{"id":8167,"date":"2021-08-02T16:21:32","date_gmt":"2021-08-02T14:21:32","guid":{"rendered":"https:\/\/edublog.educastur.es\/ixuxu\/?p=8167"},"modified":"2021-08-02T16:24:36","modified_gmt":"2021-08-02T14:24:36","slug":"david-fernandez-ufre-terminoloxia-de-deportes-y-pruebes-olimpiques-pal-proyeutu-termast","status":"publish","type":"post","link":"https:\/\/edublog.educastur.es\/ixuxu\/2021\/08\/david-fernandez-ufre-terminoloxia-de-deportes-y-pruebes-olimpiques-pal-proyeutu-termast\/","title":{"rendered":"David Fern\u00e1ndez ufre \u2018Terminolox\u00eda de deportes y pruebes ol\u00edmpiques\u2019 pal proyeutu TermAst."},"content":{"rendered":"<h1 class=\"title page-title\" style=\"text-align: center\"><em><span style=\"font-size: 24px\"><span style=\"color: #008080\">\u201c<span style=\"font-size: 20px\">Sentir f\u00fatbol n\u2019asturianu foi un pasu perimportante;<br \/>\nhai que lluchar pola retresmisi\u00f3n d&#8217;otros deportes\u201d<\/span><\/span><\/span><\/em><\/h1>\n<p>El fil\u00f3logu, investigador y trabayador de l&#8217;Academia de la Llingua Asturiana presenta la <a href=\"http:\/\/www.academiadelallingua.com\/termast\/terminoloxia.php?area=terminosdeportesolimpicos\"><strong>Terminolox\u00eda de deportes y pruebes ol\u00edmpiques.<\/strong><\/a><\/p>\n<ul>\n<li><a href=\"https:\/\/asturies.com\/entrevistes\/fernandez-sentir-futbol-nasturianu-foi-un-pasu-perimportante-hai-que-lluchar-pola?fbclid=IwAR2g5Hm7yhDYcxO9UUAsXX4nseC75Seq32gmM4NDsDywKMdPXXYlpTFfVPk\">Fonte noticia: Asturies.com<\/a><\/li>\n<li>Accesu a <a href=\"http:\/\/www.academiadelallingua.com\/termast\/terminoloxia.php?area=terminosdeportesolimpicos\"><span style=\"text-decoration: underline\"><strong><span style=\"color: #008080;text-decoration: underline\">Terminolox\u00eda de deportes y pruebes ol\u00edmpiques<\/span><\/strong><\/span><\/a><\/li>\n<li>Accesu a <a href=\"http:\/\/www.academiadelallingua.com\/termast\/\"><span style=\"text-decoration: underline\"><span style=\"color: #008080\"><strong>Termast<\/strong><\/span><\/span><\/a><\/li>\n<\/ul>\n<p><!--more--><\/p>\n<div class=\"field field-name-field-noticies-rellacionaes field-type-node-reference field-label-hidden\">\n<ul>\n<li><a href=\"https:\/\/asturies.com\/noticies\/la-ventena-propuesta-de-termast-centrase-nes-disciplines-olimpiques-pal-so-usu-estos-dies\">La ventena propuesta de TermAst c\u00e9ntrase nes disciplines ol\u00edmpiques \u201cpal so usu estos d\u00edes\u201d<\/a><\/li>\n<\/ul>\n<\/div>\n<div class=\"content clearfix\">\n<div class=\"field field-name-body field-type-text-with-summary field-label-hidden\">\n<div class=\"field-items\">\n<div class=\"field-item even\">\n<p>El deporte ocupa estos d\u00edes les portaes, hores de radio y televisi\u00f3n, y tami\u00e9n los murios de les redes sociales pola celebraci\u00f3n de los <a href=\"https:\/\/olympics.com\/tokyo-2020\/es\/\">Xuegos Ol\u00edmpicos de Tokiu<\/a>. Pa facilitar l\u2019emplegu correutu n&#8217;asturianu de les diferentes disciplines el fil\u00f3logu David Fern\u00e1ndez Fern\u00e1ndez (Cand\u00e1s, 1981), que y\u00e1 dedicara una propuesta al f\u00fatbol, ufre <a href=\"http:\/\/www.academiadelallingua.com\/termast\/terminoloxia.php?area=terminosdeportesolimpicos\">\u2018Terminolox\u00eda de deportes y pruebes ol\u00edmpiques\u2019<\/a> pal proyeutu <a href=\"http:\/\/www.academiadelallingua.com\/termast\/\">TermAst<\/a>.<\/p>\n<p><strong>\u00bfQu\u00e9-y llev\u00f3 a dedicar una propuesta terminol\u00f3xica a los Xuegos Ol\u00edmpicos?<\/strong><\/p>\n<p>La verd\u00e1 ye que foi una cosa que surdi\u00f3 sola. Entrug\u00e9 na <a href=\"http:\/\/www.academiadelallingua.com\">Academia de la Llingua Asturiana (ALLA)<\/a> pola posibilid\u00e1 de facer esta propuesta porque pensaba que yera intereseante normativamente y al tener el preste anim\u00e9me a facela. Yera un trabayu pal 2020 pero al restrasase los XX. OO. por mor del andanciu hubo qu\u2019esperar a esti a\u00f1u.<\/p>\n<p><strong>Centr\u00f3se en recoyer les diferentes disciplines ol\u00edmpiques y pruebes.<\/strong><\/p>\n<p>El trabayu entama mirando y investigando na p\u00e1xina de los XX. OO. onde salen los deportes y les distintes disciplines oficiales de los xuegos de Tokyo 2020. Dempu\u00e9s de sacar el llist\u00e1u de pruebes y disciplines hai que facer la torna, siempres mirando a otres lling\u00fces oficiales del est\u00e1u, y pa rematar, la esplicaci\u00f3n de les disciplines y ca\u00fana de les pruebes que tienen, que ye lo m\u00e1s dif\u00edcil porque tien que ser una definici\u00f3n que la puea entender tol mundo.<\/p>\n<p><strong>\u00bfCu\u00e1ntos t\u00e9rminos incl\u00fai?<\/strong><\/p>\n<p>Pues hai al rodiu de los 250 t\u00e9rminos m\u00e1s o menos.<\/p>\n<p><strong>\u00bfPa qui\u00e9n va dirix\u00edu?<\/strong><\/p>\n<p>Al p\u00fablicu en xeneral y al deportista en xeneral. Lo bono sedr\u00eda qu\u2019hubiere retresmisiones en llingua asturiana de los XX. OO. y los comentaristes pudieren tirar d\u2019esos t\u00e9rminos como material afayadizo.<\/p>\n<p><strong>Nel 2014 fixo otra propuesta, nesti casu dedicada al f\u00fatbol. \u00bfTuvo aceptaci\u00f3n ente profesionales de la comunicaci\u00f3n y aficionaos?<\/strong><\/p>\n<p>Paezme qu\u2019esta propuesta s\u00ed foi mui espard\u00eda y a la xente prest\u00f3-y enforma, y inclusive hubo representantes del Real Sporting y del Real Uvi\u00e9u na presentaci\u00f3n que, daveres, foi un fechu importante. En cuantes a los medios\u2026, nun-y s\u00e9 dicir, yo creo que s\u00ed, porque si non sedr\u00eda desaprovechar un bon recursu que ta eh\u00ed, porque\u2019l trabayu y\u00e1 se fixo y nam\u00e1s hai que dir al TermAst p\u2019alcontrar les pallabres que necesites.<\/p>\n<p><strong>\u201cLa xente ta preparao pa sentir y ver f\u00fatbol n\u2019asturianu\u201d dixo nel 2014 a esti mediu de comunicaci\u00f3n y asina se confirm\u00f3 nes diferentes retresmisiones que se fixeron en TPA nesti tiempu, y inclusive dalg\u00fan derbi en RPA.<\/strong><\/p>\n<p>Pues s\u00ed, la xente pue ver y sentir f\u00fatbol n\u2019asturianu porque les m\u00e1s de les persones asturianes entienden la nuesa llingua. Pue chocate de mano, pero dempu\u00e9s ye daqu\u00e9 normal. La verd\u00e1 ye que sentir el deporte rei n\u2019asturianu foi un pasu perimportante; agora hai que lluchar por que tami\u00e9n se puean retresmitir otros deportes, inclusive los XX. OO., y por que nun se dexe de retresmitir el f\u00fatbol y cada vegada haya m\u00e1s part\u00edos n\u2019asturianu.<\/p>\n<p><strong>\u00bfPor qu\u00e9 nun se-y da continuid\u00e1 nes temporaes \u00faltimes si la receici\u00f3n del p\u00fablicu ye bona y hai profesionales pa ello?<\/strong><\/p>\n<p>Porque piensen qu\u2019a la xente nun-y presta y ye mentira. Los programes n\u2019asturianu tienen mui bona audiencia y si ye f\u00fatbol yo creo que m\u00e1s ent\u00e1 porque ye un deporte que sigue munch\u00edsima xente. Col deporte ye m\u00e1s f\u00e1cil facer pruebes d\u2019esti tipu, y\u00e1 ves que\u2019l f\u00fatbol sali\u00f3 mui bien.<\/p>\n<p>Nun hai continuid\u00e1 porque ven meyor echar otres coses en castell\u00e1n, pero sigo diciendo, que l\u2019asturianu tanto na TV como na radio da les meyores audiencies. Y xente, hai abondo, inclusive ufi\u00e9rtome pa participar nuna retresmisi\u00f3n, que me diba prestar a esgaya, pero nun hai forma de que me llamen (risotaes).<\/p>\n<p><strong>\u00bfYe\u2019l deporte una bona ferramienta pa normalizar l\u2019asturianu?<\/strong><\/p>\n<p>Creo y entiendo que s\u00ed. Cualquier situaci\u00f3n ye bona pa la normalizaci\u00f3n y m\u00e1s el deporte que ye daqu\u00e9 que practica abonda xente. Da igual el deporte que seya, siempres que puea utilizase l\u2019asturianu y\u00e1 ye un trunfu; poro, lo qu\u2019hai que facer ye usar l\u2019asturianu na pr\u00e1ctica, na retresmisi\u00f3n\u2026 Y colos propuestes deportives del TermAst y colos pallabreros de la oficina de Normalizaci\u00f3n del Conceyu de Xix\u00f3n creo que se ta llegando a esi oxetivu.<\/p>\n<p><strong>Tornando a los Xuegos Ol\u00edmpicos, \u00bfc\u00f3mo ve les opciones de medaya de los asturianos?<\/strong><\/p>\n<p>La verd\u00e1 ye que de los cuatro asturianos qu\u2019hai, si cuntamos a Craviotto, la m\u00e1s complicada ye la de Mar\u00eda L\u00f3pez Garc\u00eda (\u1e25oquei yerba). Pablo Carre\u00f1o (tenis) ta faciendo un bon torn\u00e9u y si sigue asina pue llegar, polo menos a la llucha poles medayes. De los otros dos, Ra\u00fal Entrerr\u00edos y la xente del balonmano siempres faen bonos torneos asina qu\u2019espero qu\u2019algamen la medalla y Sa\u00fal Craviotto (K-4) siempres ye opci\u00f3n a medaya, asina que de xuru que\u2019algamen un oru o una plata porque son una embacaci\u00f3n mui potente.<\/p>\n<p><strong>Les de Tokiu van ser unes Olimpiaes diferentes, ensin p\u00fablicu y cola COVID-19 amenazando.<\/strong><\/p>\n<p>El COVID tracamudi\u00f3lo too, t\u00f3canos vivir unos XX. OO. con pandemia, pero lo importante ye que se t\u00e1n faciendo y que\u2019l n\u00famberu de positivos que se ta dando ye bax\u00edsimu.<\/p>\n<p><strong>\u00bfQu\u00e9 pruebes nun se va perder?<\/strong><\/p>\n<p>Siempres me presta ver les pruebes que nun se suelen ver normalmente. Pr\u00e9stame a esgaya ver esgrima, que ye un deporte guap\u00edsimu, pero tampoco voi dexar de ver les nueves como\u2019l skate o\u2019l surf, que son dos pruebes que s\u2019estrenen y que tami\u00e9n me presten a esgaya. Los saltos de trampol\u00edn, l\u2019atletismu, el rugbi 7, part\u00edos de balonmano\u2026 Nun s\u00e9, espero ver les m\u00e1s de les pruebes que pueda porque esto nam\u00e1s ye cada cuatro a\u00f1os.<\/p>\n<p><strong>\u00bfTien en mente nueves propuestes terminol\u00f3xiques venceyaes al deporte o otros campos?<\/strong><\/p>\n<p>Siempres se tienen en mente. Agora toi rematando un TermAst de rugbi y tami\u00e9n una ampliaci\u00f3n d\u2019esti, el de los XX. OO., nel que quiero amestar les disciplines y pruebes d\u2019iviernu. De xuru que se m\u2019ocurre dalguna m\u00e1s y, si l\u2019ALLA ve bien la propuesta, pues p\u2019alantre con ella. Toi abiertu a nueves suxerencies.<\/p>\n<p><strong>\u00bfQu\u00e9 balance fai de TermAst depu\u00e9s de diez a\u00f1os y venti trabayos espublizaos?<\/strong><\/p>\n<p>Dempu\u00e9s de 10 a\u00f1os dende que s\u2019asoleyare la propuesta de los t\u00e9rminos d\u2019econom\u00eda y empresa, creo que\u2019l balance ye mui bonu. Hai propuestes mui interesantes y que fac\u00eden falta pa normalizar dellos usos del asturianu en campos como la medicina, les matem\u00e1tiques, la meteorolox\u00eda, los t\u00e9rminos postales\u2026 Creo que fai falta xente que s\u2019atreva a facer propuestes de les sos disciplines, ensin mieu, porque lo que se fai con un TermAst ye normalizar la nuesa llingua en campos non estudiaos y cualquier propuesta ye bona, inclusive la del COVID y l\u2019andanciu.<\/p>\n<\/div>\n<\/div>\n<\/div>\n<\/div>\n","protected":false},"excerpt":{"rendered":"<p>\u201cSentir f\u00fatbol n\u2019asturianu foi un pasu perimportante; hai que lluchar pola retresmisi\u00f3n d&#8217;otros deportes\u201d El fil\u00f3logu, investigador y trabayador de l&#8217;Academia de la Llingua Asturiana presenta la Terminolox\u00eda de deportes y pruebes ol\u00edmpiques. Fonte noticia: Asturies.com Accesu a Terminolox\u00eda de deportes y pruebes ol\u00edmpiques Accesu a Termast<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[133,96],"tags":[],"class_list":["post-8167","post","type-post","status-publish","format-standard","hentry","category-deportes","category-termast"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/8167","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=8167"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/posts\/8167\/revisions"}],"predecessor-version":[{"id":8170,"href":"https:\/\/edublog.educastur.es\/ixuxu\/wp-json\/wp\/v2\/posts\/8167\/revisions\/8170"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=8167"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=8167"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=8167"}],"curies":[{"name":"wp","href":"https:\/\/api.w.org\/{rel}","templated":true}]}}