{"id":54975,"date":"2025-08-07T11:33:11","date_gmt":"2025-08-07T09:33:11","guid":{"rendered":"https:\/\/edublog.educastur.es\/ixuxu\/?p=54975"},"modified":"2025-08-07T11:33:11","modified_gmt":"2025-08-07T09:33:11","slug":"la-xx-regata-infantil-del-mini-sella-con-mas-de-400-palistes-demuestra-quhai-cantera","status":"publish","type":"post","link":"https:\/\/edublog.educastur.es\/ixuxu\/2025\/08\/la-xx-regata-infantil-del-mini-sella-con-mas-de-400-palistes-demuestra-quhai-cantera\/","title":{"rendered":"La XX regata infantil del Mini Sella, con m\u00e1s de 400 palistes, demuestra qu’hai cantera."},"content":{"rendered":"

LNE<\/a> \/ semeyes<\/a> \/<\/p>\n

<\/a><\/p>\n

Hai fiesta de Les Pirag\u00fces para ratu: la regata infantil del Mini Sella, con m\u00e1s de 400 palistes, demuestra qu’hai cantera. Alberto Llera, coordinador de la prueba: \u00abCada a\u00f1u tenemos m\u00e1s participaci\u00f3n; siempres creciendo, adulces\u00bb.<\/p>\n

Ribesella vivi\u00f3 esti mi\u00e9rcoles una de les sos xornaes m\u00e1s entra\u00f1ables y animaes dientro de la Selmana de les Pirag\u00fces cola celebraci\u00f3n de la XX edici\u00f3n del Mini Sella<\/strong>, la regata infantil que cada a\u00f1u gana m\u00e1s adeptos y que se convirti\u00f3 en tou un s\u00edmbolu de la cantera del pirag\u00fcismu internacional.<\/p>\n

<\/p>\n

M\u00e1s de 400 palistes d’hasta 14 a\u00f1os tomaron parte d’esta prueba, representando a m\u00e1s d’una trentena de clubes procedentes de toa Espa\u00f1a, pero tami\u00e9n d’otros cuatro pa\u00edses: Arxentina, Irlanda, Alema\u00f1a y Portugal.<\/strong> Los chavales remaron al sol nun ambiente de competici\u00f3n, pero sobremanera de compa\u00f1erismu y deportivid\u00e1.<\/p>\n

La regata na r\u00eda del Sella, en Ribesella, con un percorr\u00edu de 3.500 metros dende los Campos d’Oba hasta la ponte de la villa para les categor\u00edes alevina ya infantil, amenorg\u00e1u a 1.500 metros dende El Pe\u00f1\u00f3n hasta la mesma ponte para los redrueyos y prebenxamines.<\/p>\n

Les condiciones del r\u00edu nun lo punxeron f\u00e1cil a los participantes: \u00abDeb\u00edu al escasu caudal del Sella y a un coeficiente de marea amenorg\u00e1u, el percorr\u00edu presenta mayor dificult\u00e1 t\u00e9cnica en dellos tramos\u00bb, esplicaba la organizaci\u00f3n primeramente a la prueba. Aun as\u00ed, l’entusiasmu de los palistes superolo tou.<\/p>\n

Ente los m\u00e1s r\u00e1pidos, destacaron les tr\u00e9s primeres pirag\u00fces de K2, que cruciaron la meta casi al empar y en menos de 13 minutos.<\/p>\n

<\/a><\/p>\n

L’oru foi pa la pareya del Uvi\u00e9u Kayak, Adri\u00e1n Garc\u00eda Cami\u00f1a y \u00c1lvaro Fern\u00e1ndez Fiuza<\/strong>, que repit\u00eden la esperiencia con \u00e9situ: \u00abEste ye’l nuesu tercer o cuartu a\u00f1u participando. L’a\u00f1u pas\u00e1u y\u00e1 ganamos na nuesa categor\u00eda y quedamos terceros na xeneral\u00bb, cuntaben, \u00abla verd\u00e1 ye que la esperiencia ye bien bon, a\u00f1ed\u00eden\u00bb.<\/p>\n

<\/a><\/p>\n

Ribesella acueye’l XX Trof\u00e9u Mini Sella con 323 palistes \/ J. Quince<\/p>\n

Tami\u00e9n del Uvi\u00e9u Kayak salieron les campeones femenines nesa mesma categor\u00eda de K2, Mireia Isoba Su\u00e1rez y Sara Figareo \u00c1lvarez, na que foi la so primer participaci\u00f3n xuntes: \u00abEl r\u00edu diba un pocu secu, hubo dalg\u00fan momentu que nos costaba, pero tuvo xenial\u00bb, afirmaron con una sorrisa les palistes n’algamando la meta.<\/p>\n

Esti eventu cumple y\u00e1 dos d\u00e9cades dende la so creaci\u00f3n. Foi escurr\u00edu por Carlos Pi\u00e9lagos, exalcalde del conceyu y reconoc\u00edu \u00e1rbitru nacional de pirag\u00fcismu: \u00abRecuerdo aquel a\u00f1u que nos asocedi\u00f3 faer una prueba de promoci\u00f3n colos ne\u00f1os asonsa\u00f1ando lo qu’asoced\u00eda nel Sella\u00bb, remembraba. \u00abTuvimos qu’engarrar enforma, pero toi bien contentu de que cada a\u00f1u vaiga a m\u00e1s\u00bb, el riosellano de Collera.<\/p>\n

<\/a><\/p>\n

G\u00fcei, l’alma del Mini Sella ye’l palista local Alberto Llera, responsable de que tou funcione a la perfecci\u00f3n y quien coordina la competici\u00f3n dende’l Club de Pirag\u00fcismu El Sella, en collaboraci\u00f3n col Conceyu de Ribesella y diverses asociaciones del conceyu. \u00abCada a\u00f1u tenemos m\u00e1s participaci\u00f3n, afortunadamente; siempres creciendo, adulces. Como noved\u00e1 angua\u00f1o tenemos cuatro pa\u00edses estranxeros participantes\u00bb, apuntaba.<\/p>\n

La xornada arrinc\u00f3 col preg\u00f3n, que corri\u00f3 al cargu de la cano\u00edsta internacional Ant\u00eda J\u00e1come, quien se sinti\u00f3 bien honrada de dar la salida a los m\u00e1s nuevos nun a\u00f1u nel que va participar per primer vegada nel Descensu Internacional del Sella, que se va apostar esti pr\u00f3ximu s\u00e1badu, ente les pontes de Les Arriondes y Ribesella.<\/p>\n

Volviendo a la carrera d’ayeri, tres l’esfuerzu, lleg\u00f3’l pagu: un aperitivu pa los peque\u00f1os deportistes y el siempres esper\u00e1u y color\u00edu desfile poles cais de la villa riosellana, acompa\u00f1aos pela Banda Gaites Ribeseya\u00bb y los carism\u00e1ticos xigantes y cabezudos Pin\u00f3n, Telva y Pin\u00edn, del grupu folcl\u00f3ricu \u00abEnta\u00edna\u00bb.<\/p>\n

<\/a><\/p>\n

El broche p\u00fasolu’l tradicional iz\u00e1u de banderes auton\u00f3miques nel pas\u00e9u de los Vencedores del Sella. Si pela ma\u00f1ana rellumaba la cantera de pirag\u00fcistes, pela tarde ser\u00eda la vez de la cantera pirag\u00fcera, colos m\u00e1s pequenos participando n’unu de los actos m\u00e1s emblem\u00e1ticos de la selmana. Ente los encargaos d’ense\u00f1alos taben los hermanos Mat\u00edas y Manuela Santaclara S\u00e1nchez, afatiaos col ic\u00f3nico chalecu color\u00e1u, n’alusi\u00f3n al conceyu local, y bien ilusionaos por participar: \u00abAyudamos a xubir la bandera, y\u00e1 lo fiximos otros a\u00f1os, ye risonderu\u00bb, dic\u00eden.<\/p>\n

 <\/p>\n

Nun falt\u00f3’l respaldu institucional cola asistencia de representantes de los conceyos riberanos del Sella, como l’alcalde de Ribesella, Paulo Garc\u00eda, al pie de los conceyales Alejandro Alonso y Pablo Garc\u00eda; de Parres, el so rexidor Emilio Garc\u00eda Longo y el conceyal \u00c1lvaro Palacios; l’alcalde de Cangues d’On\u00eds, Jos\u00e9 Manuel Gonz\u00e1lez Castro; seg\u00fan la conceyala Irene Carre\u00f1o, en representaci\u00f3n de Pilo\u00f1a. Tami\u00e9n tuvo presente’l presidente del CODIS, Juan Manuel Feliz.<\/p>\n

<\/a><\/p>\n

<\/a><\/p>\n","protected":false},"excerpt":{"rendered":"

LNE \/ semeyes \/ Hai fiesta de Les Pirag\u00fces para ratu: la regata infantil del Mini Sella, con m\u00e1s de 400 palistes, demuestra qu’hai cantera. Alberto Llera, coordinador de la prueba: \u00abCada a\u00f1u tenemos m\u00e1s participaci\u00f3n; siempres creciendo, adulces\u00bb. Ribesella vivi\u00f3 esti mi\u00e9rcoles una de les sos xornaes m\u00e1s entra\u00f1ables y animaes dientro de la […]<\/p>\n","protected":false},"author":117,"featured_media":0,"comment_status":"closed","ping_status":"open","sticky":false,"template":"","format":"standard","meta":{"footnotes":""},"categories":[133],"tags":[],"class_list":["post-54975","post","type-post","status-publish","format-standard","hentry","category-deportes"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/54975","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=54975"}],"version-history":[{"count":1,"href":"https:\/\/edublog.educastur.es\/ixuxu\/wp-json\/wp\/v2\/posts\/54975\/revisions"}],"predecessor-version":[{"id":54976,"href":"https:\/\/edublog.educastur.es\/ixuxu\/wp-json\/wp\/v2\/posts\/54975\/revisions\/54976"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=54975"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=54975"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=54975"}],"curies":[{"name":"wp","href":"https:\/\/api.w.org\/{rel}","templated":true}]}}