{"id":83018,"date":"2026-08-04T17:30:58","date_gmt":"2026-08-04T15:30:58","guid":{"rendered":"https:\/\/edublog.educastur.es\/ixuxu\/?p=83018"},"modified":"2026-08-05T13:15:35","modified_gmt":"2026-08-05T11:15:35","slug":"83018","status":"publish","type":"post","link":"https:\/\/edublog.educastur.es\/ixuxu\/2026\/08\/83018\/","title":{"rendered":"Presentaci\u00f3n de \u00abUn horru al debalu\u00bb de M\u00aa Jos\u00e9 Hevia"},"content":{"rendered":"

M\u00fasica y escritora, debuta cola llingua n’una novela qu’axunta les aventures piqui\u00f1ines’ de les sos andances pol conceyu de Pilo\u00f1a. LNE<\/a> \/<\/p>\n

<\/a><\/p>\n

Mar\u00eda Jos\u00e9 posa cola so nueva novela y l’Urogallo del Centru Asturianu de Madrid<\/p>\n

Present\u00f3 la so primer novela n’asturianu, \u00abNun horru al debalu\u00bb (Editorial Cuatro Gotes), nel pabell\u00f3n \u00abIniciativa pol asturianu\u00bb y de la mano del so hermanu, el gaiteru Jos\u00e9 \u00c1ngel Hevia.<\/p>\n

<\/p>\n

A la feria llev\u00f3lu un horru al aviesu, el de la so primer novela n’asturianu. Un horru que llexa sobro les ag\u00fces, colos pegollos pates arriba, nun mar ensin horizonte. N\u00e9l viaxa Mar\u00eda Jos\u00e9 Hevia, la protagonista d’un relatu que surdi\u00f3 mientres la pandemia y col que, con esa trama tan estravagante como escusa, recueye un bon rec\u00edmanu d’an\u00e9cdotes soced\u00edes mientres aquel tiempu tan estra\u00f1u, mientres les sos andances pol conceyu de Pilo\u00f1a partiendo’l corr\u00e9u.<\/p>\n

Nun ye’l primer llibru de Mar\u00eda Jos\u00e9, nin la so primer novela. Con estudios en Marina Mercante, va a\u00f1os qued\u00f3 finalista nel Premiu Lliterariu Nostromo,<\/strong> entam\u00e1u pola Asociaci\u00f3n Amigos de Nostromo y el Museu Mar\u00edtimu de Barcelona. Alleg\u00f3 naquella ocasi\u00f3n con una narraci\u00f3n de tem\u00e1tica n\u00e1utica y en castell\u00e1n. Y sigui\u00f3 escribiendo en castell\u00e1n, hasta que na pandemia dio’l saltu al asturianu.<\/p>\n

\u00abNun horru al debalu\u00bb retoma l’ambiente mar\u00edtimo d’aquellos entamos, pero en tonu surrealista, quiciabes debedor de l’atm\u00f3sfera del tiempu nel que foi escritu. Mar\u00eda Jos\u00e9, percusionista y miembru de la banda del so hermanu<\/strong>, recuerda aquella d\u00f3mina: \u00abNun hab\u00eda xires nin conciertos, non pod\u00eda tocase; taba aforfugada y busqu\u00e9 un trabayu en Correos, en Pilo\u00f1a\u00bb. Ella, que naci\u00f3 en Villaviciosa y que les sos raiga\u00f1os familiares fundinse en Cabranes, d’onde yeren los sos g\u00fcelos, diz qu’aquella esperiencia sirvi\u00f3lu pa reconectar colo rural. D’andar con vecinos y colos \u00abneorrurales\u00bb, cola xente mayor de los pueblos, porque ne\u00f1os y mozos confirma qu’hai pocos, sac\u00f3 un bon pu\u00f1\u00e1u d’hestories.<\/p>\n

\u00abSiempres me pasaben aventures piqui\u00f1ines\u00bb, cuenta, y con toes elles fixo un llibru, con un argumentu ins\u00f3litu. \u00abLa protagonista, que soi yo, espierta nun horru pegollos enriba, metanes la mar; na mar atopo con n\u00e1ufragos, que son xente de la mio vida, la mio g\u00fcela… Y voi cunt\u00e1ndo-yos aquelles hestories piqui\u00f1ines\u00bb, rellata. La hestoria avanza escontra’l futuru, con Mar\u00eda Jos\u00e9 compartiendo esa rara aventura coles sos sobrines: \u00abA elles c\u00fantolos como apaec\u00ed nun horru\u00bb.<\/p>\n

Na novela fala colos horros y colos perros, tou frutu de la soled\u00e1 na que s’embarca ensin pretendelo, y na so novela, diz, hai ciertu aliendu d’esa soled\u00e1 de los pueblos, deshabitaos, ensin apenes xente, que se t\u00e1n convirtiendo en museos arqueol\u00f3xicos\u00bb. Si hai que busca-y una intenci\u00f3n diz que ser\u00eda la de sirvir de \u00abaponderamientu del mundu rural\u00bb.<\/p>\n

La novela tien un aire se\u00f1ardoso, almite la so autora, pero tami\u00e9n ta trescalada del optimismu y la sabidur\u00eda de los pueblos. Pesa muncho nella l’alcordanza de la g\u00fcela Carmen y el convencimientu de que na vida \u00absomos como eses algues que paecen llexar soles nel mar, y que depu\u00e9s t\u00e1n arrodiaes de m\u00e1s algues; pos garr\u00e9 n\u00f3s\u00bb.<\/p>\n

 <\/p>\n

Acabante presentar la so primer novela n’asturianu Mar\u00eda Jos\u00e9\u00a0 confirma que, con horru o ensin \u00e9l, tien la intenci\u00f3n de siguir saleando peles ag\u00fces de la lliteratura y y\u00e1 empez\u00f3 a escribir una novela negra, agora en castell\u00e1n.<\/p>\n

 <\/p>\n

 <\/p>\n

 <\/p>\n

El 4 d’agostu presento la mio primer novela, n’asturianu. A les 17:30 en La Feria d’Amueses De Xix\u00f3n.<\/strong> Y a les 19:30, el Centru Asturianu de Madrid va apurrime un Urogallo Especial. \u00a1D\u00eda completu<\/em>!.Maria Jos\u00e9 Hevia Velasco<\/a><\/p><\/blockquote>\n

\n\n