{"id":66244,"date":"2026-01-18T19:23:20","date_gmt":"2026-01-18T17:23:20","guid":{"rendered":"https:\/\/edublog.educastur.es\/ixuxu\/?p=66244"},"modified":"2026-01-18T21:21:46","modified_gmt":"2026-01-18T19:21:46","slug":"los-tyrannosaurus-rex-vivieron-mas-de-lo-que-se-pensaba","status":"publish","type":"post","link":"https:\/\/edublog.educastur.es\/ixuxu\/2026\/01\/los-tyrannosaurus-rex-vivieron-mas-de-lo-que-se-pensaba\/","title":{"rendered":"Los Tyrannosaurus rex vivieron m\u00e1s de lo que se pensaba"},"content":{"rendered":"

Clarin.com<\/a>\u00a0 \/ Nuevos estudios demuestren que los Tyrannosaurus rex, \u00abel rei de los dinosaurios\u201d, vivieron m\u00e1s de lo que se pensaba<\/strong>. Los xigantes carn\u00edvoros pod\u00eden pesar hasta ocho tonelaes y cre\u00edase qu’algamaben la ed\u00e1 adulta a los 25 a\u00f1os. Tr\u00e9s cient\u00edficos de la Universid\u00e1 Estatal d’Oklahoma compartieron afayos qu’indiquen qu’en realid\u00e1 tardaben hasta 40 a\u00f1os en completar el so desenvolvimientu.<\/strong><\/p>\n

<\/a><\/p>\n

<\/p>\n

Dende va d\u00e9cades los paleont\u00f3logos intenten reconstruyir la vida del Tyrannosaurus rex, consider\u00e1u \u00abel rei de los dinosaurios\u00bb pol so pimpanu tama\u00f1u y capacid\u00e1 depredadora, por aciu l’estudiu de los an\u00edos de crecedera nos sos g\u00fcesos -que son similares a los de los \u00e1rboles-, y hasta agora cre\u00edase qu’estos xigantes carn\u00edvoros algamaben el so tama\u00f1u adultu alredor de los 25 a\u00f1os.<\/strong><\/p>\n

Pero un nuevu y ampliu estudiu<\/strong>, public\u00e1u na revista acad\u00e9mica PeerJ, suxure qu’el T. rex crec\u00eda en realid\u00e1 d’una forma m\u00e1s lenta y constante hasta algamar un pesu m\u00e1ximu d’ocho tonelaes, midir hasta 13 metros de llargu y 4 metros d’altor.<\/strong><\/p>\n

 <\/p>\n

La investigaci\u00f3n foi liderada por Holly Woodward, profesora d’Anatom\u00eda y Paleontolox\u00eda de la Universid\u00e1 Estatal d’Oklahoma, quien analiz\u00f3 17 espec\u00edmenes d’esta especie de dinosauriu, dende xuveniles tempranos hasta adultos de gran tama\u00f1u.<\/p>\n

<\/a><\/p>\n

Los restos del Tyrannosaurus rex m\u00e1s grande del mundu fueron presentaos<\/em>
\n en Canad\u00e1 en 2019. (Semeya: Amanda Kelley\/Universid\u00e1 d’Alberta)<\/em><\/p>\n

\u00abEste ye’l conxuntu de datos m\u00e1s grande enxam\u00e1s arrexunt\u00e1u sobro’l Tyrannosaurus rex\u00bb, asegur\u00f3 Woodward, convencida de que l’enfoque qu’utilizaron va dexar reconstruyir la hestoria d’una forma in\u00e9dita.<\/p>\n

Por aciu cortes de g\u00fcesu esaminaos so lluz especial y algoritmos estad\u00edsticos avanzaos, l’equipu llogr\u00f3 identificar an\u00edos de crecedera ocultos que nun fueren contabilizaos n’estudios anteriores.<\/p>\n

L’anal\u00eds revel\u00f3 qu’en llugar d’algamar l’adultez r\u00e1pido, como se pensaba, esta especie crec\u00eda de manera lenta y constante.<\/strong> El coautor del estudiu, Jack Horner, de la Universid\u00e1 Chapman en California, argument\u00f3: \u00abUna fase de crecedera de cuatro d\u00e9cades puede dexar a los tiranosaurios m\u00e1s nuevos cumplir una varied\u00e1 de roles ecol\u00f3xicos dientro de les sos redolaes\u00bb.<\/p>\n

<\/a><\/p>\n

Los an\u00edos de crecedera del Tyrannosaurus rex y la nueva estimaci\u00f3n del so ciclu de vida.<\/em>
\n (Semeya: Holly Woodward)<\/em><\/p>\n

Horner suxuri\u00f3 qu’esti lentu cam\u00edn escontra’l maduror probablemente dex\u00f3 a los T. Rex m\u00e1s nuevos cazar preses m\u00e1s pequenes<\/strong>. Esa diferencia podr\u00eda esplicar el so \u00e9situ como depredadores a la fin del Cret\u00e1cicu, el tercer y \u00faltimu per\u00edodu de la Era Mesozoica, que s’estiende dende fai unos 145 millones d’a\u00f1os hasta fai 66 millones d’a\u00f1os.<\/p>\n

Les resultancies que llograron indiquen qu’en realid\u00e1 tardaben hasta 40 a\u00f1os en completar el so desenvolvimientu<\/strong>, lo qu’estender\u00eda unos 15 a\u00f1os la fase de crecedera que s’envaloraba hasta agora.<\/p>\n

El ciclu de vida de los dinosaurios: los datos in\u00e9ditos del Tyrannosaurus rex.<\/strong> La investigaci\u00f3n tami\u00e9n ufierta nueves perspectives sobro la variabilid\u00e1 de tama\u00f1u ente los espec\u00edmenes y plantega la posibilid\u00e1 de que dellos exemplares primeramente clasificaos como Tyrannosaurus rex pertenezan en realid\u00e1 a otres especies o subespecies, como’l Nanotyrannus.<\/p>\n

Los g\u00fcesos proven\u00eden d’amueses de tiranosauriu recoy\u00edes de museos de Montana y Dakota del Norte, incluyendo a dellos dinosaurios conoc\u00edos a nivel mundial, como los moteyaos \u00abJane\u00bb y \u00abPetey\u00bb, qu’amosaben patrones de crecedera inusuales.<\/p>\n

<\/a><\/p>\n

Un visitante repara la cadarma d’un Tyrannosaurus Rex <\/em>
\nnuna amuesa en Singapur. (Semeya: EFE)<\/em><\/p>\n

Les sos curves de crecedera resultaron estad\u00edsticamente distintes de les d’otros individuos, y anque los rexistros \u00f3sevos nun dexen afirmar con certidume si pertenecen a otra especie, la evidencia plantega esta posibilid\u00e1.<\/p>\n

Nathan Myhrvold, matem\u00e1ticu del Centru de Ciencies de la Sal\u00fa de la Universid\u00e1 Estatal d’Oklahoma, coincidi\u00f3 colos afayos: \u00abInterpretar m\u00faltiples marques de crecedera bien pr\u00f3ximes ente s\u00ed ye complic\u00e1u\u00bb.<\/p>\n

\u00abHai evidencia s\u00f3lida de que los protocolos que s’utilicen davezu nos estudios de crecedera precisen ser revisaos\u00bb, proxect\u00f3 Myhrvold.<\/p>\n

Esti tipu d’anal\u00eds sorraya c\u00f3mo la combinaci\u00f3n de t\u00e9cniques de muestreo ampliaes, estad\u00edstiques innovadores y lluz polarizada puede ayudar a detectar un nuevu tipu d’an\u00edu de crecedera. Si l’amuesa ampliada n’otros espec\u00edmenes revela les mesmes resultancies, implicar\u00eda la necesid\u00e1 de reevaluar la hestoria de crecedera d’otros dinosaurios, m\u00e1s all\u00e1 del Tyrannosaurus rex.<\/p>\n

<\/a><\/p>\n

El craniu d’un Tyrannosaurus rex mozu, espuestu nel Mus\u00e9u de les Predreses <\/em>
\nen Bozeman, Mont. Semeya: Millard H. Sharp\/Science Source<\/em><\/p>\n

Los an\u00edos de crecedera de los g\u00fcesos de dinosauriu son bien dif\u00edciles o imposibles de ver cola lluz d’un microscopiu normal, pero colos filtros especiales crearon colores brillosos y contrastes n\u00edtidos que revelaron cada an\u00edu con estelantes detalles.<\/p>\n

Al cuntar cada marca nos f\u00f3siles, incluy\u00edes les ll\u00ednees desaxeradamente cercanes que se cree que fueron causaes pol estr\u00e9s, l’equipu d’espertos construy\u00f3 cuatro m\u00e9todos de conteo distintos y utiliz\u00f3 modelos d’ordenador pa probar cu\u00e1l daba la imaxe m\u00e1s consistente del ciclu de vida de los dinosaurios.<\/p>\n

El m\u00e9todu m\u00e1s confiable amos\u00f3 qu’el T. rex tardaba ente 35 y 40 a\u00f1os n’algamar el so tama\u00f1u m\u00e1ximu<\/strong>, en llugar de maurecer a los 20 a\u00f1os. Los cient\u00edficos creen que mientres el so per\u00edodu de crecedera m\u00e1s r\u00e1pida, ente los 14 y los 29 a\u00f1os, estos depredadores pod\u00eden aumentar ente 360 y 550 quilos per a\u00f1u.<\/p>\n

Seg\u00fan un anal\u00eds anterior public\u00e1u por Science, enval\u00f3rase que 2.500 millones d’esta especie de dinosaurios ter\u00f3podos carn\u00edvoros vivieron na Tierra fai 66 millones d’a\u00f1os.<\/strong><\/p>\n

Dempu\u00e9s de m\u00e1s d’un sieglu d’investigaciones, el Tyrannosaurus rex sigui sosprendiendo a los cient\u00edficos.<\/strong> Esti nuevu estudiu podr\u00eda ufiertar per primer vegada una imaxe completa de la vida d’aquellos xigantes qu’inspiraron la esitosa saga de pel\u00edcules de Jurassic Park: dende los xuveniles que crec\u00eden amodo hasta los xigantes d’ocho tonelaes qu’apoderaron los ecosistemes del Cret\u00e1cicu tard\u00edu.<\/p>\n

 <\/p>\n","protected":false},"excerpt":{"rendered":"

Clarin.com\u00a0 \/ Nuevos estudios demuestren que los Tyrannosaurus rex, \u00abel rei de los dinosaurios\u201d, vivieron m\u00e1s de lo que se pensaba. Los xigantes carn\u00edvoros pod\u00eden pesar hasta ocho tonelaes y cre\u00edase qu’algamaben la ed\u00e1 adulta a los 25 a\u00f1os. Tr\u00e9s cient\u00edficos de la Universid\u00e1 Estatal d’Oklahoma compartieron afayos qu’indiquen qu’en realid\u00e1 tardaben hasta 40 a\u00f1os […]<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[259],"tags":[],"class_list":["post-66244","post","type-post","status-publish","format-standard","hentry","category-dinosaurios"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/66244","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=66244"}],"version-history":[{"count":4,"href":"https:\/\/edublog.educastur.es\/ixuxu\/wp-json\/wp\/v2\/posts\/66244\/revisions"}],"predecessor-version":[{"id":66258,"href":"https:\/\/edublog.educastur.es\/ixuxu\/wp-json\/wp\/v2\/posts\/66244\/revisions\/66258"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=66244"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=66244"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=66244"}],"curies":[{"name":"wp","href":"https:\/\/api.w.org\/{rel}","templated":true}]}}