{"id":67441,"date":"2026-02-05T13:07:30","date_gmt":"2026-02-05T11:07:30","guid":{"rendered":"https:\/\/edublog.educastur.es\/ixuxu\/?p=67441"},"modified":"2026-02-07T21:15:49","modified_gmt":"2026-02-07T19:15:49","slug":"la-banda-gaites-villa-de-xixon-tuvo-tocando-per-doces-dies-nithra-arabia-saudi","status":"publish","type":"post","link":"https:\/\/edublog.educastur.es\/ixuxu\/2026\/02\/la-banda-gaites-villa-de-xixon-tuvo-tocando-per-doces-dies-nithra-arabia-saudi\/","title":{"rendered":"La Banda Gaites Villa de Xix\u00f3n tuvo tocando n’Arabia Saud\u00ed"},"content":{"rendered":"

<\/a><\/p>\n

Del 19 al 31 de xineru componentes de la Banda de Gaitas Villa de Xix\u00f3n<\/span><\/span><\/a><\/span> tuvieron actuando n’Arabia Saud\u00ed \"\ud83c\uddf8\ud83c\udde6\"<\/span> Fixeron actuaciones tolos d\u00edes que congregaron a muncho p\u00fablicu -18.000 persones nel actu de clausura-, punxeron a la xente a baillar pesie a les torgues, fixeron amistaes, axuntaron a asturianos emigraos, acompa\u00f1\u00f3los un saud\u00ed asturianu… Falamos con Jos\u00e9 Luis Garc\u00eda, director de Villa de Xix\u00f3n, p’afondar nesta esperiencia internacional nun a\u00f1u nel que tami\u00e9n tuvieron en Nueva York y Osaka. Musicasturiana.com<\/a><\/span><\/p>\n

<\/p>\n

\n
\n
\n

\u00abN\u2019Arabia Saud\u00ed foi una pena que nun pudiese haber comunicaci\u00f3n f\u00edsica,
\npero\u2019l tratu, el respetu y l\u2019atenci\u00f3n foi m\u00e1xima\u00bb<\/span><\/em><\/h1>\n<\/div>\n<\/div>\n
\n
Componentes de la Banda Gaites Villa de Xix\u00f3n tuvieron tocando per doces d\u00edes n’Ithra, onde llegaron a actuar \u00e9nte m\u00e1s de 18.000 persones<\/div>\n<\/div>\n
\n
<\/div>\n<\/div>\n
\n
<\/div>\n<\/div>\n<\/div>\n
\n
\n

La gaita asturiana lleva m\u00e1s d\u2019un sieglu espardi\u00e9ndose per tol mundu y estos \u00faltimos d\u00edes aport\u00f3 al King Abdulaziz Center for World Culture \u2013 Ithra<\/strong>, un prestixosu espaciu cultural allug\u00e1u en Dhahran (Arabia Saud\u00ed<\/strong>) y construy\u00edu penriba d\u2019un pozu petrol\u00edferu en desusu<\/strong>. Esti recintu acoy\u00f3 les xornaes Spanish Days<\/a><\/em> na que participaron distintes comunidaes culturales de la pen\u00ednsula ib\u00e9rica y ell\u00ed aportaron el 19 de xineru una bandina tradicional <\/strong>formada polos m\u00fasicos Jos\u00e9 Luis Garc\u00eda, Nel Villanueva y Satur Vega<\/strong> -que formar\u00eden Finxu<\/strong>, un proyectu musical nuevu- y el 28 de xineru diecisiete componentes de la Banda Gaites Villa de Xix\u00f3n<\/strong>. Fixeron actuaciones tolos d\u00edes<\/strong> que congregaron a muncho p\u00fablicu \u201318.000 persones<\/strong> nel actu de clausura-, punxeron a la xente a baillar pesie a les torgues<\/strong>, fixeron amistaes<\/strong>, axuntaron a asturianos emigraos<\/strong>, acompa\u00f1\u00f3los un saud\u00ed asturianu<\/strong>\u2026 Falamos con Jos\u00e9 Luis Garc\u00eda, director de Villa de Xix\u00f3n, p\u2019afondar nesta esperiencia internacional nun a\u00f1u nel que tami\u00e9n tuvieron en Nueva York y Osaka<\/strong>.<\/p>\n

<\/div>\n
\"\"<\/a><\/figure>\n
<\/div>\n

Participastis n\u2019Ihtra nos Spanish Days<\/em>. \u00bfQu\u00e9 otros territorios tuvieron presentes?<\/strong><\/p>\n

Compart\u00edamos escenariu con xente del flamencu. Hab\u00eda un tributo Paco de Luc\u00eda, por exemplo, zarzuela, Cabezudos\u2026 tami\u00e9n hab\u00eda m\u00fasica de Cuenca. Hab\u00eda una representaci\u00f3n de toles comunidaes aut\u00f3nomes, anque nel escenariu principal t\u00e1bemos nam\u00e1s les propuestes de flamenco y n\u00f3s.<\/p>\n

<\/div>\n

\u00bfC\u00f3mo foi l\u2019acoyida del p\u00fablicu?<\/strong><\/p>\n

Normalmente, por actuaci\u00f3n, hab\u00eda una media de 450 persones m\u00e1s o menos. Entam\u00f3 un poqui\u00f1\u00edn floxu porque nun acababen d\u2019ubicar la cuesti\u00f3n de la gaita, pero la cosa foi anim\u00e1ndose. Ten\u00edemos a Nel eh\u00ed que llevaba la voz cantante en cuantes al tema de les presentaciones. Yo am\u00e1s deprend\u00ed un poco d\u2019\u00e1rabe, dalgunes frases que nos diben diciendo\u2026 Entamamos a interaccionar mui f\u00e1cil cola xente que nos ven\u00eda a ver.<\/p>\n

Hubo una cosa que nos llam\u00f3 muncho l\u2019atenci\u00f3n. Nos primeros bolos nun pod\u00edes percibir pa nada les sensaciones na xente porque hab\u00eda munch\u00edsimes muyeres y toes col burka, cola cara tapada. Ve\u00edes mover les manes dalgo, aplaudir, aplaud\u00eden mui sele. Llueu entamamos a xugar con ellos pa que llevasen el ritmu de les mu\u00f1eires, el salt\u00f3n y dem\u00e1s. Fuimos quien a sacalos a baillar y cost\u00f3nos muncho cola organizaci\u00f3n porque tol tema del contactu yera super complexu; de fechu, pararon un par de veces al p\u00fablicu porque hab\u00eda unos controles, unes polic\u00edes relixoses y par\u00e1ron-yos. Nun-yos dexaron baillar con n\u00f3s la danza de Santana y eso dionos pena porque la idea que ten\u00edemos yera la d\u2019interaccionar.<\/p>\n

<\/div>\n

\u00abNos primeros bolos nun pod\u00edes percibir pa nada les sensaciones na xente, pero llueu fuimos quien a sacalos a baillar, anque cost\u00f3nos muncho cola organizaci\u00f3n porque tol tema del contactu yera super complexu; de fechu, pararon un par de veces al p\u00fablicu porque hab\u00eda unos controles, unes polic\u00edes relixoses y par\u00e1ron-yos\u00bb<\/mark><\/p><\/blockquote>\n

<\/div>\n

\u00bfQu\u00e9 temes tocastis?<\/strong><\/p>\n

Empezamos cola Marcha de Bra\u00f1es de Xuacu Amieva. Tocamos tami\u00e9n unos agarraos que funcionaben mui bien. Los tiempos binarios yera dalgo que-yos encaxaba perbi\u00e9n, como los ixux\u00fas; gritos tradicionales nuestros que casaben muncho colo d\u2019ellos en dalgunos momentos. Tami\u00e9n la pandereta, qu\u2019ell\u00ed ti\u00e9nenla y \u00fasenla munch\u00edsimo. Asina entam\u00f3 a encaxar too y al segundu o tercer d\u00eda y\u00e9remos el show que m\u00e1s xente ten\u00eda ell\u00ed esperando\u2026 y cuando aport\u00f3 tola banda desbord\u00f3se porque entamaron a acabase los espacios na siella.<\/p>\n

Lo que ficimos foi un peque\u00f1u pasac\u00e1is cola banda cinco minutos enantes del show y lleg\u00e1bemos al set arrastrando y\u00e1 a 200 o 300 persones detr\u00e1s. Llueu, mentanto\u2019l set, tocamos la danza de Santana, mu\u00f1eires como Tormaleo y Carcarosa y cuando toc\u00e1bemos tola banda la xente volv\u00edase lloco, hab\u00eda una simbiosis.<\/p>\n

<\/div>\n
\"\"<\/a><\/figure>\n
<\/div>\n

\u00bfC\u00f3mo foi l\u2019actu de clausura del eventu?<\/strong><\/p>\n

Los componentes de la banda gaites llegaron el 28 xineru pa los ensayos xenerales de la ceremonia de clausura. Yera una ceremonia que taba organizada dende Madrid, a travi\u00e9s de Mediapro y d\u2019otra productora y llevaba munch\u00edsimu xuegu de lluces, de drones\u2026 Hubo una parte na que toc\u00e1bemos nun altillo <\/em>onde nos iluminaben\u2026 Y tuvo mui bien, hab\u00eda munch\u00edsima xente, fueron dos pases de 18.000 persones les que pasaron peles dos actuaciones.<\/p>\n

<\/div>\n

\u00abLos agarraos funcionaben mui bien; los tiempos binarios yera dalgo que-yos encaxaba perbi\u00e9n, como los ixux\u00fas o la pandereta, qu\u2019ell\u00ed ti\u00e9nenla y \u00fasenla munch\u00edsimo. Asina entam\u00f3 a encaxar too y al segundu o tercer d\u00eda y\u00e9remos el show que m\u00e1s xente ten\u00eda esperando\u00bb<\/mark><\/p><\/blockquote>\n

<\/div>\n

Tocastis nel Ithra, un espaciu mui destac\u00e1u pa la cultura dientro d\u2019esi pa\u00eds<\/strong>.<\/p>\n

Ye un sitiu mui relevante n\u2019Arabia, ye\u2019l centru cultural m\u00e1s importante que tienen ellos ell\u00ed. Ye un edificiu modernista impresionante que ta construy\u00edu recubiertu de tubos d\u2019aluminiu y ye una alegor\u00eda al tema del petr\u00f3leu. Ta xusto enriba d\u2019un pozu petrol\u00edferu que foi\u2019l n\u00famberu \u00fan y que y\u00e1 nun usen m\u00e1s. Yo creo qu\u2019intenten plasmar la riqueza que tienen gracies al petr\u00f3leu, que ye una riqueza cultural tami\u00e9n.<\/p>\n

Nestos Spanish Days<\/em> hab\u00eda esposiciones de toles comunidaes, muncho deporte con esposiciones de deportistes espa\u00f1oles, proyecciones de cine, teatru de t\u00edteres\u2026 La verd\u00e1 que llevaron una imaxe d\u2019Espa\u00f1a bastante curiosa, non nam\u00e1s del flamencu, anque ye verd\u00e1 que\u2019l flamencu rescamplaba penriba lo dem\u00e1s, pero n\u00f3s abrimos espaciu no musical.<\/p>\n

<\/div>\n

\u00bfQu\u00e9 balance fac\u00e9is de la esperiencia?<\/strong><\/p>\n

La banda tuvo dende\u2019l 28 al 31 y agora que y\u00e1 llegamos toos a Asturies les sensaciones son mui buenes pela nuestra parte, porque\u2019l respetu qu\u2019hab\u00eda pa cola nuestra m\u00fasica, el respetu a les tradiciones, la curiosid\u00e1 por saber y conocer d\u2019\u00f3nde ven\u00edemos, que m\u00fasiques t\u00e1bemos tocando\u2026 sorprendi\u00f3nos munch\u00edsimo. Regal\u00e1bennos munchos detalles saud\u00edes cuando bax\u00e1bemos del escenariu, fac\u00eden milenta semeyes y son mui hospitalarios y s\u00faper agradec\u00edos.<\/p>\n

Quiciabes lo que m\u00e1s nos choc\u00f3 foi nun poder ver toles cares de toles persones que diben a los shows, sobre too les muyeres, que taben tapec\u00edes dafechu. Esa parte de nun permitir la interacci\u00f3n humana, como equ\u00ed entandemos una nueche en danza o entendemos el baille tradicional\u2026 Foi una pena que nun pudiese haber esa comunicaci\u00f3n f\u00edsica, pero\u2019l tratu, el respetu y l\u2019atenci\u00f3n foi m\u00e1xima; yo creo que de les actuaciones d\u2019esti a\u00f1u d\u2019Estaos Xun\u00edos, Xap\u00f3n y Arabia Saud\u00ed, esta \u00faltima foi la m\u00e1s destacada nesti sen.<\/p>\n

<\/div>\n

\u00abL\u2019Ithra ye un edificiu modernista impresionante que ta construy\u00edu recubiertu de tubos d\u2019aluminiu y ye una alegor\u00eda al tema del petr\u00f3leu. Ta xusto enriba d\u2019un pozu petrol\u00edferu que foi\u2019l n\u00famberu \u00fan y que y\u00e1 nun usen m\u00e1s. Creo qu\u2019intenten plasmar la riqueza que tienen gracies al petr\u00f3leu, que ye una riqueza cultural tami\u00e9n\u00bb<\/mark><\/p><\/blockquote>\n

<\/div>\n

Esta esperiencia nueva sigue\u2019l vuestru cam\u00edn d\u2019internacionalizar la cultura asturiana y festexar los 25 a\u00f1os de la banda.<\/strong><\/p>\n

Somos la banda gaites que m\u00e1s kil\u00f3metros fizo nel mundu y eso faite ver -y sobre manera sentir- que la m\u00fasica asturiana pue tar a l\u2019altura de cualquier otra m\u00fasica, porque ensiguida supimos abrir espaciu y gananos a la xente, como ficimos en Xap\u00f3n. Non too ye flamencu, non too ye sur, tami\u00e9n hai una parte del norte de la pen\u00ednsula que tien que tar mui presente nesti tipu d\u2019eventos. Creo que tamos buscando o faciendo por abrir un espaciu que va durar munchos a\u00f1os, porque equ\u00ed faense coses mui interesantes y parezme importante que tean presentes n\u2019eventos d\u2019esti calter. Ye decir, que cuando dalguien conoza Espa\u00f1a, con\u00f3zala entera, non nam\u00e1s una peque\u00f1a parte.<\/p>\n

Que Villa de Xix\u00f3n entrara nesti tipu de circuitos va ser un beneficiu pa toos. De fechu, gracies a esto d\u2019Arabia Saud\u00ed y del \u00e9xitu que m\u00e1s o menos tuvimos ell\u00ed, tamos a puntu de zarrar m\u00e1s coses, porque gust\u00f3 muncho la interacci\u00f3n y c\u00f3mo nos adaptamos a les circunstancies. Y bueno, decir qu\u2019esti tipu d\u2019histories t\u00e1n mui bien valoraes non nam\u00e1s pal curr\u00edculum, sin\u00f3n poles persones que van ver estos espect\u00e1culos. La xente qu\u2019entraba nel Intrha buscaba conocer Espa\u00f1a y conocela dende dientro, y creo que lo algamamos ente tolos que t\u00e1bemos.<\/p>\n

<\/div>\n

\u00abSomos la banda gaites que m\u00e1s kil\u00f3metros fizo nel mundu y eso faite ver -y sobre manera sentir- que la m\u00fasica asturiana pue tar a l\u2019altura de cualquier otra m\u00fasica, porque enseguida supimos abrir espaciu y gananos a la xente, como ficimos en Xap\u00f3n. Non too ye flamencu, nun too ye sur, tami\u00e9n hai una parte del norte de la pen\u00ednsula que tien que tar mui presente nesti tipu d\u2019eventos\u00bb<\/mark><\/p><\/blockquote>\n

<\/div>\n

\u00bfQu\u00e9 an\u00e9cdotes pues cuntar de la esperiencia?<\/strong><\/p>\n

Hubo una cosa que nos impresion\u00f3 mucho. Hab\u00eda un saud\u00ed de 23 a\u00f1os, Saud ll\u00e1mase, que foi a venos dende l\u2019entamu onde\u2019l camerinu y d\u00edxonos \u00abyo ye que soi asturianu\u00bb; y yo: \u00abbueno, asturianu nun yes, nun te paeces muncho a los asturianos\u00bb; y \u00e9l: \u00abYo soi asturianu. Tuvi dos meses d\u2019Erasmus porque soi traductor d\u2019espa\u00f1ol y escoy\u00ed Asturies pa facer les mis pr\u00e1ctiques. Tuvi con una familia n\u2019Uvi\u00e9u dos meses y dos meses ye como si fuesen 20 a\u00f1os\u00bb. Ye una frase esta \u00faltima qu\u2019usen muncho los saud\u00edes.<\/p>\n

Y Saud tuvo con n\u00f3s tol viaxe. Ense\u00f1\u00f3nos munches coses de la cultura saud\u00ed, de les tradiciones, de c\u00f3mo faen pa casase, de c\u00f3mo ig\u00fcen los problemes\u2026 La diferencia cultural choc\u00f3nos munch\u00edsimo a lo primero, pero gracies a Saud pudimos conocela mui a fondu. Cost\u00f3nos muncho despidinos d\u2019\u00e9l y y eso que los chavales de la banda nam\u00e1s tuvieron tr\u00e9s d\u00edes con \u00e9l. Aprendi\u00f3 am\u00e1s les canciones asturianes, la Xota del Corral\u00edn que tocamos acab\u00f3 cant\u00e1ndola, visti\u00f3se d\u2019asturianu\u2026 \u00c9l tami\u00e9n conoc\u00eda a Jos\u00e9 \u00c1ngel y Mar\u00eda Jos\u00e9 Hevia, que tuvieren na embaxada saud\u00ed va tiempu nuna recepci\u00f3n y \u00e9l fuera\u2019l traductor. Tenemos pendiente que faiga una visita a Asturies, que naguo por que se materialice lo m\u00e1s pronto posible.<\/p>\n

<\/div>\n
\"\"<\/a><\/figure>\n
<\/div>\n

\u00bfAm\u00e1s del p\u00fablicu saud\u00ed, hubo asturianos emigraos que fueron a los shows?<\/strong><\/p>\n

S\u00ed. Vinieron a venos persones asturianes que taben trabayando n\u2019Aramco, que ye la petrolera que financi\u00f3 tou esti proyectu, la m\u00e1s grande del mundu. Y tami\u00e9n vinieron asturianos dende Bahrein, que conoc\u00eden a xente de la banda. Hubo media docena d\u2019asturianos que vinieron a casi tolos pases que ficimos, ven\u00eden casi tolos d\u00edes y eso agrad\u00f3nos a esgaya a toos.<\/p>\n

<\/div>\n

\u00abSaud foi un rapaz saud\u00ed de 23 a\u00f1os que nos dixo \u2018yo ye que soi asturianu\u2019 ytuvo con n\u00f3s tol viaxe. Cost\u00f3nos muncho despidinos d\u2019\u00e9l, aprendi\u00f3 am\u00e1s les canciones asturianes, la Xota del Corral\u00edn que tocamos acab\u00f3 cant\u00e1ndola, visti\u00f3se d\u2019asturianu\u2026\u00bb<\/mark><\/p><\/blockquote>\n

<\/div>\n

Esta esperiencia supunxo\u2019l nacimientu de Finxu. \u00bfQu\u00e9 pues cuntar d\u2019esti proyectu musical nuevu?<\/strong><\/p>\n

Ell\u00ed tuvimos tocando un tr\u00edu form\u00e1u por Nel Villanueva, Satur Vega y yo. Tuvimos que facer un show peque\u00f1u de 20 minutos que d\u00e1bemos dos vegaes al d\u00eda. Llam\u00e1moslu Finxu y la idea que tenemos los tr\u00e9s ye la de facer un grupu de culto, diferente a lo qu\u2019hai davezu nel panorama musical asturianu. Tampoco va ser una banda pa facer nam\u00e1s conciertos, sin\u00f3n que ye un grupu que creo que va ser una migaya d\u2019investigaci\u00f3n. Tamos mui met\u00edos nel tema bret\u00f3n y gallegu y ell\u00ed t\u00e1n faci\u00e9ndose coses que nos atraen muncho a los tr\u00e9s y creo que la historia va dir per eh\u00ed; buscar dalgunos caminos alternativos y n\u00f3n como lo que ficimos n\u2019Arabia Saud\u00ed, que foi plasmar la tradici\u00f3n m\u00e1s pura que tenemos equ\u00ed a travi\u00e9s de la gaita. Queremos grabar daqu\u00e9 cosa y facer un repertoriu bastante anovador.<\/p>\n

<\/div>\n

\u00abFinxu form\u00e1moslu Nel Villanueva, Satur Vega y yo y tenemos pa idea de facer un grupu diferente a lo qu\u2019hai angua\u00f1o nel panorama. Tamos mui met\u00edos nel tema bret\u00f3n y gallegu y ell\u00ed t\u00e1n faci\u00e9ndose coses que nos atraen muncho a los tr\u00e9s y creo que la historia va dir per eh\u00ed\u00bb<\/mark><\/p><\/blockquote>\n

\n
Gracias Arabia Saud\u00ed \"\ud83c\uddf8\ud83c\udde6\"<\/span> por acogernos y por todo lo vivido en el Ithra. Nos sentimos muy orgullosos de llevar un pedacito de Asturias tan lejos. Y gracias de coraz\u00f3n a quienes nos segu\u00eds y apoy\u00e1is siempre\u2026 esto tambi\u00e9n es por vosotros. \"\u2764\ufe0f\"<\/span>\"\ud83e\udd0d\"<\/span>\"\ud83c\udfb6\"<\/span><\/div>\n
#villadexixon<\/a><\/span> #vxenarabia<\/a><\/span><\/div>\n
\n\n