{"id":82004,"date":"2026-07-01T17:18:17","date_gmt":"2026-07-01T15:18:17","guid":{"rendered":"https:\/\/edublog.educastur.es\/ixuxu\/?p=82004"},"modified":"2026-07-29T17:21:25","modified_gmt":"2026-07-29T15:21:25","slug":"milio-ureta-ufre-un-adelantu-del-so-pachin-de-melas","status":"publish","type":"post","link":"https:\/\/edublog.educastur.es\/ixuxu\/2026\/07\/milio-ureta-ufre-un-adelantu-del-so-pachin-de-melas\/","title":{"rendered":"Milio Ureta ufre un adelantu del so \u00abPach\u00edn de Mel\u00e1s\u00bb"},"content":{"rendered":"

Nesta Selmana de Les Lletres Asturianes teatrera enforma y de reconocimientos varios, dende Formientu queremos facevos llegar \u2014como adelantu\u2014 la escena-prefaciu cola qu\u2019entama\u00a0SOBRANTE D\u2019UN FORIATU RECORTABLE PRIMERO DE LES VENTI CERO NUEVE<\/strong><\/em><\/span>: l\u2019\u00faltimu premiu\u00a0Pach\u00edn de Mel\u00e1s de Testos Teatrales<\/strong>\u00a0qu\u2019en\u00a02025<\/strong>\u00a0foi cayer nes manes del escritor ribeseyanu\u00a0Milio Ureta<\/strong>. Fonte: Formientu<\/a><\/p>\n

<\/a><\/p>\n

<\/p>\n

Milio Ureta, m\u00e1s conoc\u00edu nel ecosistema lliterariu asturianu pola so xera po\u00e9tica, vuelve agora al teatru y\u00e1 con dos premios Teodoro Cuesta, por\u00a0Pexe les manes<\/em>\u00a0y\u00a0L\u2019acentu [de per embaxu] de les velux grandes<\/em>, que lu avalen como \u00fan de los poetes m\u00e1s en forma del panorama). La escena, que foi la so primer vocaci\u00f3n dende los a\u00f1os de formaci\u00f3n nel ITAE (Institutu del Teatru y les Artes Esc\u00e9niques d\u2019Asturies) rec\u00edbelu angua\u00f1o como autor y\u00e1 consagr\u00e1u col mayor reconocimientu que pue recibir un testu teatral n\u2019asturianu.<\/p>\n

Diznos l\u2019autor qu\u2019esta escena ha sirvinos pa entender el xuegu dram\u00e1ticu que los sos personaxes desendolquen na propuesta esc\u00e9nica que nos presenta. Sicas\u00ed, al mesmu tiempu, Ureta encami\u00e9ntanos tami\u00e9n pa nun nos fiar muncho de la apariencia y el tonu amables colos que nesti mon\u00f3logu d\u2019equ\u00ed embaxo L\u2019HOME RECORT\u00c1U nos fala. M\u00e1s que nada, nos diz, porque polo visto estes palabres nun son otro que la pelleya amoroso d\u2019un corderu fuxitivu y chicu, nun pr\u00f3logu fechu voz; d\u00e9l pelo duce xusto enantes de les voces crespes y\u00a0homini<\/em>\u00a0lupus<\/em>\u00a0que, nos homes y muyeres d\u2019esti tercer Pach\u00edn de Mel\u00e1s, van dir apruciendo. Y too ello y\u00e1 tando en fornu d\u2019impresi\u00f3n el llibru y y\u00e1 de cam\u00edn, garr\u00e1u del brazu de la editorial amiga Impronta. Ureta vuelve con una obra que de xuru nun va dexar a naide indiferente. Ver veremos.<\/p>\n

SOBRANTE D\u2019UN FORIATU RECORTABLE<\/strong><\/span><\/h3>\n
PRIMERO DE LES VENTI CERO NUEVE<\/strong><\/span><\/h6>\n

PRIMER SINONIMIA Y MET\u00c1FORA<\/span><\/p>\n

L\u2019HOME RECORT\u00c1U\u00a0ta sent\u00e1u nun suelu de maera vieyo, ente un pu\u00f1\u00e1u de papeles blancos y tremaos de dibuxos, toos espard\u00edos per ende y a medio cortar. D\u2019unu d\u2019ellos, demientres fala, recorta una silueta de papel o de carton\u00e9, o un par o tr\u00e9s d\u2019elles, que cuando garra del suelu y cuando dexa en suelu, y que-y va llevar tol mon\u00f3logu dexar llistes. Agora mira pal p\u00fablicu<\/em>\u00a0mientres fala, un poco cola indiferencia d\u2019un simiu nun zoo o d\u2019un guah.e que tuviere xugando a so bola en so cuartu. Porque ta afan\u00e1u, sobre too, no que fae. Porque fala igual pal p\u00fablicu, que fala pa \u00e9l mesmu. Pero tampoco nun ye que tea boriando pa sigo; fala n\u2019alto, y pue sent\u00edse-y perbi\u00e9n tolo que diz. Fala como si fore un adultu-nenu de trenta y \u00fan o trenta y ocho a\u00f1os, que son los dos topes d\u2019ed\u00e1 que\u2019l so personaxe tien nesta hestoria. Clis\u00e1u y non [entreten\u00edu y non] pol alcuerdu o l\u2019inter\u00e9s de lo que trai nes manes, lo que fai f\u00e1ilo pa sigo y f\u00e1ilo pa quien tea delantre de s\u00ed, si ye que lu miren. Asina ye. Ensin m\u00e1s.<\/em><\/span><\/p>\n

L\u2019HOME RECORT\u00c1U.\u2014\u00a0<\/strong>Del quioscu de los xelaos y la prensa que ten\u00edemos na playa Mio madre cuando y\u00e9remos cr\u00edos lleg\u00e1bamos a casa de tanto en tanto [que non a diario] con dalg\u00fan teb\u00e9u o dalg\u00fan llibru de pasatiempos o dalguna caxigalina [pipes Churruca y chicles de tira o tambor b\u00e1sicamente] que polo que fore A ella neses ocasiones puntuales paec\u00eda-y oportuno apurrimos. Na mio casa dempu\u00e9s de dalg\u00fan fallucu que confirmara la poca fiabilid\u00e1 del m\u00e9todu de non concepci\u00f3n de la doctora Ogino El continxente de nenos resultante [d\u2019ente planificaos y inesperaos pola proxenie] dex\u00e1ramos a los hermanos a la fin de l\u2019adici\u00f3n d\u2019allumes na mui estimable cifra de cuatro exemplares. Tr\u00e9s rapacinos varones Y una hermana mayor que pelos meses de branu llegaba a sacame seis a\u00f1os a min que yera l\u2019hermanu chicu. Una hermana que fac\u00eda pa con n\u00f3s [pa comigo sobre too y menos pa colos mios hermanos medianos] un poco la funci\u00f3n de\u00a0nanny<\/em>.<\/span><\/p>\n

Con esi organigrama de f\u00edos El cuartu de dormir de los tr\u00e9s rapazos por ser m\u00e1s grande que\u2019l de mio hermana yera [sobremanera cuando xug\u00e1bemos xuntos con recortables o acuareles o puzzles] l\u2019escenariu de referencia de los nuestros xuegos compart\u00edos y de les nuestres manualidaes de turnu.<\/span><\/p>\n

El cuartu del pegamentu y el\u00a0celo<\/em>.<\/span><\/p>\n

El cuartu de les pintures y les ceres.<\/span><\/p>\n

El cuartu de les cartulines Y el de les tisories de punta redonda.<\/span><\/p>\n

Nuna d\u2019aquelles ocasiones d\u2019un d\u00eda cualesquiera Mio ma apaeci\u00f3mos un pocu primero de la hora de comer [como siempre proviniente del nuestru quioscu] con un xuegu cart\u00f3n de cuatro mariquites de papel baxo\u2019l brazu. Cuido que nam\u00e1s col env\u00eds de tenemos entreten\u00edos y ensin dar la pota demientres ella preparaba a la carrera la xinta cola que mos cebar. Heb\u00eda tener yo pa esi ent\u00f3s calculo cuatro o a lo m\u00e1s cinco a\u00f1os Y [neses] mio hermana que yera resuelt\u00edsima y y\u00e1 daquella la m\u00e1s curiosa de la familia Organiz\u00f3lo too nun tris y estupend\u00edsimamente pa ponemos a xugar de sigu\u00edo coles siluetes aquelles recortables de papel y cart\u00f3n. Y tami\u00e9n pa-y dar al empar un\u00a0chance<\/em>\u00a0organizativu al ataban\u00e1u meud\u00eda [de madre de cuatro nenos] de la mio proxenitora. Poro Los cuatro hermanos punx\u00edmonos manes a la obra coles siluetes recortables na mesa pindia de dibuxante que mio p\u00e1 mos iguara diba poco Pa qu\u2019estudi\u00e1remos nella la primaria los tr\u00e9s f\u00edos varones. Una mesa fermosa prendida a la parede [que basculaba si quer\u00edes abrila o plegala] Y ideada pa que los tr\u00e9s nenos fici\u00e9remos xuntos nella los deberes diarios del colexu. Pero na que los nuestros bolis les pintures y les gomes de borrar arroll\u00e1benmos tol ratu tableru abaxo como a delliniantes torpes. Una mesa onde pasemos pa\u00f1ando del suelu ll\u00e1pices Alpino de color tola infancia. Fore como fore Una mesa a la que-y garremos pila de cari\u00f1u porque arriendes de pa facer los deberes Aquel tableru pindiu sirvi\u00f3mos naquellos a\u00f1os [sobre too] pa facer pembaxo d\u2019elli acampaes y esconderites Y abellugos\u2013<\/strong>refuxu pa fantas\u00edes d\u2019esploradores con provisiones y con mantes de piel d\u2019osu. Y con cantimplores de camuflax y aluminiu. Y con llinternes enceses de pila de petaca.<\/span><\/p>\n

Pero bono \u00c9si de los campamentos ye otru cantar.<\/span><\/p>\n

Silenciu<\/em>.<\/span><\/p>\n

El casu ye qu\u2019esi d\u00eda de les mariquites Una vegada recortaes les cuatro Al final toes elles resultaron ser unes nenes bien cabezones y de g\u00fceyos grandonos Nam\u00e1s vist\u00edes con bragues y ca\u00fana col pelo d\u2019una color estremao [naranxa morao roxo y prieto]. D\u2019otra manera Prestaba que les cuatro ten\u00eden nomes mui reales y como d\u2019amiguines veros\u00edmiles. Maite y Pili Y Laura y Emi. Y la idea yera que ten\u00edemos de recortales pa vistiles. Y nesi env\u00eds reparti\u00e9remosles. Yo Por m\u00e1s nenu recortaba la m\u00eda con m\u00e1s dificult\u00e1 que\u2019l restu Y ensin querelo dalguna solapina del vist\u00edu [o de los zapatos o\u2019l gorru de papel que ven\u00eden pa pone-y enriba] llev\u00e1re-yla per delantre a lo fato y de cuayu De mou que dende enantes d\u2019adoptala A la mio nueva amiguina sentar y\u00e1 nun-y sentaba del too la ropa. Cago na mar. Y bono. Tando xusto acabante terminar col recorte d\u2019un zapat\u00edn de color verde Mio madre llam\u00f3nos porque y\u00e1 ten\u00edemos la sopa Knorr en platu Y los pantrucos y les pataques a punto frir en sart\u00e9n. Asina que dex\u00e1ndolo too na mesa [dempu\u00e9s d\u2019echa-y un \u00faltimu g\u00fceyu amorosu a too aquello t\u00e1n novedoso enantes de colar del cuartu] marchemos con tola fame pal manduque.<\/span><\/p>\n

Silenciu<\/em>.<\/span><\/p>\n

Un pedazu m\u00e1s tarde N\u2019acabando comer y de vuelta y\u00e1 pa l\u2019habitaci\u00f3n socedi\u00f3 dalgo colo que nengunu de los hermanos chicos nun f\u00f3remos a cuntar. Les cuatro mariquites esapaecieran d\u2019enriba de la mesa pindia y como por encantu naquel entr\u00edn de la xinta Y d\u2019elles s\u00f3lo mos quedare [nun tonu mui llamador sobre la tabla casta\u00f1u] el papel blanco y sobrante del so recortar de mo\u00f1eques de fueya\u2026 Pregunt\u00e9mos-y ent\u00f3s a mio hermana [la primera] Yo y el mio hermanu siguiente por elles. Pero nada la nena nun supo dicimos. Pregunt\u00e9mos-y dempu\u00e9s a mio madre [col mesmu env\u00eds] Yo y el mio hermanu mayor. Pero nada \u00fatil tampoco mio madre nun mos contestare. Y entrugu\u00e9mos-y tami\u00e9n p\u2019acabar a mio padre [siempre ausente na so propia lluna] Si por un casual dalgo remoto sab\u00eda d\u2019elles. Pero nada de nada [tampoco elli] nun supo aclariamos. Y concluyimos ent\u00f3ncenes que nengunu de casa nun les coyera.<\/span><\/p>\n

Y y\u00e1.<\/span><\/p>\n

Lo cierto foi que nunca m\u00e1s d\u2019aquelles cuatro mo\u00f1eques [Maite Laura Emi y Pili] en mio casa nun se supo. Y pa encima tampoco nunca m\u00e1s Del quioscu de mio madre otres cuatro cabezones iguales nun volvieren a pasar m\u00e1s per ell\u00ed pel nuestru cuartu. Igual col vent\u00e1n abiertu y el vientu en monte d\u2019enfrente Penriba los ocalitales\u2026 Les cuatro volaran. O igual de fame [o por instintu] pudieran quiciabes tener entrao les gaviotes qu\u2019a\u00f1eraben en cantil Y nun arrebatu\u2026 Llevales. A les cuatro nenes de fueya papel. A les cuatro nenes recortables.<\/span><\/p>\n

En fin.<\/span><\/p>\n

Un estrozu. Y un desastre.<\/span><\/p>\n

Sicas\u00ed Yo tard\u00e9 en conformame con tolo pasao naquel d\u00eda. Y polo que seya guardare [n\u2019estante la ropa] el sobrante y tolos restos d\u2019aquella manualid\u00e1 tan prestosa. Y en cuantes quedaba solu [en cuartu cola mesa abierta] sacaba de dos d\u2019elles [d\u2019aquelles nenes] los cachos cortaos y blancos de la fueya en qu\u2019a lo primero tuvieran atrapaes y que nengunu nun tirare. Y sobre la mesa pindia [en tando solu] tornaba a arma-yos les siluetes a les dos mo\u00f1eques. Que de s\u00f3pitu nun ten\u00eden cara o bragues o faldes o llazu Pero de les que la so forma y la silueta de dalg\u00fan tarecu v\u00edase-yos nidio nel marr\u00f3n escuro de la tabla. Y les nenes Asina volv\u00eden tar Igual qu\u2019aquella ma\u00f1ana otra vez na maera. Y nella amos\u00e1bense. Poro Siempre que quer\u00eda [pel aciu\u2019l sobrante\u2019l papel] yo alcord\u00e1bales. Y nam\u00e1s con xunta-yos los cachos Col alcuerdu de lo que y\u00e1 nun taba Yo sent\u00eda que les v\u00eda Y asina tiraba. Y asina [naquel sobrante blancu] Yo col so alcuerdu Content\u00e1bame.<\/span><\/p>\n

Poco a poco si\u00e9ntese la mar, o acasu un pianu, sonar llo\u00f1e.<\/em><\/span><\/p>\n

O acasu, llo\u00f1e, la mar y un pianu si\u00e9ntense sonar.<\/em><\/span><\/p>\n

 <\/p>\n

Escuro.<\/em><\/span><\/p>\n

\"Llogotipu<\/strong><\/span><\/p>\n

 <\/p>\n","protected":false},"excerpt":{"rendered":"

Nesta Selmana de Les Lletres Asturianes teatrera enforma y de reconocimientos varios, dende Formientu queremos facevos llegar \u2014como adelantu\u2014 la escena-prefaciu cola qu\u2019entama\u00a0SOBRANTE D\u2019UN FORIATU RECORTABLE PRIMERO DE LES VENTI CERO NUEVE: l\u2019\u00faltimu premiu\u00a0Pach\u00edn de Mel\u00e1s de Testos Teatrales\u00a0qu\u2019en\u00a02025\u00a0foi cayer nes manes del escritor ribeseyanu\u00a0Milio Ureta. Fonte: Formientu<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[58],"tags":[],"class_list":["post-82004","post","type-post","status-publish","format-standard","hentry","category-premios"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/82004","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=82004"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/posts\/82004\/revisions"}],"predecessor-version":[{"id":82007,"href":"https:\/\/edublog.educastur.es\/ixuxu\/wp-json\/wp\/v2\/posts\/82004\/revisions\/82007"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=82004"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=82004"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=82004"}],"curies":[{"name":"wp","href":"https:\/\/api.w.org\/{rel}","templated":true}]}}