{"id":80370,"date":"2026-07-17T19:50:43","date_gmt":"2026-07-17T17:50:43","guid":{"rendered":"https:\/\/edublog.educastur.es\/ixuxu\/?p=80370"},"modified":"2026-07-17T21:26:09","modified_gmt":"2026-07-17T19:26:09","slug":"el-primer-plantiu-darandanos-despana-fizose-nasturies-en-1967","status":"publish","type":"post","link":"https:\/\/edublog.educastur.es\/ixuxu\/2026\/07\/el-primer-plantiu-darandanos-despana-fizose-nasturies-en-1967\/","title":{"rendered":"El primer plant\u00edu d’ar\u00e1ndanos d’Espa\u00f1a f\u00edzose n’Asturies en 1967"},"content":{"rendered":"

\u00abEl primer plant\u00edu d’ar\u00e1ndanos d’Espa\u00f1a f\u00edzose n’Asturies en 1967. El director naquel momentu viax\u00f3 a EEXX y tr\u00e1xose unes plantes que nin siquier se llamaben frutos coloraos\u00bb. Adri\u00e1n Garc\u00eda Villar, segunda xeneraci\u00f3n d’Ar\u00e1ndanos El Cierr\u00f3n<\/strong><\/span>, \u00a0Ar\u00e1ndanos El Cierr\u00f3n<\/a><\/b>\u00a0 esplic\u00f3 en COPE c\u00f3mo diversificaron la so ufierta, con variedaes m\u00e1s modernes que \u00abpr\u00e1cticamente\u00bb solo producen ellos. COPE<\/a><\/p>\n

<\/a><\/p>\n

<\/p>\n

Lo qu’empez\u00f3 como una pequenu plant\u00edu esperimental d’ar\u00e1ndanos en Villaviciosa ye g\u00fcei una empresa familiar de referencia que preve algamar les 40 tonelaes de producci\u00f3n angua\u00f1o.<\/strong> Ar\u00e1ndanos El Cierr\u00f3n diversific\u00f3 la so ufierta m\u00e1s all\u00e1 del ar\u00e1ndanu para incluyir una amplia gama de frutos coloraos, consolidando a Asturies como un actor clave nel sector<\/strong>. Asina lo esplic\u00f3 Adri\u00e1n Garc\u00eda Villar, inxenieru agr\u00f3nomu y segunda xeneraci\u00f3n de la empresa fundada polos sos padres, n’una entrevista en Mediud\u00eda ACOPE en Xix\u00f3n.<\/p>\n

Los pioneros del ar\u00e1ndanu n’Asturies. <\/strong>La hestoria del cultivu d’ar\u00e1ndanos na rex\u00f3n ye m\u00e1s fonda de lo que munchos conocen. Garc\u00eda Villar recuerda que \u00abequ\u00ed, n’Asturies, concretamente nuna parroquia de Tin\u00e9u, f\u00edxose la primer implantaci\u00f3n d’ar\u00e1ndanos d’Espa\u00f1a nel a\u00f1u 1967\u00bb, anque aquella iniciativa inicial qued\u00f3 nel olvidu mientres un tiempu. Dalgunes d’eses plantes, incre\u00edblemente llonxeves, inda sobreviven.<\/p>\n

Nun foi hasta finales de los 70 y principios de los 80 cuando se retom\u00f3 la investigaci\u00f3n nel centru conoc\u00edu ent\u00f3s como La Pomol\u00f3xica de Villaviciosa, g\u00fcei Serida. El padre d’Adri\u00e1n empez\u00f3 a trabayar ell\u00ed y, \u00e9nte la necesid\u00e1 de realizar pruebes de cultivu a mayor escala, la familia robl\u00f3 un conveniu para dexar una de les sos finques. \u00abNel a\u00f1u 89, llantamos el primer plant\u00edu y empez\u00f3 la hestoria de la nuesa empresa familiar\u00bb, rellata Garc\u00eda Villar.<\/p>\n

La innovaci\u00f3n como respuesta al consumidor. <\/strong>La empresa, que’l so nome comercial rinde homenaxe a los sos entamos, agora cultiva tou tipu de frutos coloraos, dende artimores y zarzamoras hasta variedaes menos comunes como’l mini quivi. Sicas\u00ed, l’ar\u00e1ndanu sigue siendo’l protagonista, especialmente con variedaes nueves como la ‘PeachyBlue’.<\/p>\n

Esta varied\u00e1 respuende a les nueves esixencies del consumidor, que busca un frutu \u00abde tama\u00f1u m\u00e1s bien grande, que s\u00eda crujiente, que tenga esi ‘crunch’, que s\u00eda ricu y a poder ser, con poca acidez\u00bb, esplica’l productor.<\/p>\n