caro, porque nel discu, mesmo que nos conciertos, manexo la gaita rabil como un pres\u00e9u tresversal, tan bonu como cualisquier otru pa facer m\u00fasica instrumental nuestra o de los vecinos atl\u00e1nticos, dende mu\u00f1eires galleges a reels escoceses. \u00d3scar Ib\u00e1\u00f1ez ye un referente en Galicia y Deira son unos virtuosos qu\u2019entamaron carrera nun concursu precisamente n\u2019Escocia. Con m\u00fasicos d\u2019esi nivel da gustu facer interceltismu. Porque facemos m\u00fasica celta, \u00bfeh? (rises)<\/p>\n<figure class=\"wp-block-embed is-type-video is-provider-youtube wp-block-embed-youtube wp-embed-aspect-16-9 wp-has-aspect-ratio\">\n<div class=\"wp-block-embed__wrapper\"><strong>Otra de les caracter\u00edstiques de <em>Rabil<\/em>\u00a0ye que tien un componente bastante \u201ccoral\u201d. Tolos temes tienen dalguna collaboraci\u00f3n. \u00bfPor qu\u00e9 lo ficisti asina y cu\u00e1l foi\u2019l criteriu que siguisti pa escoyer estes collaboraciones?<\/strong><\/div>\n<\/figure>\n<p>Pa esti discu manex\u00e9 un criteriu d\u2019escoyeta totalmente musical. Valoremos lo que-y vendr\u00eda bien a cada tema ensin nomes preconceb\u00edos. Dende\u2019l tr\u00edu base que faigo con Javier Blanco y Sim\u00f3n San Jos\u00e9 garr\u00e9\u2019l pulsu a la escena d\u2019artistes y grupos dispuestos a collaborar comigo. Quiero solli\u00f1ar qu\u2019am\u00e1s de les bandes de gaites (Picos d\u2019Europa, Noega, LaKadarma y Castro B\u00e9rgidum) y los collacios asturianos \u201cde siempre\u201d, les figures m\u00e1s consagraes, como Hevia o V\u00edctor, fueron les primeres n\u2019aceptar ensin condiciones. A la escontra, viendo\u2019l camb\u00e9u que yera esti discu nel mio facer quixeron echame un gabitu pa dame la visibilid\u00e1, qu\u2019a dicir d\u2019ellos, yo merec\u00eda. Nun tengo m\u00e1s qu\u2019agradecimientu al puxu y xenerosid\u00e1 de toos ellos.<\/p>\n<div class=\"wp-block-spacer\" aria-hidden=\"true\"><\/div>\n<p><strong>Esta colectivid\u00e1 nun ta presente nam\u00e1s na m\u00fasica, porque t\u2019arrodiasti d\u2019un equipu de persones pa desendolcar tolos llabores que van acuy\u00e1 de la m\u00fasica: videoclips, dise\u00f1u, contrataci\u00f3n d\u2019una campa\u00f1a de promoci\u00f3n\u2026 Nesti sen, ficisti un llanzamientu dende l\u2019autoxesti\u00f3n pero cuidando dellos de los aspectos fundamentales qu\u2019arrodien a un llanzamientu discogr\u00e1ficu g\u00fcei (singles, videoclips, newsletters, xubir canvas a spotify\u2026). Prestar\u00edame qu\u2019afondares m\u00e1s nesto.<\/strong><\/p>\n<p>Caro, hai un llabor importante coles ilustraciones orixinales de V\u00edtor Gonz\u00e1lez, les semeyes de Carlos Garna y la xera de Mar\u00eda \u00c1vila remocicando la web y la tienda online. Am\u00e1s fice una gran inversi\u00f3n (ensin subvenciones nin crowfundings) nos videoclips.\u00a0\u2018Llobatu\u2019 rod\u00f3lu Titi Mu\u00f1oz nel mio pueblu y Antonio Llaneza robl\u00f3 \u2018Valiente\u2019, qu\u2019algam\u00f3 el premiu nel FIVO internacional d\u2019Uvi\u00e9u y supunxo un trabayu bur\u00f3craticu escoman\u00e1u de permisos (delegaci\u00f3n gobiernu, intendencia d\u2019armes, patrimoniu, ayuntamientu, etc) pa meter armes y recreadores nel mesmes trincheres onde asocedi\u00f3 la batalla d\u2019El Mazucu.<\/p>\n<p>Nosotros sab\u00edemos que\u00a0<em>Rabil\u00a0<\/em>yera trabayu rompedor y hab\u00eda que promocionalu enforma y preestrenalu. Llev\u00e9moslu pal Campoamor nel Dia de les Lletres, fecha perimportante pal asturianismu, a la Llaboral de Xix\u00f3n y hasta consegu\u00ed retresmitir un conciertu na TPA. Ye verd\u00e1 que na escena asturiana yo nun necesito dami a conocer, pero s\u00ed fac\u00eda falta que la xente viera\u2019l nuevu formatu. \u201cCoime, H\u00e9ctor trai otru rollu nuevu am\u00e1s de cantar asturianaes y pregonar mercaos astures\u201d. Refi\u00e9rome a eso.<\/p>\n<p>Sicas\u00ed, al ser una autoedici\u00f3n yo mesmu tuvi que meter bien d\u2019hores en xeres de visibilid\u00e1 y promoci\u00f3n, qu\u2019angua\u00f1o son tan importantes como la m\u00fasica, como bien dices. Trackings, mailing, canvas\u2026 Alredor d\u2019esto pr\u00e9stami cuando Cristian de Legalzone, que lleva la mio oficina de contrataci\u00f3n, diz que si dalg\u00fan d\u00eda me falten conciertos contr\u00e1tame d\u2019alministrativu (rises). La verd\u00e1 que pa min fue un retu y pr\u00e9stami que s\u2019aprecie\u2019l trabayu nesa estaya. Sicas\u00ed, tenemos m\u00e1s falta d\u2019un management que d\u2019otra cosa. L\u2019equipu de trabayu seguimos componiendo nuevos temes nesta ll\u00ednia y\u00a0<em>Rabil\u00a0<\/em>agora mesmo esc\u00fachase m\u00e1s fuera que dientro d\u2019Asturies. Prestar\u00edanos movenos m\u00e1s.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abTenemos m\u00e1s falta d\u2019un management que d\u2019otra cosa. L\u2019equipu de trabayu seguimos componiendo nuevos temes nesta ll\u00ednia y\u00a0<em>Rabil\u00a0<\/em>agora mesmo esc\u00fachase m\u00e1s fuera que dientro d\u2019Asturies\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p class=\"is-style-large\"><strong>Am\u00e1s de multiintrumentista, yes Doctor en Musicolox\u00eda y docente. Esto n\u00f3tase tami\u00e9n en\u00a0<em>Rabil<\/em>, que tien un componente divulgador nel so llibretu.<\/strong><\/p>\n<p>A ver, a m\u00edn pr\u00e9stami dicir que soi m\u00e1s f\u00edu de lo que faigo que de los t\u00edtulos que traigo (rises), pero ye verd\u00e1 que nel llibretu de 20 p\u00e1xines meto bien d\u2019informaci\u00f3n granible alredor de la gaita rabil. Per exemplu\u2019l datu in\u00e9ditu y la semeya d\u2019un rabileru tall\u00e1u nun capitel del s. XIV na catedral, o los versos sobre la gaita rabil de Teodoro Cuesta nel 1880 y que tan escritos n\u2019asturianu\u2026 La divulgaci\u00f3n ye una parte importante de m\u00edn porque, por desgracia, l\u2019asturianu mediu ye especialista en desconocer la so propia cultura.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abLa divulgaci\u00f3n ye una parte importante de m\u00edn porque, por desgracia, l\u2019asturianu mediu ye especialista en desconocer la so propia cultura\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>Tienes collaborao col gobiernu asturianu n\u2019aspectos como\u2019l testu que s\u2019us\u00f3 pa declarar BIC a l\u2019asturianada. Tamos nel ecuador d\u2019una llexislatura onde \u201clo asturiano\u201d tuvo bastante presente nel alderique p\u00fablicu y en dalgunes de les pol\u00edtiques desendolcaes. \u00bfC\u00f3mo valores los pasos daos nesta materia y qu\u00e9 deberes pondr\u00edes al gobiernu y a la Xunta Xeneral pa estos dos a\u00f1os que queden hasta 2027?<\/strong><\/p>\n<p>Naquel momentu fici esi trabayu pal BIC porque na Universid\u00e1 dixeron-y a la Direici\u00f3n de Patrimoniu que yera la persona m\u00e1s indicada. Como acad\u00e9micu que tami\u00e9n soi, pr\u00e9stami que davezu llamen dende\u2019l Princip\u00e1u y me pidan conseyu pa temes estremaos. H\u00f3nralos querer facer les coses con precuru. Tengo fecho dende contribuciones a curr\u00edculos educativos hasta remocicar bases de concursos vocales tan importantes como l\u2019auton\u00f3micu \u00abLa Busdonga\u00bb. F\u00e1igolo con gustu y lo meyor que s\u00e9.<\/p>\n<p>Agora bien, sobre los pasos daos alredor de l\u2019asturianu na escena pol\u00edtica, yo nun fui invit\u00e1u a falar na Xunta Xeneral estos d\u00edes atr\u00e1s, pero ell\u00ed tuvo\u2019l director del Instituto Cervantes Luis Garc\u00eda Montero razonando que la llingua asturiana tar\u00eda siempre amenorgada si l\u2019Estatutu d\u2019Autonom\u00eda nun recueye la so oficialid\u00e1. Yo pienso igual. Ye una cuesti\u00f3n de derechos del ciudadanu. Ta claro que si l\u2019asturianu y l\u2019eonaviego nun son cooficiales n\u2019Asturies ye porque hai una hist\u00f3rica incapacid\u00e1 d\u2019apreciar la propia cultura espeyada nos representantes pol\u00edticos. Hai asturianos que viven nun ox\u00edmoron vital, y espl\u00edcome: nun pues defender la sidre y prohibir plantar pumares. Nun pues dir de s\u00faper asturianu repartiendo carn\u00e9s d\u2019asturian\u00eda y censurar a los que falamos, vivimos y creamos nesa llingua, que tambi\u00e9n ye la d\u2019ellos magar que quieran dexala morrer n\u2019abertal.<\/p>\n<p>Mientres que\u2019l movimientu asturianista somos interclasista y tresversal y enllenamos la cai dende va 40 a\u00f1os, nos caberos pasos pol\u00edticos nesta materia hai m\u00e1s xestos bonos que va una d\u00e9cada, pero sigue ensin haber fechos.<\/p>\n<p>Y como dixo Frank Zappa, cuando una comunid\u00e1 nun fai bastante pa desendolcar la so cultura, nun invierte ni anima o dinamiza, o directamente nin siquier ta arguyosa d\u2019ella, ent\u00f3s esa comunid\u00e1 igual nun merez existir. La cultura y les coses guapes que produz una socied\u00e1 van sobrevivir miles d\u2019a\u00f1os, y non les coses qu\u2019impongan cultures foriates o los productos d\u2019empreses que s\u2019asitien equ\u00ed nun momentu concretu. Escontra los que aplauden coles oreyes el AVE, los ocalitos, les mines d\u2019oru, Amazon, Indra o los pisos tur\u00edsticos ensin llende, los asturianos que nun emigramos somos lo que diz el canciu de Dixebra, \u201cindios de la mesma tierra\u201d. Cumplimos el deber de tresmitir la nuestra cultura y desiximos los nuestros derechos ciudadanos pa siguir faci\u00e9ndolo.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abEscontra los que aplauden coles oreyes el AVE, los ocalitos, les mines d\u2019oru, Amazon, Indra o los pisos tur\u00edsticos ensin llende, los asturianos que nun emigramos somos lo que diz el canciu de Dixebra, \u201cindios de la mesma tierra\u201d. Cumplimos el deber de tresmitir la nuestra cultura y desiximos los nuestros derechos ciudadanos pa siguir faci\u00e9ndolo\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>Pa rematar. Yes un veteranu de la m\u00fasica tradicional asturiana qu\u2019entam\u00f3 nesto dende mozu y tami\u00e9n yes director de la Banda de Gaitas Picos de Europa \u2013 DOP Cabrales. \u00bfC\u00f3mo ves la situaci\u00f3n d\u2019angua\u00f1o de la m\u00fasica de raiga\u00f1u n\u2019Asturies, la so incidencia ente les xeneraciones m\u00e1s nueves y el futuru d\u2019esti son?<\/strong><\/p>\n<p>La incidencia social ye menor qu\u2019en d\u00f3mines anteriores y la implantaci\u00f3n educativa de la cultura asturiana ta por desendolcase ama\u00f1osamente a tolos niveles alluendi les asociaciones culturales. Nes aules hai un fracasu claru na tresmisi\u00f3n de los valores, la historia y la idiosincrasia asturiana a les nueves xeneraciones d\u2019asturianos. Nun ye de recibu escoyer relix\u00f3n o asturianu, franc\u00e9s o cultura\u2026<\/p>\n<p>Les xeneraciones actuales organ\u00edcense cuasique\u2019n tribus urbanes (los folkis, los de les nueches en danza, los de l\u2019asturianada\u2026.)<\/p>\n<p>Nel gran p\u00fablicu hai alienaci\u00f3n y desarraigu cuando al tocar la gaita rabil la xente entruga \u00bfc\u00f3mo se llama esi aparatu?<\/p>\n<p>Alredor de la escena musical, que tanto facemos por caltener estayes como la lling\u00fc\u00edstica, yo nun midir\u00eda la so sal\u00fa en base a grupos o iniciatives que salgan a\u00f1almente. Hai que ver cu\u00e1nta xente trabaya y cotiza n\u2019Hacienda como profesional, o al travi\u00e9s d\u2019una empresa como faigo yo. Esa ye la preba de l\u2019algod\u00f3n, al mio paecer.<\/p>\n<p>Pal futuru d\u2019esti son fai falta que la TV p\u00fablica asturiana, que pagamos toos y toes, ponga conten\u00edos fixos non arrequexaos n\u2019horarios nocherniegos. Los asturianos, d\u00edgolo con pena, llevamos sieglos siendo menos de lo que fuimos. Y too por culpa nuestra. Lo d\u2019angua\u00f1o ye un harakiri cultural en toa riegla.<\/p>\n<p>Nesta cuesti\u00f3n quiero dicir que los Para\u00edsos Naturales dan pa que gu\u00edes como\u2019l Tripadvisor o Les Fartures empobinen a los turistes, qu\u2019enllenar\u00e1n el nuevu AVE m\u00e1s que n\u00f3s, a esfrutar les vacaciones ensin decatase del aislamientu y la mala lleche del equipu llocal. Non hai corresponsales de prensa nacional n\u2019Asturies y ensin dir m\u00e1s llo\u00f1e, angua\u00f1o El Pa\u00eds robla la so informaci\u00f3n asturiana dende Valladolid. Asina que si la xente com\u00fan, por ed\u00e1 o por inorancia, calti\u00e9n una idea tur\u00edstica nada rial d\u2019esti peque\u00f1u mundu irremisiblemente acab\u00e1u \u00bfqui\u00e9n s\u2019alcuerda g\u00fcei de les sos tradiciones? \u00bfqui\u00e9n llucha por siguir utilizando esa llingua propia d\u2019Asturies, la m\u00fasica, la cultura y\u2019l so idioma? Mui pocos. Necesitamos tolos recursos, incluyendo la TV.<\/p>\n<p>Necesitamos facer andecha, \u00abnun creyer histories que son verdaes a medies, porque cr\u00e9cennos les oreyes\u00bb, como diz el canciu de\u00a0<em>Nuberu<\/em>. Los asturianos xuntos podemos planta-y cara a cualisquier imperiu, como va dos mil a\u00f1os en Lancia (otra vuelta los celtes, \u00bfvisti?).<\/p>\n<p>La situaci\u00f3n agora ye que na m\u00fasica asturiana, mesmo que dic\u00eda\u2019l poema de Gabriel Celaya, hai que tomar part\u00edu. Part\u00edu hasta manchase. y tampoco nun se pue depender de subvenciones pa puxar pela cultura. Hai que cuidase de los \u201cintereses mercenarios\u201d qu\u2019anubren l\u2019arte, como dic\u00eda Kropotkin. Yo tengo muncha ilusi\u00f3n puesta nesti discu\u00a0<em>Rabil<\/em>. Un trabayu autoedit\u00e1u de primer nivel qu\u2019entama un nuevu facer musical na mio carrera. Naguo ufrir conciertos bastantes como p\u2019axitar conciencies y facer disfrutar a la xente colo que faigo. La m\u00fasica y l\u2019esfuerzu fechu bien lo merecen y siento que toi nun momentu clave na mio carrera. Aportar a ocho discos asoleyaos ye toa una conquista, pero siento qu\u2019ent\u00e1 tengo muncho que decir alredor de la cultura musical d\u2019Asturies.<\/p>\n","protected":false},"excerpt":{"rendered":"<p>\u00abDecid\u00ed caleyar estos estilos porque ser artista ye como montar en bici: si nun te mueves, pierdes l\u2019equilibriu\u00bb Falamos con H\u00e9ctor Braga del so trabayu nuevu, &#8216;Rabil&#8217; y d&#8217;otres cuestiones rellacionaes cola cultura asturiana y la so industria. Fonte: Musicasturiana.com \/<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[70,425,35,125],"tags":[],"class_list":["post-48795","post","type-post","status-publish","format-standard","hentry","category-entrevistes","category-gaita","category-musica","category-musicasturiana-com"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/48795","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=48795"}],"version-history":[{"count":5,"href":"https:\/\/edublog.educastur.es\/ixuxu\/wp-json\/wp\/v2\/posts\/48795\/revisions"}],"predecessor-version":[{"id":48814,"href":"https:\/\/edublog.educastur.es\/ixuxu\/wp-json\/wp\/v2\/posts\/48795\/revisions\/48814"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=48795"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=48795"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=48795"}],"curies":[{"name":"wp","href":"https:\/\/api.w.org\/{rel}","templated":true}]}}