{"id":67019,"date":"2026-01-29T20:22:22","date_gmt":"2026-01-29T18:22:22","guid":{"rendered":"https:\/\/edublog.educastur.es\/ixuxu\/?p=67019"},"modified":"2026-01-29T20:22:22","modified_gmt":"2026-01-29T18:22:22","slug":"les-algues-coloraes-y-la-nieve-rosa-aceleren-el-destemple-de-lantartida","status":"publish","type":"post","link":"https:\/\/edublog.educastur.es\/ixuxu\/2026\/01\/les-algues-coloraes-y-la-nieve-rosa-aceleren-el-destemple-de-lantartida\/","title":{"rendered":"Les algues coloraes y la nieve rosa\u2019 aceleren el destemple de l’Ant\u00e1rtida"},"content":{"rendered":"

OK Diario<\/a> \/ Investigadores espa\u00f1oles afayen que les algues coloraes y la nieve rosa aceleren el destemple de l’Ant\u00e1rtida.<\/p>\n

<\/a><\/p>\n

Cada branu austral, amplies zones del xelu de l’Ant\u00e1rtida adquieren tonalidaes rosaes y acolorataes que ruempen cola uniformid\u00e1 del paisaxe. Paez un fen\u00f3menu visual llamativu, pero ye un indicador esmolecedor del impactu del camb\u00e9u clim\u00e1ticu. Investigadores espa\u00f1oles llograron demostrar qu’esta nieve rosa\u2019, provocada por algues microsc\u00f3piques, act\u00faa como un factor qu’acelera’l destemple del continente.<\/strong><\/p>\n

<\/p>\n

Un estudiu lider\u00e1u pol Institutu de Ciencies Marines d’Andaluc\u00eda (ICMAN-CSIC), en collaboraci\u00f3n cola Universid\u00e1 de C\u00e1diz y l’Universid\u00e1 del Pa\u00eds Vascu, dex\u00f3 midir per primer vegada la estensi\u00f3n real de les algues coloraes na Ant\u00e1rtida.<\/p>\n

La investigaci\u00f3n, publicada na revista Communications Earth & Environment, revela qu’estos floriamientos biol\u00f3xicos ocupen una superficie bien cimera a la envalorada hasta agora.<\/strong><\/p>\n

El trabayu centr\u00f3se nes isles Shetland del Sur, un archipi\u00e9lagu asiti\u00e1u a unos 120 kil\u00f3metros del continente ant\u00e1rticu y onde s’atopen les bases espa\u00f1oles Gabriel de Castiella y Juan Carlos I.<\/p>\n

Los datos amuesen que les algues colonicen ente’l 3% y el 12% de la superficie de cada isla mientres los meses branizos, algamando una estensi\u00f3n m\u00e1xima de 176 kil\u00f3metros cuadraos. Esta presencia det\u00e9ctase tantu en glaciares como en casquetes polares y zones costeres nevaes.<\/p>\n

C\u00f3mo les algues coloraes aceleren el destemple de l’Ant\u00e1rtida y amenorguen l’albedo. Les algues contienen pigmentos qu’escurecen la superficie del xelu, amenorgando la so capacid\u00e1 pa reflexar la radiaci\u00f3n solar, un par\u00e1metru conoc\u00edu como albedo<\/strong>. Cuando la nieve pierde la so blancura, absuerbe m\u00e1s enerx\u00eda solar y aumenta la so temperatura.<\/p>\n

Seg\u00fan esplica Alejandro Rom\u00e1n, investigador del CSIC y autor principal del estudiu, esti amenorgamientu del albedo puede algamar hasta un 20%. De resultes, la nieve f\u00fandese con mayor rapidez.<\/strong><\/p>\n

El problema agr\u00e1vase porque l’agua xenerada pol destemple crea una redolada favorable por que les algues sigan abondando, estableciendo un bucle de retroalimentaci\u00f3n qu’intensifica la perda de xelu nun contestu de calentamientu global.<\/p>\n

Sat\u00e9lites, drones ya intelixencia artificial pa estudiar la nieve rosa\u2019 ant\u00e1rtica. P’analizar esti fen\u00f3menu con precisi\u00f3n, l’equipu cient\u00edficu aplic\u00f3 xuna metodolox\u00eda avanzada que combina observaci\u00f3n remota y trabayu de campu. Ente 2018 y 2024 utiliz\u00e1ronse imaxes de los sat\u00e9lites Sentinel-2, complementaes con sensores hiperespectrales instalaos en drones esplegaos sobro’l terr\u00e9n.<\/p>\n

Esta tecnolox\u00eda dexa analizar c\u00f3mo la lluz interact\u00faa cola superficie nevada en distintos llargores d’onda<\/strong>. Darr\u00e9u, por aciu t\u00e9cniques d’aprendizaxe autom\u00e1ticu, los investigadores procesaron 45 imaxes satelitales pa ellaborar mapes detallaos de la distribuci\u00f3n de les algues.<\/p>\n

La resultancia confirma que la nieve rosa\u2019 nun ye un fen\u00f3menu local, sin\u00f3n un procesu a gran escala con efectos directos sobro’l balance enerx\u00e9ticu de la rex\u00f3n.<\/p>\n

L’aumentu de les algues coloraes<\/strong>, una se\u00f1al d’alerta pal futuru de l’Ant\u00e1rtida<\/strong>. Los datos recoy\u00edos indiquen que la presencia d’estes algues aumenta cada a\u00f1u y que’l so periodu d’activid\u00e1 enllargase mientres el branu austral. Esta meyora convierte a la nieve rosa nun indicador biol\u00f3xicu de la vulnerabilid\u00e1 de los ecosistemes polares frente al camb\u00e9u clim\u00e1ticu.<\/p>\n

Los cient\u00edficos sorrayen la importancia de desenvolver sistemes de vixilancia continua basaos n’intelixencia artificial p’antemanar la evoluci\u00f3n del destemple na Ant\u00e1rtida.<\/p>\n

 <\/p>\n","protected":false},"excerpt":{"rendered":"

OK Diario \/ Investigadores espa\u00f1oles afayen que les algues coloraes y la nieve rosa aceleren el destemple de l’Ant\u00e1rtida. Cada branu austral, amplies zones del xelu de l’Ant\u00e1rtida adquieren tonalidaes rosaes y acolorataes que ruempen cola uniformid\u00e1 del paisaxe. Paez un fen\u00f3menu visual llamativu, pero ye un indicador esmolecedor del impactu del camb\u00e9u clim\u00e1ticu. Investigadores […]<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-67019","post","type-post","status-publish","format-standard","hentry","category-sin-categoria"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/67019","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=67019"}],"version-history":[{"count":1,"href":"https:\/\/edublog.educastur.es\/ixuxu\/wp-json\/wp\/v2\/posts\/67019\/revisions"}],"predecessor-version":[{"id":67020,"href":"https:\/\/edublog.educastur.es\/ixuxu\/wp-json\/wp\/v2\/posts\/67019\/revisions\/67020"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=67019"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=67019"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=67019"}],"curies":[{"name":"wp","href":"https:\/\/api.w.org\/{rel}","templated":true}]}}