{"id":58105,"date":"2025-09-18T10:51:26","date_gmt":"2025-09-18T08:51:26","guid":{"rendered":"https:\/\/edublog.educastur.es\/ixuxu\/?p=58105"},"modified":"2025-09-18T12:07:05","modified_gmt":"2025-09-18T10:07:05","slug":"el-parque-natural-dasturies-onde-puedes-ver-osos-en-lliberta","status":"publish","type":"post","link":"https:\/\/edublog.educastur.es\/ixuxu\/2025\/09\/el-parque-natural-dasturies-onde-puedes-ver-osos-en-lliberta\/","title":{"rendered":"El parque natural d’Asturies onde puedes ver osos en llibert\u00e1"},"content":{"rendered":"

El Confidencial<\/a> \/ https:\/\/parquenaturalsomiedo.com\/<\/a><\/span><\/em><\/strong><\/p>\n

El parque natural d’Asturies onde puedes ver osos en llibert\u00e1: un para\u00edsu de llagos, fayedales y paisaxes de monte. Declar\u00e1u Reserva de la Biosfera, esti enclave asturianu ufierta g\u00fcei la posibilid\u00e1 de contemplar a la especie en llibert\u00e1, convirti\u00e9ndose n’unu de los destinos m\u00e1s singulares d’Espa\u00f1a para l’ecoturismo y l’observaci\u00f3n de fauna selvaxe.<\/p>\n

<\/a><\/p>\n

Semeya: Un senderista contempla los Llagos de Saliencia <\/em>
\ndientro d’esti preciosu parque natural. (Turismo Asturies)<\/em>
\n<\/p>\n

La riqueza del Parque Natural de Somiedu convi\u00e9rtelu n’unu de los destinos m\u00e1s buscaos d’Asturies. Colos sos valles, fayedales y llagos d’orixe glaciar, esti espaciu protex\u00edu axunta les condiciones aparentes para l’avistamiento de fauna selvaxe en plena llibert\u00e1, ente ellos uno de los animales m\u00e1s emblem\u00e1ticos del cordal Cant\u00e1bricu: l’osu pardu.<\/strong><\/p>\n

El visitante que s’enfusa nestos montes puede vivir una esperiencia \u00fanica: contemplar, con paciencia y en silenciu, la figura d’un osu baxando peles fasteres. Daqu\u00e9 que d\u00e9cades tras paec\u00eda casi imposible, g\u00fcei convirti\u00f3se nuna posibilid\u00e1 real, gracies a la recuperaci\u00f3n de la especie. Angua\u00f1o, habiten nel cordal unos 350 exemplares, col parque como epicentru d’esta poblaci\u00f3n, seg\u00fan l’\u00faltimu censu ellabor\u00e1u poles distintes comunidaes aut\u00f3nomes nes qu’habita, tal que recueye’l Ministeriu pa la Transici\u00f3n Ecol\u00f3xica y el Retu Demogr\u00e1ficu nos sos informes oficiales.<\/p>\n

Un santuariu natural nel coraz\u00f3n d’Asturies.\u00a0<\/strong>Somiedu foi declar\u00e1u Parque Natural en 1988 y nel a\u00f1u 2000 recibi\u00f3 la reconocencia de la UNESCO como Reserva de la Biosfera. Colos sos m\u00e1s de 280 kil\u00f3metros cuadraos, ufierta un mosaicu de paisaxes nel que conviven bra\u00f1es tradicionales, valles *abruptos y formaciones k\u00e1rsticas. Los sos miradores, como’l del Pr\u00edncipe na localid\u00e1 de Peral o’l de G\u00faa, convirti\u00e9ronse n’enclaves privilexaos pa reparar a los osos en llibert\u00e1.<\/p>\n

La crecedera de la poblaci\u00f3n osera nun foi casualid\u00e1. Mientres los a\u00f1os 70 y 80 apenes quedaben unos 80 exemplares na pen\u00ednsula. El trabayu conxuntu d’alministraciones y colectivos conservacionistas dex\u00f3 que la especie resurda y qu’Asturies allugue g\u00fcei el mayor n\u00famberu d’osos pardos d’Espa\u00f1a, especialmente en Somiedu, Fuentes del Narcea, Dega\u00f1a y Ibias.<\/p>\n

 <\/p>\n

Avistamientos responsables y d\u00f3mines aparentes.\u00a0<\/strong>La observaci\u00f3n d’osos en Somiedu ye xuna activid\u00e1 que tien de realizase siempres con responsabilid\u00e1. Ta prohib\u00edu alteriar a los animales y encami\u00e9ntase allegar acompa\u00f1\u00e1u de gu\u00edes especializaos, que conocen los meyores enclaves y horarios. Los meses de primavera y seronda son los m\u00e1s aparentes, cuando los osos busquen alimentu tres la envern\u00eda o se preparen pa ella. D’esta manera, garant\u00edzase tanto la segurid\u00e1 de los visitantes como’l caltenimientu d’una redolada d’enorme valor ecol\u00f3xicu.<\/p>\n

\n\n