{"id":65487,"date":"2026-01-08T20:27:52","date_gmt":"2026-01-08T18:27:52","guid":{"rendered":"https:\/\/edublog.educastur.es\/ixuxu\/?p=65487"},"modified":"2026-01-08T20:30:30","modified_gmt":"2026-01-08T18:30:30","slug":"la-collecha-lliteraria-de-2025-en-30-titulos-pa-tolos-gustos","status":"publish","type":"post","link":"https:\/\/edublog.educastur.es\/ixuxu\/2026\/01\/la-collecha-lliteraria-de-2025-en-30-titulos-pa-tolos-gustos\/","title":{"rendered":"La collecha lliteraria de 2025 en 30 t\u00edtulos pa tolos gustos"},"content":{"rendered":"<p><a href=\"https:\/\/www.formientu.com\/formientudixital\/la-collecha-lliteraria-de-2025-en-30-titulos-pa-tolos-gustos\/?fbclid=IwY2xjawPM1ghleHRuA2FlbQIxMQBicmlkETFRWjFRMXFDclFyQlliU3Nwc3J0YwZhcHBfaWQQMjIyMDM5MTc4ODIwMDg5MgABHu2f33beHH2KzohBu60w-ytD7WPDCzow6hRebIjGXeoEEvHQrXAxMSvNIpZS_aem_aFd5qr38bSQBHOkJpy4BCg\">Formientu<\/a> \/ <a href=\"https:\/\/www.formientu.com\/wp-content\/uploads\/2026\/01\/Plantilla-x1-RRSS-ACeR-collecha-1024x1024.jpg\">imaxe<\/a><\/p>\n<p><em><span style=\"color: #008080\">En Formientu quiximos facer una escoyeta de 30 (+1) obres publicaes mientres el pas\u00e1u 2025: una amuesa de la bayura y diversid\u00e1 lliteraria de les lletres asturianes.<\/span><\/em><\/p>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" src=\"https:\/\/www.facebook.com\/plugins\/post.php?href=https%3A%2F%2Fwww.facebook.com%2Fformientu%2Fposts%2Fpfbid0tynYotkMnTffrECsMH21KxuQSCU2577Di3Y1QMwqfv3uo3cJvP1npM6d8nw9iCXUl&#038;show_text=true&#038;width=500\" width=\"500\" height=\"544\" style=\"border:none;overflow:hidden\" scrolling=\"no\" frameborder=\"0\" allowfullscreen=\"true\" allow=\"autoplay; clipboard-write; encrypted-media; picture-in-picture; web-share\" 0=\"\/iframe\" class=\"iframe-class\"><\/iframe>\n<\/p>\n<p><span style=\"color: #008080\"><em>Hai una selmana despid\u00edamos al 2025 y salud\u00e1bemos al 2026. Como ye costume, toca echar la vista p\u2019atr\u00e1s y, ente los nuevos prop\u00f3sitos pal futuru, analizar tami\u00e9n lo que nos dexa l\u2019a\u00f1u que marcha.<\/em><\/span><\/p>\n<p><span style=\"color: #008080\"><em><!--more--><\/em><\/span><\/p>\n<p><span style=\"color: #008080\"><em>En Formientu nun quiximos perder la oportunid\u00e1 y aprovechamos pa facer un balance lliterariu del a\u00f1u pas\u00e1u. Por una cuesti\u00f3n d\u2019organizaci\u00f3n y pa nun estendese demasiao, esti art\u00edculu va dividise n\u2019entregues, tando la primera d\u2019elles dedicada a facer una escoyeta d\u2019obres publicaes mientres el per\u00edodu xineru-avientu de 2025: una collecha de lliteratura n\u2019asturianu con propuestes pa tolos gustos de la que seleccionamos 30 t\u00edtulos y ufrimos una \u00abbola estra\u00bb de regalu. Esperamos que vos preste.<\/em><\/span><\/p>\n<h2><span style=\"color: #008080\"><em>La collecha de 2025<\/em><\/span><\/h2>\n<p><span style=\"color: #008080\"><em>Esti 2025 vieno carg\u00e1u de lliteratura n\u2019asturianu en tolos x\u00e9neros, con una bona fornada d\u2019obres nueves, pero tami\u00e9n con traducciones d\u2019otres lling\u00fces (y a otres lling\u00fces) y reediciones d\u2019obres y\u00e1 escosaes. En Formientu quiximos facer un repasu a fondu y destacar dalgunes d\u2019estes obres, un retu que compl\u00edcase pola certidume de que podr\u00eden habese escoy\u00edo otres tantes distintes ensin perder una migaya de calid\u00e1 lliteraria nin de bayura tem\u00e1tica o estil\u00edstica. \u00c9sa ye la primer bona se\u00f1al a la d\u2019intentar facer una escoyeta de cualquier tipu: siempres hai qu\u2019alegrase de que la bayura d\u2019opciones y la calid\u00e1 de les mesmes dificulten la selecci\u00f3n. La collecha lliteraria de 2025, vais velo, traxo un pocu de too.<\/em><\/span><\/p>\n<h3><span style=\"color: #008080\"><em>Lliteratura infantil<\/em><\/span><\/h3>\n<p><span style=\"color: #008080\"><em>Tan importante como producir material ye cuidar de qu\u2019haya llectores que\u2019inter\u00e9sense polo que se publica. Nesi sen, la lliteratura infantil tien un papel central, anque demasiaes veces subestim\u00e1u, de formar a les llectores del futuru. Y non s\u00f3lo de formar llectores, sinon de formar persones con pensamientu cr\u00edticu, con inter\u00e9s y curiosid\u00e1. Nesi sent\u00edu, la lliteratura infantil tien un potencial escoman\u00e1u y equ\u00ed queremos destacar dalgunes obres de la collecha de 2025 qu\u2019al nuesu xuiciu cumplen esi papel.<\/em><\/span><\/p>\n<p><span style=\"color: #008080\"><em>La obra\u00a0<strong>Breve inventariu de los seres escond\u00edos<\/strong>,\u00a0na que\u2019l reconoc\u00edu poeta Miguel Rodr\u00edguez Monteavaro convida a la reciella a conocer un cat\u00e1logu sorprendente de criatures invisibles pa la xente mayor.\u00a0<strong>M\u00e1s versos d\u2019Asturies<\/strong>\u00a0de Daniel Garc\u00eda Granda y Ilemi Cuesta Mier ye poes\u00eda infantil n\u2019est\u00e1u puru: chancia, tenrura, amor pola naturaleza y tradici\u00f3n oral pa educar futures persones con valores.\u00a0<strong>Pop piqui\u00f1\u00edn,<\/strong>\u00a0el llibru-discu que recueye los meyores cantares n\u2019asturianu de Petit Pop, ye una colecci\u00f3n de lletres pa xugar, cantar, lleer y divertise aprendiendo.<\/em><\/span><\/p>\n<h3><span style=\"color: #008080\"><em>Teatru<\/em><\/span><\/h3>\n<p><span style=\"color: #008080\"><em>Si hai un x\u00e9neru en disputa dientro de les lletres asturianes, \u00e9si ye\u2019l teatru: la dramaturxa asturiana aguanta, pesie a la falta d\u2019apoyos y la marxinalid\u00e1 a la que se ve relegada, y esi aguante vese muncho m\u00e1s nos escenarios que sobre\u2019l papel. Tres dicir \u00e9sto y ensin querer dar de llau al \u00e1mbitu del teatru, equ\u00ed vamos llimitar la escoyeta a dos obres impreses, ca\u00fana d\u2019elles d\u2019un calter mui distintu al de la otra.<\/em><\/span><\/p>\n<p><span style=\"color: #008080\"><em><strong>El xigante llor\u00f3n y otres micropieces<\/strong>\u00a0de Xavier Fr\u00edas Conde ye un exemplu clar\u00edsimu del poder pedag\u00f3xicu de la pallabra; nesta obra pionera nel x\u00e9neru, l\u2019autor ufre una esbilla de piecines teatrales curties perfectes pa la so llectura y disfrute cola reciella, mesmo nun contestu familiar qu\u2019escolar. Microteatru infantil, o non tanto (y non s\u00f3lo), d\u2019eh\u00ed que refuguemos d\u2019incluyir esti llibru na estaya puramente infantil.<\/em><\/span><\/p>\n<p><span style=\"color: #008080\"><em>N\u2019otru puntu mui distintu del espectru tenemos\u00a0<strong>Subpayaria<\/strong>, comedia d\u2019enriedos cola que Xandru Martino Ruz algamaba\u2019l Premiu Pach\u00edn de Mel\u00e1s 2024 nun exerciciu maxistral de cr\u00edtica social pa col grandonismu asturianu.<\/em><\/span><\/p>\n<h3><span style=\"color: #008080\"><em>Poes\u00eda<\/em><\/span><\/h3>\n<p><span style=\"color: #008080\"><em>La poes\u00eda ye mui posiblemente\u2019l x\u00e9neru lliterariu por escelencia dientro de les lletres asturianes, cuando menos si atendemos pal volume de producci\u00f3n. De la collecha de 2025 quiximos destacar una escoyeta d\u2019obres variaes (que bien podr\u00eden ser otres) pa ufrir una visi\u00f3n amplia de lo que ye la poes\u00eda contempor\u00e1nea asturiana.<\/em><\/span><\/p>\n<p><span style=\"color: #008080\"><em>El corveranu Berto Garc\u00eda firm\u00f3\u00a0<strong>Xera<\/strong>, una antolox\u00eda po\u00e9tica na que l\u2019autor fai una escoyeta de pieces publicaes mientres tola so carrera lliteraria que da cuenta de la so evoluci\u00f3n formal y tem\u00e1tica. Otru autor prol\u00edficu ye Alfredo Garay, qu\u2019esti a\u00f1u publicaba per part\u00eda doble con\u00a0<strong>Rumbu<\/strong>\u00a0(Premiu Teodoro Cuesta 2024) y\u00a0<strong>Ell\u00ed au s\u2019acaba la mar<\/strong>, obres \u00edntimes que traten de la mar y la xente marinero, del dolor, de l\u2019ausencia y del pasu del tiempu. Siguiendo con autores que viven un momentu de producci\u00f3n envidiable, Miguel Rodr\u00edguez Monteavaro publicaba tami\u00e9n\u00a0<strong>Al disparar nunca parte<\/strong>\u00a0(Premiu Xuan Mar\u00eda Acebal 2024), una obra ambiciosa ya innovadora na que\u2019l yo po\u00e9ticu carez de \u00abcalambres calambres\u00bb por tol pesu esistencial d\u2019una vida de perda y alcuentru.\u00a0<strong>Los f\u00edos de Bauman<\/strong>\u00a0(Premiu Fern\u00e1n Coronas 2022) ye\u2019l primer poemariu de Gonzalo Llamedo Pandiella, una obra na que la modernid\u00e1 ll\u00edquida del soci\u00f3logu Zygmunt Bauman ye l\u2019exe conceptual sobro\u2019l que se desenvuelve la mirada po\u00e9tica. Otru autor que s\u2019estren\u00f3 esti 2025 foi Diego Garc\u00eda Riesgo cola obra\u00a0<strong>Llaur\u00e9u y bit\u00e1cora,<\/strong>\u00a0una actualizaci\u00f3n del viaxe del h\u00e9roe que tresllada esi viaxe al interior del propiu suxetu.\u00a0<strong>Estaxos<\/strong>\u00a0(Premiu R\u00eda del Eo de poes\u00eda) ye una obra de Carmen Si\u00f1eriz Rico na que\u2019l conten\u00edu po\u00e9ticu organizase n\u2019estayes, al mou de la tierra llabrada, pal esfrute gradual d\u2019una llectura atenta. Xaime Mart\u00ednez volvi\u00f3 tami\u00e9n a la poes\u00eda esti a\u00f1u con\u00a0<strong>P\u00e1bilun<\/strong>, una obra en tres actos que xuega con iconos, llinguaxe ya s\u00edmbolos varios pa ufrir una visi\u00f3n suxerente y renovada de la identid\u00e1 asturiana. La \u00faltima obra que vamos destacar nesta secci\u00f3n de poes\u00eda ye\u00a0<strong>Lo verdadero,\u00a0<\/strong>lo nuevo de Lourdes \u00c1lvarez que vuelve la so mirada m\u00e1s \u00edntima a dalgunos de los temes centrales de la so obra, temes como la infancia, la soled\u00e1 y el silenciu.<\/em><\/span><\/p>\n<h3><span style=\"color: #008080\"><em>Narrativa<\/em><\/span><\/h3>\n<p><span style=\"color: #008080\"><em>Si hai otru x\u00e9neru que gocia de bona sal\u00fa nes nueses lletres am\u00e1s de la poes\u00eda, \u00e9si ye la narrativa. La collecha narrativa de 2025 da cuenta de la cantid\u00e1 y calid\u00e1 d\u2019autores n\u2019activu qu\u2019esfrutamos y quiximos destacar 5 propuestes bien variaes:<\/em><\/span><\/p>\n<p><span style=\"color: #008080\"><em><strong>Pel norte n\u2019El Cantu Llunada<\/strong>\u00a0ye la primer novela de Marina Pangua y la ganadora del I Premiu Muyer de Narraciones Trabe, una obra coral de llinguaxe apeg\u00e1u a la oralid\u00e1 pero con una profundid\u00e1 y una estructura qu\u2019esixen una llectura posada, un duviellu de varies hestories que van desenvolvi\u00e9ndose y entrellaz\u00e1ndose pa texer un tapiz humanu de formes universales pero pint\u00e1u de colores mui nuesos. D\u2019otra banda,\u00a0<strong>D\u00edpteros<\/strong>\u00a0de Sidoro Villa Costales ye lliteratura negra escrita cola maestr\u00eda habitual d\u2019un autor que retoma equ\u00ed al personaxe de Corripio, un teniente de la Guardia Civil qu\u2019investiga nesta entrega l\u2019asesinatu d\u2019una familia alemana que viaxaba n\u2019autocaravana mientres el tiempu de la pandemia.\u00a0<strong>Xibl\u00f3n. Menudu putiferiu<\/strong>, de Mar\u00eda Esther Garc\u00eda L\u00f3pez, garra los t\u00f3picos de pueblu pa da-yos una vuelta (y media) de tuerca, construyendo una novela coral y complexa, dura pero con retranca, como la vida de pueblu.\u00a0<strong>La cuna vac\u00eda<\/strong>\u00a0ye la nueva obra d\u2019Ana Pereira, na que l\u2019autora xuega coles inseguridaes propies de l\u2019artista pa construyir una novela con tintes demon\u00edacos. Siguiendo na llinia de ficci\u00f3n especulativa de tintes g\u00f3ticos y sobrenaturales, lo nuevo d\u2019Adri\u00e1n Carbayales retoma\u2019l filu qu\u2019abriere al enfrentar a Ana Ozores con Dr\u00e1cula nesta esperada secuela titulada\u00a0<strong>La Rexenta contra Frankenstein.<\/strong><\/em><\/span><\/p>\n<h3><span style=\"color: #008080\"><em>Traducci\u00f3n<\/em><\/span><\/h3>\n<p><span style=\"color: #008080\"><em>Si falamos de traducci\u00f3n nun podemos dexar d\u2019incluyir a la colecci\u00f3n Calume d\u2019Ediciones Trabe, curiada pol editor Rafa Vald\u00e9s y qu\u2019esti a\u00f1u sigui\u00f3 col llabor de trayer al asturianu obres de la lliteratura universal. Del so cat\u00e1logu queremos destacar la novela\u00a0<strong>Eva<\/strong>\u00a0d\u2019Ersi Sotiropoulos (traducci\u00f3n de Dani Men\u00e9ndez), una nueche d\u2019insomniu que ye una radiograf\u00eda de l\u2019Atenes marxinal vista al travi\u00e9s de los g\u00fceyos de la protagonista. D\u2019otra banda, queremos tami\u00e9n facer menci\u00f3n a la reedici\u00f3n de les\u00a0<strong>Aventures d\u2019Alicia nel pa\u00eds de les marav\u00edes<\/strong>, el cl\u00e1sicu inagotable de Lewis Carroll traduc\u00edu por Xilberto Llano. Y pa poner el ramu a esta estaya de traducciones, nun \u00e1mbitu y formatu bien distintos tami\u00e9n destaca l\u2019antolox\u00eda po\u00e9tica billing\u00fce asturianu-portugu\u00e9s\u00a0<strong>Para al\u00e9m dos glaciares e do cemit\u00e9rio de s\u00f3is<\/strong>, una obra qu\u2019incl\u00fai pieces de 22 autores contempor\u00e1neos, dende figures del surdimientu como \u00c1ngeles Carbajal o Marta Mori hasta xente mozo como Patricia Su\u00e1rez o Mar\u00eda Garc\u00eda D\u00edaz.<\/em><\/span><\/p>\n<p>&nbsp;<\/p>\n<h3><span style=\"color: #008080\"><em>Ensayu y investigaci\u00f3n<\/em><\/span><\/h3>\n<p><span style=\"color: #008080\"><em>En 2024 el Premiu M\u00e1ximo Fuertes Acevedo que convoca la Conseyer\u00eda qued\u00f3 ermu, lo que paic\u00eda indicar un mal a\u00f1u pa la lliteratura ensay\u00edstica. Sicas\u00ed, anque los concursos son un term\u00f3metru, nunca puen ser l\u2019\u00fanicu medidor de la sal\u00fa creativa d\u2019un idioma o d\u2019un sistema lliterariu. Con too, pue dicise que la collecha de 2025 dexa un bon a\u00f1u pa la lliteratura d\u2019investigaci\u00f3n y ensayu, que sigue mui centrada na cultura asturiana y particularmente, nel idioma. Ente les obres que pueden llevar esta etiqueta vamos a destacar delles que nun respuenden a un criteriu \u00fanicu de clasificaci\u00f3n, incluyendo poes\u00eda y hasta una antolox\u00eda sobre\u2019l diablu, pero que consideramos tienen un valir etnogr\u00e1ficu o sociol\u00f3xicu que trescala la divisi\u00f3n cl\u00e1sica de x\u00e9neros lliterarios.<\/em><\/span><\/p>\n<p><span style=\"color: #008080\"><em><strong>Gram\u00e1tica d\u2019asturianu. Gu\u00eda de consulta r\u00e1pida<\/strong>, la reedici\u00f3n del manual imprescindible d\u2019Esther Prieto pa una aproximaci\u00f3n resumida y rigurosa a la gram\u00e1tica asturiana.\u00a0<strong>Xeograf\u00eda lling\u00fc\u00edstica del verbu asturianu<\/strong>, un estudiu nel que Ram\u00f3n d\u2019Andr\u00e9s analiza les variantes morfol\u00f3xiques de los verbos nes distintes zones del territoriu.\u00a0<strong>Los cuartos propios de la lliteratura asturiana<\/strong>, un ensayu nel qu\u2019Inaciu Gal\u00e1n afonda na historia de la lliteratura n\u2019asturianu fecha por muyeres y que foi merecedor del I Premiu Yolanda Huergo pa trabayos d\u2019investigaci\u00f3n n\u2019asturianu.\u00a0<strong>Estudios (III)<\/strong>, tercer volume del proyectu que firma Xuan Xos\u00e9 S\u00e1nchez Vicente y nel que vuelve a ufrir estudios y art\u00edculos nos que trata temes venceyaos con Asturies, centr\u00e1ndose nos exes de la pol\u00edtica, la identid\u00e1, la sociolox\u00eda y la lliteratura.\u00a0<strong>Na superficie<\/strong>\u00a0de Beatriz R. Viado ye quici\u00e1s la propuesta m\u00e1s orixinal dientro d\u2019esta esbilla de pensamientu, una obra na que l\u2019autora atropa art\u00edculos d\u2019opini\u00f3n con una escritura apegada al presente y al rexistru oral, ensayu escritu en femen\u00edn, pero que nun arrenuncia por ello a la vocaci\u00f3n d\u2019universalid\u00e1.<\/em><\/span><\/p>\n<p>&nbsp;<\/p>\n<p><span style=\"color: #008080\"><em>Merecen menci\u00f3n especial tres obres publicaes pola Academia de la Llingua Asturiana (ALLA): la reedici\u00f3n de la\u00a0<strong>Historia de la Lliteratura asturiana (Tomu I)<\/strong>, ampliada y revisada con puntos de vista actualizaos a les investigaciones desendolcaes mientres esti primer cuartu del sieglu XXI.\u00a0<strong>Escritos asturianos en M\u00e9xicu (vol\u00famenes I y II)<\/strong>, obra que vien a ampliar la colecci\u00f3n \u00abCartafueyos de lliteratura escaecida\u00bb ufriendo una mirada ultramarina de l\u2019Asturies de finales del XIX y entamos del XX. La traducci\u00f3n al asturianu de los\u00a0<strong>Cantares d\u2019amor y de guerra<\/strong>\u00a0de Gaspar Garc\u00eda Llaviana, de la qu\u2019enc\u00e1rgase Lourdes \u00c1lvarez y qu\u2019incluyimos nesta secci\u00f3n por tratase d\u2019un aut\u00e9nticu documentu hist\u00f3ricu, carg\u00e1u d\u2019ideolox\u00eda que tresciende la poes\u00eda pa llegar al campu de la \u00e9tica y la lliteratura revolucionaria.<\/em><\/span><\/p>\n<p><span style=\"color: #008080\"><em>*Bola estra. La \u00faltima propuesta d\u2019esta estaya ye\u00a0<strong>Nun vaya ser el demoniu,<\/strong>\u00a0una obra heterox\u00e9nea en formatu pero d\u2019una homoxeneid\u00e1 tem\u00e1tica que y\u00e1 avanza\u2019l t\u00edtulu: tr\u00e1tase d\u2019una antolox\u00eda de testos sobre\u2019l diablu n\u2019Asturies que bebe de fontes tradicionales y compl\u00e9tase con creaciones contempor\u00e1nees al cargu d\u2019autores relevantes de les lletres asturianes. Un dispositivu lliterariu qu\u2019atropa pieces lliteraries d\u2019autores cl\u00e1sicos y contempor\u00e1neos, hestories populares, estractos de documentos y discursos de figures hist\u00f3riques sobre\u2019l tema com\u00fan: el dia\u00f1u, el diablu, el demoniu; el que tien munchos nomes.<\/em><\/span><\/p>\n<h2><span style=\"color: #008080\"><em>Consideraciones<\/em><\/span><\/h2>\n<p><span style=\"color: #008080\"><em>Nun esperamos que toles llectores tean d\u2019alcuerdu coles valoraciones qu\u2019equ\u00ed s\u2019emiten: eh\u00ed ta la bayura, na disparid\u00e1 d\u2019opiniones. Sicas\u00ed, podemos afirmar qu\u2019ente les obres propuestes hai aut\u00e9ntiques xoyes pa tolos p\u00fablicos y gustos, llibros que faen llectores, qu\u2019enganchen y que marquen vides. La collecha lliteraria de 2025 traxo obres que van quedar nel imaxinariu colectivu de xeneraciones de llectores.<\/em><\/span><\/p>\n<p><span style=\"color: #008080\"><em>Y qu\u00e9 sedr\u00eda de la lliteratura ensin editoriales\u2026 La m\u00e1s activa volvi\u00f3 a ser\u00a0<a style=\"color: #008080\" href=\"https:\/\/www.trabe.org\/es\/ediciones-trabe\/\">Trabe<\/a>, siguida por otres como\u00a0<a style=\"color: #008080\" href=\"https:\/\/improntaeditorial.com\/\">Impronta<\/a>, el sellu de l\u2019<a style=\"color: #008080\" href=\"https:\/\/alladixital.org\/catalogu\/\">Academia de la Llingua Asturiana<\/a>,\u00a0<a style=\"color: #008080\" href=\"https:\/\/edicionesradagast.com\/ast\/\">Radagast<\/a>,\u00a0<a style=\"color: #008080\" href=\"https:\/\/www.pintar-pintar.com\/?srsltid=AfmBOopeOoQItZjZ5nC1sACBbYmyivD_rdOiXoLYe_MF96aGd0pHgqsj\">Pintar-Pintar<\/a>, Cuatro Gotes Ediciones,\u00a0<a style=\"color: #008080\" href=\"https:\/\/orpheus.es\/\">Orpheus Ediciones Clandestinas<\/a>,\u00a0<a style=\"color: #008080\" href=\"https:\/\/ciervayculiebra.com\/\">Cierva y culiebra<\/a>\u00a0o\u00a0<a style=\"color: #008080\" href=\"https:\/\/ultramarinoseditorial.com\/\">Ultramarinos<\/a>; y esti a\u00f1u estren\u00f3se na nuesa llingua la portuguesa\u00a0<a style=\"color: #008080\" href=\"https:\/\/officiumlectionis.pt\/\">Officium Lectionis.<\/a><\/em><\/span><\/p>\n<p><span style=\"color: #008080\"><em>Y por supuestu, qu\u00e9 sedr\u00eda de la lliteratura ensin llectores\u2026 Dende Formientu queremos agradecer y saludar a toles persones que fac\u00e9is de la lliteratura asturiana un ecosistema vivu y din\u00e1micu con una producci\u00f3n lliteraria que nun tien nada qu\u2019envidiar a la de cualquier otru idioma. Porque nesti primer cuartu de sieglu siguimos bebiendo d\u2019otres fontes pero tami\u00e9n fuimos poniendo los pegoyos pa, nos pr\u00f3ximos a\u00f1os, espardenos ent\u00e1 m\u00e1s a otros espacios, otros territorios, otres lling\u00fces, otres cultures.<\/em><\/span><\/p>\n<p><span style=\"color: #008080\"><em>Porque\u2019l futuru d\u2019Asturies escr\u00edbese y va es n\u2019asturianu.<\/em><\/span><\/p>\n<p><span style=\"color: #008080\"><em>Sal\u00fa, bon a\u00f1u ya oficialid\u00e1.<\/em><\/span><\/p>\n<p style=\"text-align: center\">\n","protected":false},"excerpt":{"rendered":"<p>Formientu \/ imaxe En Formientu quiximos facer una escoyeta de 30 (+1) obres publicaes mientres el pas\u00e1u 2025: una amuesa de la bayura y diversid\u00e1 lliteraria de les lletres asturianes. Hai una selmana despid\u00edamos al 2025 y salud\u00e1bemos al 2026. Como ye costume, toca echar la vista p\u2019atr\u00e1s y, ente los nuevos prop\u00f3sitos pal futuru, [&hellip;]<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[9,10],"tags":[],"class_list":["post-65487","post","type-post","status-publish","format-standard","hentry","category-libros-adultos","category-llibros-reciella"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/65487","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=65487"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/posts\/65487\/revisions"}],"predecessor-version":[{"id":65490,"href":"https:\/\/edublog.educastur.es\/ixuxu\/wp-json\/wp\/v2\/posts\/65487\/revisions\/65490"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=65487"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=65487"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=65487"}],"curies":[{"name":"wp","href":"https:\/\/api.w.org\/{rel}","templated":true}]}}