{"id":5903,"date":"2021-05-06T20:09:33","date_gmt":"2021-05-06T18:09:33","guid":{"rendered":"https:\/\/edublog.educastur.es\/ixuxu\/?p=5903"},"modified":"2021-05-12T22:38:07","modified_gmt":"2021-05-12T20:38:07","slug":"dia-de-les-lletres-asturianes","status":"publish","type":"post","link":"https:\/\/edublog.educastur.es\/ixuxu\/2021\/05\/dia-de-les-lletres-asturianes\/","title":{"rendered":"G\u00fcei ye\u00b4l d\u00eda de les nueses lletres"},"content":{"rendered":"<p><a href=\"http:\/\/www.formientu.com\/wp-content\/uploads\/2021\/05\/dia-les-lletres-alla-2021-696x365.png\"><img loading=\"lazy\" decoding=\"async\" class=\"aligncenter\" src=\"http:\/\/www.formientu.com\/wp-content\/uploads\/2021\/05\/dia-les-lletres-alla-2021-696x365.png\" alt=\"\" width=\"696\" height=\"365\" \/><\/a><\/p>\n<ul>\n<li><a href=\"http:\/\/www.formientu.com\/noticies\/el-campoamor-acueyel-dia-de-les-lletres-asturianes-cola-presentacion-dun-numberu-nuevu-de-lliteratura\/?fbclid=IwAR16HhACP5X9mNnWf9-eGMqgA96MkF2u0W4uKvSPYSCcqmZkpPmY0NvxxLY\">Noticia: Formientu<\/a><\/li>\n<li><a href=\"https:\/\/asturies.com\/noticies\/asturiescom-ufrel-discursu-institucional-completu-de-gonzalez-riano-nel-campoamor-0?fbclid=IwAR1qVKNbCGiLGAbj1A2YvnizhVf-xKmBJ0a91Z-fqkhnaPSW4MwCYmLWU30\">Asturies.com: ufre&#8217;l discursu institucional completu de Gonz\u00e1lez Ria\u00f1o nel Campoamor<\/a><\/li>\n<li><a href=\"https:\/\/www.youtube.com\/watch?v=36QK3wuXRb0\">Ver Videu: Xandru Martino y Pilar Rubiera<\/a><\/li>\n<li>Min 17:25\u00a0 Xandru y min 31:55 Pilar<\/li>\n<\/ul>\n<h4 class=\"entry-title\"><span style=\"font-size: 16px\"><em>El Campoamor acueye\u2019l <span style=\"color: #008080\">D\u00eda de les Lletres Asturianes<\/span> cola presentaci\u00f3n d\u2019un n\u00famberu nuevu de Lliteratura.<\/em><\/span><\/h4>\n<p>El D\u00eda de les Lletres Asturianes ye la <span style=\"color: #008080\"><strong>xornada cola que los asturianos homenaxamos a la nuesa lliteratura<\/strong><\/span>. Vien celebr\u00e1ndose dende l\u2019a\u00f1u 1980 y enm\u00e1rcase na Selmana de les Lletres Asturianes. L\u2019Academia de la Llingua Asturiana entama nesti d\u00eda, que coincide col primer vienres de mayu, un actu oficial p\u00fablicu onde se fai homenaxe y vindicaci\u00f3n de la llingua asturiana per aciu de la so manifestaci\u00f3n lliteraria. N\u00e9l tien llugar una xunta estraordinaria de la instituci\u00f3n cola acoyida de nuevos acad\u00e9micos y el discursu presidencial.<\/p>\n<p style=\"text-align: center\"><img loading=\"lazy\" decoding=\"async\" class=\"alignnone size-full\" src=\"https:\/\/politicallinguistica.asturias.es\/documents\/71052\/83041\/Selmana_Lletres_AST_traz.jpg\/518f1de6-f0f5-9b37-7b1b-0ce939021d4b?t=1620369914008\" width=\"180\" height=\"183\" \/><\/p>\n<p><!--more--><\/p>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" width=\"100%\" height=\"364\" src=\"https:\/\/www.youtube.com\/embed\/aVNe9iPayfc\" scrolling=\"yes\" class=\"iframe-class\" frameborder=\"0\"><\/iframe>\n<\/p>\n<p>Ma\u00f1ana vienres d\u00eda 7 de mayu, a les 12 hores, el Teatru Campoamor d\u2019Uvi\u00e9u va volver a acoyer el<strong> D\u00eda de les Lletres Asturianes<\/strong>, na so 42a. edici\u00f3n. Nesti actu, qu\u2019enmarca a la Xunta Estraordinaria de l\u2019Academia de la Llingua Asturiana, dar\u00e1se acoyida al nuevu Acad\u00e9micu Correspondiente, l\u2019escritor <a href=\"https:\/\/ast.wikipedia.org\/wiki\/Xandru_Martino_Ruz\"><strong><span style=\"color: #008080\">Xandru Martino Ruz<\/span><\/strong><\/a>, y a la nueva Acad\u00e9mica d\u2019Honor, la periodista <a href=\"https:\/\/twitter.com\/pilarrubiera?lang=es\"><strong><span style=\"color: #008080\">Pilar Rubiera Alonso<\/span><\/strong><\/a>.<\/p>\n<p>El pieslle d\u2019esti 42u. D\u00eda de les Lletres Asturianes pondr\u00e1lu, como tolos a\u00f1os, el discursu institucional del Presidente de l\u2019Academia, Xos\u00e9 Ant\u00f3n Gonz\u00e1lez Ria\u00f1o. La conductora del actu va ser la periodista Sonia Avellaneda y l\u2019entamu y el pieslle musical van tar al cargu del coru <span style=\"text-decoration: underline\"><span style=\"color: #008080;text-decoration: underline\">Cantos del Font\u00e1n, dirix\u00edu por Rebeca Velasco<\/span><\/span>.<\/p>\n<p>Am\u00e1s, como ye vezu, el D\u00eda de les Lletres cel\u00e9brase tami\u00e9n col asoleyamientu d\u2019un n\u00famberu nuevu de <strong><span style=\"color: #008080\">Lliteratura, el 37, dedic\u00e1u a la traducci\u00f3n.<\/span><\/strong> Nel actu, restrinx\u00edu y desendolc\u00e1u baxo mid\u00edes preventives, ta confirmada l\u2019asistencia de les m\u00e1ximes autoridaes en representaci\u00f3n de los \u00e1mbitos acad\u00e9micu, pol\u00edticu y social d\u2019Asturies, cola participaci\u00f3n de miembros del Gobiernu asturianu, grupos parllamentarios na Xunta Xeneral, alcald\u00edes, sindicatos y delles personalidaes de la vida cultural del pa\u00eds. Esti D\u00eda de les Lletres, retresmit\u00edu en direuto, va poder siguise pela Radio y la Televisi\u00f3n del Princip\u00e1u d\u2019Asturies.<\/p>\n<hr \/>\n<p>La 42 Selmana de les Lletres Asturianes cel\u00e9brase ente\u2019l 3 y el 7 de mayu pr\u00f3ximos. Baxo\u2019l lema \u00abNel Amaro, la voz comprometida\u00bb, y cola coordinaci\u00f3n de Xandru Fern\u00e1ndez, la Selmana rinde homenaxe al escritor y artista mierense coincidiendo colos diez a\u00f1os de la so muerte y los 75 de la so nacencia.<\/p>\n<p>La Direcci\u00f3n Xeneral de Pol\u00edtica Lling\u00fc\u00edstica ellabor\u00f3 una programaci\u00f3n alredor a l\u2019activid\u00e1 creadora tan estensa de Nel Amaro cola mira de reivindicar la figura humana y art\u00edstica del escritor mierense. Asina, la obra conmemorativa de la 42 Selmana de les Lletres va ser Pruebes d\u2019autor.<\/p>\n<p>Les siete vides de Nel Amaro, un llibru integr\u00e1u por siete art\u00edculos sobre Nel Amaro y el contestu cultural, social y pol\u00edticu de la so obra, qu\u2019incluye am\u00e1s material gr\u00e1fico abondo. Esti llibru, que se va presentar nel actu inaugural de la Selmana, va repartise de baldre ente quien compre un llibru o discu n\u2019asturianu\u2019l d\u00eda 7 de mayu, D\u00eda del Llibru Asturianu.<\/p>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" width=\"100%\" height=\"364\" src=\"https:\/\/www.youtube.com\/embed\/09yj3NR8g6Y\" scrolling=\"yes\" class=\"iframe-class\" frameborder=\"0\"><\/iframe>\n<\/p>\n<hr \/>\n<p align=\"center\"><span style=\"font-size: 20px\"><strong><span style=\"color: #000080\">DISCURSU 42 D\u00cdA DE LES LLETRES ASTURIANES<\/span><\/strong><\/span><\/p>\n<p align=\"center\"><em><span style=\"font-size: 20px\"><span style=\"color: #000080\">Xos\u00e9 Ant\u00f3n Gonz\u00e1lez Ria\u00f1o<\/span><\/span><\/em><\/p>\n<p align=\"center\"><em><span style=\"font-size: 20px\"><span style=\"color: #000080\">(Academia de la Llingua Asturiana, 7 de mayu de 2021)<\/span><\/span><\/em><\/p>\n<p align=\"justify\"><span style=\"color: #000080\">Sr. Presidente del Princip\u00e1u; Sr. Presidente de la Xunta Xeneral; Sr. Rector, autoridaes; representantes pol\u00edticos, sindicales y sociales; amigues y amigos de l\u2019Academia; amigues y amigos d\u2019Asturies:<\/span><\/p>\n<p align=\"justify\"><span style=\"color: #000080\"><em>El momentu presente<\/em><\/span><\/p>\n<p align=\"justify\"><span style=\"color: #000080\">Esti tampoco ye un <em>\u201cD\u00eda de les Lletres Asturianes\u201d<\/em> normal. Y nun lo ye porque volvemos a festexar la xornada grande de la llingua y la cultura d\u2019Asturies metanes una situaci\u00f3n de pandemia que nos afecta a n\u00f3s y afecta a tol mundu d\u2019un mou dram\u00e1ticu y con una trescendencia hest\u00f3rica.<\/span><\/p>\n<p align=\"justify\"><span style=\"color: #000080\">Dende l\u2019Academia queremos treslladar a toles families que sufrieron y t\u00e1n sufriendo los da\u00f1ibles efeutos del COVID la nuesa m\u00e1s fonda solidarid\u00e1. Somos sabedores del dolor, individual y social, qu\u2019esta pandemia xenera y sab\u00e9moslo porque tenemos a seres quer\u00edos superando la gafura o, lo que ye peor, que doliosamente nun fueron a superala.<\/span><\/p>\n<p align=\"justify\"><span style=\"color: #000080\"><strong>Nesti momentu nun hai xera m\u00e1s importante que combatir el COVID, d\u2019eh\u00ed que sofitemos y valoremos el llabor del Gobiernu d\u2019Asturies y de toles fuerces pol\u00edtiques y sociales nesti tarr\u00e9n.<\/strong> La so implicaci\u00f3n, compromisu y dedicaci\u00f3n nun almite duldes. La socied\u00e1 asturiana tami\u00e9n ye consciente de lo que nos xugamos y del enorme esfuerzu de les autoridaes nel enfotu de superaci\u00f3n d\u2019una crisis sanitaria ensin precedentes. Otramiente, esta socied\u00e1, hai que dicilo al alto la lleva, enxam\u00e1s va escaecer la xera desendolcada por sectores clave que, como\u2019l sanitariu, el docente y los servidores p\u00fablicos, ficieron y siguen faciendo posible que miremos al futuru cola convicci\u00f3n de qu\u2019Asturies, como fexo siempres, tami\u00e9n sabr\u00e1 salir agora alantre.<\/span><\/p>\n<p align=\"justify\"><span style=\"color: #000080\"><em>Los nuevos miembros de l\u2019Academia<\/em><\/span><\/p>\n<p align=\"justify\"><span style=\"color: #000080\"><strong>La situaci\u00f3n ye llaceriosa, pero n\u00f3s nun vamos danos, les asturianes y los asturianos nun van dase, l\u2019Academia nun va dase\u2026<\/strong> Poro, quiximos facer esti actu, de xuru m\u00e1s cenciellu que davezu, pero cola solemnid\u00e1 que les nueses lletres merecen. Y tami\u00e9n cola allegr\u00eda por asitiar na Academia a dos persones d\u2019un incuestionable valir.<\/span><\/p>\n<p align=\"justify\"><span style=\"color: #000080\">Falamos, per un llau, de <strong>Xandru Martino Ruz<\/strong> qu\u2019acaba de ser nom\u00e1u miembru correspondiente de la instituci\u00f3n y que, como se dixo, axunta una bayura de m\u00e9ritos esceicionales como escritor, como investigador, como entamador de proyeutos culturales y como anovador de la llingua na so rellaci\u00f3n coles actuales teunolox\u00edes de la comunicaci\u00f3n. <strong>L\u2019encontu que representa pa l\u2019Academia una figura d\u2019esti calter ye enorme, como lo ye tami\u00e9n la emoci\u00f3n cola que lu acoyemos.<\/strong><\/span><\/p>\n<p align=\"justify\"><span style=\"color: #000080\">D\u2019otru llau, all\u00fagase ente n\u00f3s, como nuevu miembru d\u2019honor, una persona pola que sentimos una fonda almiraci\u00f3n y apreciu, la periodista <strong>Pilar Rubiera Alonso. <\/strong>Pilar, n\u2019efeutu, ye la meyor amuesa d\u2019un facer period\u00edsticu carauteriz\u00e1u pola veracid\u00e1 y el rigor. D\u2019esti mou, a lo llargo de d\u00e9cades foi, y sigue siendo, la referencia informativa nel \u00e1mbitu de la cultura asturiana. <strong>La so voz rescampla a lo llargo\u2019l tiempu con un encl\u00edn oxetivu, independiente, feminista\u2026<\/strong> La llingua asturiana benefici\u00f3se d\u2019esti encl\u00edn y l\u2019Academia de la Llingua Asturiana siempres tuvo nella\u2019l meyor encontu pa proyeutar socialmente\u2019l so mensax.<\/span><\/p>\n<p align=\"justify\"><span style=\"color: #000080\">Correspuende, ent\u00f3s, felicitar daveres a estos nuevos miembros de la instituci\u00f3n y fac\u00e9moslo, am\u00e1s, agradeciendo les sos pallabres polo que representen d\u2019aliendu y sofitu pa la llingua y la cultura d\u2019Asturies.<\/span><\/p>\n<p align=\"justify\"><span style=\"color: #000080\"><em>El llabor de l\u2019Academia a lo llargo del \u00faltimu a\u00f1u<\/em><\/span><\/p>\n<p align=\"justify\"><span style=\"color: #000080\">Ye cierto, per otru llau, que\u2019l llabor de l\u2019Academia viose, l\u00f3xicamente, afect\u00e1u poles circunstancies d\u2019estos meses caberos. Asina, nun se pudieron llevar alantre aiciones tan emblem\u00e1tiques como la Universid\u00e1 Asturiana de Branu (UABRA) o les Xornaes Internacionales d\u2019Estudiu. Pero tami\u00e9n ye cierto qu\u2019otres importantes iniciatives institucionales pudieron facese efeutives. Refer\u00edmonos, por exemplu, a los trabayos caberos del Diccionariu Etimol\u00f3xicu de la Llingua Asturiana de Garc\u00eda Arias, espubliz\u00e1u en coedici\u00f3n cola Universid\u00e1 d\u2019Uvi\u00e9u y qu\u2019esperamos ver peracab\u00e1u a lo cabero\u2019l branu. L\u2019Academia tami\u00e9n asoley\u00f3 los n\u00famberos correspondientes de \u201cLletres Asturianes\u201d, la revista cient\u00edfica de nueso na que se recueyen aportaciones filol\u00f3xiques de calter internacional y de primer nivel. Dientro d\u2019esti mesmu \u00e1mbitu, tami\u00e9n siguieron espubliz\u00e1ndose les revistes \u201cCultures. Revista Asturiana de Cultura\u201d y \u201cCiencies. Cartafueyos de Ciencia y Teunolox\u00eda\u201d. Arriendes d\u2019ello, TermAst (el centru encarg\u00e1u de la coordinaci\u00f3n xeneral de les xeres terminol\u00f3xiques n\u2019asturianu) sigui\u00f3 enanchando les sos aportaciones nel tarr\u00e9n lexicogr\u00e1ficu. Tami\u00e9n vieron la lluz distintos vol\u00famenes en rellaci\u00f3n con coleiciones como \u201cLos Llibros d\u2019Entrambauguas\u201d o \u201dLlibrer\u00eda Lling\u00fc\u00edstica\u201d.<\/span><\/p>\n<p align=\"justify\"><span style=\"color: #000080\">Pero prestar\u00edanos falar, mui en particular, de dous proyectos que nos abultan estrat\u00e9xicos dafeito dende \u00faa perspectiva cultural, referidos os dous al territorio m\u00e1is occidental d\u2019Asturias: el Diccionario Eonaniego y el Estudio Sociolling\u00fc\u00edstico del Navia-Eo. Nel que ten que ver col primeiro, podemos dicir qu\u2019hai un importante trabayo preliminar adelantao qu\u2019ha facilitar estraordinariamente esta xeira; y, en conto al segundo, cuntamos xa con un dise\u00f1o t\u00e9cnico que vai permitir llograr datos definitivos este mesmo ano.<\/span><\/p>\n<p align=\"justify\"><span style=\"color: #000080\">No que cinca a la funci\u00f3n tutelar y en rellaci\u00f3n cola pol\u00edtica lling\u00fc\u00edstica, a lo llargo d\u2019esti tiempu l\u2019Academia caltuvo aconceyamientos, regulares y granibles, col Gobiernu del Princip\u00e1u d\u2019Asturies y tami\u00e9n, al m\u00e1ximu nivel, con representantes de los grupos pol\u00edticos FSA-PSOE, PP, Podemos, Cs, IX y Foro-Asturies. En tolos casos nun clima de respetu y de di\u00e1logu francu qu\u2019agradecemos y que ye\u2019l que necesita la dignificaci\u00f3n de la llingua asturiana.<\/span><\/p>\n<p align=\"justify\"><span style=\"color: #000080\"><em>Les oportunidaes pa la llingua<\/em><\/span><\/p>\n<p align=\"justify\"><span style=\"color: #000080\">Fal\u00e1bemos enantes d\u2019una situaci\u00f3n abegosa y con una esmolici\u00f3n sanitaria que tolo arrodia. Pero mesmamente en situaciones como la descrita la vida social sigue calteni\u00e9ndose y, de fechu, con nueves oportunidaes pa la dignificaci\u00f3n d\u2019un patrimoniu lling\u00fc\u00edsticu, de xuru singular, como ye\u2019l que representa l\u2019asturianu y l\u2019eonaviegu, la fala eonaviega.<\/span><\/p>\n<p align=\"justify\"><span style=\"color: #000080\">Y queremos facer referencia, nesti sen, a dos fechos d\u2019una importancia cimera dende\u2019l puntu de vista simb\u00f3licu y pola so trescendencia pol\u00edtica. El primeru vien represent\u00e1u pola iniciativa parllamentaria, aprobada\u2019l 11 de marzu pas\u00e1u, pol Congresu de los Diputaos d\u2019Espa\u00f1a na que s\u2019encamienta al gobiernu d\u2019Asturies que faiga vidable la previsi\u00f3n constitucional d\u2019oficialid\u00e1 de les lling\u00fces d\u2019Asturies. El segundu ye la sentencia del Tribunal Constitucional de 18 de marzu en rellaci\u00f3n col usu del asturianu na Xunta Xeneral del Princip\u00e1u, non tanto porque afita la constitucionalid\u00e1 de la norma parllamentaria, sin\u00f3n porque amuesa, una vegada m\u00e1s, que <strong>l\u2019usu efeutivu y oficial de la llingua nam\u00e1i pue garantizase pente medies d\u2019una reforma estatutaria qu\u2019asina lo recueya. <\/strong><\/span><\/p>\n<p align=\"justify\"><span style=\"color: #000080\">Tamos, dende llueu, \u00e9nte dos acontecimientos que se xeneren fuera d\u2019Asturies y que, xustamente por eso, algamen una gran relevancia: la realid\u00e1 sociolling\u00fc\u00edstica asturiana y la so concreci\u00f3n normativa son oxetu de fondu inter\u00e9s per parte d\u2019instancies hasta agora allo\u00f1aes de la conocencia de la peculiar situaci\u00f3n xur\u00eddica de les lling\u00fces d\u2019Asturies.<\/span><\/p>\n<p align=\"justify\"><span style=\"color: #000080\">Y ye que <strong>lo que se fai equ\u00ed nun tien l\u2019encax constitucional nin ye homologable a la soluci\u00f3n algamada poles ciudadan\u00edes gallega, vasca, navarra, catalana, valenciana, balear o aranesa.<\/strong><\/span><\/p>\n<p align=\"justify\"><span style=\"color: #000080\">Y ello tien que danos qu\u00e9 pensar: nun ye posible que toos tean enquivocaos y n\u00f3s non. Asturies nun meyor\u00f3, nin social nin econ\u00f3micamente, por nun valorar con procuru la nuesa riqueza lling\u00fc\u00edstica a lo llargo de los caberos cuarenta a\u00f1os. Ye irracional dir a la escontra d\u2019esa realid\u00e1 y <strong>ye insostenible pretender xustificar que nes otres comunidaes billing\u00fces s\u00ed se tien que cumplir la Constituci\u00f3n y n\u2019Asturies non. <\/strong><\/span><\/p>\n<p align=\"justify\"><span style=\"color: #000080\">Afortunadamente les coses t\u00e1n agora m\u00e1s clares ente n\u00f3s. Foi necesariu un esfuerzu de cuasi mediu sieglu, pero inda tamos a tiempu de salvar una llingua y una cultura milenaries que nos pertenecen a n\u00f3s, pero tami\u00e9n a la humanid\u00e1 entera. Y tenemos que facelo con xenerosid\u00e1, ensin esclusiones y afitando l\u2019alcuerdu ente la socied\u00e1 asturiana representada nel parllamentu d\u2019Asturies, na Xunta Xeneral.<\/span><\/p>\n<p align=\"justify\"><span style=\"color: #000080\">Sabemos qu\u2019hai angua\u00f1o una amplia mayor\u00eda parllamentaria favoratible a la oficialid\u00e1, reflexu de la mayor\u00eda social, pero <strong>l\u2019Academia tami\u00e9n persabe que\u2019l meyor futuru pa la llingua esixe los mayores consensos y la necesid\u00e1 de que naide que sienta a Asturies quede al marxe de los pautos<\/strong>. La llingua, venimos dici\u00e9ndolo y dizlo la hestoria, nun ye n\u2019esclusiva de nenguna opci\u00f3n pol\u00edtica, sin\u00f3n de tolos asturianos y asturianes que fueron faci\u00e9ndola y calteni\u00e9ndola a lo llargo xeneraciones hasta g\u00fcei.<\/span><\/p>\n<p align=\"justify\"><span style=\"color: #000080\">Equ\u00ed, festexando esti \u201c<em>D\u00eda de les Lletres Asturianes\u201d<\/em>, tenemos una granible representaci\u00f3n pol\u00edtica, social y cultural d\u2019Asturies<strong>. L\u2019Academia p\u00eddevos, en nome del pueblu asturianu, que fal\u00e9is ente v\u00f3s, agora, ensin m\u00e1s perda de tiempu, sobre la oficialid\u00e1 qu\u2019Asturies, constitucionalmente, demanda y necesita.<\/strong><\/span><\/p>\n<p align=\"justify\"><span style=\"color: #000080\">Ye esta una oportunid\u00e1 que nun podemos dexar de llau. Enxam\u00e1s d\u00edbemos perdonanos, enxam\u00e1s diben perdonanos, dexar a los nuesos f\u00edos y nietos ensin esi patrimoniu cimeru que ye la llingua y la cultura de nueso; en definitiva, l\u2019alma d\u2019Asturies.<\/span><\/p>\n<p align=\"justify\"><span style=\"color: #000080\">L\u2019Academia de la Llingua Asturiana, acordies cola so funci\u00f3n tutelar, lleva tola so existencia reflexonando sobre\u2019l marcu xur\u00eddicu d\u2019oficializaci\u00f3n del asturianu. Sabemos c\u00f3mo formulalu, qu\u00e9 estructura organizativa se requier, qu\u00e9 fases de puesta en pr\u00e1utica se necesiten, qu\u00e9 inversi\u00f3n habr\u00eda que facer y cu\u00e1nto d\u2019ello podr\u00eda revertir social y econ\u00f3micamente. Tamos a la vuesa disposici\u00f3n. Tamos a la vuesa disposici\u00f3n, si lo xulg\u00e1is necesario.<\/span><\/p>\n<p align=\"justify\"><span style=\"color: #000080\">Amigues y amigos: esti tien que ser l\u2019\u00faltimu \u201c<em>D\u00eda de les Lletres Asturianes\u201d<\/em> ensin oficialid\u00e1. <strong>Dientro d\u2019un a\u00f1u tenemos que tar equ\u00ed, otra vuelta, festexando tar llibres de la pandemia y cola llibert\u00e1 lling\u00fc\u00edstica qu\u2019afita una oficialid\u00e1 llograda ente toes y toos.<\/strong><\/span><\/p>\n<p align=\"justify\"><span style=\"color: #000080\"><em>Muitas gracias. <\/em><\/span><\/p>\n<p align=\"center\"><span style=\"color: #000080\"><em>Feliz D\u00eda das Lletras Asturianas<\/em><\/span><\/p>\n<p align=\"center\"><span style=\"color: #000080\"><em>Feliz D\u00eda de les Lletres Asturianes<\/em><\/span><\/p>\n","protected":false},"excerpt":{"rendered":"<p>Noticia: Formientu Asturies.com: ufre&#8217;l discursu institucional completu de Gonz\u00e1lez Ria\u00f1o nel Campoamor Ver Videu: Xandru Martino y Pilar Rubiera Min 17:25\u00a0 Xandru y min 31:55 Pilar El Campoamor acueye\u2019l D\u00eda de les Lletres Asturianes cola presentaci\u00f3n d\u2019un n\u00famberu nuevu de Lliteratura. El D\u00eda de les Lletres Asturianes ye la xornada cola que los asturianos homenaxamos [&hellip;]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[6],"tags":[],"class_list":["post-5903","post","type-post","status-publish","format-standard","hentry","category-dia-de"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/5903","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=5903"}],"version-history":[{"count":11,"href":"https:\/\/edublog.educastur.es\/ixuxu\/wp-json\/wp\/v2\/posts\/5903\/revisions"}],"predecessor-version":[{"id":6077,"href":"https:\/\/edublog.educastur.es\/ixuxu\/wp-json\/wp\/v2\/posts\/5903\/revisions\/6077"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=5903"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=5903"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=5903"}],"curies":[{"name":"wp","href":"https:\/\/api.w.org\/{rel}","templated":true}]}}