{"id":78342,"date":"2026-06-29T19:20:45","date_gmt":"2026-06-29T17:20:45","guid":{"rendered":"https:\/\/edublog.educastur.es\/ixuxu\/?p=78342"},"modified":"2026-06-29T19:54:45","modified_gmt":"2026-06-29T17:54:45","slug":"la-banda-sonora-de-marcos-garcia","status":"publish","type":"post","link":"https:\/\/edublog.educastur.es\/ixuxu\/2026\/06\/la-banda-sonora-de-marcos-garcia\/","title":{"rendered":"La Banda Sonora de Marcos Garc\u00eda"},"content":{"rendered":"<div class=\"elementor-element elementor-element-667e3c7 elementor-widget__width-inherit elementor-widget elementor-widget-theme-post-title elementor-page-title elementor-widget-heading\" data-id=\"667e3c7\" data-element_type=\"widget\" data-e-type=\"widget\" data-widget_type=\"theme-post-title.default\">\n<div class=\"elementor-widget-container\">\n<ul>\n<li class=\"elementor-heading-title elementor-size-default\"><a href=\"https:\/\/musicasturiana.com\/la-banda-sonora-de-marcos-garcia\/\">La Banda Sonora de Marcos Garc\u00eda. Musicasturiana.com<\/a><\/li>\n<\/ul>\n<\/div>\n<\/div>\n<div class=\"elementor-element elementor-element-00f4678 elementor-widget__width-inherit elementor-widget elementor-widget-theme-post-excerpt\" data-id=\"00f4678\" data-element_type=\"widget\" data-e-type=\"widget\" data-widget_type=\"theme-post-excerpt.default\">\n<div class=\"elementor-widget-container\">El m\u00fasicu y xestor escueye los 20 cantares que m\u00e1s-y presten y fala de pol\u00edtiques culturales, de K-Pop, de referentes cercanos y m\u00e1s..<\/div>\n<div class=\"elementor-widget-container\">.<\/div>\n<div style=\"text-align: center\">\n<p><a href=\"https:\/\/musicasturiana.com\/wp-content\/uploads\/2026\/04\/la-banda-sonora-de-marcos-garcia.jpg\"><img loading=\"lazy\" decoding=\"async\" class=\"aligncenter \" src=\"https:\/\/musicasturiana.com\/wp-content\/uploads\/2026\/04\/la-banda-sonora-de-marcos-garcia.jpg\" width=\"770\" height=\"385\" \/><\/a><!--more--><\/p>\n<p class=\"wp-block-paragraph\" style=\"text-align: left\"><strong>Marcos Garc\u00eda\u00a0<\/strong>(Morea d\u2019Ayer, 1984) ye xestor y m\u00fasicu. Angua\u00f1o forma parte de les bandes qu\u2019acompa\u00f1en a\u00a0<strong>Herbamora\u00a0<\/strong>y al gaiteru<strong>\u00a0Rub\u00e9n Alba<\/strong>\u00a0y durante les dos primeres d\u00e9cades de los 2000 form\u00f3 parte de diversos proyectos musicales n\u2019Asturies\u00a0<strong>-Blima, Macadamia<\/strong>-, internacionales \u2013<strong>Accordtrio<\/strong>-, y punxo en marcha producciones musicales de composici\u00f3n orixinal pa espect\u00e1culos de nueva creaci\u00f3n \u2013<em><strong>Palabres, ERRAI<\/strong><\/em>-. Tami\u00e9n punxo clase de curdi\u00f3n diat\u00f3nicu y percusi\u00f3n en distintes escueles municipales de toa Asturies. El so llabor musical foi galardon\u00e1u col 1er Premiu + Premiu del P\u00fablicu nel\u00a0<em><strong>Troph\u00e9e interceltique d\u2019accord\u00e9on diatonique<\/strong><\/em>\u00a0del Festival Interceltique de Lorient (2010) y el 1er Premiu nel\u00a0<strong><em>Concours de multi-instrumentistes<\/em><\/strong>del Festival Cornouallie de Quimper (2011), siendo en dambos casos el<strong>\u00a0primer y \u00fanicu m\u00fasicu del Est\u00e1u Espa\u00f1ol n\u2019algamar estos premios<\/strong>\u00a0en tola historia d\u2019estos festivales. Como xestor, ye\u2019l coordinador de los alcuentros profesionales\u00a0<em><strong>Asturies, M\u00fasica en Rede<\/strong><\/em>qu\u2019entama la Conseyer\u00eda Cultura, Pol\u00edtica Lling\u00fc\u00edstica y Deporte, y actualmente -tres de ser responsable en\u00a0<strong>TikTok\u00a0<\/strong>de los partnerships estrat\u00e9xicos na estaya de Deportes ya Entretenimientu- trabaya como m\u00e1simu responsable n\u2019Espa\u00f1a de la plataforma\u00a0<strong>Substack<\/strong>.<\/p>\n<p class=\"wp-block-paragraph\" style=\"text-align: left\">Con \u00e9l siguimos cola estaya \u00ab<strong>La Banda Sonora De\u2026<\/strong>\u00ab, una serie d\u2019entrevistes de personalid\u00e1 acompa\u00f1aes d\u2019una\u00a0<strong><em>playlist<\/em><\/strong>de Spotify na que cada persona entrevistada escueye los\u00a0<strong>20 cantares<\/strong>\u00a0<strong>que m\u00e1s-y presten<\/strong>.<\/p>\n<\/div>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe data-testid=\"embed-iframe\" style=\"border-radius:12px\" src=\"https:\/\/open.spotify.com\/embed\/playlist\/0dqpVJLJjxNOfxMSjSCUTn?utm_source=generator&#038;theme=0&#038;si=534356bd18c947ba\" width=\"100%\" height=\"704\" frameborder=\"0\" allowfullscreen allow=\"autoplay; clipboard-write; encrypted-media; fullscreen; picture-in-picture\" loading=\"lazy\" 0=\"\/iframe\" scrolling=\"yes\" class=\"iframe-class\"><\/iframe>\n<\/p>\n<h5 id=\"un-discu-qu-enxamas-canses-de-sentir\" class=\"wp-block-heading\"><strong>Un discu qu\u2019enxam\u00e1s canses de sentir<\/strong>.<\/h5>\n<p class=\"wp-block-paragraph\">Enantes de n\u00e1, quiero davos les gracies por convidame a esta estaya. F\u00e1ime una ilusi\u00f3n enorme, de verd\u00e1. A ver. \u00daltimamente toi sintiendo muncho muncho a Ferr\u00e1n Palau. Si pienso un poco m\u00e1s dende una perspectiva temporal m\u00e1s amplia, quiciabes el<em>\u00a0Family Dinner Vol. 2\u00a0<\/em>de Snarky Puppy de 2016. De Ninghures ta atrap\u00e1ndome muncho tami\u00e9n.<\/p>\n<div class=\"wp-block-spacer\" aria-hidden=\"true\"><\/div>\n<h5 id=\"si-tuvieres-que-formar-parte-d-otru-proyectu-musical-cual-seria\" class=\"wp-block-heading\"><strong>Si tuvieres que formar parte d\u2019otru proyectu musical, \u00bfcu\u00e1l ser\u00eda?<\/strong><\/h5>\n<p class=\"wp-block-paragraph\">Tuvi la oportunid\u00e1 de comentalo fai unos d\u00edes con Donald Shaw (Director Art\u00edsticu del Celtic Connections de Glasgow): siempre m\u2019interesaron enforma los formatos que nesi festival desendolquen baxo la etiqueta \u201cNew Voices\u201d, y modelos afines que fui alcontrando a lo llargo de los a\u00f1os n\u2019otru tipu de festivales. B\u00e1sicamente, tr\u00e1tase d\u2019un proyeutu que naz d\u2019una comisi\u00f3n (un encargu) que-y prop\u00f3n un festival a un artista (o a tr\u00e9s artistes por a\u00f1u, nel caso del Celtic) col oxetivu de crear m\u00fasica totalmente nueva y orixinal, pa estrenala n\u2019esclusiva nesi festival. Muncha de la m\u00fasica que m\u00e1s disfrut\u00e9 (y m\u00e1s estudi\u00e9) cuando trabayaba como m\u00fasicu son discos que salieron d\u2019eh\u00ed y llegaron a m\u00ed. Creo tengo tolos discos dende la primer edici\u00f3n de 1997. Prestar\u00edame muncho tener esa posibilid\u00e1 de volver a crear dende cero con esi formatu alg\u00fan d\u00eda.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\">\n<p class=\"wp-block-paragraph\">\u00abSiempre m\u2019interesaron enforma los formatos musicales que nacen d\u2019un encargu que-y prop\u00f3n un festival a un o varios artistes col oxetivu de crear m\u00fasica totalmente nueva y orixinal, pa estrenala n\u2019esclusiva nesi festival\u00bb<\/p>\n<\/blockquote>\n<div class=\"wp-block-spacer\" aria-hidden=\"true\"><\/div>\n<h5 id=\"de-los-cantares-que-compusisti-o-interpretes-cual-ye-l-to-preferiu\" class=\"wp-block-heading\"><strong>De los cantares que compusisti o interpretes, \u00bfcu\u00e1l ye\u2019l to prefer\u00edu?<\/strong><\/h5>\n<p class=\"wp-block-paragraph\">Teo que confesar daqu\u00e9: cuento que los temes y los proyectos que compuse nestos a\u00f1os nunca pudieron tresmitise a la manera que yo ten\u00eda na mio tiesta. Fuese en grabaciones de discos o n\u2019espect\u00e1culos en directo, nun qued\u00e9 nunca del too conforme con esa traducci\u00f3n de la m\u00fasica que sonaba na mio cabeza con respecto a c\u00f3mo llegaba al espectador\/a. Soi consciente de que ye, mui probablemente, cierta falta de capacid\u00e1 o habilid\u00e1 pela mio parte.<\/p>\n<p class=\"wp-block-paragraph\">Dicho esto, tengo-y un ci\u00f1u especial a tolo que fixi con\u00a0<em>Palabres\u00a0<\/em>en 2013 (un proyectu del grupu San F\u00e9lix de Cand\u00e1s onde m\u2019encargu\u00e9 de los arranchos y la producci\u00f3n xunto a Mapi Quintana, Rub\u00e9n Bada y Fernando Arias) y, sobremanera, con ERRAI (un enfotu mui personal en forma de suite musical de composici\u00f3n propia pensada al rodiu del curdi\u00f3n diat\u00f3nicu, el mio instrumentu principal, con 9 m\u00fasicos a los qu\u2019almiraba ya almiro muncho, arrop\u00e1ndome naquel saltu al vac\u00edu).<\/p>\n<div class=\"wp-block-spacer\" aria-hidden=\"true\"><\/div>\n<h5 id=\"cuando-foi-la-primer-vez-que-xubisti-a-un-escenariu-y-que-paso-enantes-durante-y-depues\" class=\"wp-block-heading\"><strong>\u00bfCu\u00e1ndo foi la primer vez que xubisti a un escenariu y que pas\u00f3 enantes, durante y depu\u00e9s?<\/strong><\/h5>\n<p class=\"wp-block-paragraph\">Nun foi un escenariu como tal. La mio primer actuaci\u00f3n en p\u00fablico foi nel desfile del Dia d\u2019Am\u00e9rica n\u2019Asturies de 1997, col tambor asturianu, como parte d\u2019una xuntanza de munchos (munchos\u2026) gaiterxs y tamboriterxs de diferentes formaciones d\u2019Asturies que toc\u00e1bemos la misma pieza\u00a0<em>ad infinitum<\/em>. Aquella tarde deprend\u00ed varies coses: a siguir el pasu nun desfile; a garrar bien les baquetes (cay\u00f3me una a los 10 metros d\u2019entamar) y daqu\u00e9 m\u00e1s importante: qu\u2019en determinaos contestos, yes muncho m\u00e1s un decor\u00e1u que\u2019l centru d\u2019atenci\u00f3n.<\/p>\n<div class=\"wp-block-spacer\" aria-hidden=\"true\"><\/div>\n<h5 id=\"que-ye-lo-mas-inxusto-de-ser-artista\" class=\"wp-block-heading\"><strong>\u00bfQu\u00e9 ye lo m\u00e1s inxusto de ser artista?<\/strong><\/h5>\n<p class=\"wp-block-paragraph\">Sentir fonderamente que tas infravalor\u00e1u cuando lo qu\u2019a lo meyor te pasa (probablemente) ye que tas demasi\u00e1u enamor\u00e1u de la to propia obra. Ye mui ll\u00edcito y enti\u00e9ndolo mui muncho, ente otres coses porque lo viv\u00ed en primer persona y naide pue dicime que nun pasa. La nuestra materia prima ye intanxible: trabayamos colo que m\u00e1s nos importa; sua\u00f1amos con facer m\u00fasica pa que te sientan; queremos comunicanos y compartirnos con otres persones al travi\u00e9s del arte. Pero eso nun mos fai meyores per se, nin tenemos ganao neng\u00fan derechu universal a que la xente tenga que facenos casu o tengan que tener esi mesmu amor incondicional polo que facemos. D\u2019eh\u00ed a la frustraci\u00f3n hai nam\u00e1s un pas\u00edn bien curtiu y son munchos y munches quien queden eh\u00ed.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\">\n<p class=\"wp-block-paragraph\">\u00abLo m\u00e1s inxusto de ser artista ye sentir fonderamente que tas infravalor\u00e1u cuando lo qu\u2019a lo meyor te pasa (probablemente) ye que tas demasi\u00e1u enamor\u00e1u de la to propia obra. Ye mui ll\u00edcito y enti\u00e9ndolo mui muncho\u00bb<\/p>\n<\/blockquote>\n<div class=\"wp-block-spacer\" aria-hidden=\"true\"><\/div>\n<h5 id=\"si-fueres-conseyeru-de-cultura-que-son-les-primeres-coses-que-fadries\" class=\"wp-block-heading\"><strong>Si fueres Conseyeru de Cultura, \u00bfqu\u00e9 son les primeres coses que fadr\u00edes?<\/strong><\/h5>\n<p class=\"wp-block-paragraph\">Escuchar, priorizar, comunicar y rectificar. Quiero pensar que nestes posiciones de tanta responsabilid\u00e1 hai que sentir a tol mundu (si ye de forma organizada, como nes artes esc\u00e9niques o nel sector audiovisual, muncho meyor\u2026); hai que priorizar y enfocase no que pue facese y cu\u00e1ndo pue facese; y tami\u00e9n no que nun pue facese agora; y hai que cuntar lo que se fai, pa que nun se pierda ente\u2019l ru\u00edu diariu del que tamos rodeaes.<\/p>\n<p class=\"wp-block-paragraph\">Cuento qu\u2019en tolos llaos hai coses que nun se t\u00e1n faciendo, que se t\u00e1n faciendo mal, que podr\u00eden facese meyor y que t\u00e1n faci\u00e9ndose mui bien. Pero nun s\u00e9 cu\u00e1nto d\u2019esto acaba llegando a la ciudadan\u00eda y a los sectores involucraos. Y si lo que faes nun funciona, ye obligatorio tener l\u2019axilid\u00e1 necesaria pa camudar, deprender y ameyorar. Si lo mires bien, cuando trabayes nuna posici\u00f3n asina sueles tener, mal que bien, un plazu de 4 a\u00f1os pa tratar de facelo bien. Cuando ties un puestu de trabayu nuna compa\u00f1\u00eda internacional, suelen date un marxe de maniobra d\u2019un trimestre pa poner en marcha toos estos verbos.<\/p>\n<div class=\"wp-block-spacer\" aria-hidden=\"true\"><\/div>\n<h5 id=\"enantes-de-ser-artista-de-la-musica-asturiana-de-xuru-que-sentisti-o-visti-en-directo-a-mas-companeros-y-companeres-d-esta-escena-quien-te-marco-y-t-animo-a-xubir-al-barcu-de-facer-musica-n-asturianu\" class=\"wp-block-heading\"><strong>Enantes de ser artista de la m\u00fasica asturiana, de xuru que sentisti o visti en directo a m\u00e1s compa\u00f1eros y compa\u00f1eres d\u2019esta escena. \u00bfQui\u00e9n te marc\u00f3 y t\u2019anim\u00f3 a xubir al barcu de facer m\u00fasica n\u2019asturianu?<\/strong><\/h5>\n<p class=\"wp-block-paragraph\">Pues creo que cola m\u00fasica pasome daqu\u00e9 que nun s\u00e9 si ye mui habitual. Acerqu\u00e9me proactivamente a ella con unos 12 a\u00f1os y, dende\u2019l primer d\u00eda de clas, f\u00edcelo d\u2019una manera mui pragm\u00e1tica, mui poco tel\u00farica. Seguramente pola falta d\u2019acompa\u00f1amientu de los mios ense\u00f1antes, interes\u00e1bame poco (o desconoc\u00eda dafechu, m\u00e1s bien) qu\u00e9 funci\u00f3n social ten\u00eda esti o aquel instrumentu dientro del contestu cultural n\u2019Asturies. Eso s\u00ed, sent\u00eda 30 veces al d\u00eda les grabaciones de Silvino Fern\u00e1ndez y Andres\u00edn d\u2019Insiertu o los primeros discos de m\u00fasica asturiana que topaba na Biblioteca P\u00fablica (fonte de sabidur\u00eda infinita y descubrimientu incalculable) con un ci\u00f1u an\u00e1liticu y una fame cuasi enfermiza: \u00bfPor qu\u00e9\u2019l tambor sonaba asina naquella parte de la pieza? \u00bfC\u00f3mo pod\u00eda yo deprender a escribir esos arranchos qu\u2019escuchaba nel\u00a0<em>Tierra\u00a0<\/em>de Felpeyu? Yo quer\u00eda saber facer eso, saber xenerar eses sensaciones, esos son\u00edos. Pero yera una cuesti\u00f3n puramente t\u00e9cnica, d\u2019aprendiz total. Creo que por eso qued\u00e9 siempre segundu en tolos concursos de gaita y tambor a los que me present\u00e9, onde me dec\u00eden que yera mui \u201cjazz\u00edsticu\u201d (siempre me lo dec\u00eda\u2019l mesmu paisanu, por cierto. Un abrazu, Manolo).<\/p>\n<p class=\"wp-block-paragraph\">Creo que la conex\u00f3n sentimental vieno dempu\u00e9s. Descubrir qu\u2019aquello que yo entamaba a facer colos mios instrumentos conectaba muncho m\u00e1s estrechamente de lo que nunca pensara coles mios vivencies y sensaciones m\u00e1s personales: mio p\u00e1, cantante d\u2019asturianada (domingos nel Campoamor a fartucar); mio g\u00fcelu Jam\u00edn, gaiteru de Soto d\u2019Ayer (con un amor y respetu pol oficiu que nunca nun volv\u00ed a ver en neng\u00fan otru sitiu)\u2026<\/p>\n<p class=\"wp-block-paragraph\">Supongo que toles pieces que taben pereh\u00ed xuni\u00e9ronse definitivamente. Y decat\u00e9me que llograr facer esa m\u00fasica, poder rir o llorar con una forma d\u2019espresase musicalmente que te fai sentir que too encaxa (\u201conde vuela\u2019l sitiu m\u00edu, onde too tien sent\u00edu, onde soi quien quiero ser<strong>\u201d)\u00a0<\/strong>ye imposible de manufacturar. O lo sientes, o nun lo sientes.<\/p>\n<p class=\"wp-block-paragraph\">Dicho esto, seguramente si tuviese nac\u00edo en Nueva Orleans tar\u00eda tocando\u2019l tromb\u00f3n (o\u2019l curdi\u00f3n diat\u00f3nicu tami\u00e9n) cola mesma pasi\u00f3n, pero nun contestu y con un discursu sentimental absolutamente distintu.<\/p>\n<div class=\"wp-block-spacer\" aria-hidden=\"true\"><\/div>\n<blockquote class=\"wp-block-quote is-style-large is-layout-flow wp-block-quote-is-layout-flow\">\n<p class=\"wp-block-paragraph\">\u00abCuando m\u2019avere a la m\u00fasica desconoc\u00eda dafechu qu\u00e9 funci\u00f3n social ten\u00eda esti o aquel instrumentu dientro del contestu cultural n\u2019Asturies. Eso s\u00ed, sent\u00eda 30 veces al d\u00eda les grabaciones de Silvino Fern\u00e1ndez y Andres\u00edn d\u2019Insiertu o los primeros discos de m\u00fasica asturiana que topaba na Biblioteca P\u00fablica\u00bb<\/p>\n<\/blockquote>\n<div class=\"wp-block-spacer\" aria-hidden=\"true\"><\/div>\n<h5 id=\"ya-conocemos-les-tos-recomendaciones-y-influencies-agora-toca-que-te-confieses-cual-ye-esi-cantar-o-esi-grupu-qu-escuches-culposamente-na-intimida\" class=\"wp-block-heading\"><strong>Y\u00e1 conocemos les tos recomendaciones y influencies\u2026 agora toca que te confieses: \u00bfcu\u00e1l ye esi cantar o esi grupu qu\u2019escuches culposamente \u201cna intimid\u00e1\u201d?<\/strong><\/h5>\n<p class=\"wp-block-paragraph\">Tolos que tenemos guah.es de seis a\u00f1os en 2026 van entendeme bien: o Las Guerreras K-Pop en vena o hai pitote. Nun s\u00e9 y\u00e1 siquiera si siento culpa. Creo qu\u2019hasta empiecen a gustame. Teo a gala am\u00e1s decir que conozo y\u00e1 hasta l\u2019\u00faltimu recovecu de la estructura arm\u00f3nica y toles perverses f\u00f3rmules sonores de destrucci\u00f3n masiva qu\u2019utilicen en toes y cada una de les 10 canciones (11 si contamos los cr\u00e9ditos) de Rumi, Mira, Zoey, Jinu y hasta\u2019l gatu. Gracies, Netflix.<\/p>\n<div class=\"wp-block-spacer\" aria-hidden=\"true\"><\/div>\n<h5 id=\"a-que-personaxe-publicu-convidaries-a-un-conciertu-tuyu-a-pasar-llueu-pel-backstage-y-pa-que\" class=\"wp-block-heading\"><strong>\u00bfA qu\u00e9 personaxe p\u00fablicu convidar\u00edes a un conciertu tuyu, a pasar llueu pel\u00a0<em>backstage\u00a0<\/em>y pa qu\u00e9?<\/strong><\/h5>\n<p class=\"wp-block-paragraph\">\u00bfPa qu\u00e9 sirven esactamente les invitaciones a los backstage? Por trabayu, teo la oportunid\u00e1 (o la desgracia) de moveme en determinaos c\u00edrculos onde, si daqu\u00e9 voi sacando en claro ye que, si xeneres inter\u00e9s polo que representes y non polo que yes, eh\u00ed nun suel ser. Vu\u00e9lvese too predecible y aburr\u00edo a esgaya. Un poco d\u00eda de la marmota. Y suel ser lo m\u00e1s habitual, porque\u2019l contestu pr\u00e9stase a eso. Da igual si son palcos d\u2019estadios, zones VIP en festivales o los reservaos nos clubs m\u00e1s esclusivos. Les conversaciones convi\u00e9rtense, les m\u00e1s de les veces, nun puru compromisu con un oxetivu meramente conseguidor y transaccional. Asina que menos\u00a0<em>back\u00a0<\/em>y m\u00e1s\u00a0<em>front<\/em>. Menos \u00ednfules y clasismu y m\u00e1s realid\u00e1 y piel. Y los camerinos, si acasu, p\u2019aislase una migaya de too enantes o dempu\u00e9s de tar nel escenariu, disfrutando de tar faciendo lo que m\u00e1s te gusta en condiciones dignes.<\/p>\n<div class=\"wp-block-spacer\" aria-hidden=\"true\"><\/div>\n<h5 id=\"ya-qu-escoyisti-la-to-banda-sonora-vital-vamos-rematar-con-una-banda-sonora-orixinal-de-que-llibru-n-asturianu-te-prestaria-qu-hubiere-una-pelicula-a-la-qu-amas-pongas-y-tu-la-bso\" class=\"wp-block-heading\"><strong>Y\u00e1 qu\u2019escoyisti la to \u201cBanda Sonora Vital\u201d, vamos rematar con una Banda Sonora Orixinal. \u00bfDe qu\u00e9 llibru n\u2019asturianu te prestar\u00eda qu\u2019hubiere una pel\u00edcula a la qu\u2019am\u00e1s pongas-y t\u00fa la BSO?<\/strong><\/h5>\n<p class=\"wp-block-paragraph\">Una pel\u00edcula que siempre me prest\u00f3 muncho ye<em>\u00a0Kil\u00f3metro Cero<\/em>\u00a0(de Yolanda Garc\u00eda Serrano y Juan Luis Iborra), que tien un zarru de BSO de Ismael Serrano descomunal, que resume perfectamente lo que pasa na pel\u00edcula. Asina que tengo-y especial ci\u00f1u a les histories cruzaes de perdedores. Y equ\u00ed Miguel Rojo ye un mayestru:\u00a0<em>Asina somo n\u00f3s<\/em>\u00a0o\u00a0<em>Histories d\u2019un seductor (Memories d\u2019un babayu)<\/em>\u00a0recueyen de manera mui intelixente eses vulnerabilidaes y eses derrotes (m\u00e1s o menos visibles) que cuento que sedr\u00eden un bon puntu de partida.<\/p>\n<div class=\"wp-block-spacer\" aria-hidden=\"true\"><\/div>\n<div class=\"wp-block-spacer\" aria-hidden=\"true\"><\/div>\n<h2 class=\"wp-block-heading has-text-align-center\"><mark class=\"has-inline-color\">Asina fala Marcos Garc\u00eda de los cantares qu\u2019escoy\u00f3 pa la so playlist<\/mark><\/h2>\n<p class=\"wp-embed-aspect-21-9 wp-has-aspect-ratio wp-block-paragraph\"><strong>Cantarea \u2013 Anub\u00eda<\/strong>\u00a0Les qu\u2019abrieron el verdaderu cam\u00edn de munches coses que reci\u00e9n entendemos nesti 2026 (con permisu de Leil\u00eda y Mercedes Pe\u00f3n). Esti ye\u2019l meyor entamu d\u2019un discu de la historia. Si nun te conmueve esta harmon\u00eda, esta fuerza, esti empaste\u2026 \u00bfqu\u00e9 faes, ho?<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>El probe Manuel (Xiraldilla) \u2013 Rub\u00e9n Bada<\/strong>. Cost\u00f3me entrar nel discu de Rub\u00e9n. Pero vilu per primer vez en directo l\u2019otru d\u00eda nun de los\u00a0<em>showcases\u00a0<\/em>d\u2019<em>Asturies, M\u00fasica en Rede<\/em>\u00a0y dex\u00f3me abluc\u00e1u. A m\u00edn y a tolos y toles profesionales (programadores, managers\u2026) que taben ell\u00ed. En vivo ye una maraviyaa y Rub\u00e9n ta nun momentu art\u00edsticu incre\u00edble. Creo qu\u2019una de les munches coses bones que ta xenerando la \u201cgalaxia Rodrigo Cuevas\u201d ye l\u2019est\u00e1ndar tan altu al rodiu l\u2019oficiu que ta xenerando en tolxs profesionales que lu acompa\u00f1en: la puesta n\u2019escena, la creaci\u00f3n de narratives acull\u00e1 de la propia m\u00fasica y un cuid\u00e1u diferente hacia\u2019l p\u00fablicu que ta interes\u00e1u en descubrite. Bravo por ello.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>S3NS \u2013 Ibrahim Maalouf<\/strong>. Tengo una fixaci\u00f3n especial colos trompetistes y vigulineros que tomen el so instrumentu como campu base pa esperimentar dende eh\u00ed. Tol discu (hom\u00f3nimu) ye una clase maxistral de sensibilid\u00e1, pero lo d\u2019esti tema y facer \u201cfalar\u201d a la trompeta asina\u2026 c\u00f3mo caminen xuntos tolos m\u00fasicos, les din\u00e1miques\u2026 Too casa. Ye una canci\u00f3n vocal non cantada.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>The Trains (Live from NYC) \u2013 Angus Lyon &amp; Ruaridh Campbell<\/strong>. Encargu\u00e9-y esti discu a Javi Tejedor, que tocaba nel 2007 nel Celtic Connections. Angus Lyon convirti\u00f3se dafechu nun de los mios referentes musicales m\u00e1s evidentes. 10 a\u00f1os m\u00e1s tarde, yo taba met\u00edu nun avi\u00f3n que me tray\u00eda de Miami a Glasgow, onde m\u2019esperaba Angus pa llevame a los estudios Gran\u2019s House (lliteralmente, a so casa en met\u00e1 de la nada y arrodiau d\u2019oveyes) pa grabar una idea lloca que se mos ocurri\u00f3 xunto a Xose Lois Romero: Accordtrio.<\/p>\n<p class=\"wp-block-paragraph\">Por supuestu, esti tema acab\u00f3 formando tami\u00e9n parte del nuestru discu. Y Angus convirti\u00f3se tami\u00e9n nun referente vital y bon amigu y tuvo a bien contame que \u2018The Trains\u2019 yera cuasi qu\u2019una f\u00e1bula: nin el tema taba grab\u00e1u en directo nin muncho menos taba grab\u00e1u en NYC. Qu\u00e9 coses\u2026<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Ayande\/Tolena \u2013<\/strong>\u00a0<strong>Blima<\/strong>. Blima foi l\u2019entamu de munches coses pa min: de xubir a un escenariu y que la xente t\u2019escuche; d\u2019esperimentar y romper clich\u00e9s, de llevame al ll\u00edmite, de componer ya alcontrar una forma d\u2019espresame xunto a m\u00fasicos y personalidaes mui distintes, de deprender a xestionar tolo que nun yera facer m\u00fasica en s\u00ed\u2026<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Way Go Lily\u00a0 \u2013 Sam Amidon<\/strong>\u00a0Canci\u00f3n recoy\u00eda por Alan Lomax a Bessie Jones en 1961 (e<a href=\"https:\/\/archive.culturalequity.org\/field-work\/bessie-jones-1961-1962\/new-york-city-1061\/way-go-lily\" target=\"_blank\" rel=\"noopener\">qu\u00ed la fonte, pa los frikis como yo<\/a>:). Paez ser un cantar de corru pa ne\u00f1os (afroamericanos), que tien una lletra absolutamente lletal escontra los esclavistes. Denuncia disfrazada de xuegu.<\/p>\n<p class=\"wp-block-paragraph\">Sam Amidon ye munches coses (\u00a1tami\u00e9n vigulineru!) y arr\u00f3diase de xente tan interesante como Valgeir Sigur\u00f0sson. Si quer\u00e9is zarrar el c\u00edrculu, busc\u00e1i la versi\u00f3n d\u2019esti tema grabada esti a\u00f1u xunto al cabra de Pekka Kuusisto y la Norwegian Chamber Orchestra.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Adios la mio vaca pinta \u2013 Carlos Fern\u00e1ndez Sol\u00eds (Carlitos el de Murias)<\/strong>. 9 a\u00f1os enantes taba Lomax per Asturies, mira t\u00fa. La f\u00f3rmula melism\u00e1tica \u00fanica d\u2019una canci\u00f3n ayerana, esa potencia al travi\u00e9s normalmente de voces finines; incluso esa falta d\u2019aire p\u2019acabar les estrofes (propia en munchos casos de la silicosis y la mina\u2026) ye casa pa m\u00edn. Carlitos ye\u2019l mio tercer cantante d\u2019ayerana prefer\u00edu (pero l\u2019\u00fanicu que ta en Spotify): el primeru ye mio p\u00e1; el segundu, Ton\u00edn de Nembra.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Cutariel.lu \u2013 La Bandina\u2019l Tombo<\/strong>. Una xuntanza de bonos m\u00fasicos non siempre da como result\u00e1u una bona banda. La Bandina\u2019l Tombo demonstr\u00f3nos en 2004 que s\u00ed sab\u00eden selo.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>I Asked \u2013 Snarky Puppy, Becca Stevens, V\u00e4sen<\/strong>. Falando de xuntances: si sumes a Snarky Puppy, Becca Stevens y V\u00e4sen pasa esto. Y en directo.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>A Desenhista \u2013 Ana Larousse<\/strong>. En febreru de 2011, dempu\u00e9s de dar una charra na Universitat Jaume I en Castell\u00f3n, fui a dar un pas\u00e9u pela playa. Fac\u00eda sol pero taba fr\u00edo. Lo qu\u2019a min m\u00e1s me presta. Pero salt\u00f3me esti cantar nel iPod y\u2026 f\u00edzome polvo pa los siguientes 6 meses. Seguramente taba decat\u00e1ndome de que\u00a0<em>\u201cla vida pue ser maraviyosa (Daimiel!)\u201d<\/em>\u00a0y mui puta tami\u00e9n, munches veces a la vez.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Importante \u2013 Carlos Ares<\/strong>\u00a0\u2026 pero, a veces, la vida ye pura maraviya y y\u00e1 ta. Carlos Ares (y los cuatro conciertos suyos a los que diremos nesti 2026) ye la meyor banda sonora pa \u00fan de los meyores momentos de la mio vida: el d\u2019agora. Carlos y la so banda son un ca\u00f1\u00f3n (y tienen cuota asturiana: Tony Finu). Esta lletra ye, am\u00e1s, un toque d\u2019atenci\u00f3n pa baxanos un poco d\u2019esta \u00f1ube de\u00a0<em>yo\u00edsmo<\/em>\u00a0cola que tamos tol d\u00eda engarriaos y engarriaes. (Y otra pa frikis: equ\u00ed rep\u00edtese una f\u00f3rmula harm\u00f3nica qu\u2019apaez nel \u00faltimu tema de les amigues del K-Pop. A ver si lu descubr\u00eds!)<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Onde la mar \u2013 Balandr\u00e1n<\/strong>. Nam\u00e1s pueo dicir que l\u2019intentu de versi\u00f3n que ficimos en Blima d\u2019esta preciosid\u00e1 nun-y fai xusticia (lo de poner a funcionar les idees tal y c\u00f3mo les pienses\u2026). Ensin dulda, una de les bandes que, de tar actives g\u00fcei, m\u00e1s tar\u00eden pet\u00e1ndolo a nivel estatal. Cero dudes.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Josefa \u2013 Arriba Lim\u00f3n \u2013 Mapi Quintana &amp; El\u00edas Garc\u00eda<\/strong>. Seguramente naide lo sepa, pero esti tema tien una pista de curdi\u00f3n (grabada por mi) que nunca nun s\u2019incluy\u00f3 na mezcla final (y menos mal!). Daquella taba mui apeg\u00e1u a Mapi y El\u00edas; ayud\u00e1balos en tolo que pod\u00eda a nivel xesti\u00f3n y esi d\u00eda pele\u00e9me un poco con ellos naquella casona de Campumanes porque yo crey\u00eda (y sigo creyendo) qu\u2019esti discu merec\u00eda tomes d\u2019estudiu y non grabalu en rigurosu directu (ta grab\u00e1u en directu, chavales!!). Creo que pa que dexara de refunfu\u00f1ar un ratu, dix\u00e9ronme que probara a grabar unes tomes pa esti aut\u00e9nticu single. Fici lo que pude, pero taba claro que yo nun aportaba nada musicalmente a esta xoya. Si\u00e9ntome un privilex\u00e1u teniendo viv\u00edos ciertos momentos, y esti gr\u00e1bolu mui dientro de min.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Hopopono \u2013 GoGo Penguin<\/strong>. Creo qu\u2019una de les bandes que m\u00e1s veces v\u00ed en directo. Una de les meyores muestres de que tr\u00e9s m\u00fasicos puen facer una m\u00fasica amplia, expansiva, infinita.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Nueva Internacional \u2013 Egon Soda<\/strong>. G\u00fastame tanto esti tema que quixi usalu como entrada pa una charra que fixi nos Premios TikTok del a\u00f1u pas\u00e1u. Yo sab\u00eda que marchaba pa otru trabayu, asina que la xesti\u00f3n de riesgos yera controlable dafechu. Ten\u00edeis que ver les cares de lxs xefazxs cuando sonaba l\u2019estribillu\u2026<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Falun Fine (Return) \u2013 Aidan O\u2019Rourke<\/strong>. El mio inter\u00e9s polos vigulineros \u00f1aci\u00f3\u2019l d\u00eda que descubr\u00ed a Aidan O\u2019Rourke ya el so discu\u00a0<em>Sirius\u00a0<\/em>(el so primer discu, frutu de la comisi\u00f3n que-y encarg\u00f3 el Celtic Connections en 2003). Ye, enson dulda, el m\u00fasicu que m\u00e1s m\u2019inspira y col que m\u00e1s deprend\u00ed y sigo deprendiendo. El conceptu de la primer parte d\u2019ERRAI (habr\u00e1 otra?) insp\u00edrase fondamente nesta obra. Esti tema ye l\u2019\u00faltimu, zarra\u2019l c\u00edrculu de discu y vuelve a abrilu al empar. Un fen\u00f3menu.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Tan feli\u00e7 \u2013 Ferr\u00e1n Palau<\/strong>. Siento qu\u2019agora mesmo la m\u00fasica fecha en catal\u00e1, xunto a lo que se ta faciendo en Galiza, ye de lo m\u00e1s interesante que ta asocediendo nel est\u00e1u espa\u00f1ol a nivel creativu. Fl\u00edpame tolo que fai Ferr\u00e1n, Maria Jaume, Oques Grasses\u2026 Son un universu propiu, con un merc\u00e1u propiu, que son capaces de conmover a los non catalofalantes.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Corales na Monta\u00f1a \u2013 Herbamora<\/strong>. Otru de los regalos de la vida. Nun pudi poner el mio nome a llau del d\u2019El\u00edas y Mapi. Pero enantes d\u2019eso llevaba y\u00e1 cuasi un a\u00f1u trabayando con \u00e9l y con Ruth Su\u00e1rez nos arranchos del EP\u00a0<em>N\u2019Acusticu\u00a0<\/em>de Herbamora. Elles confiaron en n\u00f3s y dex\u00e1ronnos les manes llibres p\u2019arropar les sos voces. N\u00f3s intentemos traducir lo qu\u2019elles quer\u00eden cuntar. Mira! Quiciaves la escepci\u00f3n que confirma la regla: d\u2019esti arranchu s\u00ed que toi especialmente arguyosu.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>El C\u00e1mbaru Skam\u00e1u (Bestiariu II) \u2013 Skama la Rede<\/strong>. Cuando vives fora d\u2019Asturies y tienes un guah.e, la serie discogr\u00e1fica\u00a0<em>Bestiariu<\/em>\u00a0convi\u00e9rtese na meyor aliada p\u2019amosa-y a esi ne\u00f1u que, ell\u00ed enriba, onde viven los g\u00fcelos paternos, f\u00e1ense coses mui molones nuna llingua distinta. Y pon\u00e9monos a berrar una y otra vuelta nel coche coles aventures del C\u00e1mbaru Skam\u00e1u.<\/p>\n<div class=\"wp-block-spacer wp-embed-aspect-21-9 wp-has-aspect-ratio\" aria-hidden=\"true\"><\/div>\n<p class=\"wp-block-paragraph\"><strong>Como la flor \u2013 Igor Medio, Lisardo Prieto<\/strong>. Les meyores lletres son les que dicen m\u00e1s con menos. La dulzura nun necesita de grandes aspavientos, porque dexa posu de por vida.<\/p>\n<\/div>\n<p>&nbsp;<\/p>\n","protected":false},"excerpt":{"rendered":"<p>La Banda Sonora de Marcos Garc\u00eda. Musicasturiana.com El m\u00fasicu y xestor escueye los 20 cantares que m\u00e1s-y presten y fala de pol\u00edtiques culturales, de K-Pop, de referentes cercanos y m\u00e1s.. .<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[35,125],"tags":[],"class_list":["post-78342","post","type-post","status-publish","format-standard","hentry","category-musica","category-musicasturiana-com"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/78342","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=78342"}],"version-history":[{"count":2,"href":"https:\/\/edublog.educastur.es\/ixuxu\/wp-json\/wp\/v2\/posts\/78342\/revisions"}],"predecessor-version":[{"id":78344,"href":"https:\/\/edublog.educastur.es\/ixuxu\/wp-json\/wp\/v2\/posts\/78342\/revisions\/78344"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=78342"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=78342"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=78342"}],"curies":[{"name":"wp","href":"https:\/\/api.w.org\/{rel}","templated":true}]}}