{"id":5447,"date":"2021-04-23T21:10:15","date_gmt":"2021-04-23T19:10:15","guid":{"rendered":"https:\/\/edublog.educastur.es\/ixuxu\/?p=5447"},"modified":"2021-04-23T21:13:30","modified_gmt":"2021-04-23T19:13:30","slug":"san-xurde","status":"publish","type":"post","link":"https:\/\/edublog.educastur.es\/ixuxu\/2021\/04\/san-xurde\/","title":{"rendered":"San Xurde"},"content":{"rendered":"<div class=\"post-content-share post-content-share-bar jssocials\">\n<div class=\"jssocials-shares\">\n<div class=\"jssocials-share jssocials-share-facebook\" style=\"text-align: center\"><img loading=\"lazy\" decoding=\"async\" class=\"alignnone size-full\" src=\"https:\/\/verasturies.com\/wp-content\/uploads\/2020\/07\/verasturias-logo-web2.png\" width=\"250\" height=\"55\" \/><\/div>\n<div class=\"jssocials-share jssocials-share-pinterest\"><\/div>\n<\/div>\n<\/div>\n<div class=\"post-single-meta\">\n<ul>\n<li><a href=\"https:\/\/verasturies.com\/23-dabril-san-xurde-les-flores-el-cuelebre-y-los-green-man\/?fbclid=IwAR1BPShloJm2KdXS-LJgQydjC9HX91voEjme-LiguqAhhh5TzA580FRdn9Q\"><span style=\"font-size: 20px\">VER: 23 d\u2019abril: San Xurde, les Flores, el cu\u00e9lebre y los green man.\u00a0<\/span><\/a> <a class=\"post-author\" href=\"https:\/\/verasturies.com\/author\/daniel-garcia-de-la-cuesta\/\">Daniel Garc\u00eda de la Cuesta<\/a><\/li>\n<\/ul>\n<div class=\"post-item-single-container\">\n<div class=\"post-content post-single-content\">\n<p style=\"text-align: center\"><img loading=\"lazy\" decoding=\"async\" class=\"alignnone size-full\" src=\"https:\/\/verasturies.com\/wp-content\/uploads\/2021\/04\/3-1536x558.jpg\" width=\"1536\" height=\"558\" \/><\/p>\n<p>Xurde y Flores vien a ser un todo, y nalgunos casos m\u00e1s tov\u00eda. El d\u00eda 23 d\u2019abril en munchos llugares fest\u00e9xase <strong><span style=\"color: #008080\">San Xurde<\/span><\/strong>. Como santu m\u00e1rtir, tien una d\u2019eses hestories incre\u00edbles qu\u2019acurios\u00f3\u2019l cristianismu. Cu\u00e9ntase que yera un sold\u00e1u de Dioclecianu, emperador que mand\u00f3 perseguir a los cristianos al entamu del sieglu 4, y, que, como Xurde dixo que yera cristianu, pos acabaron tortur\u00e1ndolu y mat\u00e1ronlu, precisamente, un 23 d\u2019abril del a\u00f1u 303.<\/p>\n<p><!--more--><\/p>\n<p>La t\u00edpica desplicaci\u00f3n de los m\u00e1rtires, que, col pasu del tiempu, fue relat\u00e1ndose xuntu con otra riestra d\u2019hestories milagroses nes que, como sabemos, acab\u00f3 matando un drag\u00f3n, too mui natural y cre\u00edble.<\/p>\n<p>Conozse la biograf\u00eda, vida y trabayos de milenta persones qu\u2019esistieron n\u2019antig\u00fced\u00e1 que nun t\u00e1n venceyaos a hestories prodixoses, pero esti tipu de figures santificaes, al nun ser reales, a\u00f1eren vieyes creyencies que, por sincretismu, va formando un todo que ye lo qu\u2019aporta a los nuestros d\u00edes, y que, pa entendelo, ye necesario dir estudiando, separtando y analizando qu\u00e9 custiones conti\u00e9n la figura de San Xurde, y c\u00f3mo se vencey\u00f3 a distintes hestories y fue desendolc\u00e1ndose de distintes maneres en varies partes del mundu.<\/p>\n<p>Resulta, que tami\u00e9n ye una figura conoc\u00eda nel \u00e1mbitu relixosu afroamericanu y musulm\u00e1n del Mediu Oriente, especialmente en Palestina, onde lu conocen como Mar Dj\u00edries o Al-J\u00e1dr, o Al Hard, que sinifica El Verde, quedaivos con esti nome. Por ello, lo mesmu lu topamos de patr\u00f3n de Beirut, como d\u2019Arag\u00f3n, Catalunya, Ingalaterra, Bulgaria, Etiop\u00eda, Georgia, am\u00e1s d\u2019en milenta poblaciones espard\u00edes pel mundu. El nome t\u00e1 enxarey\u00e1u al Griegu Georgios, o al Siriacu, Giwargis.<\/p>\n<p>Nel sieglu 9, empieza a documentase la so hestoria mont\u00e1u a caballu, blancu, y lluchando col drag\u00f3n, o cu\u00e9lebre, que quedar\u00eda espeyada nel afam\u00e1u llibru La lleenda aurea, de Santiago de la Voragine, que se dedic\u00f3 a recoyer la vida de santos y facer un manuscritu con ello nel sieglu 13, llibru que s\u2019espardi\u00f3 munch\u00edsimo cola apaici\u00f3n de les imprentes.<\/p>\n<div class=\"wp-block-image\">\n<figure class=\"aligncenter size-large is-resized\"><img loading=\"lazy\" decoding=\"async\" class=\"wp-image-5127 aligncenter\" src=\"https:\/\/verasturies.com\/wp-content\/uploads\/2021\/04\/1-1-1024x526.jpg\" alt=\"\" width=\"364\" height=\"186\" \/><\/figure>\n<\/div>\n<p>La hestoria del cu\u00e9lebre apaez en muchos llugares d\u2019Europa y tami\u00e9n d\u2019Asia menor, coles sos variantes. Seg\u00fan el relatu de La LLeenda Aurea, que pueedes consultar en esti <strong><a href=\"https:\/\/es.wikipedia.org\/wiki\/San_Jorge?fbclid=IwAR1Lgb6_a35NR6g1WKyzq27gCnkGCljoXUG-rUUbZyu84KVh5ujFW4COzqw\" target=\"_blank\" rel=\"noreferrer noopener\">enllaz<\/a> <\/strong>, resumiendo, diz que:<\/p>\n<p><em>Al llau d\u2019una ciud\u00e1 de Libia, llamada Silena, hab\u00eda un llagu paec\u00edu a la mar nel que s\u2019escond\u00eda un cu\u00e9lebre. De xemes en cuando, arrim\u00e1base al pueblu y col so alientu mataba a la xente, por ello, cada d\u00eda d\u00e1ben-y dos oveyes pa tenelu contentu y fartu, hasta que lleg\u00f3\u2019l d\u00eda que nun ten\u00eden bastante oveyes, polo que quedaron en que diben a dai una oveya y tami\u00e9n a una persona del pueblu, seg\u00fan-y tocara nun sort\u00e9u, hasta qu\u2019un d\u00eda, toc\u00f3-y al rei qu\u2019entregara a la so f\u00eda. Depu\u00e9s d\u2019intentar salvala ofreciendo perres y tesoros, el pueblu d\u00edxo-y que non, que fuere \u00e9l el que punxo la norma, y agora toc\u00e1ba-y.<\/em><\/p>\n<p><em>Ent\u00f3s, la moza fue hasta la cueva onde viv\u00eda\u2019l cu\u00e9lebre pa que la comiera, y casualmente, va Xurde y pasa perell\u00ed nel caballu blancu, tralar\u00ed tralar\u00e1, cu\u00e9nta-y lo que taba asocediendo en pueblu, y decide ayudala. Ment\u00e1ntu-y dan a la parpayuela, apaez el cu\u00e9lebre, Xurde \u00e9chase enriba d\u2019\u00e9l col chuzu que llevaba y cl\u00e1va-ylu, pero nun lu mata. Ent\u00f3s p\u00edde-y a la moza qu\u2019ate al cu\u00e9lebre pel pescuezu col cinchu que tien nel so vest\u00edu, y ent\u00f3s, el monstru qued\u00f3 mansu como un perr\u00edn y sigui\u00f3la hasta\u2019l pueblu. Nam\u00e1s vela venir, punx\u00e9ronse toos escolforiaos y diben a fuxir del pueblu, pero Xurde, faci\u00e9ndose\u2019l chul\u00edn, diz-yos que\u2019l Se\u00f1or que lu mand\u00f3 pa lliberalos del cu\u00e9lebre. Aprovecha pa deci-yos que crean en Cristu y que, si se bauticen, que lu mata, que ye lo qu\u2019acaba asocediendo, y manda que cuatro pareyes de g\u00fces que lu saquen fuera la ciud\u00e1 hasta un campu. El rei fizo que construyeren una ilesiona n\u2019honor a Santa Mar\u00eda y San Xurde, y del so altar, surde una fonte de la que, si bebes, cura tolos males.<\/em><\/p>\n<p>Como puede vese, esta lleenda, ye casi que la mesma hestoria que se conserv\u00f3 en Xix\u00f3n como\u2019l cu\u00e9lebre de San Llorienzu, consultable nel <strong><a href=\"https:\/\/hemeroteca.elcomercio.es\/16\/08\/1986\/26\/13114ef08a22b9e1ea0f69bfc6e12ee1.html?subedition=GIJ&amp;fbclid=IwAR1KiifhO4hkyUqVX9iNwHQkuP3XNLkJmNeL25Ubg16lqUYbE6TmhDxs8aI\" target=\"_blank\" rel=\"noreferrer noopener\">enllace<\/a><\/strong>, que recuperara Luis Arg\u00fcelles, y otres munches asemeyaes qu\u2019hai espard\u00edes per Europa (m\u00e1s informaci\u00f3n <strong><a href=\"https:\/\/www.facebook.com\/dani.garciadelacuesta\/posts\/430035077185530\" target=\"_blank\" rel=\"noreferrer noopener\">equ\u00ed<\/a><\/strong>), que son anteriores al cristianismu, y que t\u00e1n venceyaes, dafechu, a seres como\u2019l <strong><a href=\"https:\/\/www.facebook.com\/dani.garciadelacuesta\/posts\/908340382688328\" target=\"_blank\" rel=\"noreferrer noopener\">Cetu<\/a><\/strong>, la Tarasca, Santa Marta, y toa una riestra de hestories nes que t\u00e1n presentes unes moces, v\u00edrxenes, que s\u2019asimilaron a les mayes, la reina maya y los mayos, la virxen Mar\u00eda, que son representaciones del cambiu de ciclu, la llegada de la primavera, del mes de les flores, y por ello, estos personaxes se festexen nestes feches. El sincretismu ye lo que tien.<\/p>\n<p>Am\u00e1s, Xurde, como vimos, tami\u00e9n se conoz como El Verde, que ye, nin m\u00e1s ni menos, que la representaci\u00f3n de la rexeneraci\u00f3n del mundu vexetal nestos meses antes del vranu, con toles festividaes que conlleva polos ciclos agr\u00edcoles. Sant Jordi en Catalunya t\u00e1 venceyada, dafechu, a les flores.<\/p>\n<div class=\"wp-block-image\">\n<figure class=\"aligncenter size-large is-resized\"><img loading=\"lazy\" decoding=\"async\" class=\"wp-image-5129 aligncenter\" src=\"https:\/\/verasturies.com\/wp-content\/uploads\/2021\/04\/2-1024x676.jpg\" alt=\"\" width=\"473\" height=\"312\" \/><\/figure>\n<\/div>\n<p>Esta hestoria, t\u00e1 venceyada tami\u00e9n a la mitolox\u00eda exipcia con Horus que mata a la serpiente Apofis, y la griega de Perseu, que mata a una gorgona, que, como sabemos, ten\u00eda culiebres na cabeza, pel mediu hai una princesa, una recompensa, propuestes de casoriu, conversi\u00f3n de la ciud\u00e1, etc. El venceyamientu con monstruos culebriegos, dase tami\u00e9n en vocablos como <a href=\"https:\/\/es.wikipedia.org\/wiki\/Guiverno?fbclid=IwAR25cwA55sn0LZFKGZYNd1JiXcmrURXkXSeVWjSsAy7BGMUXX50UoTEMkA4\"><strong>guiverno<\/strong><\/a>, escrito n\u2019Ingl\u00e9s como wyvern, o wivern, un drag\u00f3n her\u00e1ldicu con cuerpu culebriegu, dos pates y cola con p\u00faes, como\u2019l Cetu, seres que salen de la interpretaci\u00f3n de los caballinos de mar y les culiebres, y palabra que paez venir dende\u2019l Franc\u00e9s wivre, guivre, vouivre, dende\u2019l LLat\u00edn vipera, como v\u00edbora, culiebra.<\/p>\n<p>Por tou esto, <a href=\"https:\/\/es.wikipedia.org\/wiki\/San_Jorge?fbclid=IwAR3Yc5sRDYPSftTB2OTt1hyF59qroShXHLk5BHxeZDD00nn_HrgPngWIa1o#\/media\/Archivo:Paolo_Uccello_050.jpg\" target=\"_blank\" rel=\"noreferrer noopener\">San Xurde<\/a>, convirti\u00f3se nun sold\u00e1u a caballu proteutor de princeses, de los cruzaos, patr\u00f3n de Caballeros y d\u2019\u00f3rdenes melitares relixoses, como los templarios, o la Orden Teut\u00f3nica, y ye emblema de los ex\u00e9rcitos rusos.<\/p>\n<p>En Grecia, San Xurde Verde cel\u00e9brase como ritu pa pidir que llueva, o seya de fertilid\u00e1. En Romania, fest\u00e9xase tami\u00e9n el 23 d\u2019abril ornamentando \u00e1rboles, lo que conocemos como los mayos.<\/p>\n<p>La ilesia ortodoxa, en munchos pa\u00edses como Rusia, Ucraina, Serbia, Montenegro, etc.., que nun siguen calendariu gregorianu, sinon el xulianu, fest\u00e9xenlu el 6 de mayu, pola diferencia de d\u00edes qu\u2019esisten ente les dos maneres de contar el tiempu, y ye la fiesta la primavera. N\u2019otros llugares, como Malta, puede llegar a festexase en feches de xunu, o xunetu.<\/p>\n<p>El nome d\u2019El Verde, dase tami\u00e9n a San Xuan, otra figura venceyada al cambiu de ciclu estival, a les fogueres, los arcos florales y a la nueche na que los cu\u00e9lebres ded\u00edquense a procrear faci\u00e9ndolo nel aire. Por ello, pr\u00e9ndense fogures pa que, col calor, vaigan a facelo n\u2019otru sitiu y la semiente, que ye ponzo\u00f1a, nun caiga nos praos f\u00e9rtiles.<\/p>\n<p>Na lliteratura y nes lletres de dalgunos cantares venceyaos a la entrada la primavera que cantaben les mayes, qued\u00f3 viva la creyencia y presencia d\u2019esti San Xuan Verde, qu\u2019apaez dende la Ed\u00e1 Media nes estrofes de cantares de dances tradicionales al rodiu del festexu ritual de llantar los mayos pola llegada de la primavera.<\/p>\n<p>Ya nel sieglu 13, nel Libro de Alexandre, escritu n\u2019Asturianu, fala de la Maya nunos versos:<br \/>\n<em>Sedie el mes de mayo coronado de floresafeitando los campos de diversos coloresorganeando las mayas e cantando d\u2019amoresespigando las mieses que sembran labradores.<\/em><\/p>\n<p>Como exemplu de qu\u00e9 o qui\u00e9n ye Xuan Verde, topamos delles referencies nel autor portugu\u00e9s del sieglu 15, Gil Vicente, na so xera Auto da festa, onde diz:<\/p>\n<p style=\"text-align: center\"><span style=\"color: #008080\"><em>San Juan Verde passo por aqui:!quan garridico lo vi venir!<\/em><\/span><\/p>\n<p>Gracies a testos d\u2019otros autores posteriores, podemos albidrar como San Xuan Verde ye una referencia a la llegada anual de mayu, el mes de les flores. Asina, en 1627, Gonzalo Correas, na so xera Vocabulario de refranes y frases proverbiales, escribe:<\/p>\n<p style=\"text-align: center\"><span style=\"color: #008080\"><em>\u2500\u00bfSan Xuan el Verde paso por aki?<\/em><\/span><\/p>\n<p style=\"text-align: center\"><em><span style=\"color: #008080\">\u2500Mas a de un ano, ke nunca le vi.<\/span><br \/>\n<\/em><\/p>\n<p>Nel Cancionero musical de Palacio, con obres recoy\u00edes ente los sieglos 15 y 16, podemos alcontrar otros versos nos que se ve como se fai referencia a la llegada de los meses d\u2019abril y mayu, nun contestu asemey\u00e1u a los versos de la llegada de San Xuan Verde.<\/p>\n<p style=\"text-align: center\"><span style=\"color: #008080\"><em>Entra mayo y sale abril:<\/em><\/span><\/p>\n<p style=\"text-align: center\"><em><span style=\"color: #008080\">!tan garridico le vi venir!<\/span><br \/>\n<\/em><\/p>\n<p>Ferm\u00edn Canella na xera de 1896, Historia de LLanes y su Concejo, na p\u00e1xina 440, cuenta como les hoberes antiguamente llam\u00e1bense maya. Tami\u00e9n apurre cachinos de cantares que s\u2019echaben nos enrames y nos que se fala, direutamente, de la participaci\u00f3n de les ne\u00f1es y moces nestes dances, como esta lletra na que, am\u00e1s, av\u00edsase de la llegada de San Xuan Verde, la primavera, momentu nel que los galanes regalaben les cases de les moces con ramos de flores, arcos, corones, \u00e1rboles flor\u00edos, etc.<\/p>\n<p>San Juan el verde, mozas, ya viene con las rosas.San Juan el verde, ni\u00f1a, no viene cada d\u00eda.Desque la Pascua vieno, con flores m\u2019entretengo<\/p>\n<p>Otres lletres que\u2019l Cuarteto Cea recuperara a mediaos del sieglu 20 y grabaran en 1978, y qu\u2019us\u00f3\u2019l grupu folk aviles\u00edn Trasgu, dicen:<\/p>\n<p><em>Desque la Pascua vieno,con flores me entretevo.danzar quiere la ni\u00f1a,danzar en esta villa.Ya viene San Juan, moza,ya viene con las rosas.danzar quiere la dama,danzar en esta plaza.Desque la Pascua viene,danzar la ni\u00f1a quiere.Ya viene San Juan Verde,ya viene y ya se vuelve.<\/em><\/p>\n<p>Asuntu que, am\u00e1s, ll\u00e9vanos a lo que se conoz en munchos llugares como\u2019l Green man, l\u2019home verde, un ser que puede vese represent\u00e1u en munchos edificios relixosos europeos medievales, como les catedrales, embaxu la forma d\u2019una cara humana, o mascaritu, con pinta de vexetal, o cara de la que salen directamente tallos de recimal, fueyes y pi\u00f1os d\u2019uves. Esti tipu de representaciones de lo verde, el gua\u00f1u, lo renac\u00edo, usaes ya polo menos ente griegos y romanos al travi\u00e9s de los ritos a Dionisos y Baco, ye una idea presente tami\u00e9n en munches otres deidaes como la exipcia Osiris, y quici\u00e1s na c\u00e9ltica Viridio, etc\u2026, y t\u00e1n cargaes del simbolismu milenariu de lo c\u00edclico, la muerte y resurrecci\u00f3n, que\u2019l cristianismu fue intentando sustituir, y que, por ello, caltuvo en diferentes iconograf\u00edes qu\u2019angua\u00f1o paecen cencielles ornamentaciones.<\/p>\n<p>Una d\u2019eses representaciones del home verde, podemos vela n\u2019Asturies na entrada de la Sala Capitular de la Catedral d\u2019Uv\u00edeu, de lo cabero del 13 y l\u2019entamu del 14, y que, curiosamente, forma parte del arcu d\u2019entrada a la sala, hai 15 cares a cada llau, como si se pasara por baxo d\u2019un arcu flori\u00e1u, un armadixu de los que s\u2019usen nos mayos y nes dances, y que ritualmente representen a los \u00e1rboles como parte de la fertilid\u00e1 primaveral. Tami\u00e9n podemos ver unos cuantos nes puertes de la Catedral uvieina, feches por Jos\u00e9 Bernardo de la Meana nel a\u00f1u 1746.Tou un mundu m\u00e1xicu antiguu qu\u2019anda tov\u00eda ente nos.<\/p>\n<\/div>\n<\/div>\n<\/div>\n","protected":false},"excerpt":{"rendered":"<p>VER: 23 d\u2019abril: San Xurde, les Flores, el cu\u00e9lebre y los green man.\u00a0 Daniel Garc\u00eda de la Cuesta Xurde y Flores vien a ser un todo, y nalgunos casos m\u00e1s tov\u00eda. El d\u00eda 23 d\u2019abril en munchos llugares fest\u00e9xase San Xurde. Como santu m\u00e1rtir, tien una d\u2019eses hestories incre\u00edbles qu\u2019acurios\u00f3\u2019l cristianismu. Cu\u00e9ntase que yera un [&hellip;]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[112],"tags":[],"class_list":["post-5447","post","type-post","status-publish","format-standard","hentry","category-ver-asturies"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/5447","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=5447"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/posts\/5447\/revisions"}],"predecessor-version":[{"id":5449,"href":"https:\/\/edublog.educastur.es\/ixuxu\/wp-json\/wp\/v2\/posts\/5447\/revisions\/5449"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=5447"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=5447"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=5447"}],"curies":[{"name":"wp","href":"https:\/\/api.w.org\/{rel}","templated":true}]}}