{"id":58663,"date":"2025-09-25T11:56:38","date_gmt":"2025-09-25T09:56:38","guid":{"rendered":"https:\/\/edublog.educastur.es\/ixuxu\/?p=58663"},"modified":"2025-09-28T21:30:18","modified_gmt":"2025-09-28T19:30:18","slug":"recreacion-pelegrina-de-grau-con-escenes-y-personaxes-del-final-de-la-eda-media","status":"publish","type":"post","link":"https:\/\/edublog.educastur.es\/ixuxu\/2025\/09\/recreacion-pelegrina-de-grau-con-escenes-y-personaxes-del-final-de-la-eda-media\/","title":{"rendered":"Recreaci\u00f3n pelegrina\u00bb de Grau, con escenes y personaxes del final de la Ed\u00e1 Media"},"content":{"rendered":"

<\/a><\/p>\n

Llega la Recreaci\u00f3n pelegrina\u00bb de Grau<\/strong>, con escenes y personaxes del final de la Ed\u00e1 Media, mercad\u00f3n, \u00absopa boba\u00bb y \u00abolla podre\u00bb n’El Fresnu. La primer edici\u00f3n d’esti eventu, entam\u00e1u pol Conceyu y \u00abCam\u00edn de Grau\u00bb, cel\u00e9brase’l 27 de setiembre<\/strong> y t\u00e1n llamaos a participar tolos vecinos y visitantes que lu deseyen. LNE<\/a><\/p>\n


\nGrau suma un nuevu eventu a la so programaci\u00f3n cultural y d’ociu qu’espera que s\u00eda un \u00e9situ y convi\u00e9rtase n’unu m\u00e1s de los reclamos del conceyu. Tr\u00e1tase de la primer \u00abRecreaci\u00f3n pelegrina\u00bb y va ser el 27 de setiembre, a partir de los once de la ma\u00f1ana<\/strong>, con un programa que s’empecipia nel centru de la villa y concl\u00fai n’El Fresnu. Hasta’l popular santuariu va xubise andando, acompa\u00f1aos tolos participantes de recreaciones de d\u00f3mina y personaxes vist\u00edos al detalle, con un vestuariu que foi cre\u00e1u por Maite Cap\u00edn<\/strong>, dise\u00f1adora en numberoses producciones cinematogr\u00e1fiques de Netflix, Disney, HBO y Amazon y que salt\u00f3 a la fama pol so trabayu en series tan conoc\u00edes como \u00abXuegu de Tronos\u00bb.<\/p>\n

Los actos d’esta primer recreaci\u00f3n moscona van empecipiar a los diez de la ma\u00f1ana<\/strong> na Plaza Xeneral Ponte, onde se va faer el Llamamientu al caminante\u00bb para empecipiar la xubida a cuerpu al santuariu d’El Fresnu. Ye opcional dir andando y quien lo deseyen pueden llegase hasta’l templu per otros medios para participar nos actos que darr\u00e9u se desenvuelvan ell\u00ed.<\/p>\n

Pel cam\u00edn va haber representaciones.<\/strong> A les once hores ta previstu l’Entrem\u00e9s de la vienta\u00bb, de Quevedo, na Vienta del Cuervu, nel encruz de La Llinar, en San Juan de Villapa\u00f1ada. A les 11.30 hores ta previstu’l \u00abMercad\u00f3n pelegr\u00edn\u00bb na redolada del Santuariu y a les 12.30 hores que lleguen al templu los que xuben caminando. Nesi momentu va tener llugar la Ceremonia del zurr\u00f3n y bord\u00f3n\u00bb.<\/p>\n

Grau apuesta con esta iniciativa pola puesta en valor d’una de les sos realidaes culturales como pasu y parada del Cam\u00edn de Santiago Primitivu<\/strong>, una circunstancia qu’am\u00e1s angua\u00f1o revitaliza econ\u00f3micamente la villa, con miles de pelegrinos que traviesen, fuelguen o pernoctan na capital, lo que ta dando llugar al surdimientu de negocios y creaci\u00f3n d’empl\u00e9u local en redol a los agospiamientos, y a los establecimientos de comida para llevar.<\/p>\n

\n\n