{"id":57451,"date":"2025-09-10T11:00:38","date_gmt":"2025-09-10T09:00:38","guid":{"rendered":"https:\/\/edublog.educastur.es\/ixuxu\/?p=57451"},"modified":"2025-09-11T11:52:56","modified_gmt":"2025-09-11T09:52:56","slug":"inclusion-del-traxe-tradicional-de-cabranes-nel-censu-del-patrimoniu-cultural-inmaterial-dasturies","status":"publish","type":"post","link":"https:\/\/edublog.educastur.es\/ixuxu\/2025\/09\/inclusion-del-traxe-tradicional-de-cabranes-nel-censu-del-patrimoniu-cultural-inmaterial-dasturies\/","title":{"rendered":"El traxe tradicional de Cabranes, nel Censu del Patrimoniu Cultural Inmaterial"},"content":{"rendered":"

<\/a><\/p>\n

\n
\n
\n
\n
\n
\n
La Conseyer\u00eda de Cultura, Pol\u00edtica Lling\u00fc\u00edstica y Deporte aprob\u00f3 la inclusi\u00f3n del traxe tradicional de Cabranes nel Censu del Patrimoniu Cultural Inmaterial d\u2019Asturies.<\/strong> El tex\u00edu asociativu del conceyu constituye una manifestaci\u00f3n cultural de gran singularid\u00e1, vinculada a la tradici\u00f3n de la procesi\u00f3n y ufierta del ramu, sobre manera nel Carme de Torazu, declarada Fiesta d\u2019Inter\u00e9s Tur\u00edsticu del Princip\u00e1u. \u2712\ufe0fRa\u00fal Alonso \ud83d\udd17Toa sobro la declaraci\u00f3n patrimoniu cultural inmaterial del traxe tradicional de Cabranes<\/strong><\/a>.<\/div>\n
\n
\n
    \n
  • El tex\u00edu asociativu del conceyu y la comunid\u00e1 llocal fueron claves na recuperaci\u00f3n del so usu.<\/li>\n<\/ul>\n

    <\/p>\n<\/div>\n

    La Conseyer\u00eda de Cultura, Pol\u00edtica Lling\u00fc\u00edstica y Deporte aprob\u00f3 la\u00a0inclusi\u00f3n del traxe tradicional de Cabranes nel Censu del Patrimoniu Cultural Inmaterial d\u2019Asturies<\/strong>. El llam\u00e1u traxe de Cabranes constituye una manifestaci\u00f3n cultural de gran singularid\u00e1, vinculada a la tradici\u00f3n de la procesi\u00f3n y ufierta del ramu, sobre manera nel Carme de Torazu, declarada Fiesta d\u2019Inter\u00e9s Tur\u00edsticu del Princip\u00e1u.<\/p>\n

    Tr\u00e1tase d\u2019una indumentaria tradicional femenina de calter austeru y monocrom\u00e1ticu, onde destaquen\u00a0elementos propios como\u2019l xub\u00f3n y el dengue caracter\u00edsticu con picu sobre\u2019l pechu<\/strong>, que la estremen d\u2019otros vestuarios tradicionales asturianos.<\/p>\n

    El\u00a0procesu de recuperaci\u00f3n del traxe empez\u00f3 nos a\u00f1os noventa<\/strong>\u00a0gracies a la investigaci\u00f3n etnogr\u00e1fica y afianz\u00f3se a partir del 2014 col programa \u2018Alcordanza: Historia, cultura y tradici\u00f3n\u2019, impuls\u00e1u pol Mus\u00e9u de la Escuela Rural d\u2019Asturies en collaboraci\u00f3n col Conceyu de Cabranes. Dende\u2019l 2018, talleres formativos interxeneracionales fixeron posible reactivar el so usu nes celebraciones locales, convirti\u00e9ndose nun exemplu de participaci\u00f3n ciudadana alredor del patrimoniu.<\/p>\n

    El conxuntu del traxe de Cabranes ta compuestu por falda y mandil negros, medies delgaes escures, zapatos cl\u00e1sicos de tac\u00f3n baxu, xub\u00f3n axust\u00e1u con mangues abullonaes y tables nel costazu y l\u2019antebrazu, y el dengue, prenda distintiva que s\u2019axusta sobre\u2019l pechu y resalta la silueta. Complem\u00e9ntase con un pa\u00f1uelu de seda de colores estampaos na cabeza y un pa\u00f1uelu blancu de filo nel costazu pa llevar el ramu. La so sobried\u00e1 en negro, chiscada por detalles de color nos pa\u00f1uelos y adornos de pasamaner\u00eda, convi\u00e9rtelu nun atuendu \u00fanicu, reconocible dafechu na tradici\u00f3n festiva de Cabranes. Esta indumentaria at\u00f3pase documentada fotogr\u00e1ficamente nes primeres d\u00e9cades del s. XX por Juan Evangelista Canellada principalmente.<\/p>\n

    Testimonios fotogr\u00e1ficos, orales, am\u00e1s de prendes testigu, corroboren que, ente otres fiestes del conceyu de Cabranes, us\u00e1base nel Rosariu de Santolaya, nel Carme d\u2019Arboleya o en Xiranes; y, sobre manera, nel Carme de Torazu, que se celebra l\u2019\u00faltimu domingu del mes d\u2019agostu, pues yera y sigue siendo angua\u00f1o la procesi\u00f3n m\u00e1s representativa, pola cantid\u00e1 de ramos axuntaos. Esta celebraci\u00f3n tien significaci\u00f3n especial pola so antig\u00fced\u00e1 con cofrader\u00eda creada en 1766- y pervivencia hasta\u2019l presente, am\u00e1s de pola so entid\u00e1 desfilando m\u00e1s de trenta ramos- polo que ta considerada la mayor procesi\u00f3n de ramos d\u2019Asturies, tando declarada Fiesta d\u2019Inter\u00e9s Tur\u00edsticu del Princip\u00e1u d\u2019Asturies.<\/p>\n

    \n\n