{"id":69608,"date":"2026-03-17T18:17:42","date_gmt":"2026-03-17T16:17:42","guid":{"rendered":"https:\/\/edublog.educastur.es\/ixuxu\/?p=69608"},"modified":"2026-03-18T11:37:42","modified_gmt":"2026-03-18T09:37:42","slug":"voces-femenines-nel-poex-para-una-antoloxia-de-poesia-infantil","status":"publish","type":"post","link":"https:\/\/edublog.educastur.es\/ixuxu\/2026\/03\/voces-femenines-nel-poex-para-una-antoloxia-de-poesia-infantil\/","title":{"rendered":"Voces femenines nel Poex para una antolox\u00eda de poes\u00eda infantil."},"content":{"rendered":"

L’asociaci\u00f3n cultural \u00abGenialog\u00edas\u00bb y l’editorial Pintar-Pintar<\/a> publiquen un volume qu’arrexunta poemes de 38 artistes y dibuxos de 39 ilustradores. LNE<\/a><\/p>\n

<\/a><\/p>\n

Por la izquierda, Cristina Grisol\u00eda, Paula de la Fuente, Olvido And\u00fajar, Ester S\u00e1nchez, Berta Pi\u00f1\u00e1n, Eva Navarro, Luisa Antol\u00edn y Mar\u00eda Rosa Serdio. \/ Marcos Le\u00f3n<\/span><\/p>\n

<\/p>\n

D’una grana naci\u00f3 una antolox\u00eda. Nun ye f\u00e1cil atopase angua\u00f1o un recopilatorio de poemes dedicaos al p\u00fablicu infantil, pero para l’asociaci\u00f3n de muyeres poetes, \u00abGenialog\u00edas\u00bb, un dif\u00edcil nun ye un imposible.<\/p>\n

La idea surdi\u00f3 de Luisa Antol\u00edn n’una de les asamblees y foi r\u00e1pido aceptada pol restu d’integrantes. Una antolox\u00eda de poemes nos que \u00abrecoyer la tradici\u00f3n y les voces d’autores que nun escribieron poes\u00eda infantil\u00bb, esplic\u00f3 Antol\u00edn. Asina naci\u00f3 \u00abVientos verdes. Genias de la poes\u00eda. Antolox\u00eda Ilustrada\u00bb<\/strong><\/span>, present\u00e1u ayeri na biblioteca d’El Natahoyo dientro de los actos del Poex.<\/p>\n

<\/a><\/p>\n

Gran parte del m\u00e9ritu qu’esta publicaci\u00f3n tea g\u00fcei na cai tami\u00e9n se debe a la editorial Pintar-Pintar<\/strong> que se comprometi\u00f3 dende’l primer momentu con un proyectu que llogra \u00abdaqu\u00e9 bien senciellu nos tiempos que vivimos\u00bb. \u00abEsta publicaci\u00f3n recuerda que ser llibres na mirada, lleer con aselu y ser senciellos tami\u00e9n ye una forma de resistencia\u00bb, detall\u00f3 Ester S\u00e1nchez, editora de la publicaci\u00f3n y moderadora de la mesa redonda na que participaron dalgunes de les ant\u00f3logues como Eva Navarro, Cristina Grisol\u00eda o Olvidu And\u00fajar.<\/p>\n

Tami\u00e9n particip\u00f3 nel coloquiu Berta Pi\u00f1\u00e1n, exconseyera de Cultura del Princip\u00e1u que resalt\u00f3’l llabor de \u00abGenialog\u00edas\u00bb, una asociaci\u00f3n que foi atopando pel cam\u00edn el so oxetivu. \u00abVa a\u00f1os llegamos a la conclusi\u00f3n de que fu\u00e9ramos educaes na ignorancia de la esistencia d’una tradici\u00f3n que nos pertenec\u00eda y fu\u00e9ranos arrampu\u00f1ada. Ten\u00edamos el deber de recuperala\u00bb, record\u00f3 Pi\u00f1\u00e1n, demostrando como esta antolox\u00eda ye’l gran s\u00edmbolu d’esa reconquista cultural.<\/p>\n

<\/a><\/p>\n

Los a\u00f1os de trabayu na obra resultaron nun compilatorio de poemes onde participen 38 poetes y 39 ilustradoras.<\/strong> \u00abQuer\u00edamos un llibru bellu y acab\u00f3se convirtiendo en tou un \u00e1rbol enredadera pens\u00e1u al p\u00fablicu infantil, pero que puede ser lle\u00edu por toos\u00bb, esplic\u00f3 Antol\u00edn, pela so parte. Col amor pola poes\u00eda como bandera, la resultancia foi m\u00e1s que satisfactoriu pa les muyeres que participaron na so creaci\u00f3n. \u00abUn furac\u00e1n\u00bb, en palabres d’Antol\u00edn, nel que mozos y non tan nuevos pueden dexase llevar.<\/p>\n

Esta antolox\u00eda ilustrada naz del impulsu de l’asociaci\u00f3n feminista de muyeres poetes Genialog\u00edas, que’l so trabayu tien como oxetivu espublizar y sofitar la poes\u00eda escrita por muyeres.<\/strong> Dende esi prop\u00f3situ surde Vientos Verdes. Genias de la poes\u00eda, un proyectu que quier contribuyir a arriquecer l’universu po\u00e9ticu que s’ufierta a ne\u00f1es y ne\u00f1os, dando a conocer a autores referentes na poes\u00eda universal y celebrando tami\u00e9n a les autores imprescindibles na poes\u00eda empobinada a p\u00fablicu infantil.<\/p>\n

\n\n