{"id":83052,"date":"2026-08-03T20:10:16","date_gmt":"2026-08-03T18:10:16","guid":{"rendered":"https:\/\/edublog.educastur.es\/ixuxu\/?p=83052"},"modified":"2026-08-03T20:11:31","modified_gmt":"2026-08-03T18:11:31","slug":"el-repunante-paisanon-un-nuevu-superheroe","status":"publish","type":"post","link":"https:\/\/edublog.educastur.es\/ixuxu\/2026\/08\/el-repunante-paisanon-un-nuevu-superheroe\/","title":{"rendered":"El Repunante Paisan\u00f3n, un nuevu superh\u00e9roe…"},"content":{"rendered":"

El Repunante Paisan\u00f3n, un nuevu superh\u00e9roe que llucha contra’l mal n’Asturies. La Voz<\/a><\/p>\n

<\/a><\/p>\n

El personaxe, llev\u00e1u al c\u00f3mic por H\u00e9ctor Fern\u00e1ndez G\u00f3mez<\/strong>, ye un mineru prexubil\u00e1u que tien el so xoril nel pozu Barredo y que llucha contra los enemigos de la sidra o los narcotraficantes.<\/p>\n


\nLos malvaos d’Asturies tienen razones m\u00e1s qu’abondes para tar esmolec\u00edos. Porque en septiembre llega El Repunante Paisan\u00f3n<\/strong>, un superh\u00e9roe cien per cien asturianu que llucha contra los enemigos de la sidra, los narcotraficantes y tolos malos que se-y pongan per delantre. Va ser en formatu de c\u00f3mic, nac\u00edu de la imaxinaci\u00f3n d’H\u00e9ctor Fern\u00e1ndez G\u00f3mez, mierense afinc\u00e1u en Tapia de Casariego que quixo faer una s\u00edntesis de los personaxes del Marvel o DC cola historieta europea, con una marcada identid\u00e1 asturiana.<\/p>\n

\u00bfPero qui\u00e9n ye El Repunante Paisan\u00f3n? El so nome real ye Col\u00e1s Casta\u00f1\u00f3n, ye mineru prexubil\u00e1u y tien el so xoril nel pozu Barredo, de Mieres<\/strong>. Dende ende dirixe les sos operaciones nes que los malos siempres acaben mal paraos. \u00bfY por qu\u00e9 un prexubil\u00e1u? \u00abTen\u00eda que ser un superh\u00e9roe asturianu, y dixi, si esto por un casual pudiera ser real tendr\u00eda que ser una persona que tien m\u00e1s o menos la vida solucionada, que tien tiempu y dineru, y un prexubil\u00e1u tien independencia econ\u00f3mica y el f\u00edsicu inda para ello\u00bb, esplica l’autor .<\/p>\n

El nome del protagonista herieda esi encl\u00edn al axetivu hiperb\u00f3licu de los c\u00f3mics cl\u00e1sicos. \u00abFoi por evocaci\u00f3n a los nomes de los superh\u00e9roes de Marvel como L’Estelante Spiderman, L’Incre\u00edble Hulk, El Poderosu Thor, y al empar quer\u00eda da-y el puntu risible asturianu\u00bb, se\u00f1ala H\u00e9ctor Fern\u00e1ndez. Embaraxara otros axetivos como \u00abcharr\u00e1n\u00bb, \u00abbabayu\u00bb o \u00abcarapijo\u00bb pero nun s’afa\u00eden a la personalid\u00e1 del protagonista. El que m\u00e1s cuadraba colo que quer\u00eda yera \u00abrepunante\u00bb, ese axetivu asturianu tan dif\u00edcil de traducir.<\/p>\n

Esta ye la primer vegada qu’H\u00e9ctor Fern\u00e1ndez G\u00f3mez decide a publicar, anque lleva dibuxando desque yera un ne\u00f1u. \u00abLlevo tola vida; dende peque\u00f1u, en cuenta de xugar a la consola taba dibuxando tol d\u00eda; a la d’estudiar, pon\u00eda una fueya debaxo del llibru, llevantaba y sigu\u00eda dibuxando\u00bb, rellata. De primeres, dibuxaba sobremanera manga. \u00abDe peque\u00f1u gust\u00e1benme enforma Dragonball y Caballeros del Zodiacu, y dempu\u00e9s fueron les pel\u00edcules y la serie animada de Batman, y Spiderman\u00bb. Ent\u00f3s, al llegar la pandemia, como ten\u00eda m\u00e1s tiempu para pensar y dibuxar, empez\u00f3 a plantegase faer daqu\u00e9 para publicar. \u00abVi que la manga taba ench\u00edu, y el c\u00f3mic d’Estaos Xun\u00edos, tami\u00e9n; propunxi ent\u00f3s faer unu amiestu, con un estilu americanu pero les cares tirando a la caricatura, m\u00e1s europ\u00e9u, y humor\u00edsticu\u00bb.<\/p>\n

La resultancia ye esi h\u00e9roe fuerte y poderosu, con una montera picona perfectamente integrada na so supertraje<\/strong>, del que y\u00e1 tien feches munches aventures. Dalgunes y\u00e1 dibuxaes, otres afilvanaes, otres guionizaes. El primer arcu argumental, que los sos cuatro primeru cuadiernos van salir a partir de setiembre, tien como protagonista a la sidra. El superh\u00e9roe ve qu’empiecen a apaecer nes pumaraes asturianes m\u00e1s mazanes podres y con viermes de lo que ser\u00eda natural, y tami\u00e9n hai problemes nos llagares, y a partir d’ende desenvu\u00e9lvese una trama qu’implica situaciones y personaxes que nun se pueden desvelar equ\u00ed. \u00abEl protagonista va atopando pistes per ac\u00e1 y per all\u00e1 y nel n\u00famberu cuatro y\u00e1 s’afaya lo qu’hai\u00bb. Y el pr\u00f3ximu arcu argumental, que y\u00e1 tien bien avanz\u00e1u, va dedicalu al narcotr\u00e1ficu.<\/p>\n

La calid\u00e1 de los dibuxos, dalgunes de que les sos amueses puen vese y\u00e1 nes redes sociales, ye indiscutible. Beben de los c\u00f3mics cl\u00e1sicos de superh\u00e9roes pero ensin quedase n’una simple imitaci\u00f3n de les sos formes. H\u00e9ctor Fern\u00e1ndez G\u00f3mez quixo da-y el so sellu personal, y decidi\u00f3se por ese camino dempu\u00e9s de da-y munches vueltes: \u00abDe primeres pens\u00e9 n’otru estilu, m\u00e1s d’historieta risible t\u00edpica d’Espa\u00f1a, como Mortadelo y Filem\u00f3n, pero refugalo\u00bb. Porque quer\u00eda que fuera un superh\u00e9roe de verd\u00e1, coles sos singularidaes, y cree que l’estilu qu’escoy\u00f3 finalmente ye’l que m\u00e1s s’afai a lo que buscaba. S\u00eda que non, ta claru qu’esfruta enforma colo que fai, y que les hores que dedica a faer el guion, componer y dibuxar siempres merecen la pena. Celebra, eso s\u00ed, toos les meyores tecnol\u00f3xiques qu’hubo nos \u00faltimos tiempos. \u00abLes tablets gr\u00e1fiques y tolo qu’hai agora d\u00e9xenme faer esto yo solu; antes nun lo hubiera pod\u00edu faer; lo qu’agora me lleva un d\u00eda llev\u00e1rame bien de tiempu, y am\u00e1s precisar\u00eda’l trabayu d’otra xente; g\u00fcei puedo faelo yo solu, y anque lleva muncho trabayu, puedes acabar una p\u00e1xina bastante r\u00e1pido\u00bb, sostien.<\/p>\n

El mierense va presentar oficialmente’l c\u00f3mic en Tapia de Casariego, una localid\u00e1 que la acueye dende fai 8 a\u00f1os onde asegura que siempres atop\u00f3 muncho sofitu. Va ser el d\u00eda 20 d’agostu a los ocho y media de la tarde na Casa de Cultura.<\/strong> Y los c\u00f3mics podr\u00e1n mercase en tiendes especializaes d’Asturies. Y\u00e1 tien axustada la so distribuci\u00f3n en llibrer\u00edes d’Uvi\u00e9u, Xix\u00f3n, Avil\u00e9s y Mieres, que van facilitar que, a partir de setiembre, Asturies sume al so ricu imaxinariu un personaxe m\u00e1s: El Repunante Paisan\u00f3n.<\/p>\n","protected":false},"excerpt":{"rendered":"

El Repunante Paisan\u00f3n, un nuevu superh\u00e9roe que llucha contra’l mal n’Asturies. La Voz El personaxe, llev\u00e1u al c\u00f3mic por H\u00e9ctor Fern\u00e1ndez G\u00f3mez, ye un mineru prexubil\u00e1u que tien el so xoril nel pozu Barredo y que llucha contra los enemigos de la sidra o los narcotraficantes.<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[57],"tags":[],"class_list":["post-83052","post","type-post","status-publish","format-standard","hentry","category-comic"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/83052","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=83052"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/posts\/83052\/revisions"}],"predecessor-version":[{"id":83056,"href":"https:\/\/edublog.educastur.es\/ixuxu\/wp-json\/wp\/v2\/posts\/83052\/revisions\/83056"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=83052"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=83052"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=83052"}],"curies":[{"name":"wp","href":"https:\/\/api.w.org\/{rel}","templated":true}]}}