{"id":53222,"date":"2025-07-17T19:56:54","date_gmt":"2025-07-17T17:56:54","guid":{"rendered":"https:\/\/edublog.educastur.es\/ixuxu\/?p=53222"},"modified":"2025-07-20T21:18:37","modified_gmt":"2025-07-20T19:18:37","slug":"primeros-cultivos-soterranos-del-pais-con-un-proyectu-dagricultura-minera-nel-pozu-carrio","status":"publish","type":"post","link":"https:\/\/edublog.educastur.es\/ixuxu\/2025\/07\/primeros-cultivos-soterranos-del-pais-con-un-proyectu-dagricultura-minera-nel-pozu-carrio\/","title":{"rendered":"Primeros cultivos soterra\u00f1os del pa\u00eds con un proyectu d’agricultura minera nel pozu Carrio"},"content":{"rendered":"

<\/a><\/p>\n

Fonte: Actualid\u00e1 Asturies<\/a> \/ Informativos T5<\/a><\/p>\n

El Gobiernu d’Asturies impulsa los primeros cultivos soterra\u00f1os del pa\u00eds con un proyectu d’agricultura minera nel pozu Carrio de Llaviana. L’oxetivu ye analizar qu\u00e9 especies pueden afaese meyor so tierra para llograr una producci\u00f3n sostenible y adaptable al camb\u00e9u clim\u00e1ticu. El conseyeru Borja S\u00e1nchez asegura que la iniciativa va contribuyir al desenvolvimientu territorial al travi\u00e9s d’un nuevu usu para los antiguos xacimientos.<\/p>\n


\nEl Serida desenvuelve un invernaderu piloto con unu plant\u00edu de cinco variedaes vexetales n’una bocamina con llume led. El Gobiernu d’Asturies punxo en marcha un proyectu singular ya innovador que convierte una antigua bocamina del pozu Carrio<\/strong>, en Llaviana, nel primer invernaderu soterra\u00f1u del pa\u00eds<\/strong>.<\/p>\n

Tr\u00e1tase d’una iniciativa pionera d’agricultura minera, enmarcada nel programa Agroalnext<\/strong>, financi\u00e1u con fondos rexonales y europeos Next Generation, que busca sentar les bases de l’agricultura del futuru: verde, dixital y resiliente al camb\u00e9u clim\u00e1ticu.<\/p>\n

El conseyeru de Ciencia, Industria y Empl\u00e9u, Borja S\u00e1nchez, visit\u00f3 g\u00fcei les instalaciones del proyectu esperimental, qu’ensaya cultivos en condiciones estremes por aciu un sistema d’hidropon\u00eda \u2013un sistema de cultivu que prescinde de la tierra- nun ambiente control\u00e1u ensin lluz natural, sofit\u00e1u con llume ‘led.<\/strong><\/p>\n

<\/a><\/p>\n

L’ensayu piloto desenvu\u00e9lvese na galer\u00eda La Raya del pozu Carrio ya incl\u00fai cinco variedaes vexetales: biltos d’usu culinariu, plantes arumoses, fueyes verdes, wasabi, arbeyos, hongos hongos y salicornia, una planta hal\u00f3fita que s’afai a ambientes estremos<\/strong>. L’oxetivu ye analizar qu\u00e9 especies pueden afaese a redolaes soterra\u00f1es, col fin d’abrir una nueva v\u00eda de producci\u00f3n agroalimentaria, sostenible y enerx\u00e9ticamente eficiente.<\/p>\n

El Serviciu Rexonal d’Investigaci\u00f3n y Desenvolvimientu Agroalimentario (Serida)<\/strong> encarg\u00f3se de la puesta en marcha d’esti proyectu nel marcu del polu d’innovaci\u00f3n de Carrio y cola collaboraci\u00f3n de la empresa minera Hunosa, propietaria de la bocamina.<\/p>\n

El desenvolvimientu t\u00e9cnicu cuerre al cargu de la compa\u00f1\u00eda asturiana Cant\u00e1brica Agricultura Urbana, especializada en cultivos d’interior por aciu sistemes d’agricultura vertical, capaces de reciclar l’agua y funcionar ensin esposici\u00f3n a la lluz solar.<\/p>\n

<\/a><\/p>\n

El proyectu promueve l’Agricultura 4.0 como una activid\u00e1 econ\u00f3mica de futuru para les cuenques mineres asturianes<\/strong>. Les resultancies de la fase esperimental van sirvir de base para esquizar futuros invernaderos nos xacimientos soterra\u00f1os, que van ser sostenibles y autosuficientes, y\u00e1 que van poder nutrise de l’agua y enerx\u00eda de les antig\u00fces esplotaciones.<\/p>\n

Na visita, el conseyeru tuvo acompa\u00f1\u00e1u pola directora del Serida, Mamen Oliv\u00e1n; l’alcalde de Llaviana, Julio Garc\u00eda; la xerente del Centru d’Innovaci\u00f3n Carrio, Susana de la Fonte; representantes d’Hunosa y t\u00e9cnicos de la empresa Cant\u00e1brica Agricultura.<\/p>\n

Borja S\u00e1nchez destac\u00f3 esta iniciativa como clave para dar un nuevu usu innovador y tecnol\u00f3xicu a les antig\u00fces mines: \u201cEsti invernaderu soterra\u00f1u representa un pasu firme escontra l’agricultura del futuru. El proyectu combina ciencia, tecnolox\u00eda y sostenibilid\u00e1 para desestacionalizar los cultivos ya impulsar formes de producci\u00f3n que nos ayuden a encarar los retos del camb\u00e9u clim\u00e1ticu y el desenvolvimientu territorial\u201d.<\/em><\/p>\n

Una mina para’l futuru.\u00a0<\/strong>Esta iniciativa pionera forma parte de la estratexa del Gobiernu del Princip\u00e1u de dar un nuevu usu a les infraestructures mineres. N’una comunid\u00e1 con m\u00e1s de 5.000 kil\u00f3metros de galer\u00edes soterra\u00f1es, l’Executivu auton\u00f3micu trabaya para tresformales n’espacios de desenvolvimientu tecnol\u00f3xicu y cient\u00edficu amestaos a nueves actividaes econ\u00f3miques como la agroalimentaci\u00f3n avanzada, l’almacenamientu de datos o la investigaci\u00f3n sobro l’habitabilidad de la Lluna.<\/p>\n

\n\n