{"id":59698,"date":"2025-10-13T11:00:15","date_gmt":"2025-10-13T09:00:15","guid":{"rendered":"https:\/\/edublog.educastur.es\/ixuxu\/?p=59698"},"modified":"2025-10-13T15:14:25","modified_gmt":"2025-10-13T13:14:25","slug":"la-ia-va-camudar-la-forma-devaluar-nos-colexos-asturianos","status":"publish","type":"post","link":"https:\/\/edublog.educastur.es\/ixuxu\/2025\/10\/la-ia-va-camudar-la-forma-devaluar-nos-colexos-asturianos\/","title":{"rendered":"La IA va camudar la forma d’evaluar nos colexos asturianos."},"content":{"rendered":"

<\/a><\/p>\n

LNE<\/a> \/ Adi\u00f3s a los exames escritos de tola vida: la IA va camudar la forma d’evaluar nos colexos asturianos. \u00abLos alumnos usen agora la intelixencia artificial como si fora daqu\u00e9 clandest\u00edn; el docente tien d’ense\u00f1a-yos c\u00f3mo y cu\u00e1ndo usala y esaminar el procesu en vegada del productu final, valorando la orixinalid\u00e1 y la reflex\u00f3n\u00bb, aseguren los espertos en tecnolox\u00edes educatives. La escuela tien d’aprender a convivir cola IA.<\/strong> Nun hai m\u00e1s remediu. Va faer falta camudar la forma de dar clases y, sobremanera, d’evaluar.<\/p>\n

<\/p>\n

Asina lo afirma Lourdes Villalustre, profesora titular del departamentu de Ciencies de la Educaci\u00f3n de la Universid\u00e1 d’Uvi\u00e9u y esperta en tecnolox\u00eda educativa. Seg\u00fan aprofia, na era de la intelixencia artificial y\u00e1 nun tienen sent\u00edu nin les clases espositives nin los deberes y exames de siempre, los que solo miren el productu final, los de memorizar y reproducir conten\u00edos.<\/strong><\/p>\n

\u00abEl profesor y\u00e1 nun ye ese centro d’informaci\u00f3n, tien que camudar el so rol y faer de mediador, de xestor de la IA\u00bb, sostien Villalustre. Porque lo qu’ella mesma ta viendo nes aules de la Universid\u00e1 d’Uvi\u00e9u ye que los estudiantes nun saben c\u00f3mo utilizar la IA na redolada educativa.<\/strong><\/p>\n

\u00dasenla, pero \u00abcomo si fora daqu\u00e9 clandest\u00edn\u00bb. \u00abHai que poner lluz a c\u00f3mo utilizala, para qu\u00e9 utilizala y para qu\u00e9 nun se puede utilizar\u00bb. Los alumnos tienen de saber que nun se trata de faer una copia y pega de lo que diz ChatGPT, y\u00e1 que non siempres la informaci\u00f3n qu’apurre la maquinita ye veraz.<\/p>\n

Esto lleva a camudar \u00abpor completu’l paradigma d’evaluaci\u00f3n actual. Cola IA presente na nuesa vides, \u00aby\u00e1 nun podemos evaluar a los estudiantes polo qu’apurrieron, pol productu final, sin\u00f3n qu’hai qu’evaluar el procesu\u00bb. Ye lo que los espertos llamen \u00abevaluaci\u00f3n aut\u00e9ntica\u00bb.<\/p>\n

\u00bfEn qu\u00e9 consiste? N’utilizar nueves (o non tan nueves) metodolox\u00edes, como los portafolios dixitales, los estudios de casu o les defenses orales, y valorar otres cualidaes: la orixinalid\u00e1, el razonamientu qu’hai detr\u00e1s d’un trabayu y la reflex\u00f3n cr\u00edtica, esplica la profesora de la Universid\u00e1 d’Uvi\u00e9u.<\/p>\n

Exames orales. <\/strong>Josep Mar\u00eda Castell\u00e0, profesor de Did\u00e1ctica de la Llingua na Universitat Pompeu Fabra (UPF) , ve beneficiosu volver al exame oral.<\/strong> Una manera de faelo ye pidir al alumn\u00e1u que faiga’l trabayu con IA y dempu\u00e9s fae-y una entrevista oral sobro’l mesmu. Otra forma, exemplifica Castell\u00e0, d’incorporar la IA ye pidir al alumn\u00e1u qu’a la fin del un trabayu escritu a\u00f1eda media p\u00e1xina final na que declare qu\u00e9 programes us\u00f3 y qu\u00e9 fixo con ellos \u2013si\u00a0 usola pa la redacci\u00f3n, pa buscar el conten\u00edu o pa correxir l’estilu y l’ortograf\u00eda\u2013 y unas reflexones personales a\u00f1ed\u00edes. A \u00faltima hora, tr\u00e1tase de valorar el procesu.<\/p>\n

L’asturiana Lourdes Villalustre, qu’imparte l’asignatura de Nueves Tecnolox\u00edes Aplicaes a la Educaci\u00f3n, puntualiza que los exames orales y escritos pueden convivir.<\/strong> \u00abNun tien que ser tou oral, tou depende del conten\u00edu y de la materia. Por casu, faer un exame oral de matem\u00e1tiques igual ye un pocu complic\u00e1u\u00bb.<\/p>\n

\u00bfAprienden igual? <\/strong>Cola llamada evaluaci\u00f3n aut\u00e9ntica, \u00bflos alumnos aprender\u00eden lo mesmo? Lourdes nun tien dulda: lo mesmo o m\u00e1s. \u00abCuando valoramos m\u00e1s esos procesos, tamos aplicando metolox\u00edes m\u00e1s actives y faemos m\u00e1s partes y protagonistes al estudiant\u00e1u, de forma que l’aprendizaxe vese ameyor\u00e1u\u00bb. Sicas\u00ed, a\u00f1ede, \u00abnon puede dicise *categ\u00f3ricamente que por centranos nos procesos d’aprendizaxe va ser meyor, tou depende de c\u00f3mo se plantege esi aprendizaxe\u00bb.<\/p>\n

La IA y toos lo cambeos qu’implica na educaci\u00f3n, apunta la profesora de la Universid\u00e1 d’Uvi\u00e9u, \u00abye una oportunid\u00e1 pa replanteganos c\u00f3mo tamos desenvolviendo la nuesa docencia, qu\u00e9 metodolox\u00edes tamos aplicando y qu\u00e9 educaci\u00f3n tamos llevando a cabu\u00bb. \u00abLa socied\u00e1 actual ta totalmente dixitalizada y, poro, la escuela tien d’afaese a esti contestu\u00bb.<\/p>\n

Mandar deberes. <\/strong>H\u00e9ctor Gard\u00f3, doctor en Ciencies de la Educaci\u00f3n y director d’Equid\u00e1 Dixital na Fundaci\u00f3 Bofill, cavilga que m\u00e1s all\u00e1 de la parte tecnol\u00f3xica, la entruga sobro los deberes na era de la IA apella enforma sobro qu\u00e9 ye educar y cu\u00e1l ye’l papel del docente. Ye importante dexar de falar de qu\u00e9 \u2013\u00bfqu\u00e9 deberes mandar?- y empezar a falar de c\u00f3mo y por qu\u00e9.<\/p>\n

\u00abEl productu (el trabayu final a apurrir) pue crealo la IA. Falemos de c\u00f3mo tendr\u00eda que ser el procesu: c\u00f3mo soi cr\u00edticu cola informaci\u00f3n qu’alcuentru, c\u00f3mo la espongo, c\u00f3mo la comparto colos mios compa\u00f1eros… El productu final (el trabayu) ye xuna escusa. La IA conv\u00eddanos a doblar l’apueste pola humanid\u00e1 na educaci\u00f3n, a preguntar al alumnu c\u00f3mo lu hai fechu, qu\u00e9 opina d’ello, c\u00f3mo se sinti\u00f3 faci\u00e9ndolo, con qui\u00e9n lo fixo, cu\u00e1ndo\u2026\u00bb, detalla.<\/p>\n

Gard\u00f3 pon sobro la mesa xuna cuesti\u00f3n de cal\u00e1u. \u00abLa investigaci\u00f3n diz que l’usu indiscrimin\u00e1u de la IA ta empiorando l’inter\u00e9s, la capacid\u00e1 de plasmu. Si tienes les respuestes a tou, \u00bfpa qu\u00e9 tienes que pensar?\u00bb.<\/p>\n

Castell\u00e0 ye un convenc\u00edu de la necesid\u00e1 de \u00abincorporar les novedaes\u00bb a la ense\u00f1anza por que les aules nun s\u00edan \u00abdemasiao distintos al mundu. S\u00f3crates nun quixo escribir nin una ll\u00ednea en tola so vida porque la escritura acab\u00e1base d’inventar y \u00e9l consideraba que destruy\u00eda la conocencia y la filosof\u00eda. Conocemos a S\u00f3crates por Plat\u00f3n. \u00c9l neg\u00f3se a escribir y a aceptar una noved\u00e1 de la d\u00f3mina que s’impunxo\u00bb.<\/p>\n

Los apuntes, a mano. <\/strong>\u00abVen\u00edamos d’unos a\u00f1os d’una innovaci\u00f3n bien lloca y, adulces, va abandon\u00e1ndose la idea de que cualquier camb\u00e9u ye bonu, que va desmont\u00e1ndose pola cruda realid\u00e1\u00bb. Son palabres de Juan Fern\u00e1ndez, profesor, investigador y autor de \u00abEn blancu: C\u00f3mo focalizar l’atenci\u00f3n, la memoria y la motivaci\u00f3n p’aprender\u00bb, compart\u00edes por infinid\u00e1 de docentes de primaria y secundaria. Esa innovaci\u00f3n demoniz\u00f3 aprender por aciu\u00a0 de la toma d’apuntes, pr\u00e1ctica desterrada en munches escueles mientres a\u00f1os.<\/p>\n

El profesor del Departamentu de Pedagox\u00eda Aplicada de la UAB M\u00e0rius Mart\u00ednez defiende como \u00abuna habilid\u00e1 interesante que valdr\u00eda la pena nun perder y una oportunid\u00e1 d’aprendizaxe potente y pervalible\u00bb. \u00abL’aprendizaxe ye un procesu complexu nel que vas incorporando nel to patrimoniu escurres, valores y competencies. Ye bonu que l’alumnu escuche idees y conceutos, sepa discernir lo importante de too lo que ta escuchando y an\u00f3telo\u00bb.<\/p>\n

La selecci\u00f3n de la informaci\u00f3n ye crucia<\/strong>l. Nun ye trescribir, ye procesar la informaci\u00f3n del profesor ya identificar cu\u00e1l ye la m\u00e1s relevante. \u00abYe como sorrayar, si sorrayes tou y dexes la p\u00e1xina llena de colores pierde’l sent\u00edu\u00bb, prosigue’l profesor de la UAB. Ye imprescindible que’l profesor\u00e1u ense\u00f1e a tomar bonos apuntes. Nun hai que dar per sent\u00e1u que l’alumn\u00e1u sepa faelo.<\/p>\n

\u00abLa diferencia ta en qu\u00e9 piensa la persona mientres toma apuntes. Tomar apuntes nun ye escribir lo que yo digo, sin\u00f3n lo que tu pienses que yo digo; ye una bona acci\u00f3n porque ye un exerciciu d’interiorizar, conectar colo que y\u00e1 sabes y espresalo de la manera que m\u00e1s encaxa colos tos modelos mentales\u00bb, argumenta Fern\u00e1ndez. \u00abYe explicitar les representaciones mentales qu’el to celebru va faciendo; pa tomar bonos apuntes hai que reivindicar de nuevu la importancia de les conocencies que t’ayuda a saber coses y a enfocar l’atenci\u00f3n\u00bb. Unu de los problemes actuales nes aules ye la falta de concentraci\u00f3n.<\/strong><\/p>\n

Los apuntes nun son un productu final. Tienen que revisase. En secundaria, Mart\u00ednez encamienta dexar un espaciu nos mesmos apuntes p’anotar entrugues o lo que nun s’entendi\u00f3 y dexar momentos en clase pa revisalos y comentalos.<\/p>\n

\u00bfApuntes a mano o col ordenador? Fern\u00e1ndez diz que n’ordenador ye m\u00e1s f\u00e1cil que desconectes en dalg\u00fan momentu porque te lleg\u00f3 una notificaci\u00f3n del m\u00f3vil o del corr\u00e9u electr\u00f3nicu. A mano ye m\u00e1s dif\u00edcil siguir el ritmu y obliga a procesar por aciu fleches, diagrames, abreviatures, mapes mentales… y am\u00e1s apurre’l trabayu de la motricid\u00e1 fina.<\/p>\n

Hai un consensu xeneraliz\u00e1u en que si quies aprender daqu\u00e9 precises procesalo y en que p’aprender coses complexes ye importante escribiles. Escribilo ye una forma d’apoderase de lo que te t\u00e1n cuntando<\/strong>, d’incluyilo al to cat\u00e1logu de modelos mentales. Non solo ye escribilo, ye tami\u00e9n da-y organizaci\u00f3n gr\u00e1fica como ponelo en forma de diagrames.<\/p>\n

Afigurar en papel lo qu’entiendes, lo relevante y eso ye bonu porque hai niveles bien baxos de comprensi\u00f3n llectora y oral.<\/p>\n

Los apuntes ameyoren la memoria al llargu plazu porque lo escribes y consolides. En la toma d’apuntes entra tami\u00e9n saber esquematizar<\/strong>, daqu\u00e9 que se perdi\u00f3 a edaes tempranes, tami\u00e9n porque tou va m\u00e1s tarde. Lo qu’antes se consolidaba n’infantil agora pas\u00f3se a ciclu inicial y lo d’inicial a ciclu mediu.<\/p>\n

En tou ello ta d’alcuerdu Lourdes Villalustre. \u00abYe ciertu que nun ye lo mesmo tomar apuntes nuna pantalla del ordenador que tomalos de manera manuscrita, porque coles mesmes que tomamos apuntes a mano, tamos trabayando otres habilidaes y competencies que nos ayuden a afitar meyor los conten\u00edos\u00bb, esp\u00f3n. Na Universid\u00e1 d’Uvi\u00e9u, Villalustre y\u00e1 vio de too: alumnos que nin siquier tomen apuntes, nin a mano nin a ordenador, sin\u00f3n que faen semeyes col m\u00f3vil a la presentaci\u00f3n del profesor. \u00abEso y\u00e1 ye’l cuelmu del cuelmu\u00bb, diz.<\/p>\n

Un exemplu de clase<\/strong> Ende ye clave la estratexa d’ense\u00f1anza de cada profesor. Villalustre, por casu, nun pon testos nes sos diapositives. Son idees bien esquem\u00e1tiques que depu\u00e9s desenvuelve en clase. \u00abP\u00eddolos que nun reproduzan lliteralmente lo que voi esplicando dientro de l’aula, sin\u00f3n qu’a cencielles tengan la capacid\u00e1 d’escuchar y tomar les idees m\u00e1s relevantes que depu\u00e9s pueden completar usando otros recursos\u00bb. Ende ye onde entra n’escena la IA y el papel del profesor d’emponer.<\/p>\n

 <\/p>\n","protected":false},"excerpt":{"rendered":"

LNE \/ Adi\u00f3s a los exames escritos de tola vida: la IA va camudar la forma d’evaluar nos colexos asturianos. \u00abLos alumnos usen agora la intelixencia artificial como si fora daqu\u00e9 clandest\u00edn; el docente tien d’ense\u00f1a-yos c\u00f3mo y cu\u00e1ndo usala y esaminar el procesu en vegada del productu final, valorando la orixinalid\u00e1 y la reflex\u00f3n\u00bb, […]<\/p>\n","protected":false},"author":117,"featured_media":0,"comment_status":"closed","ping_status":"open","sticky":false,"template":"","format":"standard","meta":{"footnotes":""},"categories":[261],"tags":[],"class_list":["post-59698","post","type-post","status-publish","format-standard","hentry","category-intelixencia-artificial"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/59698","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=59698"}],"version-history":[{"count":4,"href":"https:\/\/edublog.educastur.es\/ixuxu\/wp-json\/wp\/v2\/posts\/59698\/revisions"}],"predecessor-version":[{"id":59763,"href":"https:\/\/edublog.educastur.es\/ixuxu\/wp-json\/wp\/v2\/posts\/59698\/revisions\/59763"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=59698"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=59698"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=59698"}],"curies":[{"name":"wp","href":"https:\/\/api.w.org\/{rel}","templated":true}]}}