{"id":68289,"date":"2026-02-19T11:16:09","date_gmt":"2026-02-19T09:16:09","guid":{"rendered":"https:\/\/edublog.educastur.es\/ixuxu\/?p=68289"},"modified":"2026-02-20T10:10:00","modified_gmt":"2026-02-20T08:10:00","slug":"que-futuru-espera-yos-a-los-bolos-asturianos","status":"publish","type":"post","link":"https:\/\/edublog.educastur.es\/ixuxu\/2026\/02\/que-futuru-espera-yos-a-los-bolos-asturianos\/","title":{"rendered":"\u00bfQu\u00e9 futuru esp\u00e9ra-yos a los bolos asturianos?"},"content":{"rendered":"

<\/a><\/p>\n

\u00bfQu\u00e9 futuru esp\u00e9ra-yos a los bolos asturianos? El deporte aut\u00f3ctono esta manc\u00e1u, pero la so gran familia niegase a dexalo morrer en perdiendo la met\u00e1 de fiches dende 2010. Les modalidaes federaes apuren sofitu y volver a los colexos para evitar la so desapaici\u00f3n. LNE<\/a> \/ LNE<\/a><\/p>\n

<\/p>\n

El deporte aut\u00f3ctono por excelencia traviesa, probablemente, la mayor crisis de la so hestoria y, aun as\u00ed, aguanta. Les socesives recesiones econ\u00f3miques, el golpe devastador de la pandemia y la competencia feroz de los deportes d’\u00e9lite fueron arrequexando un xuegu que, magar tou, caltien n’activu a 75 equipos y 698 xugadores federaos part\u00edos en cinco modalidaes \u2014cuatriada, celta, vaqueiru, palma y batiente\u2014 con boleres distribuy\u00edes pel centru y les nales de la rex\u00f3n.<\/p>\n

Les cifres, sicas\u00ed, falten enforma de los barganal de 1.500 llicencies y m\u00e1s d’un centenar de pe\u00f1es qu’esist\u00eden en 2010. LA NUEVA ESPA\u00d1A axunt\u00f3 ayeri a dellos representantes de les distintes especializaes en La Morgal (Llanera), qu’amosaron la so disposici\u00f3n a remar xuntos pa evitar qu’una de les principales se\u00f1es d’identid\u00e1 d’Asturies caya nel olvidu.<\/p>\n

Hasta’l segundu cuartu del sieglu XX<\/strong>, cuando’l f\u00fatbol arrampu\u00f1\u00f3-y el tronu, los bolos fueron el deporte rei de los asturianos<\/strong>. El so postreru gran ciclu espansivu viviose ente 1996 y 2012, coincidiendo cola etapa del y\u00e1 fin\u00e1u Desiderio D\u00edaz al mandu de la Federaci\u00f3n Asturiana.<\/p>\n

Naquellos a\u00f1os dobl\u00e1ronse les 750 llicencies iniciales, la televisi\u00f3n auton\u00f3mica retresmit\u00eda part\u00edes en directu y construy\u00e9ronse m\u00e1s de 60 boleres en colexos. Floriaron torneos de gran formatu, como’l popular \u00abUn mill\u00f3n pal meyor impuls\u00e1u pol Conceyu d’Uvi\u00e9u, y celebr\u00e1ronse mundialinos con xugadores de dellos centros asturianos d’Am\u00e9rica y Europa.<\/p>\n

Trelce a\u00f1os dempu\u00e9s, marcaos pola estrechura presupuestaria y l’escasu respaldu institucional, el panorama ye bien distinto. L’actual presidente de la Federaci\u00f3n, Iv\u00e1n\u00a0Rivas (Ria\u00f1u, 1990), excampe\u00f3n d’Asturies de cuatriada, trata de revertir l’encl\u00edn sofit\u00e1ndose en llogros como la declaraci\u00f3n de Bien d’Inter\u00e9s Cultural (BIC) llograda en 2017<\/strong> y na collaboraci\u00f3n cola Conseyer\u00eda de Cultura pa dise\u00f1ar un plan estrat\u00e9xicu al travi\u00e9s de la mesa pol deporte tradicional constituyida en xunu de 2024. \u00abSi nun hai un camb\u00e9u d’aldu, corremos el riesgu de sumir\u00bb, alvierte Rivas, daqu\u00e9 m\u00e1s esperanz\u00e1u en conociendo que’l Princip\u00e1u va alzar angua\u00f1o les ayudes de 7.000 a 30.000 euros.<\/p>\n

Los datos de 2025, comparaos colos de va tr\u00e9s llustros, dibuxen xuna disciplina en retrocesu aceler\u00e1u. La cuatriada, modalid\u00e1 mayoritaria que s’espandi\u00f3 al calor de la miner\u00eda pel centru y l’oriente, ye la que m\u00e1s sufri\u00f3.<\/strong> Apenes suma 230 llicencies, cuando en 2012 superaba con floxura les 400 y, nos meyores a\u00f1os d’empiezos de sieglu, cuntaba con 150 xugadores de cantera; g\u00fcei apenes ronda la ventena.<\/p>\n

<\/a><\/p>\n

La Mudrera tira de la cuatriada: el resurdir de los bolos en Tiuya dempu\u00e9s de 40 a\u00f1os<\/p>\n

El cayente empieza na base. A finales de la primer d\u00e9cada del sieglu hab\u00eda m\u00e1s de 60 boleres actives en colexos asturianos<\/strong>. Una rede de monitores empecipiaba a los mozos y delles pe\u00f1es nutr\u00eden asina la so cantera. La gran crisis camud\u00f3 l’escenariu: la subvenci\u00f3n rexonal pas\u00f3 de 42.000 a 6.000 euros a\u00f1ales. Desmantel\u00e1ronse les clases nos centros educativos y munches boleres escolares fueron reconvert\u00edes o baltaes por falta d’usu.\u00a0<\/strong><\/p>\n

La perda progresiva de recursos amenorg\u00f3’l n\u00famberu de fiches, pero’l golpe definitivu lleg\u00f3 en 2020. La pandemia paraliz\u00f3 mientres m\u00e1s d’un a\u00f1u les competiciones. Cola maquinaria detenida, plantiyes avieyaes vieron retirase a los so xugadores veteranos y l’ausencia de torneos infantiles y xuveniles fren\u00f3’l relevu xeneracional.<\/strong> L’esbarrumbe foi inmediatu. Munches pe\u00f1es cerraron. N’Uvi\u00e9u y\u00e1 nun queda nenguna n’activu; nel oriente pas\u00f3se de m\u00e1s de venti equipos a solu tr\u00e9s nuna d\u00e9cada; y boleres monumentales como la cubierta de Llugones, inaugurada en 2000, apenes atopen usu magar que Siero sigue siendo’l conceyu con m\u00e1s equipos, seis en total.<\/p>\n

\u00a0El bolu celta<\/strong>, con epicentru en Tin\u00e9u, reaccion\u00f3 en 2012 creando una asociaci\u00f3n pa defender la so supervivencia. Ent\u00f3s sumaba 228 llicencies; g\u00fcei caltien en redol a 200. Hai, am\u00e1s, se\u00f1ales alentadores: competiciones reci\u00e9n axuntaron a 135 moces y la lliga femenina, integrada por 20 muyeres, rompi\u00f3 un hist\u00f3ricu techu de cristal. La pasada temporada participaron 19 equipos.<\/p>\n

El bolu vaqueiru<\/strong>, con asociaci\u00f3n propia dende 2000, consid\u00e9rase un exemplu de resiliencia. En Cangas taba pr\u00e1cticamente escast\u00e1u cuando se cre\u00f3’l colectivu; xuna d\u00e9cada dempu\u00e9s algam\u00f3 280 llicencies. Sicas\u00ed, el cayente de la miner\u00eda y l’\u00e9xodu xuvenil del suroccidente amenorgaron la pr\u00e1ctica hasta les 170 fiches actuales. En 2025 compitieron 21 pe\u00f1es na lliga, con un equipu d’Uvi\u00e9u y dos lleoneses (de L.laciana y Vil.lablinu).<\/p>\n

L’oriente asturianu vive una situaci\u00f3n especialmente delicada. El bolu palma o birle<\/strong>, modalid\u00e1 reina na vecina Cantabria y con tradici\u00f3n en Llanes, Pe\u00f1amellera y Ribedeva, cerr\u00f3 2025 con ocho pe\u00f1es y 58 llicencies, bien llue\u00f1e de les m\u00e1s de 300 de principios de sieglu. Catorce xugadores compiten en Cantabria, onde esisten 200 equipos y 2.000 federaos. \u00abEsto ac\u00e1base, nun creo qu’haya soluci\u00f3n\u00bb, llament\u00f3 Ico N\u00fa\u00f1ez en proclam\u00e1ndose campe\u00f3n d’Asturies de primera, como \u00fanicu xugador asturianu con llicencia nesa categor\u00eda.<\/p>\n

La batiente<\/strong>, con una mec\u00e1nica qu’a los ensin empecipiar recuerda al bowling americanu y una llarga hestoria na rex\u00f3n, tami\u00e9n s’apaga con rapidez. Solo sobreviven cuatro clubes y 40 federaos: 22 na pe\u00f1a El Tueru de Pravia, ocho na Moscona de Grau, siete en casa Jenaro (Carre\u00f1o) y tr\u00e9s en Ballota (Cuideiru). \u00abEl panorama ye desolador\u00bb, sentencia’l deleg\u00e1u de la modalid\u00e1, Fernando Blanco, que conf\u00eda en reaccionar antes de correr la mesma suerte d’otres modalidaes como’l bolu rodao<\/strong> (Lloza-Coa\u00f1a) y -y bolu lleon\u00e9s<\/strong>, que va dos d\u00e9cades ten\u00eden xuna trentena de llicencies y g\u00fcei y\u00e1 solo pract\u00edcase a nivel priv\u00e1u.<\/p>\n

Detr\u00e1s d’estes cifres hai un abandonu progresivu de boleres, delles centenaries. El zarru de pe\u00f1es implica la perda d’espacios emblem\u00e1ticos y de un tex\u00edu social que mientres xeneraciones vertebr\u00f3 Asturies. La reconocencia como BIC<\/strong> supunxo en 2017 una llombarada simb\u00f3lica al valor cultural de los bolos, pero inda nun tuvo efectos tanxibles na recuperaci\u00f3n de la so pr\u00e1ctica nin nel caltenimientu del so patrimoniu.<\/strong> La supervivencia d’esti xuegu ancestral va depender de que la tradici\u00f3n atope un nuevu enraigono nes xeneraciones nueves y de que les instituciones sofiten con fechos una de les se\u00f1es esencial de la identid\u00e1 asturiana.<\/p>\n

<\/a><\/p>\n","protected":false},"excerpt":{"rendered":"

\u00bfQu\u00e9 futuru esp\u00e9ra-yos a los bolos asturianos? El deporte aut\u00f3ctono esta manc\u00e1u, pero la so gran familia niegase a dexalo morrer en perdiendo la met\u00e1 de fiches dende 2010. Les modalidaes federaes apuren sofitu y volver a los colexos para evitar la so desapaici\u00f3n. LNE \/ LNE<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[133],"tags":[],"class_list":["post-68289","post","type-post","status-publish","format-standard","hentry","category-deportes"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/68289","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=68289"}],"version-history":[{"count":6,"href":"https:\/\/edublog.educastur.es\/ixuxu\/wp-json\/wp\/v2\/posts\/68289\/revisions"}],"predecessor-version":[{"id":68309,"href":"https:\/\/edublog.educastur.es\/ixuxu\/wp-json\/wp\/v2\/posts\/68289\/revisions\/68309"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=68289"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=68289"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=68289"}],"curies":[{"name":"wp","href":"https:\/\/api.w.org\/{rel}","templated":true}]}}