{"id":65923,"date":"2026-01-13T21:24:45","date_gmt":"2026-01-13T19:24:45","guid":{"rendered":"https:\/\/edublog.educastur.es\/ixuxu\/?p=65923"},"modified":"2026-01-15T12:51:46","modified_gmt":"2026-01-15T10:51:46","slug":"agresiones-a-los-mayestros-nes-aules","status":"publish","type":"post","link":"https:\/\/edublog.educastur.es\/ixuxu\/2026\/01\/agresiones-a-los-mayestros-nes-aules\/","title":{"rendered":"Clima de conflictivid\u00e1 nes aules"},"content":{"rendered":"

El duru relatu personal d’una profesora asturiana que sufri\u00f3 agresiones na aula: \u00abLlegues a tener mieu de correxir o mandar xeres\u00bb. Seg\u00fan un informe sindical, casi’l 80% de los docentes asturianos reconoz vivir un clima conflictivu en clase y el 75,23% repara conductes agresives tami\u00e9n nes families. LNE<\/a><\/p>\n

<\/a><\/p>\n

Diez de la ma\u00f1ana na aula de sestu de Primaria d’un colexu asturianu. La so tutora, Carmen Garc\u00eda (nome ficticiu de quien cunta una hestoria real), anuncia un exame. Ye ent\u00f3s cuando xuno de los sos alumnos empieza a faltala. \u00abDar dalguna orde dientro de la rutina diaria del colexu conviertese n’una odisea\u00bb, recuerda la profesora. Tolo que nun fora del presto del alumnu terminaba con dalg\u00fan tipu d’agresi\u00f3n verbal: \u00abLlegabes a tener mieu al correxi-y actit\u00faes o manda-y faer xeres\u00bb.<\/p>\n

El de Garc\u00eda nun ye un casu aisll\u00e1u. Seg\u00fan un informe de la confederaci\u00f3n de sindicatos d’ense\u00f1anza STEs (na que s’engloba l’asturianu SUATEA), el 79,13% de los profesores asturianos reconocen vivir so un clima de conflictivid\u00e1 nes sos aules.<\/strong> \u00abYo vi c\u00f3mo esti alumnu pegaba a otru profesor, y nun sabes c\u00f3mo intervenir\u00bb, esplica Garc\u00eda. \u00abYera un ne\u00f1u de 11 a\u00f1os, con fuerza ya incapaz de xestionar la frustraci\u00f3n\u00bb, rellata. Los datos, amparaos pol estudiu, amuesen un panorama que va n’aumentu: casi ocho de #cada diez docentes manifiesten enfrentase cada vez a m\u00e1s agresiones f\u00edsiques y verbales nel Princip\u00e1u, seg\u00fan el mesmu estudiu.<\/p>\n

\u00abLo qu’atopamos en clase son bastantes alumnos con trestornos graves de conducta; tr\u00e1tase de ne\u00f1os bien dif\u00edciles de controlar, xeneralmente con muncha agresivid\u00e1\u00bb, esplica esta docente asturiana, que reconoz sentise \u00absola\u00bb ante esta situaci\u00f3n: \u00abNun tenemos el respaldu de la Conseyer\u00eda\u00bb. Tampoco’l de munches families.<\/p>\n

M\u00e1s datos del estudiu de STEs: el 75,23% de los profesores asturianos ve eses conductes agresives tami\u00e9n nes families.<\/strong> \u00abCuando empieces a esquizar un poco ves qu’estos ne\u00f1os, como col que yo tuvi’l conflictu, vienen de families problem\u00e1tiques\u00bb, esplica la docente, que reconoz que son \u00absituaciones dif\u00edciles\u00bb pero que \u00aben neng\u00fan casu tienen de pagalo los profesores\u00bb.<\/p>\n

L’estudiu de STEs va m\u00e1s all\u00e1. Analiza les causes del malestar docente na ense\u00f1anza p\u00fablica non universitaria\u00bb con 13.213 docentes entrevistaos en tol pa\u00eds, de los que solo’l 57,49% califica’l so trabayu como \u00abdignu y fayadizu\u00bb una falta de motivaci\u00f3n derivada de les situaciones viv\u00edes na aula.<\/strong> \u00abMunchos compa\u00f1eros opten por coyer una baxa llaboral por ansied\u00e1; y cuando vas a la so aula a cubriles, entiendes munches coses, hai ambientes bien complicaos\u00bb, comenta Carmen Garc\u00eda. En cuanto al salariu, l’informe revela qu’el 88,13% de los profesores consid\u00e9rase desaparente.<\/p>\n

Por comunidaes<\/p>\n

Magar tener unos porcentaxes de conductes agresives bien elevaos, seg\u00fan l’informe, Asturies nun ye de les rexones peor paraes. Encabeza esta visi\u00f3n na medr\u00eda d’agresiones per parte del alumn\u00e1u Navarra (95,65%), sigui Ceuta (92,59%) y Estremadura (90,48%). A lo cabero tar\u00eden Cantabria (73%), Galicia (73,77%) y Asturies, onde’l 77,06% de los profesores manifiestes esta situaci\u00f3n.<\/strong><\/p>\n

En cuanto al ambiente conflictivo nes aules, les comunidaes nes que los docentes ven peor clima son Estremadura (90,48%), Catalu\u00f1a (87,50%) y Ceuta (87,04%). M\u00e1s discretu ye tami\u00e9n el porcentaxe de profesionales asturianos que piensa que t\u00e1n aumentando les agresiones per parte de familiares: 75,23%, frente al 95% del Pa\u00eds Vascu o’l 80% d’Andaluc\u00eda. Ent\u00e1 asina, tr\u00e1tase ensin dulda d’una cifra elevada.<\/p>\n

El Comercio<\/strong><\/a> \/\u00a0Ocho de cada diez profesores denuncien un aumentu d’agresiones per parte de los alumnos.<\/strong> Sollerten d’una clara meyora de la conflictivid\u00e1 nes aules p\u00fabliques y d’actit\u00faes contraries y falta de respetu per parte de les families.<\/p>\n

\n\n