{"id":57907,"date":"2025-09-16T10:02:17","date_gmt":"2025-09-16T08:02:17","guid":{"rendered":"https:\/\/edublog.educastur.es\/ixuxu\/?p=57907"},"modified":"2025-09-16T21:52:17","modified_gmt":"2025-09-16T19:52:17","slug":"medayes-dasturies-2026","status":"publish","type":"post","link":"https:\/\/edublog.educastur.es\/ixuxu\/2025\/09\/medayes-dasturies-2026\/","title":{"rendered":"Medayes d&#8217;Asturies 2026"},"content":{"rendered":"<p style=\"text-align: center\"><a href=\"https:\/\/actualidad.asturias.es\/documents\/537115\/2806206\/MedallasdeAsturias.jpg\/2d5b55dc-dc6a-106a-23cc-357279b3b299?t=1757932611416\"><img loading=\"lazy\" decoding=\"async\" class=\"aligncenter \" src=\"https:\/\/actualidad.asturias.es\/documents\/537115\/2806206\/MedallasdeAsturias.jpg\/2d5b55dc-dc6a-106a-23cc-357279b3b299?t=1757932611416\" width=\"723\" height=\"603\" \/><\/a><\/p>\n<p>El Gobiernu del Princip\u00e1u va reconocer la trayectoria del Real Uvi\u00e9u cola Medaya d&#8217;Asturies nel a\u00f1u del so centenariu. La propuesta de f\u00edos predilectos incl\u00fai a Jos\u00e9 Antonio P\u00e9rez Sim\u00f3n, Isidro Fern\u00e1ndez Rozada, Mari Lluz Crist\u00f3bal y Jos\u00e9 Sierra. Paz Fern\u00e1ndez Felgueroso, Sa\u00fal Craviotto, Maruja Torres, Yayoi Kawamura, Adolfo Rivas y Consuelo Mart\u00ednez van ser f\u00edos adoptivos.\u00a0<a href=\"https:\/\/actualidad.asturias.es\/-\/el-gobierno-del-principado-reconocer%C3%A1-la-trayectoria-del-real-oviedo-con-la-medalla-de-asturias-en-el-a%C3%B1o-de-su-centenario?redirect=%2Fnoticias\">Actualid\u00e1 Asturies<\/a> \/ <a href=\"https:\/\/www.lne.es\/asturias\/2025\/09\/16\/medallas-asturias-premio-mejor-region-121612119.html\">LNE<\/a><\/p>\n<p style=\"text-align: center\"><a href=\"https:\/\/estaticos-cdn.prensaiberica.es\/clip\/4261a3b8-db41-4678-bde6-d403d3c75440_16-9-aspect-ratio_default_0.jpg\"><img loading=\"lazy\" decoding=\"async\" class=\"aligncenter size-large\" src=\"https:\/\/estaticos-cdn.prensaiberica.es\/clip\/4261a3b8-db41-4678-bde6-d403d3c75440_16-9-aspect-ratio_default_0.jpg\" width=\"880\" height=\"495\" \/><\/a><\/p>\n<p style=\"text-align: center\"><!--more--><span class=\"x193iq5w xeuugli x13faqbe x1vvkbs xt0psk2 x1i0vuye xvs91rp xo1l8bm x5n08af x10wh9bi xpm28yp x8viiok x1o7cslx x126k92a\"><span class=\"html-span xexx8yu x4uap5 x18d9i69 xkhd6sd x1hl2dhg x16tdsg8 x1vvkbs x3nfvp2 x1j61x8r x1fcty0u xdj266r xat24cr xgzva0m xhhsvwb xxymvpz xlup9mm x1kky2od\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" src=\"https:\/\/www.instagram.com\/reel\/DOq5Z8qCHuE\/embed\" width=\"460\" height=\"625\" 0=\"\/iframe\" scrolling=\"yes\" class=\"iframe-class\" frameborder=\"0\"><\/iframe>\n<\/span><\/span><\/p>\n<p><a href=\"https:\/\/actualidad.asturias.es\/documents\/537115\/2806206\/2025_09_15+presidente+rueda+prensa+consejo+1.jpg\/bbcf8f0d-aa8e-cfe4-7129-2e35e8bd4e79?t=1757932312542\"><img loading=\"lazy\" decoding=\"async\" class=\"aligncenter \" src=\"https:\/\/actualidad.asturias.es\/documents\/537115\/2806206\/2025_09_15+presidente+rueda+prensa+consejo+1.jpg\/bbcf8f0d-aa8e-cfe4-7129-2e35e8bd4e79?t=1757932312542\" width=\"590\" height=\"432\" \/><\/a><\/p>\n<p>L&#8217;Asociaci\u00f3n Emburria, el tenor Joaqu\u00edn Pix\u00e1n, el periodista Isidoro Nicieza y el docente y m\u00fasicu Nachu Fonseca tami\u00e9n van recibir el pr\u00f3ximu 8 de setiembre la m\u00e1xima reconocencia institucional de la comunid\u00e1<\/p>\n<p>El presidente del Princip\u00e1u, Adri\u00e1n Barb\u00f3n, inform\u00f3 g\u00fcei al Conseyu de Gobiernu de <strong>les persones ya instituciones que van recibir les Medayes d&#8217;Asturies el pr\u00f3ximu a\u00f1u.<\/strong> En 2026, les m\u00e1ximes distinciones institucionales de la comunid\u00e1 van premiar la hestoria centenaria del Real Uvi\u00e9u, seg\u00fan la inclusi\u00f3n de les persones con discapacid\u00e1, el periodismu con visi\u00f3n territorial y la m\u00fasica como v\u00eda d&#8217;espardimientu y promoci\u00f3n de la cultura rexonal y de les lling\u00fces propies.<\/p>\n<p><span style=\"color: #008080\"><strong>El pr\u00f3ximu 8 de setiembre, con motivu del D\u00eda d&#8217;Asturies, va otorgase esta reconocencia a:<\/strong><\/span><\/p>\n<ul>\n<li><span style=\"color: #008080\"><strong>Real Uvi\u00e9u.<\/strong> <\/span>El club de f\u00fatbol celebra&#8217;l so centenariu en 2026 y va facelo en primer divisi\u00f3n dempu\u00e9s de 24 temporaes. L&#8217;ascensu del equipu llogr\u00f3 movilizar a la socied\u00e1 uvieina y fortaleci\u00f3 una afici\u00f3n azul que s&#8217;estiende por tola comunid\u00e1. Fund\u00e1u na capital del Princip\u00e1u&#8217;l 26 de marzu de 1926 pola uni\u00f3n del Real Stadium Club Uvie\u00edn y el Real Club Deportivu d&#8217;Uvi\u00e9u, na actualid\u00e1 cunta con una potente cantera de m\u00e1s de 180 ne\u00f1os y con ocho equipos femeninos de f\u00fatbol base. El Real Uvi\u00e9u Femen\u00edn tami\u00e9n llogr\u00f3 xubir angua\u00f1o y agora milita en Primer RFEF, la segunda categor\u00eda nacional.<\/li>\n<li><span style=\"color: #008080\"><strong>Asociaci\u00f3n Emburria.<\/strong><\/span> Esta entid\u00e1 ensin \u00e1nimu d&#8217;arriquecimientu fundose nel conceyu de Cangues d&#8217;On\u00eds en 2002 coles mires de favorecer la plena inclusi\u00f3n social de les persones con diversid\u00e1 funcional. De magar, convirti\u00f3se nuna aut\u00e9ntica referencia nel so campu. La organizaci\u00f3n ufierta servicios de sofitu dende los primeros a\u00f1os hasta la ed\u00e1 adulta, de la qu&#8217;acompa\u00f1a a les families y busca recursos pa facilita-yos la vida cotidiana. El so prop\u00f3situ principal consiste n&#8217;ayudar a cada persona con discapacid\u00e1 a construyir la so propia identid\u00e1 y algamar el bienestar en tolos \u00e1mbitos de la vida: educativu, social, familiar y llaboral.<\/li>\n<li><strong><span style=\"color: #008080\">Joaqu\u00edn Pix\u00e1n.<\/span><\/strong> Tenor, xestor cultural y gran divulgador del cantar asturianu, naci\u00f3 en Cangas y lleva m\u00e1s de cincuenta a\u00f1os dedic\u00e1u a la m\u00fasica. Formose na Scala de Mil\u00e1n baxu la tutela d&#8217;Alfredo Kraus y collabor\u00f3 con artistes y poetes como \u00c1ngel Gonz\u00e1lez o Antonio Gamoneda. Cantante polifac\u00e9ticu, grab\u00f3 m\u00e1s de 35 discos, que tomen dende&#8217;l cantar ll\u00edricu cl\u00e1sica hasta innovadores composiciones que funden poes\u00eda y m\u00fasica. Asturies siempres tuvo un llugar destac\u00e1u na trayectoria de Pix\u00e1n, que nes sos obres dex\u00f3 constancia del so defensa de la tradici\u00f3n y el patrimoniu rexonales.<\/li>\n<li><span style=\"color: #008080\"><strong>Isidoro Nicieza.<\/strong><\/span> El periodista xixon\u00e9s desenvolvi\u00f3 una carrera llaboral de m\u00e1s de 40 a\u00f1os, mayoritariamente venceyada a la editorial Prensa Ib\u00e9rica. Foi director de los diarios La Nueva Espa\u00f1a y El Faru de Vigo, seg\u00fan director xeneral de La Nueva Espa\u00f1a y de Conten\u00edos del grupu. Figura destacada del periodismu asturianu de los \u00faltimos a\u00f1os, escorri\u00f3 siempres una informaci\u00f3n calidable y con sensibilid\u00e1 territorial.<\/li>\n<li><strong><span style=\"color: #008080\">Nachu Fonseca<\/span>.<\/strong> Maestru, especialista en filolox\u00eda, supo fomentar la ense\u00f1anza de la llingua asturiana al travi\u00e9s de la m\u00fasica. Nel cursu 1987-1988 fund\u00f3&#8217;l grupu Xentiquina nel Colexu P\u00fablicu Solvay-Lieres, en Siero, qu&#8217;agora lleva&#8217;l nome d&#8217;aquel coru infantil de gran \u00e9situ pol que pasaron m\u00e1s de 200 estudiantes. Nun momentu nel qu&#8217;apenes hab\u00eda materiales pedag\u00f3xicos pal aprendizaxe de la llingua asturiana, Fonseca utiliz\u00f3 cantares populares y composiciones propies pa ense\u00f1ar al so alumn\u00e1u mientres 25 a\u00f1os.<\/li>\n<\/ul>\n<p style=\"text-align: center\"><a href=\"https:\/\/estaticos-cdn.prensaiberica.es\/clip\/1377eebe-4b97-43fe-9bd5-a7daebda6d0c_source-aspect-ratio_default_0.webp\"><img loading=\"lazy\" decoding=\"async\" class=\"aligncenter size-large\" src=\"https:\/\/estaticos-cdn.prensaiberica.es\/clip\/1377eebe-4b97-43fe-9bd5-a7daebda6d0c_source-aspect-ratio_default_0.webp\" width=\"812\" height=\"474\" \/><\/a><\/p>\n<p><span style=\"color: #0000ff\"><em>\u00abNun momentu nel qu&#8217;apenes hab\u00eda materiales pedag\u00f3xicos para l&#8217;aprendizaxe de la llingua asturiana, Fonseca utiliz\u00f3 cantares populares y composiciones propies para ense\u00f1ar al so alumn\u00e1u mientres 25 a\u00f1os\u00bb, destaquen nel Princip\u00e1u sobro&#8217;l galardon\u00e1u. <\/em><\/span><\/p>\n<p><span style=\"color: #0000ff\"><em>\u00abYe una prestos\u00edsima sorpresa. Agradec\u00edu descomanadamente a pers\u00f3nes-yos que pensaron nel mio pa esti importante reconocimientu\u00bb, destac\u00f3 ayeri en conociendo la distinci\u00f3n.<\/em><\/span><\/p>\n<p>La Medaya d&#8217;Asturies ac\u00fatase pa premiar m\u00e9ritos verdaderamente singulares qu&#8217;alleguen en persones o instituciones que la so importancia y trescendencia pa los intereses xenerales de la comunid\u00e1 f\u00e1igan-yos acreedores de la reconocencia.<\/p>\n<p>La Xunta Xeneral aprob\u00f3 n&#8217;abril de 2022 la llei qu&#8217;unifica nuna \u00fanica categor\u00eda los dos tipos de medayes (oru y plata) qu&#8217;esist\u00eden antes, al entender que los merecimientos pa recibir esti honor tienen de ser de gran relevancia en tolos casos.<\/p>\n<p><span style=\"color: #008080\"><strong>F\u00edos predilectos.\u00a0<\/strong><\/span>El Conseyu de Gobiernu alcord\u00f3 proponer la concesi\u00f3n del t\u00edtulu de f\u00edos predilectos a les siguientes persones.<\/p>\n<ul>\n<li><strong><span style=\"color: #008080\">Juan Antonio P\u00e9rez Sim\u00f3n<\/span>.<\/strong> L&#8217;empresariu y coleicionista d&#8217;arte, nac\u00edu en Llanes y residente en M\u00e9xico, caltuvo un estrechu venceyu cola so tierra natal. Foi presidente del Conseyu Social de la Universid\u00e1 d&#8217;Uvi\u00e9u, ye patronu de la Fundaci\u00f3n Princesa d&#8217;Asturies y forma parte de l&#8217;Asociaci\u00f3n d&#8217;Amigos del Arquivu d&#8217;Indianos-Mus\u00e9u de la Emigraci\u00f3n. Tami\u00e9n deposit\u00f3 importantes obres nel Mus\u00e9u de Belles Artes.<\/li>\n<li><span style=\"color: #008080\"><strong>\u2060Isidro Fern\u00e1ndez Rozada<\/strong> <\/span>\u00a0Nac\u00edu en San Mart\u00edn el Rei Aurelio en 1943, foi fundador d&#8217;Alianza Popular, presidente y secretariu xeneral del Part\u00edu Popular n&#8217;Asturies, am\u00e1s de diput\u00e1u y senador. Na actualid\u00e1 preside l&#8217;Institutu de la Conocencia pa la Meyora d&#8217;Asturies, la organizaci\u00f3n que fund\u00f3 como espaciu de discutiniu y anal\u00eds pa siguir contribuyendo al desenvolvimientu de la comunid\u00e1.<\/li>\n<li><span style=\"color: #008080\"><strong>Mari Lluz Crist\u00f3bal Caunedo<\/strong><\/span>. Natural de Tin\u00e9u, ye una de les voces m\u00e1s respetaes y reconoc\u00edes de la m\u00fasica tradicional, especialmente de l&#8217;asturianada. Tami\u00e9n particip\u00f3 viviegamente na recuperaci\u00f3n de la misa de gaita, declarada bien d&#8217;inter\u00e9s cultural (BIC). Form\u00f3 parte del Colectivu Etnogr\u00e1ficu Muyeres y collabor\u00f3 na grabaci\u00f3n del esitosu discu Tierra de Naide, del gaiteru Jos\u00e9 \u00c1ngel Hevia.<\/li>\n<li><span style=\"color: #008080\"><strong>Jos\u00e9 Sierra Fern\u00e1ndez.<\/strong><\/span> Pol\u00edticu y sindicalista, foi alcalde mientres 23 a\u00f1os de Grau, el so conceyu natal. Form\u00f3 parte del Part\u00edu Comunista y d&#8217;Izquierda Xunida. N&#8217;abandonando la pol\u00edtica activa, sigue compromet\u00edu cola busca del inter\u00e9s xeneral y cola recuperaci\u00f3n de la memoria democr\u00e1tica. Na actualid\u00e1, collabora na identificaci\u00f3n de restos de la fuesa com\u00fan d&#8217;El Rell\u00e1n, una de les mayores d&#8217;Asturies<\/li>\n<\/ul>\n<p><strong><span style=\"color: #008080\">F\u00edos adoptivos.<\/span>\u00a0<\/strong>L&#8217;Executivu alcord\u00f3, am\u00e1s, proponer la concesi\u00f3n del t\u00edtulu de f\u00edos adoptivos a les siguientes persones.<\/p>\n<ul>\n<li><span style=\"color: #008080\"><strong>Paz Fern\u00e1ndez Felgueroso<\/strong><\/span>. Abogada de formaci\u00f3n y pol\u00edtica, naci\u00f3 en San Sebasti\u00e1n, pero pas\u00f3 la mayor parte de la so vida n&#8217;Asturies, onde foi docente, conseyera, diputada, alcaldesa de Xix\u00f3n y presidenta del Conseyu de Comunidaes Asturianes. Foi la primer abogada qu&#8217;exerci\u00f3 en Xix\u00f3n y ocup\u00f3 la Secretar\u00eda d&#8217;Est\u00e1u d&#8217;Asuntos Penitenciarios de 1993 a 1996. Siempres destac\u00f3 pol so permanente defensa de la iguald\u00e1 y los derechos de les muyeres.<\/li>\n<li><span style=\"color: #008080\"><strong>Sa\u00fal Craviotto.<\/strong> <\/span>El pirag\u00fcista lleidatanu, residente n&#8217;Asturies dende va a\u00f1os, ye&#8217;l m\u00e1ximu medallista ol\u00edmpicu espa\u00f1ol, con seis metales. Compaxina la so faceta deportiva col so trabayu como polic\u00eda nacional. El so estraordinariu palmar\u00e9s, qu&#8217;incl\u00fai t\u00edtulos en campeonatos mundiales y europeos, constit\u00fai un exemplu de superaci\u00f3n pa les xeneraciones m\u00e1s nueves del pirag\u00fcismu, una disciplina con s\u00f3lida tradici\u00f3n n&#8217;Asturies.<\/li>\n<li><span style=\"color: #008080\"><strong>Maruja Torres<\/strong><\/span>. La escritora y periodista Maruxa Torres, natural de Barcelona, gan\u00f3 los premios Planeta y Nadal y foi corresponsal de guerra en Ll\u00edbano, Panam\u00e1 ya Israel. Atesora una llarga y granible trayectoria en medios como El Pa\u00eds, Fotogrames o Diariu 16 y atop\u00f3 n&#8217;Asturies un abelugu y una segunda casa, concretamente n&#8217;Uvi\u00e9u, onde agora pasa llargues temporaes.<\/li>\n<li><span style=\"color: #008080\"><strong>Yayoi Kawamura<\/strong><\/span>. Nacida n&#8217;Osaka (Xap\u00f3n), ye profesora titular del Departamentu d&#8217;Hestoria del Arte y Musicolox\u00eda de la Universid\u00e1 d&#8217;Uvi\u00e9u, instituci\u00f3n na que se doctor\u00f3. Dende la so llegada al Princip\u00e1u con una beca, en 1977, contribuy\u00f3 a estrechar los llazos acad\u00e9micos y cultural ente Xap\u00f3n y Espa\u00f1a, polo que recibi\u00f3 la Orde de l&#8217;Ayalga Sagrada, una condecoraci\u00f3n qu&#8217;otorga l&#8217;emperador nip\u00f3n.<\/li>\n<li><span style=\"color: #008080\"><strong>Adolfo Rivas Fern\u00e1ndez.<\/strong><\/span> La trayectoria del director de la Fundaci\u00f3n Vinjoy, natural de Barakaldo, tuvo marcada pol compromisu social y la llucha contra les desigualdaes. Doctor en Psicolox\u00eda, dende 1997 dirixe una fundaci\u00f3n que se convirti\u00f3 nun motor socioeducativo n&#8217;Asturies pa la integraci\u00f3n de persones con sordera, discapacid\u00e1, riesgu d&#8217;esclusi\u00f3n o trestornos de conducta.<\/li>\n<li><span style=\"color: #008080\"><strong>Consuelo Mart\u00ednez L\u00f3pez.<\/strong> <\/span>Nacida en Galicia, ye caderalga d&#8217;\u00c1lxebra de la Universid\u00e1 d&#8217;Uvi\u00e9u, collabora col gran matem\u00e1ticu rusu Efim Zelmanov y realiz\u00f3 estancies d&#8217;investigaci\u00f3n n&#8217;universidaes como Oxford o Yale y nel KIAS de Corea del Sur. Ente otros galardones, recibi\u00f3 la medaya de la Real Socied\u00e1 Matem\u00e1tica d&#8217;Espa\u00f1a y el premiu Julio Pel\u00e1ez pa muyeres destacaes nel campu cient\u00edfico.<\/li>\n<\/ul>\n<p>La distinci\u00f3n de f\u00edu adoptivu acutar pa quien destacaren polos sos servicios en beneficiu d&#8217;Asturies ensin nacer na comunid\u00e1.<\/p>\n","protected":false},"excerpt":{"rendered":"<p>El Gobiernu del Princip\u00e1u va reconocer la trayectoria del Real Uvi\u00e9u cola Medaya d&#8217;Asturies nel a\u00f1u del so centenariu. La propuesta de f\u00edos predilectos incl\u00fai a Jos\u00e9 Antonio P\u00e9rez Sim\u00f3n, Isidro Fern\u00e1ndez Rozada, Mari Lluz Crist\u00f3bal y Jos\u00e9 Sierra. Paz Fern\u00e1ndez Felgueroso, Sa\u00fal Craviotto, Maruja Torres, Yayoi Kawamura, Adolfo Rivas y Consuelo Mart\u00ednez van ser [&hellip;]<\/p>\n","protected":false},"author":117,"featured_media":0,"comment_status":"closed","ping_status":"open","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-57907","post","type-post","status-publish","format-standard","hentry","category-sin-categoria"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/57907","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=57907"}],"version-history":[{"count":6,"href":"https:\/\/edublog.educastur.es\/ixuxu\/wp-json\/wp\/v2\/posts\/57907\/revisions"}],"predecessor-version":[{"id":57977,"href":"https:\/\/edublog.educastur.es\/ixuxu\/wp-json\/wp\/v2\/posts\/57907\/revisions\/57977"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=57907"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=57907"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=57907"}],"curies":[{"name":"wp","href":"https:\/\/api.w.org\/{rel}","templated":true}]}}