{"id":70007,"date":"2026-03-24T14:34:36","date_gmt":"2026-03-24T12:34:36","guid":{"rendered":"https:\/\/edublog.educastur.es\/ixuxu\/?p=70007"},"modified":"2026-03-24T14:35:34","modified_gmt":"2026-03-24T12:35:34","slug":"cultura-refuercial-sofitu-a-la-industria-musical","status":"publish","type":"post","link":"https:\/\/edublog.educastur.es\/ixuxu\/2026\/03\/cultura-refuercial-sofitu-a-la-industria-musical\/","title":{"rendered":"Cultura refuercia\u2019l sofitu a la industria musical"},"content":{"rendered":"
\n

<\/a><\/p>\n

Cultura refuercia\u2019l sofitu a la industria musical con una edici\u00f3n nueva de M\u00fasica en Rede, del 14 al 16 d\u2019abril en Xix\u00f3n. El programa incluye once showcases <\/strong>y va poner el ramu col conciertu de la banda escocesa Capercaillie en La Llaboral. Cuatro talleres pr\u00e1cticos y sesiones formatives completen la programaci\u00f3n, ufiertando claves sobre ferramientes dixitales, derechos, movilid\u00e1 y sal\u00fa nel \u00e1mbitu musical. <\/strong>Actualid\u00e1<\/a><\/p>\n

<\/p>\n

La Conseyer\u00eda de Cultura, Pol\u00edtica Lling\u00fc\u00edstica y Deporte entama una edici\u00f3n nueva de la muestra sectorial Alcuentru Profesional, M\u00fasica en Rede, que se va celebrar los d\u00edes 14, 15 y 16 d\u2019abril en Xix\u00f3n y que vuelve a asitiar a Asturies como puntu d\u2019alcuentru pa los profesionales de la industria musical.<\/p>\n

El Princip\u00e1u impulsa esta iniciativa cola mirada puesta en siguir fortaleciendo\u2019l sector, xenerar oportunidaes reales p\u2019artistes y empreses y afianzar espacios de trabayu compart\u00edu que dexen texer rede dientro y fuera d\u2019Asturies.<\/p>\n

La programaci\u00f3n incluye 11 conciertos de duraci\u00f3n curtia (showcases), onde van participar Tania Pereira, Pablo Vald\u00e9s Tr\u00edo, Tuya, Antonio Ir\u00fan y los Lobos, Tino Di Geraldo Quartet, La Ciud\u00e1 nel Mar, Asturiana Mining Company, Rub\u00e9n Alba Band, Los M\u00edticos del Chimborazo, Ent\u00f3s y Rub\u00e9n Bada. Les actuaciones van repartise en dellos espacios de Llaboral Ciud\u00e1 de la Cultura, como\u2019l teatru y lo que foron les cocines, y ampl\u00edense nesta edici\u00f3n a la ilesia de la Llaboral y a les sales Alb\u00e9niz y Acapulco, nel centru de la ciud\u00e1 xixonesa.<\/p>\n

Xunto a la m\u00fasica en directo, M\u00fasica en Rede vuelve poner el focu nos retos del sector. Va haber cuatro meses redondes de debate dedicaes a cuestiones como la iguald\u00e1 na industria musical, cola participaci\u00f3n de Lara Alc\u00e1zar (Asociaci\u00f3n MIM) y Fee Reega; el pasu del aula al escenariu, con Anxo Pintos (ETRAD) y Mario Carrillo (Escuela M\u00fasica Creativa); o\u2019l di\u00e1logu ente lo tradicional y lo contempor\u00e1neo, con Xos\u00e9 Amb\u00e1s, Leticia Baselgas y Ferla Meg\u00eda, am\u00e1s d\u2019una sesi\u00f3n espec\u00edfica sobre internacionalizaci\u00f3n onde van participar Asturex y Sekuens. Igualmente van celebrase dos alcuentros comerciales ente profesionales, pensaos pa facilitar contactos y abrir v\u00edes de collaboraci\u00f3n nueves.<\/p>\n

El programa compl\u00e9tase con cuatro talleres pr\u00e1cticos y sesiones formatives centraos n\u2019aspectos clave pa la profesionalizaci\u00f3n; la xesti\u00f3n de derechos musicales, con In\u00e9s Cardero (AEDEM) y Miguel Di\u00e9guez (SGAE); la movilid\u00e1 internacional na industria, con Beatriz Ortega (ES M\u00fasica); o el curi\u00e1u de la sal\u00fa f\u00edsica y mental nel \u00e1mbitu art\u00edsticu, con Rosana Corbacho y Amaia Carnicer.<\/p>\n

Capercaillie, el 16 d\u2019abril nel Teatru de La Llaboral<\/strong><\/p>\n

El ramu d\u2019esta edici\u00f3n de M\u00fasica en Rede va tar marc\u00e1u pol conciertu de la banda escocesa tan prestixosa Capercaillie, una de les formaciones m\u00e1s reconoc\u00edes de la escena celta internacional, que va actuar el 16 d\u2019abril nel Teatru de la Llaboral. La so presencia ayuda a reforciar el calter abiertu y conect\u00e1u de la muestra y asitia a Asturies nel circuitu de referencia de la m\u00fasica de ra\u00edz atl\u00e1ntica.<\/p>\n

Capercaillie, formada nos a\u00f1os ochenta n\u2019Escocia y encabezada pola cantante Karen Matheson, afianz\u00f3se como una de les bandes m\u00e1s influyentes na renovaci\u00f3n de la m\u00fasica tradicional ga\u00e9lica, combinando son\u00edos tradicionales con arreglos contempor\u00e1neos y algamando una proyecci\u00f3n internacional bien amplia. A lo llargo de la so trayectoria, el grupu ayud\u00f3 de manera decisiva a averar la m\u00fasica celta a p\u00fablicos nuevos y a asitiala nos principales circuitos europeos.<\/p>\n

Dende les sos primeres grabaciones tan innovadores, el grupu llev\u00f3 a cabu xires por m\u00e1s de 30 pa\u00edses de tol mundu, public\u00f3 10 \u00e1lbumes gallardonaos (con m\u00e1s d\u2019un mill\u00f3n de copies vend\u00edes), actu\u00f3 y apaeci\u00f3 na pel\u00edcula Rob Roy y llogr\u00f3\u2019l primer tema en ga\u00e9licu n\u2019entrar nel top 40, Coisich a Ruin. Dende\u2019l llanzamientu del so \u00faltimu \u00e1lbum, ReLoved, una colecci\u00f3n d\u2019arreglos sinf\u00f3nicos grabaos cola Orquesta Sinf\u00f3nica Escocesa de la BBC, dex\u00f3 almirao al p\u00fablicu en festivales europeos, y escosaron les entraes nos sos conciertos nel Reinu Un\u00edu.<\/p>\n

Inscripciones na muestra y entraes pa Capercaillie<\/strong><\/p>\n

El plazu d\u2019inscripci\u00f3n pa profesionales y\u00e1 ta abiertu al travi\u00e9s de la web www.musicaenrede.asturiesculturaenrede.es, onde pue consultase\u2019l programa completu.<\/p>\n

Les entraes pal conciertu de Capercaillie punx\u00e9ronse g\u00fcei a la venta a un preciu de 20 euros con descuentu cola tarxeta del Club Cultura Princip\u00e1u d\u2019Asturies, y t\u00e1n disponibles na web www.laboralciudaddelacultura.com, na Recepci\u00f3n de la Llaboral y nel Centru d\u2019Informaci\u00f3n Tur\u00edstica del Princip\u00e1u d\u2019Asturies n\u2019Uvi\u00e9u.<\/p>\n

Con esta edici\u00f3n nueva, el Gobiernu d\u2019Asturies da continuid\u00e1 a una llinia de trabayu sostenida nel tiempu p\u2019acompa\u00f1ar al sector musical, favorecer el so crecimientu y afianzar la cultura como una industria con capacid\u00e1 de xenerar activid\u00e1, emplegu y promoci\u00f3n nel merc\u00e1u esterior.<\/p>\n<\/div>\n

 <\/p>\n

\n