{"id":55171,"date":"2025-08-08T12:29:46","date_gmt":"2025-08-08T10:29:46","guid":{"rendered":"https:\/\/edublog.educastur.es\/ixuxu\/?p=55171"},"modified":"2025-08-11T23:41:11","modified_gmt":"2025-08-11T21:41:11","slug":"la-imaxe-del-salvador-repon-los-sos-colores-goticos-y-les-sos-lletres-narabe","status":"publish","type":"post","link":"https:\/\/edublog.educastur.es\/ixuxu\/2025\/08\/la-imaxe-del-salvador-repon-los-sos-colores-goticos-y-les-sos-lletres-narabe\/","title":{"rendered":"La imaxe del Salvador repon los sos colores g\u00f3ticos y les sos lletres n’\u00e1rabe"},"content":{"rendered":"

La imaxe del Salvador de la Catedral d’Uvi\u00e9u repon los sos colores g\u00f3ticos y les sos lletres n’\u00e1rabe.<\/strong> La eliminaci\u00f3n de los repintes de la imaxe dexa afayar decoraciones vexetales y grabaos flamencos na talla, que recupera la cruz del orbe.<\/p>\n

<\/a>
\nAnt\u00f3n Garc\u00eda, Jes\u00fas Pures y Otilia Requejo, <\/em>
\n\u00e9nte la restaurada imaxe del Se\u00f1or de la Catedral. | MIKI L\u00d3PEZ<\/em><\/p>\n

La t\u00fanica recuper\u00f3’l so azul orixinal y la so sutil decoraci\u00f3n con fueyes d’hiedra, el mantu vuelve ser color\u00e1u, l’orbe ta presid\u00edu de nuevu pola cruz y pueden apreciase los grabaos d’orixe flamencu y les lletres n’\u00e1rabe. Estos son dalgunos de les resultancies de la restauraci\u00f3n que sufri\u00f3 la imaxe del Salvador; aquella que tienen de visitar tolos pelegrinos antes d’empecipiar el Cam\u00edn Primitivu y que s’alluga a la derecha del presbiteriu. Agora tami\u00e9n puede dicise daqu\u00e9 m\u00e1s sobre’l so orixe: \u00abYe una escultura trecentista, d’ente’l sieglu XIV y el sieglu siguiente, y ta venceyada a les primeres estructures de la f\u00e1brica g\u00f3tica\u00bb.<\/strong><\/p>\n

<\/p>\n

Ma\u00f1ana va celebrase la fiesta de la Tresfiguraci\u00f3n del Se\u00f1or y l’imaxe va arrodiase de llor\u00e9u, anque l’allugamientu va ser distinta pa nun estropiar los trabayos fechos polos restauradores Chus Pures y Emilia Fern\u00e1ndez.<\/p>\n

Dambos intervinieron na imaxe mientres unos dos meses pa devolvela a los sos or\u00edxenes gracies a la inversi\u00f3n fecha pol Cabildru col dineru recald\u00e1u de les entraes de los visitantes a la \u00abSancta Ovetensis\u00bb. Nesti tiempu los espertos esaniciaron los repintes \u00abporque, pr\u00e1cticamente, tanto’l soporte pedr\u00e9s como tola base de la policrom\u00eda t\u00e1n en bon est\u00e1u\u00bb, seg\u00fan sorray\u00f3 Pures mientres la presentaci\u00f3n de los trabayos nun actu que tuvo llugar nel mediud\u00eda d’ayeri na Catedral cola presencia del de\u00e1n, Benito Gallego, y el xeneral d’Acci\u00f3n Cultural y Normalizaci\u00f3n Lling\u00fc\u00edstica, Ant\u00f3n Garc\u00eda.<\/p>\n

Pures foi esbillando detalle per detalle. La eliminaci\u00f3n del repinte de la primer met\u00e1 del sieglu XIX dex\u00f3 recuperar l’azul orixinal de la t\u00fanica y esaniciar el collor\u00e1u que s’a\u00f1edi\u00f3 dempu\u00e9s. Un pasu que dex\u00f3 afayar una \u00abdecoraci\u00f3n bien sutil de fueyes d’hiedra que tienen un calter bien marc\u00e1u, el de la resurrecci\u00f3n y l’eternid\u00e1 divina\u00bb. \u00abSon elementos bien simb\u00f3licos nel g\u00f3ticu\u00bb. Tami\u00e9n s’afay\u00f3 que’l viesu de la tela ye naranxa. \u00abNun lo fixeron porque s\u00ed; ye un color que destaca enforma porque, am\u00e1s, la teor\u00eda del color nesi momentu nun esist\u00eda, pero sab\u00eden qu\u00e9 colores destacaben\u00bb.<\/p>\n

<\/a><\/p>\n

VER LNE<\/a> \/ Pela so parte, el collor\u00e1u del mantu ye sulfuru de mercuriu y otra de les grandes novedaes ye qu’el orbe nun yera como se ve na actualid\u00e1. \u00abTen\u00eda un color malaquita o azulita qu’asonsa\u00f1aba la tresparencia. Esto ye, el color qu’ellos interpretaben como’l cosmos\u00bb. De forma paralela, recuper\u00f3 la so cruz.<\/p>\n

Tami\u00e9n consta la imaxe d’una serie de grabaos que fueron despintaos colos repintes y, agora, recuper\u00e1ronse, pero son \u00abdif\u00edciles de ver porque t\u00e1n escurec\u00edos y bien deterioraos\u00bb. \u00abSon brocados aplicaos; esta ye una t\u00e9cnica bien esquisita d’orixe flamencu y datense ente’l segundu terciu del sieglu XIV y el segundu terciu del sieglu siguiente\u00bb, esplic\u00f3 Pures. Sicas\u00ed, utilizaron cera de resina que perdura bien poco nel tiempu.<\/p>\n

Va unos d\u00edes volvimos contemplar la figura d’El Salvador na Catedral d’Uvi\u00e9u (Asturies-Espa\u00f1a) una vegada realizaes los llabores de restauraci\u00f3n para recuperar los colores orixinales y los sos detalles. Asina lluz agora y na \u00faltima semeya como taba antes.<\/div>\n
<\/div>\n
\n\n