{"id":68856,"date":"2026-03-02T18:06:38","date_gmt":"2026-03-02T16:06:38","guid":{"rendered":"https:\/\/edublog.educastur.es\/ixuxu\/?p=68856"},"modified":"2026-03-03T18:25:37","modified_gmt":"2026-03-03T16:25:37","slug":"lucus-asturum-bien-dinteres-cultural-bic","status":"publish","type":"post","link":"https:\/\/edublog.educastur.es\/ixuxu\/2026\/03\/lucus-asturum-bien-dinteres-cultural-bic\/","title":{"rendered":"Lucus Asturum, Bien d’Inter\u00e9s Cultural (BIC)"},"content":{"rendered":"

El Princip\u00e1u oficializa la declaraci\u00f3n como Bien d’Inter\u00e9s Cultural (BIC) de Lucus Asturum<\/strong>: \u00abYe un testimoniu fundamental de les d\u00f3mines romano y medieval\u00bb. La Real Academia de la Hestoria, la Universid\u00e1 d’Uvi\u00e9u y el Real Institutu d’Estudios Asturianos sofiten la decisi\u00f3n. LNE<\/a><\/p>\n

<\/a>Esperanza Mart\u00edn, nel centro, nuna visita guiada a la excavaci\u00f3n. \/ L. R.<\/span><\/p>\n

<\/p>\n

El Conseyu de Gobiernu del Princip\u00e1u oficializ\u00f3 esta ma\u00f1ana, acordies con el dictame emit\u00edu va un mes pol Conseyu de Patrimoniu, la declaraci\u00f3n como bien d’inter\u00e9s cultural (BIC), cola categor\u00eda de zona arqueol\u00f3xica<\/strong>, del xacimientu de Lucus Asturum, allug\u00e1u en Llanera.<\/strong> \u00abLos restos alcontraos nesta redolada constit\u00fain un testimoniu fundamental de la ocupaci\u00f3n de la \u00e1rea central d’Asturies en d\u00f3mina romana y medieval\u00bb, sorrayen fontes del executivu auton\u00f3micu, que destaquen el fechu de qu’esta decisi\u00f3n cunta con informes favorables de la Real Academia de la Hestoria, la Universid\u00e1 d’Uvi\u00e9u y el Real Institutu d’Estudios Asturianos (RIDEA).<\/p>\n

La zona arqueol\u00f3xica alcu\u00e9ntrase na Er\u00eda de La Casta\u00f1era y esti\u00e9ndese sobro una superficie de 194.500 metros cuadraos. Ente los restos identificaos nes campa\u00f1es realizaes so la direcci\u00f3n de l’arque\u00f3loga Esperanza Mart\u00edn destaquen dos edificacione<\/strong>s, una d’elles destinada a usu termal, una gran estructura d’aprosimao 50 metros de llargu y hasta 15 metros d’anchu, qu’ufierta una superficie interna non inferior a 800 metros cuadraos. Cuenta con siete estancies<\/strong> y los materiales recuperaos mientres la escavaci\u00f3n ufierten una cronolox\u00eda entendida ente finales del sieglu I o entamos del II d.C. y el sieglu IV d.C.<\/p>\n

L’otru edificiu alcontr\u00e1u correspuende a un espaciu destin\u00e1u a vivienda, que se compon d’un conxuntu habitacional integr\u00e1u por distintes estancies que dexen interpretar el grupu como una casa dotada de patiu con pozu. Cronol\u00f3xicamente, la ocupaci\u00f3n del inmueble puede cifrase en siquier dos o tr\u00e9s centuries, con una perduraci\u00f3n d’hasta, siquier, el sieglu IV, se\u00f1ala’l Conseyu del Patrimoniu Cultural d’Asturies.<\/p>\n

\u00abEspecialmente significativa ye la presencia d’un pozu d’agua<\/strong>, que les sos pieces correspondientes al brocal fueren refundiaes al interior de manera intencional. La escavaci\u00f3n d’esti pozu refundi\u00f3 un interesante conxuntu de materiales, incluyendo elementos org\u00e1nicos n’escepcional est\u00e1u de caltenimientu. Ente ellos topen restos de calz\u00e1u de cueru, pieces de madera o restos de fradadura\u00bb, destaca Patrimoniu nel resolvimientu que dio’l vistu bonu a la declaraci\u00f3n como BIC.<\/p>\n

<\/a><\/p>\n

\n