{"id":68696,"date":"2026-02-28T14:20:05","date_gmt":"2026-02-28T12:20:05","guid":{"rendered":"https:\/\/edublog.educastur.es\/ixuxu\/?p=68696"},"modified":"2026-02-28T14:20:23","modified_gmt":"2026-02-28T12:20:23","slug":"barayo-la-sablera-selvaxe-que-pocos-conocen","status":"publish","type":"post","link":"https:\/\/edublog.educastur.es\/ixuxu\/2026\/02\/barayo-la-sablera-selvaxe-que-pocos-conocen\/","title":{"rendered":"Barayo: La sablera selvaxe que pocos conocen"},"content":{"rendered":"

Paez Haw\u00e1i pero ye Asturies: la sablera selvaxe que pocos conocen, a la que nun lleguen los coches, y qu’escuende una gran cueva. Declarada en 2023 como’l meyor arenal d’Espa\u00f1a por The Times, presenta un encantu natural que dexa a toos estelaos. Semeyes de Miki L\u00f3pez \/\u00a0LNE<\/a><\/p>\n

<\/a><\/p>\n

La Sablera de Barayo ye una d’eses xoyes pocu esquizaes del occidente asturianu, concretamente ente los conceyos de Navia y Vald\u00e9s.<\/strong> Forma parte de la Reserva Natural Parcial Barayo, declarada como tal en 1995. Nesta sablera desagua’l r\u00edu Barayo y el conxuntu de la Reserva destaca polos paisaxes y vexetaci\u00f3n qu’esta esibe.<\/p>\n

<\/p>\n

Los sos cantiles y relieves pronunciaos de materiales cuarc\u00edticos y arenisques faen qu’esti llugar tea catalog\u00e1u como Puntu d’Inter\u00e9s Xeol\u00f3xicu (P.I.G.)<\/strong>. La desaguada del r\u00edu forma un estuariu y la sablera presenta otros fen\u00f3menos naturales como dunes o marismes, xuntu con una gran cueva y un aguaxe moder\u00e1u (perfectu pa realizar deportes acu\u00e1ticos como surf o buc\u00e9u). Como inter\u00e9s, esta ye xuna de les sableres col granu de sable m\u00e1s finu d’Asturies y foi declarada en 2023 como la \u00abMeyor Sablera d’Espa\u00f1a\u00bb por The Times.<\/p>\n

<\/a><\/p>\n

Amanecer na redolada de la sablera de Barayo<\/p>\n

Esta redolada privilexada de dos kil\u00f3metros cuadraos tami\u00e9n dispon d’una flora bien prominente y curiosa. La vida vexetal conforma dellos plant\u00edos d’ocalitos y pinos. Sicas\u00ed, la so vida animal ye llindada. El grupu m\u00e1s predominante son les aves como l’Ostreru o la Garza Real. Ye por eso polo que ta considerada Zona d’Especial Protecci\u00f3n pa les Aves (ZEPA)<\/strong>. Agora bien, tami\u00e9n pueden atopase pequenes poblaciones de xabal\u00edes, corzos o llondres; tando estes postreres fuertemente protex\u00edes al tar amenaciaes pol impactu humanu.<\/p>\n

Al ser una sablera pr\u00e1cticamente virxe, nun dispon de chiringos, ba\u00f1os o servicios de salvamentu. D’ende que s’encamiente visitala bien forn\u00edos de comida y b\u00e9bora, por cuenta de la escasez d’establecimientos cercanos. Esta sablera inda caltien xuna baxa ocupaci\u00f3n y una gran guapura paisax\u00edstica pa los amantes de la naturaleza en tou la so rellumanza.<\/p>\n

<\/a><\/p>\n

 <\/p>\n

 <\/p>\n

Dos posibilidaes d’accesu<\/strong> La principal raz\u00f3n pola que nun ta masificada ye pol rec\u00f3ndito llugar nel que s’atopa. P’aportar a ella hai dos posibilidaes. Si partes dende Navia, la forma m\u00e1s directa ye baxando’l cantil al travi\u00e9s d’unes escaleres bastante empinaes. Anque s\u00eda’l cam\u00edn m\u00e1s r\u00e1pidu, nun ye pa tolos p\u00fablicos. La otra forma ye partir de Sabugo (Vald\u00e9s) y travesar la Reserva completa hasta llegar a la sablera. Esta opci\u00f3n ufierta xuna sienda al travi\u00e9s d’un monte frondoso y llar\u00e1u de vexetaci\u00f3n. La dificult\u00e1 ye muncho menor, anque te llevar\u00e1 alredor de 30 minutos.<\/p>\n

\n\n