{"id":55795,"date":"2025-08-16T11:56:12","date_gmt":"2025-08-16T09:56:12","guid":{"rendered":"https:\/\/edublog.educastur.es\/ixuxu\/?p=55795"},"modified":"2025-08-17T22:33:11","modified_gmt":"2025-08-17T20:33:11","slug":"discursu-darantza-margolles","status":"publish","type":"post","link":"https:\/\/edublog.educastur.es\/ixuxu\/2025\/08\/discursu-darantza-margolles\/","title":{"rendered":"Discursu d&#8217;Arantza Margolles"},"content":{"rendered":"<div class=\"td-pb-row\">\n<div class=\"td-pb-span12\">\n<div class=\"td-post-header\">\n<header class=\"td-post-title\">\n<ul>\n<li class=\"entry-title\"><span style=\"font-size: 14px\"><a href=\"https:\/\/iniciativapolasturianu.org\/discursu-darantza-margolles-nel-iv-dia-de-la-llingua-asturiana\">Discursu d\u2019Arantza Margolles nel IV D\u00eda de la Llingua Asturiana<\/a><\/span><\/li>\n<\/ul>\n<p style=\"text-align: center\"><a href=\"https:\/\/iniciativapolasturianu.org\/wp-content\/uploads\/2025\/08\/Discursu.jpg\"><img loading=\"lazy\" decoding=\"async\" class=\"aligncenter size-large\" src=\"https:\/\/iniciativapolasturianu.org\/wp-content\/uploads\/2025\/08\/Discursu.jpg\" width=\"2048\" height=\"1366\" \/><\/a><\/p>\n<\/header>\n<\/div>\n<\/div>\n<\/div>\n<div class=\"td-pb-row\">\n<div class=\"td-pb-span8 td-main-content\" role=\"main\">\n<div class=\"td-ss-main-content\">\n<div class=\"td-post-sharing-top\">\n<div id=\"td_social_sharing_article_top\" class=\"td-post-sharing td-ps-bg td-ps-notext td-post-sharing-style1 \">\n<div class=\"td-post-sharing-visible\">\n<div class=\"td-social-but-icon\">Rondaba 1885, l\u2019a\u00f1u en que morri\u00f3 Alfonso XII, esi rei al que toos ponemos la cara de Vicente Parra, cuando Apolinar Rato -quici\u00e1s-yos suene d\u2019algo el so nome, y nun van desencaminaos, pero esa ye y\u00e1 otra historia- escribi\u00f3 a Juan de la Pezuela, director de la Real Academia Espa\u00f1ola, de la forma que sigue:<\/div>\n<\/div>\n<\/div>\n<\/div>\n<div class=\"td-post-content\">\n<p><em>Principal cosa ye trabayar, como fai la vuesa merced, por llimpiar, afincar y allumar la fabla de Castia [pero] por si se escaeci\u00f3 dir\u00e9\u2014y que Xovellanos entam\u00f3 cuantay\u00e1 facer un Diccionariu del Bable e recoy\u00f3 illi mesmu los preseos colos qu\u2019hab\u00eda facese; porque a esti xeniu escocia-y que poles guerres, les industries y los sos argadios, les carreteres y veredes, y los furacos que pa elles fixeron e nos montes y periquetos, y otres mil llaceries (\u2026) al fender y despellase les puertes de los eruaseos, y arrugase y cozcodiase Asturies y Castilla, finase la llingua qu\u2019\u00e9l falaba tan amorosu, y se escaeciera, y penaba-y que asina acaeciese, como ta a puntu d\u2019acontecer.<\/em><\/p>\n<p><!--more--><\/p>\n<p>Ya lo ven: en 1885, l\u2019a\u00f1u en que morri\u00f3 Alfonso XII, Apolinar Rato y\u00e1 tem\u00eda que morriera l\u2019idioma asturianu; como diba un sieglu temiera y\u00e1 Melchor Gaspar de Xovellanos, pr\u00f3cer magn\u00edficu, person\u00e1x illustre y fundamental pa la nuesa historia que g\u00fcei homenaxeamos equ\u00ed, nesta Feria Internacional de Muestres que, por m\u00e1s internacional que seya, sigue falando asturianu 140 a\u00f1os dempu\u00e9s d\u2019Apolinar Rato y a 281 de la nacencia de Xovellanos.<\/p>\n<figure id=\"attachment_7243\" class=\"wp-caption alignnone\" aria-describedby=\"caption-attachment-7243\"><figcaption id=\"caption-attachment-7243\" class=\"wp-caption-text\">La presidenta d\u2019Iniciativa pol Asturianu interviniendo na inauguraci\u00f3n institucional del IV D\u00eda de la Llingua Asturiana na FIDMA.<\/figcaption><\/figure>\n<p>Los datos tan eh\u00ed; nun pueden discutise. Esti a\u00f1u, l\u2019estand d\u2019Iniciativa pol Asturianu trae r\u00e9cord d\u2019empreses que, col asturianu como llingua vehicular, trabayen, viven y contribuyen a qu\u2019Asturies, g\u00fcei enllena de\u00a0<em>carreteres y periquetos<\/em>, afectada tami\u00e9n nes sos\u00a0<em>industries<\/em>\u00a0poles\u00a0<em>guerres<\/em>\u00a0d\u2019otros, siga creciendo. Empreses editoriales como Trabe, La Fabriquina, Radagast, Pintar Pintar o Cuatro Gotes; art\u00edstiques, como D\u00edes Adulces o Yunastur; de ropa: Al Otru Andar, Tiza y Peonza, Ringo Rango; gastron\u00f3miques: Panduru; de xuegos, como Acuto y hasta de cartonaxes, como\u2019l casu de Vir, son nam\u00e1i unes poques de les cada vegada m\u00e1s bayuroses industries que falen n\u2019asturianu y cuyu \u00e9situ, ensin dulda, ta faciendo tami\u00e9n movese a otres empreses perdayuri. Asina, nos a\u00f1os caberos tamos viendo avances bien importantes nel usu del asturianu per parte d\u2019empreses nacionales o multinacionales como Superbock, McDonald\u2019s, Decathlon o Ikea, qu\u2019ufre un tupper de comida n\u00f3rdica de la so tienda si\u00a0<em>tas fartucu<\/em>\u00a0y anuncia la venta de\u00a0<em>cachadores<\/em>\u00a0o de\u00a0<em>garcielles<\/em>.<\/p>\n<p>Esto ye: falar asturianu, a lo m\u00ednimu, vende. Podemos debatir munchu al rodiu d\u2019esto; pensar si ye que lo fae por ser un fechu diferenciador por xenerar cercan\u00eda coles y colos asturianos y asturianes. Tanto da: vende. Y eso quier dicir que sigue vivu, magar de\u00a0<em>les industries y les sos argadios, les carreteres y veredes<\/em>, o precisamente gracies, en parte, a elles. Quer\u00eda Xovellanos constituyir va m\u00e1s de doscientos a\u00f1os una Academia pa salvaguardar un idioma agonizante; quixo facelo tami\u00e9n Apolinar Rato va 140 y angua\u00f1o seguimos queriendo facelo, cuando, por exemplu, llamentamos, como llamentamos, perdes tan grandes pa les nueses lletres como les de David Rivas, Dami\u00e1n Barreiro o Xuan Bello, esta \u00faltima mui reci\u00e9n, golpes frontales al coraz\u00f3n que mos faen temer que perdiendo los nuesos xenios pudi\u00e9remos, quici\u00e1s, tami\u00e9n perder la nueesa llingua.<\/p>\n<p>Y sinceramente creo que, cuando pensamos eso, tamos equivoc\u00e1ndonos. Nun se trata agora de facer espoxigar una llingua muerta; nun se trata, tampoco, de recuperar\u00a0<em>la llingua de los nuesos g\u00fcelos<\/em>. Non, porque l\u2019asturianu, y\u00e1 se ta viendo equ\u00ed, na Feria de Muestres, frente al bustu de Xovellanos, ta m\u00e1s vivu que nunca; ye m\u00e1s nuestru qu\u2019enxam\u00e1s enantes. La convocatoria de los cursos del idioma qu\u2019ufre Iniciativa pol Asturianu a\u00f1almente da bona amuesa de que nun solamente les y los asturianes y asturianos quieren cada vegada m\u00e1s alfabetizase na so llingua, sinon que son cada a\u00f1u m\u00e1s les persones d\u2019otres tierres que s\u2019averen al nuestru idioma. Falo de datos, non de percepciones; falo, y nun me gusta facelo porque una llingua o una tierra son muncho m\u00e1s qu\u2019una fueya d\u2019Excel cuntando los\u00a0<em>debes<\/em>\u00a0y los\u00a0<em>haberes<\/em>, pero y\u00e1 qu\u2019hai quien nun entiende\u2019l mundiu fuera de les cuentes, lo faigo: falo de les perres que da tami\u00e9n un idioma. Falo, en fin, de les oportunidaes, sociales por supuestu pero, sorpresa, tami\u00e9n econ\u00f3miques, que da l\u2019apurrir a la xente el drechu de falar y de sentir la so propia llingua.<\/p>\n<p>Dende 1885, l\u2019a\u00f1u en que morri\u00f3 Alfonso XII, pasaron y\u00e1 pela nuesa historia tres reis, dos presidentes de la Rep\u00fablica y dos dictadores; pasaron dos guerres mundiales y conoci\u00f3\u2019l mundu doce papes.\u00a0<em>\u201cLa llingua materna ye un basti\u00f3n escontra la colonizaci\u00f3n ideol\u00f3xica y cultural, escontra los pensamientos dominantes que destruyen la diversid\u00e1\u201d<\/em>, dixo, va unos a\u00f1os, \u00fan d\u2019ellos, el papa Francisco, a quien desgraciadamente f\u00edzose casu poques vegaes, mesmu que tami\u00e9n-y pas\u00f3 a Xovellanos. A toes esos vuelcos de la historia sobrevivi\u00f3 l\u2019asturianu magar de tar pol\u00edticamente maltrat\u00e1u; de nun tener una academia propia hasta va poco m\u00e1s de 40 a\u00f1os y de ser oxetu permanente d\u2019ataques por quienes nun entienden que deprender dalgo, lo que seya, nunca nun puede ser un dem\u00e9ritu, sinon un m\u00e9ritu que conduz a munchos otros m\u00e1s.<\/p>\n<p>Sobrevivimos. Y seguimos vivos, mal que-yos pase a quienes nun terminen d\u2019entender que la llingua asturiana ye, como dic\u00eda Apolinar Rato l\u2019a\u00f1u en que morri\u00f3 Alfonso XII,<\/p>\n<p><em>gayaspera, gasayosa, \u00f1idia y bona pa enquillotrar pasiqu\u00edn u galantear d\u2019amores, facer coples, falagar, echar ronqu\u00edos, contar cuites, y presta asina mesmu pa rellatar los rux\u00edos de les batalles, que abonda en sonidos qu\u2019al salir pola boca la xente desp\u00eddelos sin veyures, de modu qu\u2019a la postre nin los g\u00fceyos, nin l\u2019o\u00eddu, nun tien por qu\u00e9 padecer, y quici\u00e1s la bona apostura de rostru de los pobladores de les Asturies, d\u00e9bela en bona parte a la mesura de la so llingua.<\/em><\/p>\n<p>Quier dicise: que falar asturianu sirve lo mesmu pa cortexar que pa cantar, pa cuntar guerres que pa discutir; que ye, como todes les lling\u00fces, vehicular y tresversal.<\/p>\n<p>Poro, ye bien triste qu\u2019esto que defend\u00eda Apolinar Rato va 140 a\u00f1os, y un sieglu enantes Gaspar Melchor de Xovellanos, y y\u00e1 inclusives nos a\u00f1os mil seiscientos Ant\u00f3n de Marirreguera, y que s\u2019amosa, maraviyosu, nesta Feria Internacional de Muestres y hasta nos\u00a0<em>mupis<\/em>\u00a0del MacDonalds, nun termine d\u2019entendese por dalgunes alministraciones que, d\u2019una u otramiente, defienden solo dacuando l\u2019asturianu. Y duel nel alma ver escaec\u00edu, esta vegada s\u00ed, l\u2019asturianu nesta Feria Internacional de Muestres nos estands de Cogersa o del Consorciu d\u2019Agues, dambes dependientes del Princip\u00e1u d\u2019Asturies; o nos de conceyos como Llanera y Uvi\u00e9u. O tratau marxinalmente nel pabell\u00f3n de Xix\u00f3n, o nel de la Universid\u00e1 d\u2019Uvi\u00e9u, tami\u00e9n duel. Tov\u00eda m\u00e1s, anque esta vegada fuera de les fronteres d\u2019este recintu ferial, duel vivir una Danza Prima, espresi\u00f3n de la nuesa cultura ya indisociable del idioma nel que mientres tantos a\u00f1os se caltuvo, na que les llocuciones, per primera vegada en munchu tiempu, lu omiten. Omiten l\u2019asturianu. Duel nel alma, s\u00ed, pero tami\u00e9n, con tolo visto, tami\u00e9n na cartera, vese enfrente d\u2019un mandatu marcu pa la radiotelevisi\u00f3n auton\u00f3mica que nun reconoz como lling\u00fces vehiculares nin l\u2019asturianu, nin l\u2019eonaviego, allanando, asina, el cam\u00edn hacia la desapaici\u00f3n d\u2019un idioma al que lleven queriendo matar m\u00e1s de doscientos a\u00f1os, pero qu\u2019ent\u00e1 y asina persiste.<\/p>\n<p>Faelo, sicas\u00ed, nam\u00e1i pola volunt\u00e1 de los falantes. Pola volunt\u00e1 de les empreses qu\u2019a diariu lo usen, pola de los funcionarios que faciliten los tr\u00e1mites burocr\u00e1ticos nesti idioma solo por decisi\u00f3n propia ya individual o, inclusive, pol xeitu d\u2019una empresa multinacional al rodiu de la cual tuvimos que sentir, va non muncho, a dalgunes persones criaes n\u2019Asturies dicir qu\u2019usaba una llingua inventada cuando dic\u00eda\u00a0<em>garciella<\/em>, pero non cuando diz qu\u2019un mueble se llama Dr\u00f6mslott, Rosentorp. Odantligt o Vadholma. Solo la llegada de la oficialid\u00e1 puede dar un marcu llegal suficiente y necesariu pa preservar esta llingua que lleva, melguera pero tami\u00e9n fuerte, sobreviviendo a cientos d\u2019a\u00f1os, a un ciento de guerres, a bastantes m\u00e1s de tres reis, a dalg\u00fan m\u00e1s que dos presidentes de la Rep\u00fablica, a dictadores y a munchu m\u00e1s de doce papes.<\/p>\n<p><strong>Como la madera del carbayu, que ye fuerte y resistente, que nun se dexa carcomer, asina ye l\u2019idioma asturianu. Nun dexemos que llegue\u2019l momentu en que prenda en llames. Nun la dexemos -por odiu, por inercia o por inorancia- morrer.<\/strong><\/p>\n<p style=\"text-align: center\">\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" src=\"https:\/\/www.facebook.com\/plugins\/post.php?href=https%3A%2F%2Fwww.facebook.com%2Faranmb%2Fposts%2Fpfbid02orepseDRJm8Gzj5iUdC5dxXiE1iTE1NHWNGhQMfzzbfG28kuXdcSVtFmjYRyYCHGl&#038;show_text=true&#038;width=500\" width=\"500\" height=\"0\" style=\"border:none;overflow:hidden\" scrolling=\"no\" frameborder=\"0\" allowfullscreen=\"true\" allow=\"autoplay; clipboard-write; encrypted-media; picture-in-picture; web-share\" 0=\"\/iframe\" class=\"iframe-class\"><\/iframe>\n<\/p>\n<\/div>\n<\/div>\n<\/div>\n<\/div>\n<p>&nbsp;<\/p>\n","protected":false},"excerpt":{"rendered":"<p>Discursu d\u2019Arantza Margolles nel IV D\u00eda de la Llingua Asturiana Rondaba 1885, l\u2019a\u00f1u en que morri\u00f3 Alfonso XII, esi rei al que toos ponemos la cara de Vicente Parra, cuando Apolinar Rato -quici\u00e1s-yos suene d\u2019algo el so nome, y nun van desencaminaos, pero esa ye y\u00e1 otra historia- escribi\u00f3 a Juan de la Pezuela, director [&hellip;]<\/p>\n","protected":false},"author":117,"featured_media":0,"comment_status":"closed","ping_status":"open","sticky":false,"template":"","format":"standard","meta":{"footnotes":""},"categories":[47],"tags":[],"class_list":["post-55795","post","type-post","status-publish","format-standard","hentry","category-iniciativa-pol-asturianu"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/55795","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=55795"}],"version-history":[{"count":8,"href":"https:\/\/edublog.educastur.es\/ixuxu\/wp-json\/wp\/v2\/posts\/55795\/revisions"}],"predecessor-version":[{"id":55979,"href":"https:\/\/edublog.educastur.es\/ixuxu\/wp-json\/wp\/v2\/posts\/55795\/revisions\/55979"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=55795"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=55795"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=55795"}],"curies":[{"name":"wp","href":"https:\/\/api.w.org\/{rel}","templated":true}]}}