{"id":67138,"date":"2026-01-30T20:30:00","date_gmt":"2026-01-30T18:30:00","guid":{"rendered":"https:\/\/edublog.educastur.es\/ixuxu\/?p=67138"},"modified":"2026-01-31T20:58:26","modified_gmt":"2026-01-31T18:58:26","slug":"tsacianiegas-respetu-a-la-tradicion-y-xeitu-pa-escribir-lletres-nueves","status":"publish","type":"post","link":"https:\/\/edublog.educastur.es\/ixuxu\/2026\/01\/tsacianiegas-respetu-a-la-tradicion-y-xeitu-pa-escribir-lletres-nueves\/","title":{"rendered":"Tsacianiegas, respetu a la tradici\u00f3n y xeitu pa escribir lletres nueves"},"content":{"rendered":"<div class=\"elementor-element elementor-element-667e3c7 elementor-widget__width-inherit elementor-widget elementor-widget-theme-post-title elementor-page-title elementor-widget-heading\" data-id=\"667e3c7\" data-element_type=\"widget\" data-widget_type=\"theme-post-title.default\">\n<div class=\"elementor-widget-container\">\n<p class=\"elementor-heading-title elementor-size-default\">Tsacianiegas, respetu a la tradici\u00f3n y xeitu pa escribir lletres nueves. El d\u00fau de pandereteres de L.laciana asoleya discu nuevu y afondamos con elles nel so proyectu. <a href=\"https:\/\/musicasturiana.com\/tsacianiegas-respetu-a-la-tradicion-y-xeitu-pa-escribir-lletres-nueves\/?fbclid=IwY2xjawPrLw1leHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEeCP5HoEk8KAh9YLImniNQ9CzmxSUspLK8lZ8UyBhUnfi8UuYwO1XgEx_dPTQ_aem_RoU5rr1AQmDM0FSYR08m4w\">Musicasturiana.com<\/a><\/p>\n<p style=\"text-align: center\"><a href=\"https:\/\/musicasturiana.com\/wp-content\/uploads\/2026\/01\/Foto-Gaizka-Penafiel-3-1536x1049.jpg\"><img loading=\"lazy\" decoding=\"async\" class=\"aligncenter \" src=\"https:\/\/musicasturiana.com\/wp-content\/uploads\/2026\/01\/Foto-Gaizka-Penafiel-3-1536x1049.jpg\" width=\"805\" height=\"550\" \/><\/a><\/p>\n<p>Al travi\u00e9s del discu <a href=\"https:\/\/musicasturiana.com\/producto\/tsacianiegas-cd-pa-bail-lare\/\"><strong>\u2018Tsacianiegas, pa bail.llar\u2019<\/strong><\/a> somorgui\u00e1monos nel valle de L.laciana de la mano de Raquel y Laura, dos hermanes que van ser como la g\u00fcestia, van sacanos de nueche y tami\u00e9n de d\u00eda, a cantar, baillar y tami\u00e9n a facer memoria mientres escuchamos les lletres que los nuestros bisg\u00fcelos compon\u00eden.<\/p>\n<p><!--more--><\/p>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe data-testid=\"embed-iframe\" style=\"border-radius:12px\" src=\"https:\/\/open.spotify.com\/embed\/album\/2dRXvCZwWQR5Lhrob3P0CL?utm_source=generator\" width=\"100%\" height=\"352\" frameborder=\"0\" allowfullscreen allow=\"autoplay; clipboard-write; encrypted-media; fullscreen; picture-in-picture\" loading=\"lazy\" 0=\"\/iframe\" scrolling=\"yes\" class=\"iframe-class\"><\/iframe>\n<\/p>\n<p>Al travi\u00e9s de 26 composiciones conocemos l\u2019arte y l\u2019amor qu\u2019elles ponen, pero como esos casi trenta cantares paec\u00edenme poco, estes catorce entrugues vienen dar otra mirada, atenta y arguyosa, del gran llabor qu\u2019estes muyeres faen polos nuesos raiga\u00f1os y la m\u00fasica del pa\u00eds.<\/p>\n<\/div>\n<\/div>\n<p style=\"text-align: center\"><a href=\"https:\/\/musicasturiana.com\/wp-content\/uploads\/2025\/10\/tsacianiegas-promo-2.jpg\"><img loading=\"lazy\" decoding=\"async\" class=\"aligncenter size-large\" src=\"https:\/\/musicasturiana.com\/wp-content\/uploads\/2025\/10\/tsacianiegas-promo-2.jpg\" width=\"1200\" height=\"600\" \/><\/a><\/p>\n<p><strong>Mesmo que fac\u00e9is nel vuestru discu, quiero empezar esta entrevista con una intro que nos lleve a empezar a entender lo que fac\u00e9is y les razones que vos lleven a ello \u00bfC\u00f3mo vos definir\u00edeis como artistes?<\/strong><\/p>\n<p><strong>Laura:<\/strong> N\u00f3s solemos dicir que somos un d\u00fau de m\u00fasica, dos hermanes que llevamos tola vida venceyaes al mundu de la m\u00fasica tradicional, baillando dende peque\u00f1es. Y depu\u00e9s, empezamos a tocar el panderu y cantar. Y el nuesu llabor agora mesmo ta centr\u00e1u n\u2019espardr la m\u00fasica tradicional de la nuestra zona y les zones llim\u00edtrofes y el patsuezu que ye\u2019l dialectu asturianu del norocidente de Lli\u00f3n y el suroccidente d\u2019Astruries.<\/p>\n<div class=\"wp-block-spacer\" style=\"text-align: center\" aria-hidden=\"true\"><a href=\"https:\/\/musicasturiana.com\/producto\/tsacianiegas-cd-pa-bail-lare\/\"><img loading=\"lazy\" decoding=\"async\" class=\"aligncenter\" src=\"https:\/\/musicasturiana.com\/wp-content\/uploads\/2025\/10\/tsacianiegas-pa-bail.lare_.jpg\" alt=\"\" width=\"500\" height=\"500\" \/><\/a><\/div>\n<p><strong>La intro del discu ye cola voz del vuestru p\u00e1 y la so presencia tami\u00e9n acompa\u00f1a a otros cantares. \u00bfQu\u00e9 significa pa v\u00f3s el llabor d\u2019\u00e9l tanto nel discu como en redes dando a conocer el patsuezu?<\/strong><\/p>\n<p><strong>Raquel:<\/strong> Ye mui importante, porque ye de los pocos falantes que queden na nuestra tierra. Enantes fal\u00e1balo dalguna xente, pero cola miner\u00eda vieno xente de distintes nacionalidaes, dende llugares como Cabu Verde, Portugal, Ruman\u00eda, Galiza y tami\u00e9n asturianos, a ello tami\u00e9n se sum\u00f3 que na d\u00f3mina del franquismu nun se dexaba falar otra cosa que nun fuera castell\u00e1n. Too ello fixo que se perdiera y, tami\u00e9n, la so vinculaci\u00f3n directa yera col mundu de la ganader\u00eda y l\u2019agricultura, fixo que fuera quedando en desusu. Por too ello, d\u00e1mos-y muncha importancia, pol valor que tien el so trabayu y tami\u00e9n la so calid\u00e1, porque \u00e9l cri\u00f3se con ello y f\u00e1lalo fluy\u00edu. Ye un referente non solo pa quien quiera falar, sin\u00f3n tami\u00e9n pa entendelo y conocelo, porque anque hai testimonios<br \/>\nescritos muncha xente nun sabe como se pronuncia. D\u2019esta manera los v\u00eddeos del nuestru p\u00e1 tienen m\u00e9ritu abondo pol so valor pola hestoria o an\u00e9cdota que cunta y pol usu de la nuesa llingua.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abLaura empez\u00f3 mui peque\u00f1a a tocar el panderu, yo yera de les que baillaba. Y alcu\u00e9rdome de Laura dende mui peque\u00f1a, escuchando d\u2019aquella d\u00f3mina cintes y CD\u2019s, una y otra vuelta\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>M\u00e1s de diez a\u00f1os de la Jota de San Miguel, el discu que y\u00e1 se ven\u00eda barruntando ye public\u00e1u a la calor de los premios HT Joven Valor Reino de Le\u00f3n. \u00bfC\u00f3mo viv\u00eds que se vos reconoza\u2019l vuestru trabayu?<\/strong><\/p>\n<p><strong>Laura:<\/strong> Ye mui satisfactoria, dalguna vegada di\u00e9ronnos dalguna reconocencia y tom\u00e1moslo como dalgo mui positivo, non solo por que nos reconoci\u00e9ren el nuestru trabayu, sin\u00f3n porque eso significa que lo que facemos ye consum\u00edu pola xente y el nuesu llabor sirve pa dalgo. Nesti casu esti premiu tien munchu prestixu, con munchos a\u00f1os de trayectoria y de la mesma, hai categor\u00edes que premien participantes del reinu enteru, non solo la provincia y tami\u00e9n hai categor\u00edes a nivel nacional.<\/p>\n<p>Asina que d\u2019una banda, arguyoses de que con tanta participaci\u00f3n pongan en valor el nuestru trabayu y de la mesma, agradec\u00edes pol gran llabor d\u2019espardimientu qu\u2019ello trai. Gracies a esti premiu, non solo financiamos el discu, sin\u00f3n que fuimos daes a conocer en radio, prensa escrita. Am\u00e1s, nesi a\u00f1u premi\u00f3se en dos categor\u00edes xente del mesmu pueblu, de Samiguel de L.laciana. Asina que dende otres provincies escuch\u00e1ronnos cantar en patsuezu les lletres de los nuesos g\u00fcelos y g\u00fceles y pa n\u00f3s ye mui emocionante.<\/p>\n<div class=\"wp-block-spacer\" aria-hidden=\"true\"><\/div>\n<p><strong>A la xente mozo que nos gusta lo tradi dacuando nos ye mui dif\u00edcil entender delles lletres d\u2019antes. Tom\u00e1is la decisi\u00f3n d\u2019incluyir un llibretu coles lletres \u00bfD\u2019onde naz esa idea?<\/strong><\/p>\n<p><strong>Raquel:<\/strong> Laura empez\u00f3 mui peque\u00f1a a tocar el panderu, yo yera de les que baillaba. Y alcu\u00e9rdome de Laura dende mui peque\u00f1a, escuchando d\u2019aquella d\u00f3mina cintes y CD\u2019s, una y otra vuelta. Pero cuando llegaron los ordenadores intentamos trescribir lletres, delles yeren clares, pero cuando yera asturianu d\u2019otres zones o gallegues, perd\u00edamos munchu tiempu y anque lo intent\u00e1bamos, munches vegaes hab\u00eda pallabres que nun entend\u00edemos.<\/p>\n<p>N\u00f3s entendemos que les lletres son de toos, y la nuestra intenci\u00f3n ye que la xente mozo que ta empezando entienda too meyor, la cuesti\u00f3n yera facilitar la cosa a quien ta empezando, asina que ye tan f\u00e1cil como garrar el llibru y lleer mientres escuches.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abN\u00f3s tratamos de caltener la tradici\u00f3n. Pero por supuestu, la cultura camuda y n\u00f3s camudamos con ella\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>Na Xota de Llumaxu, vemos coples recuperaes, que recen \u2018Ayeri qu\u00edxite, g\u00fcei nun qui\u00e9rote, nun afaime. Nun afaime, nun afaime porque nun quiero casame agora\u2019 \u00bfPodr\u00edamos dicir que ye estes lletres vemos un vena feminista nun cantar de les nueses g\u00fceles?<\/strong><\/p>\n<p><strong>Laura:<\/strong> N\u00f3s cuando decidimos componer un cantar, ll\u00e9guennos les coples, dacuando podemos escoyer y otres non. Tenemos que facer una escoyeta de les coples coles que quedamos. Dacuando crit\u00edquennos, o meyor dicho, critiquen a la tradici\u00f3n. Inclusive agora hai grupos de muyeres que reescriben los cantares.<\/p>\n<p>La mio visi\u00f3n ye que tenemos que ser toos iguales, si nun val pa n\u00f3s, tampoco tien que valir pa ellos. Nun podemos sesgar, non solo hab\u00eda lletres que nos criticaben a n\u00f3s, hab\u00eda pa toos. Si tu escuches vaqueiraes, hai cr\u00edtiques pa \u00e9l, pa ella, pal cura, pal sacrist\u00e1n\u2026 Pa toos.<\/p>\n<p><strong>Raquel: <\/strong>Si qu\u2019hai lletres como \u2018Si te duel la cabeza, arrimate a mio cintura que tengo yo una yerba que tolos males cura\u2019, eso probablemente cantar\u00edalo una muyer. N\u00f3s tratamos d\u2019escoyer coples que nos dean xuegu y que nos presten.<\/p>\n<p><strong>Laura: <\/strong>Esacto, escoyemos coples acordes y tratamos que naide se sienta ofend\u00edu. Pero ye tami\u00e9n parte del espect\u00e1culu tami\u00e9n.<\/p>\n<p><strong>Raquel:<\/strong> N\u00f3s tratamos de caltener la tradici\u00f3n. Pero por supuestu, la cultura camuda y n\u00f3s camudamos con ella. Na Jota de San Miguel, n\u00f3s cantamos de primeres el romanticismu de traeme flores, pero depu\u00e9s aprov\u00e9chome de ti tola nueche y dempu\u00e9s, colo. Esi cantar ye d\u2019ellaboraci\u00f3n propia y pue que nos critiquen. Pero tami\u00e9n ye verd\u00e1 que g\u00fcei colo porque puedo colar, eso depende de la llectura que-y faigas. Ye verd\u00e1 que la tradici\u00f3n ye la qu\u2019hai, pero n\u00f3s tratamos que\u2019l conten\u00edu seya lo menos machista posible.<\/p>\n<p><strong>Laura: <\/strong>Hai lletres que cantamos en bodes, que pueden ser dures. Pero tami\u00e9n hai lletres allegres de celebraci\u00f3n y de empoderamientu. Hai de too nel repertoriu.<\/p>\n<div class=\"wp-block-spacer\" aria-hidden=\"true\"><\/div>\n<p><strong>Nes lletres del discu vemos mineros qu\u2019estimen el dineru y reconocen la quimera que tien el so oficiu, vaqueiros que se conformen cola suerte de vivir n\u2019una econom\u00eda de subsistencia. Tambien hai cantares d\u2019amor, al cortexu y a la vida. El d\u00eda ente d\u00eda de los nuesos g\u00fcelos y bisag\u00fcelos. \u00bfQu\u00e9 cant\u00e1bamos g\u00fcei? \u00bfQu\u00e9 mand\u00e1u gustar\u00edanos dexar nes de lletres de los vuesos cantares?<\/strong><\/p>\n<p><strong>Laura: <\/strong>N\u00f3s nun solo cantamos, cuando vamos a los llugares esplicamos qui\u00e9n somos y d\u2019\u00f3nde venimos. Per un llau, como n\u00f3s venimos d\u2019eh\u00ed, record\u00e1moslo con muncha se\u00f1ald\u00e1. Pero la realid\u00e1 ye que la nuestra vida actual y\u00e1 nun ta eh\u00ed, sin\u00f3n que trabayamos n\u2019otros \u00e1mbitos. Y la realid\u00e1 ye que cuando lo cantamos a los ne\u00f1os pequenos, ellos nun se ven mui identificaos, munchos nun vieron una vaca. Anque n\u00f3s facemos tradici\u00f3n, hai artistes que son d\u2019otros estilos que faen fusi\u00f3n y pueden averar esto a les xeneraciones m\u00e1s nueves, pero si n\u00f3s tr\u00e1tasemos d\u2019escribir sobre lo nuestro, nun se paecer\u00eda en nada, Raquel tendr\u00eda que falar de COVID-19 y yo d\u2019inxenier\u00eda y <em>big data<\/em>. Si que ye cierto qu\u2019a nivel sonoru, la percusi\u00f3n de la nuestra m\u00fasica tien poder sonoru colos ne\u00f1os, pero les lletres y\u00e1 nun los representen.<\/p>\n<p><strong>Raquel:<\/strong> Esa se\u00f1ald\u00e1 de nun tar y\u00e1 ell\u00ed nel valle dex\u00e9mosla reflexada na Jota de San Miguel. Y esos cambeos de la vida moderna, ye verd\u00e1 que nun lo metemos muncho nes nueses lletres, pero quiciabes seya daqu\u00e9 que podamos incluyir nes nueses lletres nel futuru.<\/p>\n<div class=\"wp-block-spacer\" aria-hidden=\"true\"><\/div>\n<figure class=\"wp-block-image size-large\"><a href=\"https:\/\/musicasturiana.com\/wp-content\/uploads\/2026\/01\/Foto-Miguel-Sanchez-y-Katerin-Alvarez-scaled.jpg\"><img loading=\"lazy\" decoding=\"async\" class=\"wp-image-46812\" src=\"https:\/\/musicasturiana.com\/wp-content\/uploads\/2026\/01\/Foto-Miguel-Sanchez-y-Katerin-Alvarez-1024x719.jpg\" alt=\"\" width=\"1024\" height=\"719\" \/><\/a><\/figure>\n<div class=\"wp-block-spacer\" aria-hidden=\"true\"><\/div>\n<p><strong>El discu axunta 26 temes, una intro y 25 cantares d\u2019ellaboraci\u00f3n propia y escoyeta. Ent\u00e1 asina, tengo qu\u2019entrugar \u00bfQued\u00f3 dalg\u00fan cantar pendiente o que quiciabes nun dio tiempu a meter nel discu?<\/strong><\/p>\n<p><strong>Laura: <\/strong>Si, anque paeza ir\u00f3nico, qued\u00e1ronnos pendientes. Al empiezu fiximos una maquetina pa ver lo que duraba lo imprescindible y depu\u00e9s, a partir d\u2019enh\u00ed fuimos a\u00f1ediendo cantares.<\/p>\n<p><strong>Raquel:<\/strong> Pudimos meter m\u00e1s cantares, pero ent\u00f3s ten\u00edemos qu\u2019amenorgar el n\u00famberu de coples. Y n\u00f3s quer\u00edemos amosar munches coples, por casu, una garrucha con ocho coples. Y\u00e1 fadremos m\u00e1s coples si Dios quier. Y dalguna tema <em>a capella<\/em>, o temes tami\u00e9n de gaita y curdi\u00f3n. Tenemos una delda col tema de la Xota de L.leitariegos, agora ta mui de moda per Lli\u00f3n, pero nam\u00e1s con gaita, ensin lletra. Prestar\u00edanos poder facela con lletra y facer tami\u00e9n un discu con curdi\u00f3n y gaita.<\/p>\n<p><strong>Laura: <\/strong>Tami\u00e9n foi parte de la idea del proyectu, porque n\u00f3s llevamos munches grabaciones pero con otros artistes. Esti discu yera una manera de facer daqu\u00e9xenuinamente nuestru, y una vegada m\u00e1s demostr\u00f3se que dos moces con instrumentos de percusi\u00f3n y dos voces son capaces de preparar baille nuna hora y picu. Nun fai falta m\u00e1s, una botella, una payel.la y poco m\u00e1s.<\/p>\n<div class=\"wp-block-spacer\" aria-hidden=\"true\"><\/div>\n<p><strong>\u00bfConsider\u00e1is esti discu col so llibretu una bona manera d\u2019averase a la pandereta y lo tradi pa los que tamos empezando nesto?<\/strong><\/p>\n<p><strong>Raquel: <\/strong>Muncha xente mozo que lleva a\u00f1os, pero non solo mozo. Nel Alb\u00e9itar esti d\u00eda nel ba\u00f1u av\u00e9rosenos una se\u00f1ora mayor, confes\u00f3nos qu\u2019empezara a tocar y que taba diendo a clase.<\/p>\n<p><strong>Laura: <\/strong>Esti CD col llibretu ye una ferramienta que te dexa ampliar repertoriu. Munches vegaes cuando vas a clase, el material llim\u00edtase a la fueya que te dan pa eses selmanes o esi mes. Y al sentir el discu, fu\u00e9rceste a abrir la vista y tener na to base de datos y na to memoria bases mel\u00f3diques y r\u00edtmiques. Y nun ye col fin d\u2019interpretar el repertoriu de Tsacianiegas, sin\u00f3n pa que te deas cunta que too tien una base similar y puedes interpretar xotes de distintes partes. El discu cre\u00f3se pa eso, pa que la xente tenga accesibilid\u00e1 y aprender d\u2019ello.<\/p>\n<p><strong>Raquel:<\/strong> Y esfrutar, porque\u2019l discu ta fechu pa baillar, que se caltengan les partes de los cantares y que seya un trabayu de consulta m\u00e1s qu\u2019otra cosa.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abNes actuaciones a pie volvemos a esi ambiente que ten\u00edemos cuando empezamos col grupu de baille\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>Agora tocame dir escontra un momentu fan y quiciabes una entruga m\u00e1s personal. \u00bfC\u00f3mo vivistis tocar con Dulzaro en Lli\u00f3n? \u00bfQue vos gusta m\u00e1s esti tipu d\u2019actuaciones como la de Frankfurt o preferis actuar en llugares como la Xuntanza de Caboalles?<\/strong><\/p>\n<p>Les dos hermanes al mesmu tiempu: Too.<\/p>\n<p><strong>Laura:<\/strong> A n\u00f3s prestanos tocar en directu y falar cola xente, ent\u00f3s si me dixeres que te presta m\u00e1s tar arrexuntando a ver qu\u00e9 cantes na siguiente actuaci\u00f3n, dir al estudiu a grabar o cantar en directu, dir\u00edate ensin dulda cantar en directu. Agora, tocar na plaza d\u2019un pueblu inclusive ensin megafon\u00eda, anque quedes ensin voz, y tar cola xente, eso pr\u00e9stanos un mont\u00f3n. Tami\u00e9n dir a Frankfurt y cantar nun teatru colos alemanes, cantando los Pollos delantre de toa aquella xente, tami\u00e9n ye mui satisfactorio. A n\u00f3s lo que nos gusta ye\u2019l directu.<\/p>\n<p><strong>Raquel: <\/strong>Alcu\u00e9rdome d\u2019una actuaci\u00f3n del a\u00f1u pas\u00e1u en Garue\u00f1a n\u2019Ouma\u00f1a, foi de los meyores llugares onde tuvimos a nivel de pueblu y de llugar que nun fuera un teatru. Nam\u00e1s ten\u00edemos un micro pa presentanos. Pero yera una placina que s\u2019enllen\u00f3 de xente y foi un momentu de compartir, la xente empez\u00f3 a baillar, mui participativos, daba igual que supieres o non. Bien prestoso, igual que na Taberna de Narciso, son momentos de compartir, cr\u00e9ase una comunid\u00e1 mui guapa y n\u00f3s tami\u00e9n participamos. Sicas\u00ed, el teatru ye mas fr\u00edu, ye una actuaci\u00f3n, tienes la presi\u00f3n de facelo bien. Y anque n\u00f3s a nivel d\u2019implicaci\u00f3n, lo mesmo danos que seya un pueblu a un gran teatru, nes actuaciones a pie volvemos a esi ambiente que ten\u00edemos cuando empezamos col grupu de baille.<\/p>\n<div class=\"wp-block-spacer\" aria-hidden=\"true\"><\/div>\n<p><strong>Nuna entrevista con Santiago Fern\u00e1ndez pa la Chapa Musical fal\u00e1beis d\u2019escribir lletres nueves \u00bfPlanteg\u00e1is dalguna cosina nueva nel futuru pr\u00f3ximu?<\/strong><\/p>\n<p><strong>Laura:<\/strong> Nunca se sabe, pero si nos gustar\u00eda, anque ye mui complicao, porque tendr\u00edemos que parar y forzanos. N\u00f3s entramos nun bucle de vida y actuaciones que ser\u00eda mui complicao sacar tiempu pa m\u00e1s.<\/p>\n<p><strong>Raquel: <\/strong>Bono, la vida de ca\u00fana y el trabayu ye complic\u00e1u.<\/p>\n<p><strong>Laura: <\/strong>Pa n\u00f3s ye muncho m\u00e1s f\u00e1cil componer lletres que melod\u00edes, como siempres usamos instrumentos de percusi\u00f3n, munches vegaes oc\u00farrensenos enantes lletres que les melod\u00edes. Y tengo que dicite que y\u00e1 tenemos daqu\u00e9 per eh\u00ed.<\/p>\n<p><strong>Raquel: <\/strong>Tenemos claro que queremos qu\u2019esto siga y siempres dicimos que n\u2019Asturies y en Galiza hai grupos que componen con tintes tradicionales. Tami\u00e9n ye necesario dicir que lo que pa n\u00f3s agora ye tradici\u00f3n dalg\u00fan d\u00eda foi modernid\u00e1, asina qu\u2019hai que siguir componiendo pa qu\u2019esto siga. Tenemos claro que vamos siguir colos cantares de siempre, pero tami\u00e9n queremos meter cantares nuevos y que la xente nun s\u2019aburra. Asina qu\u2019esa parte de componer cantares con tintes tradicionales, tenemos que facelo, n\u00f3s y muncha xente m\u00e1s.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abNel nuestru casu\u2019l procesu creativu remanez d\u2019una manera mui natural, n\u00f3s somos hermanes, asina que bien surde porque quedemos o porque tenemos dalg\u00fan actu\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>D\u2019\u00f3nde naz la inspiraci\u00f3n pa Tsacianiegas, \u00bfC\u00f3mo se desendolca\u2019l vuesu procesu creativu?\u00a0<\/strong><\/p>\n<p><strong>Laura:<\/strong> Pos nel nuestru casu remanez d\u2019una manera mui natural, n\u00f3s somos hermanes, asina que bien surde porque quedemos o porque tenemos dalg\u00fan actu xuntes, como\u2019l cumplea\u00f1os del nuestru p\u00e1. Y acabante comer pon\u00e9monos a cantar y tocar la pandereta, y dicimos \u2018ai, qu\u00e9 guapa esta, pa la pr\u00f3xima actuaci\u00f3n met\u00e9mosla!\u2019.<\/p>\n<p><strong>Raquel: <\/strong>Por exemplu, cola Xota de San Miguel, H\u00e9ctor (Alvarez Collada) propunxo poner lletra y tuvimos creaci\u00f3n familiar, colos nuestros pas que son mui inventivos, fuimos xuniendo coses. Y, adulces, foi surdiendo.<\/p>\n<p><strong>Laura: <\/strong>Y s\u00ed que ye verd\u00e1, que dacuando paramos y vamos falar con dalguna muyer o mesmamente nes actuaciones. Esti d\u00eda en Bilbo, una se\u00f1ora aver\u00f3senos a felicitanos pol cantar de los mineros, d\u00edxonos qu\u2019ella sab\u00eda otra y el cantar. Asina que facemos trabayos en distintes direcciones pa componer.\u00a0Una de les coses que m\u00e1s nos presta ye\u2019l trabayu d\u2019escoyer o selecci\u00f3n de les lletres o melod\u00edes que nos interesen. Cuando d\u00edbemos a les bodes, intent\u00e1bemos personalizar les lletres y recoyer un poco d\u2019informaci\u00f3n. D\u2019esta manera, tami\u00e9n se va xenerando un procesu creativu mui guapu.<\/p>\n<div class=\"wp-block-spacer\" aria-hidden=\"true\"><\/div>\n<p><strong>Anque nesti momentu de la entrevista a toos qued\u00f3nos claro la vuestra vocaci\u00f3n musical, la vuestra manera de vida desenvu\u00e9lvese n\u2019otros espacios \u00bfC\u00f3mo viv\u00eds la conciliaci\u00f3n ente lo llaboral y les actuaciones, especialmente Laura qu\u2019agora ye madre?\u00a0<\/strong><\/p>\n<p><strong>Laura: <\/strong>Pos tengo que dicir que la ne\u00f1a ye bien bona y tengo muncha ayuda, lo que me dexa dir tocar un d\u00eda del finde y poder volver nel mesmu d\u00eda. Pero munches vegaes si ye a una hora prudente, la ne\u00f1a vien con n\u00f3s a les actuaciones. Yo d\u00e9xola na siella y a ella encanta-y venos.<\/p>\n<p><strong>Raquel: <\/strong>Y la ayuda del home de Laura, qu\u2019a \u00e9l gusta-y, porque anque ye de Madrid foi vivir a Uvi\u00e9u, tuvo nel grupu de baille nel que tuvo Laura y g\u00fasta-y muncho, ayuda a Laura pa estes coses. Esto de conciliaci\u00f3n nos tiempos modernos y el trabayu part\u00edu.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\"><p><mark class=\"has-inline-color\">\u00abLo importante cuando aprendemos ye perder el mieu. Nin mieu, nin vergo\u00f1a, nin presumicios, hai que tocar y esfrutar, dexase llevar pol procesu d\u2019aprendizaxe de ca\u00fan con enfotu y ensin mieu\u00bb<\/mark><\/p><\/blockquote>\n<div class=\"wp-block-spacer\" aria-hidden=\"true\"><\/div>\n<p><strong>A puntu de rematar la entrevista tengo que pidivos conseyos para les pandereteres y pandereteros que tamos empezando.<\/strong><\/p>\n<p><strong>Laura y Raquel: <\/strong>Nun tener vergo\u00f1a.<\/p>\n<p><strong>Laura: <\/strong>Nin vergo\u00f1a, nin mieu, nin mieu a romper la pandereta. Los artesanos faen como pueden los instrumentos, pero aguanten de too. Porque por m\u00e1s que-y doi al mio panderu, aguanta. La nuestra ma fai panderos, vieno esti d\u00eda a buscar unu que-y ten\u00eda encarg\u00e1u un moza y cunt\u00f3nos que taba aprendiendo, pero que la so profesora hasta-y re\u00f1\u00eda, porque-y dic\u00eda que-y diera m\u00e1s fuerte, y ella ten\u00eda mieu por facelo mal y desconcentrar al restu. Lo importante cuando aprendemos ye perder el mieu. Nin mieu, nin vergo\u00f1a, nin presumicios, hai que tocar y esfrutar, dexase llevar pol procesu d\u2019aprendizaxe de ca\u00fan con enfotu y ensin mieu.<\/p>\n<p><strong>Raquel: <\/strong>Yo aprend\u00ed m\u00e1s tarde, con dieciocho a\u00f1os, porque Laura me convid\u00f3 a dir con ella a les bodes, porque ten\u00eden que ser dos. Y Laura d\u00edxome que cantara y y\u00e1 aprender\u00eda. Asina qu\u2019aprend\u00ed asonsa\u00f1ando a Laura, que ye como aprend\u00eda la xente enantes, ensin t\u00e9cnica nin metodolox\u00eda, foi a base de repitir, repitir y repitir. Depu\u00e9s f\u00edxoseme un mundu cantar y tocar al empar, pero mira venti a\u00f1os dempu\u00e9s, equ\u00ed tamos.<\/p>\n<p><strong>Laura: <\/strong>Yo tengo una copla bien guapa pa la xente que ta aprendiendo:<\/p>\n<p><em>Pa tocar la pandereta nun fai falta muncha fuerza, dache<br \/>\nun poco d\u2019aire al brazu y dexa la mano muerta.<\/em><\/p>\n<div class=\"wp-block-spacer\" aria-hidden=\"true\"><\/div>\n<p><strong>Agora mesmo asistimos a un \u2018boom\u2019 de la pandereta, como bien diz el periodista Javi Fern\u00e1ndez, en \u00bfC\u00f3mo ye la tu movida?, lo tradi ye trendy. \u00bfConsider\u00e1is qu\u2019estos fen\u00f3menos son m\u00e1s qu\u2019una moda y probablemente trescienda m\u00e1s nel tiempu?<\/strong><\/p>\n<p>Dambes hermanes: S\u00ed.<\/p>\n<p><strong>Laura:<\/strong> Yo faigo una reflex\u00f3n y digo que paez mentira que colos ritmos de vida que llevamos, heba xente n\u2019Asturies, Galiza o Lli\u00f3n que faiga lo qu\u2019agora se llama musica de raiga\u00f1u y que diga pos voi recuperar cantares que cantaba\u2019l mio g\u00fcelu y voi poneme a facer esi tipu de m\u00fasica. Tami\u00e9n hai que poner en valor a esos artistes que vienen d\u2019otros x\u00e9neros y entemecen colo tradi, los sos v\u00eddeos tienen una trescendencia enorme.<\/p>\n<p><strong>Raquel: <\/strong>Ye una pena, que paez que ye daqu\u00e9 que se ta perdiendo y por esi motivu agora resurde. Hai xente mozo que nel so momentu nun-y dio importancia. Por desgracia la xente mayor y\u00e1 va morriendo o nun ta y pi\u00e9rdense eses fontes. Pero esti \u00abresurdir\u00bb y que nun mundu globaliz\u00e1u queramos volver al nuestru raiga\u00f1u y sentinos mas especiales ta bien. Ent\u00e1 asina, yo creo qu\u2019esta corriente vien pa quedar y am\u00e1s ye una redolada mui sana.<\/p>\n<p><strong>Laura: <\/strong>Enantes pa cantar o tocar, la xente ten\u00eda que tar nun grupu. Y agora hai xente qu\u2019a cencielles quier pasalo bien, y ent\u00f3s eses coses como les nueches en danza o los talleres de pandereta. Esi vezu de quedar un d\u00eda a la selmana pa tocar y dalg\u00fan finde dir a dalg\u00fan xareu ta perbi\u00e9n.<\/p>\n<p><strong>Raquel:<\/strong> Claro, ensin la necesid\u00e1 o la presi\u00f3n que sup\u00f3n tar xuntes nun grupu , lo que trai m\u00e1s compromisu, y yo creo qu\u2019esto que ta surdiendo de baillar ensin orde y dir aprendiendo adulces unos d\u2019otros, paezse m\u00e1s a lo que fac\u00eden nuestros g\u00fcelos de xuntase pa baillar y cantar y aprender de manera esperimental. Tami\u00e9n ye mui importante cuntar colos grupos fusi\u00f3n como Rodrigo Cuevas, Baiuca o Llev\u00f3lu\u2019l Sumiciu. Ye mui importante porque esos artistes dende\u2019l raiga\u00f1u creen arte y av\u00e9ralo a esa xente que pensaba que lo tradicional nun yera pa ellos ya inclusive lleva a xente que nin plantegaba ponese a aprender a baillar y tocar.<\/p>\n","protected":false},"excerpt":{"rendered":"<p>Tsacianiegas, respetu a la tradici\u00f3n y xeitu pa escribir lletres nueves. El d\u00fau de pandereteres de L.laciana asoleya discu nuevu y afondamos con elles nel so proyectu. Musicasturiana.com Al travi\u00e9s del discu \u2018Tsacianiegas, pa bail.llar\u2019 somorgui\u00e1monos nel valle de L.laciana de la mano de Raquel y Laura, dos hermanes que van ser como la g\u00fcestia, [&hellip;]<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[35,125],"tags":[],"class_list":["post-67138","post","type-post","status-publish","format-standard","hentry","category-musica","category-musicasturiana-com"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/67138","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=67138"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/posts\/67138\/revisions"}],"predecessor-version":[{"id":67141,"href":"https:\/\/edublog.educastur.es\/ixuxu\/wp-json\/wp\/v2\/posts\/67138\/revisions\/67141"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=67138"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=67138"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=67138"}],"curies":[{"name":"wp","href":"https:\/\/api.w.org\/{rel}","templated":true}]}}