{"id":54533,"date":"2025-07-31T22:59:47","date_gmt":"2025-07-31T20:59:47","guid":{"rendered":"https:\/\/edublog.educastur.es\/ixuxu\/?p=54533"},"modified":"2025-07-31T23:08:13","modified_gmt":"2025-07-31T21:08:13","slug":"agostu-enllenase-de-vivacs-nel-monte-asturianu","status":"publish","type":"post","link":"https:\/\/edublog.educastur.es\/ixuxu\/2025\/07\/agostu-enllenase-de-vivacs-nel-monte-asturianu\/","title":{"rendered":"Agostu enll\u00e9nase de vivacs (una forma de conectar col monte) nel monte asturianu"},"content":{"rendered":"

<\/a><\/p>\n

Agostu enll\u00e9nase de vivacs nel monte asturianu: el calendariu para esfrutar de la esperiencia. Una ruta de dos d\u00edes en Somiedu y delles esperiencies expr\u00e9s n’Ubi\u00f1a: el proyectu Seronda Gu\u00edes de Monte dise\u00f1\u00f3 un programa per d\u00edes que convida a tol mundu a dormir al rasu, reparar el cielu y reconectar cola naturaleza. El Comercio<\/a>\/ WhatsApp al 637 36 55 79.<\/p>\n

<\/p>\n

Dormir so les estrelles, ensin m\u00e1s techu que’l cielu. Ensin prieses, ensin cobertoria, ensin espertador\u2026 Solo’l silenciu, l’oral, les lluces que lleguen del firmamentu, dalguna llueca insomne, dalguna ca\u00f1a que llarpia, el conciertu de los grillos y el rumor del amanecer aver\u00e1ndose.<\/p>\n

Y cuando el cielu empiece a clarear, faer caf\u00e9. Y saborguialo ensin salir del sacu, viendo salir el sol dende’l coraz\u00f3n del monte.<\/p>\n

Ye un fechu: faer vivac ye especial.<\/strong> Una forma de conectar col monte<\/strong>, de sentila, bien intensa y bien sanadora que \u2013llue\u00f1e de lo que puede pensase- ta al algame de cualesquier. Ello ye que mientres este mesmu mes d’agostu y cola idea de promocionar el vivac como esperiencia accesible, el proyectu Seronda Gu\u00edes de Monte prepar\u00f3 tou un calendariu nel qu’el vivac ye protagonista absolutu.<\/strong><\/p>\n

\u00abQueremos que tol mundu pueda vivir la esperiencia de dormir nel monte. Y queremos resaltar qu’equ\u00ed n’Asturies, gracies al incre\u00edble paisaxe que tenemos perdayures, ye posible faelo ensin necesid\u00e1 de tar una selmana entera caminando ente cumes o acutar dellos d\u00edes pa entamar grandes trekkings\u00bb, esplica Consten V\u00e1zquez, gu\u00eda tres esta iniciativa.<\/p>\n

Nun fai falta tar dellos d\u00edes perd\u00edu nel monte: esta iniciativa prop\u00f3n esfrutar del atapecer, la nueche y l’amanecer nel monte ensin enormes esfuerzos nin munchos d\u00edes de caminada.<\/p>\n

Am\u00e1s, son vivacs pensaos por que cualesquier pueda esfrutar d’ellos, ensin escesiva esperiencia en monte<\/strong>: \u00abNun fai falta faer grandes rutes. Solo tener ganes de tar, de mirar, de dormir colos g\u00fceyos abiertos.\u00bb<\/p>\n

\u00abDise\u00f1emos un calendariu que toma tol mes d’agostu. Empezamos la primer fin de selmana, que vamos a Somiedu un par de d\u00edes pa faer dos cumes y una nueche al rasu. Y depu\u00e9s, a partir del 12 d’agostu empezamos colo que llamamos \u00abvivac expr\u00e9s\u00bb na zona d’Ubi\u00f1a: programaos pa partir de tarde y tornar pela ma\u00f1ana, ensin m\u00e1s destinos qu’el de dir dormir so les estrelles\u00bb, esplica.<\/p>\n

M\u00e1s d’ocho oportunidaes pa vivir la esperiencia Vivac<\/strong><\/p>\n