{"id":59262,"date":"2025-10-02T13:45:06","date_gmt":"2025-10-02T11:45:06","guid":{"rendered":"https:\/\/edublog.educastur.es\/ixuxu\/?p=59262"},"modified":"2025-10-02T13:51:00","modified_gmt":"2025-10-02T11:51:00","slug":"el-monte-de-les-asturianes-nel-himalaya","status":"publish","type":"post","link":"https:\/\/edublog.educastur.es\/ixuxu\/2025\/10\/el-monte-de-les-asturianes-nel-himalaya\/","title":{"rendered":"\u00abEl Monte de les Asturianes\u00bb nel Himalaya"},"content":{"rendered":"

\u00abEl Monte de les Asturianes\u00bb nel Himalaya: Rosa Fern\u00e1ndez y Azucena Collar conquisten unu visu virxe. La Voz<\/a><\/p>\n

<\/a><\/p>\n

Les alpinistes faen cume tres un segundu intentu que simboliza \u00abla constancia, el trabayu n’equipu y los nuesos raiga\u00f1os\u00bb
\n
\nLes monta\u00f1eres asturianes Rosa Fern\u00e1ndez y Azucena Collar algamaron el visu d’un monte virxe n’una remota rex\u00f3n del Himalaya indiu, dempu\u00e9s d’un esixente acercamientu ensin caminos y n’aplicando la esperiencia adquirida n’una espedici\u00f3n previa l’a\u00f1u anterior.<\/p>\n

El cume, ensin nome oficial nin rexistros d’ascensos anteriores, foi bautizada pol equipu como \u00abEl Monte de les Asturianes\u00bb<\/strong>, n’homenaxe al doble intento realiz\u00e1u por muyeres d’Asturies en dos a\u00f1os consecutivos.<\/p>\n

\u00abEn 2024 vini con Isabel Arg\u00fcelles, compa\u00f1era asturiana. A los dos d\u00edes d’acercamientu tuvimos qu’arrenunciar polo inaccesible del terr\u00e9n, y finalmente decidimos esguilar otru monte virxe, onde quedamos a pocos metros del visu por una inmensa cornisa. Angua\u00f1o, con Azucena, tornamos meyor preparaos, n’otra d\u00f3mina colos r\u00edos m\u00e1s baxos y cola esperiencia de raspiar y\u00e1 aquel glaciar. Eso facilit\u00f3 l’aproximamientu y dex\u00f3nos algamar el cume. Esti monte simboliza la constancia, el trabayu n’equipu y los nuesos raiga\u00f1os\u00bb, esplica Rosa.<\/p>\n

<\/a><\/p>\n

Seg\u00fan espliquen les alpinistes, el terr\u00e9n planteg\u00f3 grandes dificultaes, con progresi\u00f3n sobro morrenes glaciares y ausencia de caminos defin\u00edos hasta’l campamentu base. Dende ell\u00ed, l’ascensu realizose n’estilu cl\u00e1sicu y autosuficiente, ensin cuerdes fixes nin porteadores d’altor. \u00abM\u00e1s que una cume, foi cerrar un ciclu. El monte esper\u00f3nos un a\u00f1u, y esta vegada abri\u00f3nos les sos puertes dempu\u00e9s de muncho esfuerzu compart\u00edu\u00bb, a\u00f1ede Azucena.<\/p>\n

Na espedici\u00f3n tami\u00e9n particip\u00f3 Robin Walker, monta\u00f1eru residente n’Asturies, que’l so sofitu result\u00f3 esencial pa crear un ambiente d’enfotu y cooperaci\u00f3n, espliquen les alpinistes.<\/p>\n

Detalles de la espedici\u00f3n:<\/span><\/p>\n