{"id":64826,"date":"2026-01-02T18:01:00","date_gmt":"2026-01-02T16:01:00","guid":{"rendered":"https:\/\/edublog.educastur.es\/ixuxu\/?p=64826"},"modified":"2026-01-02T18:47:46","modified_gmt":"2026-01-02T16:47:46","slug":"les-veles-fabricaes-nun-pueblu-de-10-habitantes-que-se-vienden-en-singapur","status":"publish","type":"post","link":"https:\/\/edublog.educastur.es\/ixuxu\/2026\/01\/les-veles-fabricaes-nun-pueblu-de-10-habitantes-que-se-vienden-en-singapur\/","title":{"rendered":"Les veles fabricaes nun pueblu de 10 habitantes que se vienden en Singapur"},"content":{"rendered":"

Les veles fabricaes nun pueblu de 10 habitantes que se vienden en Singapur. Dende’l so taller en Barcia, Nico y Carlos esporten los sos veles a mediu planeta. Expansi\u00f3n<\/a><\/p>\n

<\/a><\/p>\n

<\/p>\n

<\/a><\/p>\n

Carlos y Nico a les puertes del so taller de veles nun payar remocic\u00e1u en Barcia<\/strong>. Nun payar habilit\u00e1u nesta localid\u00e1 del conceyu asturianu de Santalla d’Ozcos<\/strong>, Nicol\u00e1s Garc\u00eda y Carlos Mart\u00ednez fabriquen artesanalmente les sos esclusives veles. La so firma Alcen People viende en Singapur. Carlos y Nico nel payar de la g\u00fcela Ena.<\/p>\n

<\/a><\/p>\n

Nun s’apaguen les veles soplando. Nam\u00e1 si son de cumplea\u00f1os. Les decoratives, nunca. Tampoco hai qu’apagales al poco ratu d’encendese, nin s’encienden ensin cortar antes la mecha, y esto postreru cada vez, non solo la primera. Tou mal. Tuvi que venir hasta Barcia, en Santalla d’Ozcos, p’afayar la manera err\u00f3nea en qu’usamos esti accesoriu.<\/p>\n

<\/a><\/p>\n

El primer pasu consiste en calecer la cera a unos 75 graos. La cera, que ye de soya d’altu puntu de fusi\u00f3n, vien en bloques de 25 quilos; el quilu cuesta unos 5 euros.<\/p>\n

Nesti pueblecito asturianu d’apenes 10 habitantes instalaron va cinco a\u00f1os el so taller de veles artesanales Nicol\u00e1s Garc\u00eda y Carlos Mart\u00ednez, y dende un payar habilit\u00e1u empezaron a vender al mundu la so marca, Alcen People, pa plasmu d’Ena, la g\u00fcela de Nico, que-yos dex\u00f3 gustosa’l payar en cuenta de que non fora a venir muncha xente al pueblu. Cuando lu cuntaron que les veles y\u00e1 se vend\u00eden al otru llau del oc\u00e9anu, nun entendi\u00f3 nada. \u00abElla foi nuesa gran valedora y toa una inspiraci\u00f3n\u00bb, sonri Carlos.<\/p>\n

<\/a><\/p>\n

L’arume de la vela ll\u00f3grase entemeciendo distintos aceites esenciales. Controlar la temperatura del amiestu de la cera y el \u00abblend\u00bb ye crucial por que non s’evaporen.<\/p>\n

Nico (Xix\u00f3n, 3 de xunu de 1989) y Carlos (Caracas, Venezuela, 11 de payares de 1985) conoci\u00e9ronse un d\u00eda de rebaxes del iviernu de 2015 en Madrid. El primeru trabayaba na tienda de decoraci\u00f3n familiar (\u00ab15 d\u00edes na d’Asturies, 15 d\u00edes na de Madrid\u00bb), y el segundu n’una de moda. Dambes, na redolada de Santu Tom\u00e9 y Barquillu.<\/p>\n

Nico buscaba un regalu qu’ufiertar al so padre pol so cumplea\u00f1os y acab\u00f3 na tienda de Carlos, que foi quien lu atendi\u00f3. Flechada al intre. Lo que les rebaxes xuni\u00f3 que nun lo dixebre la distancia: dempu\u00e9s de dos a\u00f1os d’ides y ven\u00edes decidieron vivir xuntos nel Norte, onde trescurriera la infancia de *Nico, un para\u00edsu verde y azul que conquist\u00f3 a Carlos la primer vegada que lo visit\u00f3.<\/p>\n

<\/a><\/p>\n

La esencia constr\u00fayise seg\u00fan una pir\u00e1mide olfativa similar a la d’un arume: salida, coraz\u00f3n y fondu. Prec\u00edsase un 10% d’esencia de la cantid\u00e1 de cera usada.<\/p>\n

La vida de mancom\u00fan convierte en contaxosos gustos, vezos y hobbies. Asina asocedi\u00f3 col de Nico, que yera faer veles, y el de Carlos, el mundu de los arumes.<\/strong> \u00abLes nueses aficiones resultaron ser complementaries. Empezamos de forma tan senciella y tan org\u00e1nica como que fa\u00edamos una vela y te la regalamos a ti porque punx\u00e9ramos nella un arume que nos fa\u00eda recordate. Asina nun c\u00edrculu pequenu d’amigos y familiares\u00bb, diz Carlos. Nico tercia: \u00abTuvimos d’esta miente hasta qu’empezaron a faenos encargos de tou tipo ‘\u00bfFadr\u00edesme una vela pa Fulanito, que-y la regalo pol so santu?’ Y foi cuando y\u00e1 como que lo creyimos y decidimos: ‘Vamos pone-y un nome, vamos crear una imaxe, vamos faenos un Instagram…\u00bb. \u00ab\u00a1Y vamos dexar de faer les veles na cocina de casa!\u00bb, ataya Carlos ente rises. Entr\u00f3 ent\u00f3s n’escena la g\u00fcela Ena ufiert\u00e1ndo-yos el payar.<\/p>\n

Los frascos, d’inspiraci\u00f3n botica, son de vidriu \u00e1mbare italianu. Apurren una lluz templao y pueden reciclase quitando la chapita de la mecha y llimpi\u00e1ndolos con alcohol.<\/p>\n

<\/a><\/p>\n

A too esto un familiar recurri\u00f3 a aquello tan socorr\u00edu del ‘creo-que-falo-en-nome-de-toos- cuando-digo’ p’alverti-yos del erru d’abandonar los sos trabayos pa dedicase a esto. \u00abFoi dif\u00edcil, nun vamos negar lo\u00bb, recuerda Carlos. \u00abPrecis\u00e1bamos ingresos pa financiar el nuesu proyectu asina que tuvimos meses llevando les redes de dellos restoranes, y trabayando bien duru inclusive como camareros, y poni\u00e9ndonos de madrugada, arreventaos, a faer veles. Hai xente que se piensa qu’esto nos lo dieron y\u00e1 fechu o que daqui\u00e9n nos regal\u00f3’l dineru, pero non, ye daqu\u00e9 que saquemos los dos alantre, mano a mano, dende cero\u00bb, remata Nico.<\/p>\n

<\/a><\/p>\n

Na jarra entemezse la cera col \u00abblend\u00bb y vanse rellen\u00e1u unu a unu los vasos nos que primeramente se peg\u00f3 la mecha. Desoyendo a los agoreros y col enfotu de la so pasi\u00f3n, escueyen el nome, dise\u00f1en el packaging, encarguen la p\u00e1xina web, abren la cuenta n’Instagram… y empiecen a recibir los primeros encargos. \u00abAgora danos la risa porque ye que realmente nun vend\u00edamos nada. Pero ten\u00edamos tanta ilusi\u00f3n que siguimos lluchando y, xusto en pandemia, tiempu nel que la xente tuvo en casa, la tienda online desapeg\u00f3 y los encargos dispar\u00e1ronse\u00bb, anota Nico. \u00abPoco tiempu dempu\u00e9s visitando \u00a1en Nueva York! a los nuesos veceros, alcord\u00e1bamonos d’aquellos entamos y ye que ye tou como de pel\u00edcula\u00bb, sonri Carlos.<\/p>\n

<\/a><\/p>\n

Antes de cada encend\u00edu, hai que cortar el capuch\u00f3n que queda <\/em>
\npa evitar que se xenere fumu negro<\/em>
\n y cons\u00famanse a mayor velocid\u00e1 de la fayadiza.<\/em><\/p>\n

G\u00fcei fabriquen veles en 11 arumes (ente 18 y 50 euros), bautizaos con nomes de llugares y persones que significaron daqu\u00e9 pa ellos<\/strong> [\u00abye la nuesa forma d’espresanos\u00bb];a les veles sumaron otros formatos: difusor en mikado (36 euros), home espr\u00e1i (36 euros), ambientador s\u00f3lidu (ente 10 y 45 euros), y tabletas pa dilir (16 euros) colos qu’arumen y\u00e1 mediu planeta: \u00abLa nuesa primer vienta fora d’Asturies foi en Madrid y paeci\u00f3nos como wow, asina que fig\u00farese cuando vendimos la primera vela fora d’Espa\u00f1a, que foi en Portugal, lloramos d’allegr\u00eda. Yera inimaxinable. Y g\u00fcei, que tamos n’EEXX, Australia, Canad\u00e1 y empezando en Hong Kong y Singapur, ye como de ciencia ficci\u00f3n\u00bb, diz Nico. \u00abS\u00ed, totalmente surrealista\u00bb, repostia Carlos.<\/p>\n

<\/a><\/p>\n

Les meches, d’algod\u00f3n encerao, p\u00e9guense una a una nel centru del fondu del vasu con un pegamento espec\u00edficu y ay\u00fadase d’esti mididor.<\/p>\n

Tami\u00e9n desenvuelven proyectos corporativos pa empreses creando la so identid\u00e1 olfativa ya imparten talleres, compartiendo unes conocencies qu’ellos adquirieron de forma autodidacta: \u00abRealmente nun hai una escuela de cerer\u00eda n’Espa\u00f1a, asina qu’aprendimos al travi\u00e9s de llibros y de cursos que siguimos tanto de forma online como *presenciales; dalgunos n’Inglaterra o Arxentina, dambos pa\u00edses con muncha cultura de veles\u00bb, diz l’asturianu. Los suyos duren dos hores y cuesten 80 euros: \u00abMunchos entamaren equ\u00ed anque cre\u00edamos que nun diba venir naide. Pero fic\u00edmoslo y eso fainos sentir arguyosos porque tamos poniendo Barcia nel mapa<\/strong>, d\u00e1ndo-y visibilid\u00e1 a los artesanos d’esta contorna; a los ferreros que faen marav\u00edes cola forxa y a les muyeres de los telares\u00bb, comenta Carlos.<\/p>\n

<\/a>Hai qu’esperar a que se derrita tola superficie antes d’apagala
\npor que non se fome un t\u00fanel;
\nun apagamechas evita’l desagradable golor a p\u00e1vilo quem\u00e1u.<\/p>\n

Tristemente, nala g\u00fcela Ena morri\u00f3 va meses: \u00abEch\u00e1mosla de menos. Tien que siguir nel proyectu y por eso vamos sacar una ll\u00ednea nel so honor\u00bb, comenta’l so nietu d’adopci\u00f3n. Al pie de esta idea embaraxen ampliar la so ll\u00ednea luxury de veles de gran formatu (Colecci\u00f3n Cer\u00e1mica Alcen People & Devagar, ente 250 y 850 euros) enfocaes al trabayu de dise\u00f1adores d’interiores y arquiteutos.<\/p>\n

<\/a><\/p>\n

Pack navidiegu<\/strong>. Ye unu y anden coles veles de Navid\u00e1, la m\u00e1s vendida l’a\u00f1u enteru, que g\u00fcel a mazanes, a mofu de carbayu y a roses. Tanto tiempu xuntos, dacuando pierden los papeles, claro. Fin d’a\u00f1u, por casu, ye un momentu cr\u00edticu: \u00abTenemos que faer como 5.000 veles y tamos los dos colos nervios a flor de piel y depu\u00e9s hai que dir a la cena familiar…\u00bb, diz Nico. \u00abY enriba encienden na mesa una de nueses veles que nos lo recuerda tou col so golor…\u00bb, remata Carlos y rinse los dos. \u00abPero hai m\u00e1s coses positives que negatives\u00bb, asegura, mirando arrobado al so sociu.<\/p>\n

<\/a><\/p>\n

Tolo que saben aprendi\u00e9renlo de manera autodidacta. <\/strong>La nueche se cierne nesti valle de cuentu y tenemos que dinos y\u00e1. Antes, una repasada a lo aprend\u00edo: nun s’apaguen les veles soplando. Nam\u00e1 si son de cumplea\u00f1os. Les decoratives, nunca. Tampoco hai qu’apagales al poco ratu d’encendeles, nin encendeles ensin cortar antes la mecha, y esto postreru cada vez, non solo la primera. Y una \u00faltima llecci\u00f3n: nun fai falta vivir nuna gran ciud\u00e1 pa rellumar.<\/p>\n

<\/a><\/p>\n

 <\/p>\n","protected":false},"excerpt":{"rendered":"

Les veles fabricaes nun pueblu de 10 habitantes que se vienden en Singapur. Dende’l so taller en Barcia, Nico y Carlos esporten los sos veles a mediu planeta. Expansi\u00f3n<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[119],"tags":[],"class_list":["post-64826","post","type-post","status-publish","format-standard","hentry","category-empreses"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/64826","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=64826"}],"version-history":[{"count":5,"href":"https:\/\/edublog.educastur.es\/ixuxu\/wp-json\/wp\/v2\/posts\/64826\/revisions"}],"predecessor-version":[{"id":64838,"href":"https:\/\/edublog.educastur.es\/ixuxu\/wp-json\/wp\/v2\/posts\/64826\/revisions\/64838"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=64826"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=64826"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=64826"}],"curies":[{"name":"wp","href":"https:\/\/api.w.org\/{rel}","templated":true}]}}