{"id":56609,"date":"2025-08-31T09:00:06","date_gmt":"2025-08-31T07:00:06","guid":{"rendered":"https:\/\/edublog.educastur.es\/ixuxu\/?p=56609"},"modified":"2025-08-31T15:47:38","modified_gmt":"2025-08-31T13:47:38","slug":"dia-internacional-de-la-solidarida","status":"publish","type":"post","link":"https:\/\/edublog.educastur.es\/ixuxu\/2025\/08\/dia-internacional-de-la-solidarida\/","title":{"rendered":"D\u00eda Internacional de la Solidarid\u00e1"},"content":{"rendered":"

<\/a><\/p>\n

La ONU marc\u00f3’l 31 d’agostu como D\u00eda Internacional de la Solidarid\u00e1<\/strong>, que busca crear conciencia sobro la importancia d’ayudar al pr\u00f3jimo, sobremanera a les persones m\u00e1s d\u00e9biles de la socied\u00e1. Cel\u00e9brase dende’l 2000.<\/p>\n

<\/p>\n

Escoy\u00f3se esta fecha n’honor al movimientu social polacu Solidarid\u00e1, que foi represent\u00e1u en 1980 pol gremiu sindical \u00abSolidarno\u015b\u0107\u00bb.<\/p>\n

Esti movimientu foi unu de los tantos responsables de la cayida del muriu de Berl\u00edn. Ye m\u00e1s, unu de los sos dirixentes, Lech Walesa, foi consagr\u00e1u col Premiu Nobel de la Paz gracies a que promovio los ideales de la solidarid\u00e1 non solo nel so pa\u00eds d’orixe sin\u00f3n por tol planeta.<\/p>\n

Magar esta celebraci\u00f3n tien una trayectoria llarga, esiste otra fecha decretada oficialmente pola UNESCO denominada D\u00eda Internacional de la Solidarid\u00e1 Humana, y que se celebra’l 20 d’avientu.<\/p>\n

L’oxetivu principal, el prop\u00f3situ d’esti d\u00eda nun vari\u00f3 enforma desque se fundara’l part\u00edu sindical. En realid\u00e1, b\u00e1sase nun principiu b\u00e1sicu que ye’l de l’ayuda mutua o’l ser solidarios colos otros.<\/strong><\/p>\n

Seg\u00fan el mesmu Walesa, solo na midida na que toos ayudemos y trabayemos por una causa com\u00fan qu’apurra’l mayor bienestar a toos, nesa mesma midida vamos vivir nun mundu muncho m\u00e1s pac\u00edficu, enriquecedor y pr\u00f3speru para cada naci\u00f3n, pueblu o individuu.<\/p>\n


\n\u00abMomo\u00bb, de Michael Ende, una novela \u00fanica sobro la importancia de l’amist\u00e1, la solidarid\u00e1, la bond\u00e1 y el valor de les coses sencielles. A \u00faltima hora, sobro lo que de verd\u00e1 nos fai felices. Edici\u00f3n especial por cuenta de la so 50\u00b0 aniversariu, ilustrada por Fernando Vicente.VER<\/a><\/p>\n

<\/a><\/p>\n

\n
\n
\n
\n
\n

Momo ye una ne\u00f1a que tien una cualid\u00e1 bien especial: sabe escuchar a los dem\u00e1s. La xente all\u00e9gase a ella para desafogase porque siempres ye capaz d’atopar una soluci\u00f3n a los problemes. Pero la llegada de los homes grises va camudar la so vida. Estos estra\u00f1os seres quieren apoderase d’unu de los bienes m\u00e1s preciaos que tienen les persones: el tiempu. Momo ye la \u00fanica que nun se dexa enga\u00f1ar, y cola ayuda de la tort\u00faa Casiopea y del maestru Hora va entamar una aventura fant\u00e1stica contra el lladrones de tiempu.<\/em><\/span><\/p>\n<\/div>\n

\n\n