{"id":63787,"date":"2026-01-08T18:10:36","date_gmt":"2026-01-08T16:10:36","guid":{"rendered":"https:\/\/edublog.educastur.es\/ixuxu\/?p=63787"},"modified":"2026-01-10T22:11:14","modified_gmt":"2026-01-10T20:11:14","slug":"conciertu-de-gaiteros-del-carbon","status":"publish","type":"post","link":"https:\/\/edublog.educastur.es\/ixuxu\/2026\/01\/conciertu-de-gaiteros-del-carbon\/","title":{"rendered":"Conciertu de \u00abGaiteros del carb\u00f3n\u00bb"},"content":{"rendered":"<div class=\"xdj266r x14z9mp xat24cr x1lziwak x1vvkbs x126k92a\">\n<div dir=\"auto\"><\/div>\n<div dir=\"auto\" style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" src=\"https:\/\/www.facebook.com\/plugins\/video.php?height=476&#038;href=https%3A%2F%2Fwww.facebook.com%2Freel%2F1185712936426905%2F&#038;show_text=false&#038;width=476&#038;t=0\" width=\"476\" height=\"476\" style=\"border:none;overflow:hidden\" scrolling=\"no\" frameborder=\"0\" allowfullscreen=\"true\" allow=\"autoplay; clipboard-write; encrypted-media; picture-in-picture; web-share\" 0=\"\/iframe\" class=\"iframe-class\"><\/iframe>\n<\/div>\n<div dir=\"auto\"><\/div>\n<\/div>\n<div class=\"x14z9mp xat24cr x1lziwak x1vvkbs xtlvy1s x126k92a\">\n<div dir=\"auto\">El conciertu especial<strong> va celebrase\u2019l s\u00e1badu 10 de xineru de 2026, a les 20:00 hores, nel Teatru Jos\u00e9 Le\u00f3n Delestal de La Felguera (Llangr\u00e9u)<\/strong>, dientro del proyectu financi\u00e1u al travi\u00e9s de la campa\u00f1a de micromecenalgu en Verkami.<\/div>\n<div dir=\"auto\"><!--more--><\/div>\n<div dir=\"auto\"><\/div>\n<div dir=\"auto\">Esta cita promete ser una celebraci\u00f3n \u00fanica que xune delles xeneraciones d\u2019artistes pola m\u00fasica y la cultura asturiana.<\/div>\n<div dir=\"auto\"><\/div>\n<div dir=\"auto\" style=\"text-align: center\"><a href=\"https:\/\/dg9aaz8jl1ktt.cloudfront.net\/uploaded_files\/000\/463\/630\/verkami_ab143a36b2ce58a497ef533e7d6dcea9.jpg?1760642263\"><img loading=\"lazy\" decoding=\"async\" class=\"aligncenter size-large\" src=\"https:\/\/dg9aaz8jl1ktt.cloudfront.net\/uploaded_files\/000\/463\/630\/verkami_ab143a36b2ce58a497ef533e7d6dcea9.jpg?1760642263\" width=\"745\" height=\"497\" \/><\/a><\/div>\n<\/div>\n<p><span style=\"color: #008080\"><strong>Gaiteros del Carb\u00f3n<\/strong><\/span> somos una banda de les cuenques mineres qu&#8217;en 2026 facemos 10 a\u00f1os. Queremos celebrar esti aniversariu como se merez, con un conciertu especial, una esposici\u00f3n que recueya la nuesa historia, y unos detalles conmemorativos pa recordar esti cam\u00edn.<\/p>\n<p style=\"text-align: center\"><a href=\"https:\/\/musicasturiana.com\/wp-content\/uploads\/2025\/11\/gaiteros-promo-3.jpg\"><img loading=\"lazy\" decoding=\"async\" class=\"aligncenter size-large\" src=\"https:\/\/musicasturiana.com\/wp-content\/uploads\/2025\/11\/gaiteros-promo-3.jpg\" width=\"1200\" height=\"600\" \/><\/a><em>La banda, qu&#8217;amiesta la m\u00fasica cola miner\u00eda, def\u00ednese como un grupu compromet\u00edu con Asturies<\/em><\/p>\n<div class=\"elementor-element elementor-element-667e3c7 elementor-widget__width-inherit elementor-widget elementor-widget-theme-post-title elementor-page-title elementor-widget-heading\" data-id=\"667e3c7\" data-element_type=\"widget\" data-widget_type=\"theme-post-title.default\">\n<div class=\"elementor-widget-container\">\n<h1 class=\"elementor-heading-title elementor-size-default\" style=\"text-align: center\"><span style=\"color: #008080;font-size: 20px\">\u00abCuando un proyectu ye honestu y ta enraigon\u00e1u nel territoriu,<br \/>\nla xente si\u00e9ntelo como propiu\u00bb<\/span><\/h1>\n<\/div>\n<\/div>\n<div class=\"elementor-element elementor-element-00f4678 elementor-widget__width-inherit elementor-widget elementor-widget-theme-post-excerpt\" data-id=\"00f4678\" data-element_type=\"widget\" data-widget_type=\"theme-post-excerpt.default\">\n<div class=\"elementor-widget-container\" style=\"text-align: center\">Gaiteros del Carb\u00f3n celebra esti s\u00e1badu&#8217;l so X Aniversariu<br \/>\ncon una esposici\u00f3n y dos pases d&#8217;espect\u00e1culu \u00fanicu pal que nun queden entraes.<\/div>\n<div class=\"elementor-widget-container\" style=\"text-align: center\"><a href=\"https:\/\/musicasturiana.com\/cuando-un-proyectu-ye-honestu-y-ta-enraigonau-nel-territoriu-la-xente-sientelo-como-propiu\/\">Musicasturiana.com\u00a0<\/a><\/div>\n<div>\n<p>Diez a\u00f1os pasaron dende que l\u2019alumn\u00e1u de gaita y tambor de la <strong>Escuela de M\u00fasica d\u2019A Mansalva<\/strong> desfilara na <strong>cabalgata de los reis magos de Llaviana<\/strong> nuna carroza que fac\u00eda un homenaxe al <strong>Pozu Carrio<\/strong>. Fueron vest\u00edos de <strong>prieto<\/strong>, con <strong>cascos de mina <\/strong>que-yos dex\u00f3 xente de la redolada venceyada a la miner\u00eda, tocaron dellos villancicos, y esto qued\u00f3 reflexao nuna semeya que <strong>Pablo Carrera<\/strong> -responsable d\u2019A Mansalva y director de la banda- xubi\u00f3 a les sos redes sociales xunto a la frase <strong>\u201cEqu\u00ed t\u00e1n, estos son, los gaiteros del Carb\u00f3n\u201d<\/strong>; faciendo asina un paralelismu col \u201cEqu\u00ed t\u00e1n, estos son, los mineros del Carb\u00f3n\u201d que se glay\u00f3 na <strong>marcha negra<\/strong> de la miner\u00eda que se fizo en 2012 a Madrid. La <strong>ilusi\u00f3n, l\u2019enfotu, el disfrute y una serie de circustancies<\/strong> fixeron que de manera <strong>\u201cmui natural\u201d <\/strong>fuera encadarm\u00e1ndose esta formaci\u00f3n qu\u2019esti s\u00e1badu 10 de xineru celebra <strong>diez a\u00f1os con un espect\u00e1culu \u00fanicu<\/strong>.<\/p>\n<p>Con toles entraes vend\u00edes pa los dos pases (unu a les 17.30h y otru a les 20.30h) el <strong>Teatru Jos\u00e9 Le\u00f3n Delestal de La Felguera <\/strong>(Llangr\u00e9u) va acoyer esti conciertu nel que collabora <strong>Hevia<\/strong>, <strong>Nuberu, Jos\u00e9 Manuel Tejedor, Xune Elipe (Dixebra), Marisa Valle Roso, V\u00edctor Manuel y Celtas Cortos.<\/strong> Tami\u00e9n van tar acompa\u00f1aos por <strong>Rub\u00e9n Bada <\/strong>(guitarres), <strong>Juanjo D\u00edaz<\/strong> (bater\u00eda y percusiones) y <strong>Ram\u00f3n Prada<\/strong> (teclaos y baxu), que s\u2019encarga, xunto col director de la banda <strong>Pablo Carrera<\/strong>, de los arreglos y la direcci\u00f3n musical. Am\u00e1s, va haber <strong>dalguna sorpresa<\/strong> y a 16.30h -una hora enantes del primer pase- va inaugurase nel hall del teatru la <strong>esposici\u00f3n del X Aniversariu <\/strong>de Gaiteros del Carb\u00f3n na que va vese\u201cunos maniqu\u00eds que reflexen la evoluci\u00f3n de la indumentaria, semeyes, instrumentos, recortes de prensa\u2026 un <strong>retratu emocional del proyectu qu\u2019amuesa c\u00f3mo foi construy\u00e9ndose la formaci\u00f3n<\/strong>\u201d, desplica Pablo Carrera, a\u00f1adiendo que van intentar \u201cque pueda <strong>continuar espuesta <\/strong>durante un tiempu nel teatru pa que la xente que qued\u00f3 ensin entrada pueda vela\u201d.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abYe un procesu mui llargu, esixente, pero la verd\u00e1 que mui prestosu, porque d\u00eda a d\u00eda, ves a los componentes m\u00e1s implicaos, m\u00e1s ilusionaos y nun ye f\u00e1cil qu\u2019haiga esi nivel d\u2019implicaci\u00f3n teniendo en cuenta que son xente mui mozo y que t\u00e1n sacrificando munchu tiempu de la so vida personal y d\u2019ociu\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p>\u201cYo ten\u00eda claro que Gaiteros del Carb\u00f3n podr\u00eda llevar a escena <strong>un espect\u00e1culu diferente y con identid\u00e1 <\/strong>y nesti sen fuimos trabayando en c\u00f3mo enfocar el repertoriu y los arreglos; c\u00f3mo enfocar los dise\u00f1os d\u2019iluminaci\u00f3n -que xueguen un papel mui importante nel espect\u00e1culu- y tomando decisiones qu\u2019ayudaren a materializar el proyectu\u201d, comenta Carrera sobre una idea que-y lleva <strong>\u201crondando pela tiesta m\u00e1s de dos o tres a\u00f1os\u201d<\/strong> y que \u201cfai unos cinco meses\u201d garr\u00f3 puxu pa dar forma a lo que se va ver esti s\u00e1badu<strong>: \u201cfueron meses de munch\u00edsimu trabayu,<\/strong> porque implica ponelo too n\u2019orden, coordinar a los artistes convidaos, los arreglos, la producci\u00f3n, llevamos tres meses ensayando varios d\u00edes y los domingos facemos <strong>ensayos de 4 o 5 hores pa dexalo too mui bien matizao<\/strong>\u2026 Ye un procesu mui llargu, esixente, pero la verd\u00e1 que mui prestosu, porque <strong>d\u00eda a d\u00eda, ves a los componentes m\u00e1s implicaos, m\u00e1s ilusionaos y nun ye f\u00e1cil qu\u2019haiga esi nivel d\u2019implicaci\u00f3n<\/strong> teniendo en cuenta que son xente mui mozo y que t\u00e1n sacrificando munchu tiempu de la so vida personal y d\u2019ociu\u201d. Sicas\u00ed, como sorraya\u2019l director \u201c<strong>la calid\u00e1 humana, non nam\u00e1s la musical<\/strong>\u201d ye tami\u00e9n una de les se\u00f1es d\u2019identid\u00e1 de la banda.<\/p>\n<h2 class=\"wp-block-heading\"><strong><mark class=\"has-inline-color\">Colectivu cultural<\/mark><\/strong><\/h2>\n<p>\u201cNun somos una banda al usu pensada p\u2019actuar nun circuitu determin\u00e1u, sin\u00f3n qu\u2019entendemos que tami\u00e9n <strong>somos un colectivu de m\u00fasica qu\u2019entiende la m\u00fasica como una ferramienta cultural<\/strong>\u201d. Asina ye como Pablo Carrera define otra de les caracter\u00edstiques de la formaci\u00f3n que dirixe y por ello defendi\u00f3 en tou esti tiempu \u201c<strong>non facer nam\u00e1s un repertoriu de m\u00fasica tradicional o folk, sin\u00f3n beber d\u2019otres fontes y de grupos de la redolada<\/strong> como Nuberu, Dixebra, Los Berrones\u2026 faciendo adaptaciones d\u2019esi repertoriu porque son temes que conoz muncha xente y colos que nos sentimos mui identificaos\u201d. Esto va vese reflexao nes pieces que van interpretar esti s\u00e1badu y nes qu<strong>\u2019andechen dellos de los m\u00fasicos m\u00e1s destacaos <\/strong>del pa\u00eds y que m\u00e1s influyeron a Gaiteros del Carb\u00f3n. Carrera dedica pallabres y agradecimientos pa toos ellos<strong>: Marisa Valle Roso<\/strong> -\u201duna artista lletres may\u00fascules\u201d-; <strong>Chus Pedro y Manolo Pe\u00f1ayos de Nuberu<\/strong> -\u201dque son la banda sonora de les cuenques mineres\u201d; <strong>V\u00edctor Manuel <\/strong>-\u201dla figura m\u00e1s relevante que tenemos n\u2019Asturies\u201d-<strong>; Xune Elipe de Dixebra<\/strong> -\u201dque tien esi poder reivindicativu que tanto conecta cola nuestra personalid\u00e1\u201d; <strong>Jos\u00e9 \u00c1ngel Hevia<\/strong> -\u201dque revolucion\u00f3 la gaita nos 90-; <strong>Jos\u00e9 Manuel Tejedor<\/strong> -\u201dreferencia de la m\u00fasica folk y tradicional\u201d; y <strong>Celtas Cortos<\/strong> -\u201dque nos dieron la oportunid\u00e1 de tocar con ellos un par de veces y tenemos una manera d\u2019entender la vida mui parecida, con unos valores compromet\u00edos\u201d. A la fin, son una serie de figures que xuben al escenariu del Jos\u00e9 Delestal \u201censin forzar\u201d, porque lo que representen \u201cencaxa perbi\u00e9n\u201d con Gaiteros del Carb\u00f3n: <strong>\u201cconecta col nuestru discursu, cola nuestra m\u00fasica\u2026 T\u00e1n compromet\u00edos cola tierra, ca\u00fan aporta la so personalid\u00e1 y constr\u00fai un di\u00e1logu ente delles xeneraciones y estilos\u201d.<\/strong><\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abCreo que nun hai precedentes, nel circuitu de les bandes de gaites, de dalgunes de les coses que vamos facer esti s\u00e1badu; sobre manera cola puesta n\u2019escena, la iluminaci\u00f3n, o los arreglos\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p>\u201cCreo que <strong>nun hai precedentes<\/strong>, nel circuitu de les bandes de gaites, de dalgunes de les coses que vamos facer esti s\u00e1badu; sobre manera cola <strong>puesta n\u2019escena, la iluminaci\u00f3n, o los arreglos<\/strong> -nos qu\u2019hai una parte <strong>electr\u00f3nica <\/strong>que tami\u00e9n xuega un papel importante-\u201d, camienta\u2019l director de Gaiteros del Carb\u00f3n. Tami\u00e9n sorraya\u2019l llabor desendolc\u00e1u polos m\u00fasicos que los van arrodiar: \u201cCuando <strong>Ram\u00f3n Prada <\/strong>acept\u00f3 facer arreglos y encargase de la producci\u00f3n musical y de dirixir a la banda m\u00fasicos foi una sorpresa y allegr\u00eda tremenda, porque ye un <strong>m\u00fasicu y productor de primer\u00edsimo nivel<\/strong>. Y dempu\u00e9s que <strong>Juanjo D\u00edaz y Rub\u00e9n Bada<\/strong> se sumaren ensin pensalo nin cinco segundos, pues m\u00e1s de lo mesmo\u201d. \u201cYe un lluxu tener los <strong>t\u00e9cnicos de son\u00edu, d\u2019iluminaciones, d\u2019escenariu, de producci\u00f3n<\/strong> que vamos tener con n\u00f3s\u201d, a\u00f1ade Carrera destacando\u2019l <strong>componente colectivu y el trabayu n\u2019equipu<\/strong> que dan forma a un espect\u00e1culu \u00fanicu que nam\u00e1s va poder vese nesti formatu y con collaboraciones esti s\u00e1badu en La Felguera. Sicas\u00ed, el director de la formaci\u00f3n <strong>ve posible \u201cpoder facer cierta adaptaci\u00f3n del conciertu independientemente de qu\u2019haiga artistes convidaos pa interpretalo m\u00e1s vegaes a lo llargo l\u2019a\u00f1u <\/strong>si dientro del p\u00fablicu hai unos cuantos programadores que consideren que ye interesante pa formar parte de los ciclos o festivales qu\u2019organicen\u201d.<\/p>\n<div class=\"wp-block-spacer\" aria-hidden=\"true\"><\/div>\n<h2 class=\"wp-block-heading\"><strong><mark class=\"has-inline-color\">Ci\u00f1u y arguyu<\/mark><\/strong><\/h2>\n<p>Con toes estes blimes Gaiteros del Carb\u00f3n van festexar a lo grande una d\u00e9cada na que tienen actuao en \u201ctrails, rallys, bodes, premios, festivales, cabalgates\u2026 munch\u00edsimes coses\u201d y siempre con una cosa mui clara: <strong>\u201ctamos mui arguyosos de ser d\u2019onde somos, de la cuenca minera, y tenemos una manera determinada d\u2019entender el mundu\u201d<\/strong>. Esto refl\u00e9xase nel ci\u00f1u recib\u00edu por parte de la xente y af\u00edtase en fechos como la exitosa campa\u00f1a de crowdfunding -que <strong>cuasi dobl\u00f3 la recaudaci\u00f3n del oxetivu inicial plantegao<\/strong>\u2013 o agotar entraes dos veces pa esti s\u00e1badu en tan poco tiempu. Ye daqu\u00e9 que, seg\u00fan Carrera, <strong>\u201cdemuestra que cuando un proyectu ye honestu y ta enraigon\u00e1u nel territoriu, la xente si\u00e9ntelo como propiu\u201d<\/strong>.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abSi tuvi\u00e9ramos l\u2019af\u00e1n de ser una formaci\u00f3n con munchos componentes o la m\u00e1s grande d\u2019Asturies, valdr\u00edanos con llevantar el tel\u00e9fonu y ponenos a llamar gaiteros; pero Gaiteros del Carb\u00f3n naz de la cantera de la Escuela de M\u00fasica y siguimos nutri\u00e9ndonos d\u2019esa cantera. Somos una familia, cuid\u00e1monos ente n\u00f3s, tenemos mui claros los nuestros oxetivos y esto p\u00f3ngolo mui en valor\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p>Precisamente, la honestid\u00e1 ye parte de la filosof\u00eda d\u2019esta formaci\u00f3n de la que Pablo Carrera valora \u201cla continuid\u00e1, porque <strong>nun ye f\u00e1cil aguantar un proyectu colectivu diez a\u00f1os ensin perder la esenci<\/strong>a\u201d y la \u201cpol\u00edtica de funcionamientu\u201d: \u201csi tuvi\u00e9ramos l\u2019af\u00e1n de ser una formaci\u00f3n con munchos componentes o la m\u00e1s grande d\u2019Asturies, valdr\u00edanos con llevantar el tel\u00e9fonu y ponenos a llamar gaiteros; pero <strong>Gaiteros del Carb\u00f3n naz de la cantera de la Escuela de M\u00fasica y siguimos nutri\u00e9ndonos d\u2019esa cantera<\/strong>. Somos una familia,<strong>cuid\u00e1monos ente n\u00f3s<\/strong>, tenemos mui claros los nuestros oxetivos y esto p\u00f3ngolo mui en valor; m\u00e1s que la presencia n\u2019escenarios importantes o collaborar con artistes, <strong>destacar\u00eda los momentos nos que facemos pi\u00f1a, nos qu\u2019ensayamos, nos que fuera de los ensayos quedamos y pas\u00e1moslo bien<\/strong>\u201d. Asina ye como diez a\u00f1os dempu\u00e9s, esta banda que naci\u00f3 por casualid\u00e1, calti\u00e9n lo que-yos llev\u00f3 a aniciar la so trayectoria y van reflexalo col <strong>arguyu del trabayu fechu, col ci\u00f1u de la so xente, y cola identid\u00e1 de quien ye de la cuenca minera<\/strong>:\u00a0\u201cTamos toos ilusionad\u00edsimos, dende la componente m\u00e1s moza hasta\u2019l mayor de toos; tamos que nun nos lo creemos\u201d.<\/p>\n<div class=\"wp-block-spacer\" style=\"text-align: center\" aria-hidden=\"true\"><a href=\"https:\/\/www.rtpa.es\/fotos\/\/26\/01\/20260110144205_RTPA7567665.webp\"><img loading=\"lazy\" decoding=\"async\" class=\"aligncenter size-large\" src=\"https:\/\/www.rtpa.es\/fotos\/\/26\/01\/20260110144205_RTPA7567665.webp\" width=\"853\" height=\"480\" \/><\/a><\/div>\n<\/div>\n<div><\/div>\n<\/div>\n","protected":false},"excerpt":{"rendered":"<p>El conciertu especial va celebrase\u2019l s\u00e1badu 10 de xineru de 2026, a les 20:00 hores, nel Teatru Jos\u00e9 Le\u00f3n Delestal de La Felguera (Llangr\u00e9u), dientro del proyectu financi\u00e1u al travi\u00e9s de la campa\u00f1a de micromecenalgu en Verkami.<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[425,35,125],"tags":[],"class_list":["post-63787","post","type-post","status-publish","format-standard","hentry","category-gaita","category-musica","category-musicasturiana-com"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/63787","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=63787"}],"version-history":[{"count":6,"href":"https:\/\/edublog.educastur.es\/ixuxu\/wp-json\/wp\/v2\/posts\/63787\/revisions"}],"predecessor-version":[{"id":65703,"href":"https:\/\/edublog.educastur.es\/ixuxu\/wp-json\/wp\/v2\/posts\/63787\/revisions\/65703"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=63787"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=63787"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=63787"}],"curies":[{"name":"wp","href":"https:\/\/api.w.org\/{rel}","templated":true}]}}