![](\"https:\/\/s2.ppllstatics.com\/elcomercio\/www\/multimedia\/2025\/12\/16\/tiempo-gijon-frio-U230128766609HRB-RpJwgUUtZLKvns4AcKQJBqO-1200x840@El%20Comercio.jpg\")
<\/a><\/p>\n<\/p>\n
Repiten como un salmu los meteor\u00f3logos que los pron\u00f3sticos son m\u00e1s fiables cuantimenos tiempu quede para comprobalos. Qu’atinar lo que va pasar ma\u00f1ana ye m\u00e1s seguru que faer c\u00e1lculos sobro lo que va asoceder dientro d’una selmana. Fecha esi precuru, l’Axencia Estatal de Meteorolox\u00eda (Aemet)<\/strong> acaba de publicar les sos primeres estimaciones sobro c\u00f3mo pue ser n’Asturies la Navid\u00e1 en particular y l’iviernu polo xeneral.<\/p>\n A estes altures los modelos numb\u00e9ricos qu’aplica se\u00f1alen que la opci\u00f3n m\u00e1s probable pa la selmana ente’l 22 d’avientu y el 28 d’avientu ye qu’Asturies reciba ente un 10 y un 30% m\u00e1s d’agua de lo habitual pa estes feches<\/strong>, salvo nel suroccidente, onde les precipitaciones esp\u00e9rense dientro de lo normal.<\/p>\n Pa definir qu\u00e9 ye lo habitual nun sitiu l’axencia recurre a los rexistros acumulaos poles sos bases de midida nes \u00faltimes d\u00e9cades. Por casu nel observatoriu allug\u00e1u n’El Cristu (Uvi\u00e9u) la estad\u00edstica del periodu 1981 a 2010 indica que lo normal ye qu’avientu pase con una temperatura promediu de 8,9 graos, 11,7 d\u00edes al mes d’ag\u00fces y 3,6 de cielos estenos. Na estaci\u00f3n allugada nel aeropuertu, avientu caracter\u00edzase por una temperatura medio de 9,9 graos, 13,6 d\u00edes con precipitaciones y 3,3 xornaes con cielos ensin una sola nube.<\/p>\n Volviendo a la selmana de Nuechebona y Navid\u00e1, el pron\u00f3sticu pa les temperatures ye que s\u00edan ente unu y tr\u00e9s graos inferiores<\/strong> a lo estad\u00edsticamente habitual n’Asturies.<\/p>\n Ayeri am\u00e1s l’Aemet llanz\u00f3 los sos primeros pron\u00f3sticos pal iviernu meteorol\u00f3xicu, un trimestre qu’entiende los meses d’avientu, xineru y febreru.<\/strong> Los modelos numb\u00e9ricos aplicaos suxuren que nestos momentos esiste un 60% de probabilidaes de qu’esi periodu acaba n’Asturies con temperatures m\u00e1s altes de lo normal; hai un 20% de que cumplan colos valores habituales y en principiu solo enval\u00f3rase un 10% d’opciones de que resulte m\u00e1s xelizu de lo avezao.<\/p>\n No tocante a les precipitaciones, l’axencia se\u00f1al\u00f3 que nun hai encl\u00edn claru. Esto ye, que nestos momentos s’otean les mesmes posibilidaes de que l’iviernu pase cola agua habitual, resulte secu o tenga m\u00e1s bastios de los avezaos.<\/strong><\/p>\n L’axencia marc\u00f3 estes previsiones ayeri, nuna rueda de prensa onde fixo balance a nivel estatal de la seronda meteorol\u00f3xica, esto ye, el periodu de setiembre a payares. N’Asturies tr\u00e1tase d’un periodu que result\u00f3 \u00abbien templ\u00e1u\u00bb, con una temperatura medio ente mediu grau y 1,5 graos percima de lo habitual.<\/strong> No tocante a les precipitaciones, result\u00f3 un trimestre secu, especialmente na mari\u00f1a occidental, onde se recoyeron ente un 50 y un 75% de les ag\u00fces habituales.<\/p>\n La \u00fanica efem\u00e9ride, esto ye, datu meteorol\u00f3xicu que bati\u00f3 un r\u00e9cord, tuvo llugar n’Uvi\u00e9u, el 5 de payares. Ent\u00f3s rexistr\u00f3se xuna racha m\u00e1xima de 90 kil\u00f3metru per hora.<\/strong> L’anterior marca pa un periodu serondiegu foi de 89 per hora, tami\u00e9n a principios de payares del 2019.<\/p>\n