{"id":8317,"date":"2021-07-30T12:00:10","date_gmt":"2021-07-30T10:00:10","guid":{"rendered":"https:\/\/edublog.educastur.es\/ixuxu\/?p=8317"},"modified":"2021-08-06T10:52:51","modified_gmt":"2021-08-06T08:52:51","slug":"puru-remangu-cultura-feminista-y-nasturianu-que-trespasa-fronteres","status":"publish","type":"post","link":"https:\/\/edublog.educastur.es\/ixuxu\/2021\/07\/puru-remangu-cultura-feminista-y-nasturianu-que-trespasa-fronteres\/","title":{"rendered":"Puru Remangu, cultura feminista y n&#8217;asturianu que trespasa fronteres"},"content":{"rendered":"<p style=\"text-align: center\"><a href=\"https:\/\/static.eldiario.es\/clip\/c9167fd6-e334-41af-87f2-6732d3f10dbb_16-9-discover-aspect-ratio_default_0.jpg\"><img loading=\"lazy\" decoding=\"async\" class=\"alignnone\" src=\"https:\/\/static.eldiario.es\/clip\/c9167fd6-e334-41af-87f2-6732d3f10dbb_16-9-discover-aspect-ratio_default_0.jpg\" alt=\"\" width=\"1200\" height=\"675\" \/><\/a><\/p>\n<p style=\"text-align: center\"><em>Enar Areces, ceadora del proyectu cultural y creativo<\/em><\/p>\n<p>El proyectu, qu&#8217;empez\u00f3 como una marca de camisetes y otros productos con mensaxes feministes, foi creciendo hasta convertise nun mediu pa impulsar hestories de muyeres<\/p>\n<ul>\n<li><a href=\"https:\/\/www.eldiario.es\/cultura\/puru-remangu-cultura-feminista-asturiano-traspasa-fronteras_1_8177961.html\">Fonte noticia: El Diario.es, Carmen L\u00f3pez, @Carmenlopezalv<\/a><\/li>\n<li><a href=\"https:\/\/pururemangu.com\/\"><span style=\"color: #008080\"><em><strong>Puru Remangu<\/strong><\/em><\/span><\/a><\/li>\n<\/ul>\n<p class=\"wp-more-tag mce-wp-more\" title=\"Leer m\u00e1s...\" data-wp-more=\"more\" data-mce-placeholder=\"1\"><!--more--><\/p>\n<p>N&#8217;asturianu, <span style=\"color: #008080\">&#8216;remangu&#8217; significa determinaci\u00f3n, fuerza, poder\u00edu.<\/span> Y eso ye precisamente lo que-y sobra a Enar Areces, ceadora del proyectu cultural y creativo <span style=\"color: #008080\"><strong>Puru Remangu<\/strong><\/span>, que trabaya sobro la identid\u00e1 asturiana y el feminismu. Empez\u00f3 como xuna marca de camisetes y otros productos con mensaxes feministes en llingua asturiana que foi creciendo adulces hasta convertise nun mediu pa impulsar iniciatives que cunten les hestories d&#8217;eses muyeres que s&#8217;enfrenten a la vida con arroxu. Les que lo fixeron nel pas\u00e1u abriendo cam\u00edn pa les siguientes xeneraciones y les que lo lleven a cabu agora gracies a les predecesores. Con esfuerzu y ensin rindise nel cam\u00edn.<\/p>\n<p>\u00abXuna muyer que ten\u00eda remangu era xuna muyer que llimpiaba perbi\u00e9n, qu&#8217;atend\u00eda la casa, que fregaba y barr\u00eda con muncho arte. Y n\u00f3s, dende Puru Remangu, queremos da-y xuna vuelta por que acomu\u00f1ase con ser lo que tu quieras ser, con que si tienes remangu tienes muncha fuerza\u00bb, esplica Enar Areces a elDiario.es al travi\u00e9s de videollam\u00e1.<span style=\"color: #008080\"><em> \u00abYe m\u00e1s que xuna marca de ropa, ye xuna se\u00f1a d&#8217;identid\u00e1\u00bb, afirma.<\/em><\/span><\/p>\n<p>Detr\u00e1s del proyectu t\u00e1n ella, que s&#8217;encarga de la parte creativa, y la so pareya Xicu, que ye l&#8217;encarg\u00e1u de llevar la parte m\u00e1s alministrativa. Dempu\u00e9s d&#8217;unos once a\u00f1os fora de la so tierra, volvieron un mes primero qu&#8217;empezara la pandemia y asiti\u00e1ronse en Xix\u00f3n. \u00abCuando inda taba en Madrid llanc\u00e9 xuna preventa de camisetes, pero ent\u00f3s daquella nun ten\u00eda nin web. Am\u00e1s, yo trabayaba nuna percancia de publicid\u00e1 munches hores al d\u00eda y tampoco ten\u00eda la enerx\u00eda pa crear una marca. Sab\u00eda faelo porque ye&#8217;l mio trabayu, pero solo diba faciendo un post en redes sociales cada dos meses y vend\u00eda dalguna camiseta\u00bb, comenta Areces.<\/p>\n<p style=\"text-align: center\"><a href=\"https:\/\/static.eldiario.es\/clip\/479d1c39-8a34-479e-9998-a447b3e43fb8_source-aspect-ratio_default_0.jpg\"><img loading=\"lazy\" decoding=\"async\" class=\"alignnone\" src=\"https:\/\/static.eldiario.es\/clip\/479d1c39-8a34-479e-9998-a447b3e43fb8_source-aspect-ratio_default_0.jpg\" alt=\"\" width=\"668\" height=\"445\" \/><\/a><\/p>\n<p style=\"text-align: center\"><em>El llibru G\u00fceli (g\u00fcela n&#8217;asturianu), que sali\u00f3 les pasaes navidaes<\/em><\/p>\n<p>Angua\u00f1o, tienen m\u00e1s de 15.000 siguidores n\u00b4Instagram y de les vientes saquen dineru pa vivir y pa faer coses como&#8217;l llibru G\u00fceli (g\u00fcela n&#8217;asturianu), que sali\u00f3 les pasaes navidaes. Empez\u00f3 como una acci\u00f3n en dicha plataforma sol lema <strong><span style=\"color: #008080\">#30diesconremangu<\/span><\/strong>, na que los siguidores pod\u00eden mandar una semeya de la so g\u00fcela con un testu n&#8217;asturianu que cuntara la so biograf\u00eda.<\/p>\n<p>Les 35 hestories que recibieron arrexuntaronse nun volume autoedit\u00e1u del que s&#8217;imprimieron 500 copies, que s&#8217;acabaron en dos selmanes. La entrevistada rellata que: \u00abTuvimos que llamar a la imprenta porque precis\u00e1bamos otres 500. Faltaba una selmana pa Nuechebona y ten\u00edamos que tener llibros sigo o s\u00ed. Y a finales de xineru fiximos otros 500, y\u00e1 vamos pola tercer edici\u00f3n\u00bb.<\/p>\n<p>La maquetaci\u00f3n corri\u00f3 al cargu d\u00b4Enar Areces, pero con ella tami\u00e9n taben Miguel S\u00e1nchez, que fixo la traducci\u00f3n al asturianu; Xicu, que s&#8217;encarg\u00f3 de la parte d&#8217;editar, de correxir y repasar por que nun hubiera erros y Marta Taboada, que foi l&#8217;autora de la portada. Ella tami\u00e9n cre\u00f3&#8217;l logo de Puru Remangu, que simboliza una &#8216;rapiega&#8217; (foina). \u00abAxuntamos nel pisu de Madrid pa merendar. Trabay\u00e1bamos xuntes nuna percancia de publicid\u00e1, ella de directora d&#8217;arte y yo de copy. Precisaba la so ayuda porque yo nun s\u00e9 ilustrar y quer\u00eda daqu\u00e9 que tuviera que ver con Asturies y con fuerza. De s\u00f3pitu asocedi\u00f3me una rapiega: ye un animal del Norte y tien picard\u00eda, ye intelixente, poderosa. Y el primer bocetu que fixo foi&#8217;l que se qued\u00f3\u00bb, comenta.<\/p>\n<p>Dempu\u00e9s del llibru, vieno&#8217;l curtiu <span style=\"color: #008080\">documental Emburriando<\/span> (emburriando, embistiendo), sobre l&#8217;equipu de roller derby femen\u00edn La G\u00fcestia. \u00abQuiero visibilizar el remangu n&#8217;otros \u00e1mbitos y paeci\u00f3me que nel deporte queda perfectamente reflex\u00e1u con La G\u00fcestia, porque compartimos tolos valores que yo intento reflexar en Puru Remangu\u00bb, declara Enar Areces. \u00abDempu\u00e9s de G\u00fceli quer\u00eda probar con otru formatu. Pensando nel tir\u00f3n que tenemos en redes sociales, pens\u00e9 que tar\u00eda bien tener conten\u00edu audiovisual porque hasta&#8217;l momentu nun fix\u00e9ramos nada de v\u00eddeu. Mand\u00e9-yos un mensaxe dici\u00e9ndo-yos que quer\u00eda faer daqu\u00e9 con elles y foi bien, bien f\u00e1cil trabayar xuntes. Elles pas\u00e1ronme tou lo que quer\u00eden cuntar y fiximos xuntes el guion, con una organizaci\u00f3n que daba gustu. Nun s\u00e9 si ye porque son muyeres, anque tengo la teor\u00eda de que con muyeres se trabaya muncho meyor\u00bb, afirma ri\u00e9ndose.<\/p>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" width=\"100%\" height=\"360\" src=\"https:\/\/www.youtube.com\/embed\/W99XVs_etjU\" 0=\"\/iframe\" scrolling=\"yes\" class=\"iframe-class\" frameborder=\"0\"><\/iframe>\n<\/p>\n<p>En relaci\u00f3n con estes obres culturales, matiza que-y paez bien importante \u00abdexar claro que tola xente que collabor\u00f3 nel llibru y nel documental grabando o faciendo semeyes cobr\u00f3 lo que-yos correspond\u00eda. Eso paguelo yo, porque hasta&#8217;l momentu nun tenemos nenguna subvenci\u00f3n, nin ayudes de cultura y del dineru que sacamos podr\u00eda llevame m\u00e1s al bolsu, pero paezme importante que paguemos a tola xente cola que trabayamos. Al igual que yo me considero profesional, los otros tami\u00e9n lo son\u00bb.<\/p>\n<p>Apocay\u00e1 tami\u00e9n fixeron una collaboraci\u00f3n cola ilustradora Mar\u00eda Ortiz, nesta ocasi\u00f3n un trabayu de merchandising pa la Oficina de Turismu de Xix\u00f3n. \u00abContact\u00e1ronme porque quer\u00eden faer daqu\u00e9 con una marca local y quer\u00eden que fu\u00e9ramos n\u00f3s. Yo sab\u00eda lo que deseyaba reflexar pero nun s\u00e9 faer de too, asina qu&#8217;al pie de Mar\u00eda pensamos en personaxes y posibilidaes. Anque vivu en Xix\u00f3n soi d&#8217;El Apurro, asina que tuvi que buscar hestories de la ciud\u00e1, porque hab\u00eda dalgunes que nun conoc\u00eda. Aprobose y sali\u00f3 fai unes tr\u00e9s selmanes\u00bb, diz.<\/p>\n<p>Feminismu \u00e1stur m\u00e1s all\u00e1 de les fronteres<\/p>\n<p style=\"text-align: center\"><a href=\"https:\/\/static.eldiario.es\/clip\/b653d032-c148-4ea2-a309-5c5aabec9efd_source-aspect-ratio_default_0.jpg\"><img loading=\"lazy\" decoding=\"async\" class=\"alignnone\" src=\"https:\/\/static.eldiario.es\/clip\/b653d032-c148-4ea2-a309-5c5aabec9efd_source-aspect-ratio_default_0.jpg\" alt=\"\" width=\"821\" height=\"547\" \/><\/a><\/p>\n<p style=\"text-align: center\"><em>Imaxe del curtiu documental Emburriando (embistiendo),<br \/>\nsobre l&#8217;equipu de roller derby femen\u00edn La G\u00fcestia<\/em><\/p>\n<p>Apocay\u00e1 m\u00e1s d&#8217;un mes, Ione Belarra, actual Secretaria Xeneral de Podemos y Ministra de Derechos Sociales y Axenda 2030, llam\u00f3 l&#8217;atenci\u00f3n de los medios al salir vistiendo una de les camisetes de Puru Remangu col lema: <em><span style=\"color: #008080\">\u00abFa\u00f1ag\u00fceta. Amasuela, raxa, peseta, casta\u00f1a, p\u00e1xara, clica, rega\u00f1a, \u00f1al\u00bb<\/span><\/em>. Toes sin\u00f3nimos de vulva. Foi un regalu d&#8217;Alba Gonz\u00e1lez, asesora d&#8217;Iguald\u00e1 nel Congresu, que la llevaba puesta nun actu al qu&#8217;allegaron n&#8217;Avil\u00e9s.<\/p>\n<p>Enar Areces esplica que: \u00abAlba escribi\u00f3me pa dicime que me diba a faer un pid\u00edu na web que diba ser pal Ministeriu, porque a Ione Belarra gust\u00e1ba-y la camiseta. Nun pens\u00e9 que diba dir m\u00e1s all\u00e1, que nun diba salir nenyures\u00bb. La mesma Belarra punxo un post na so cuenta d\u00b4Instagram visti\u00e9ndola y esplicando la hestoria nun testu que termina con: \u00abAsturianu&amp;Feminista\u00bb.<\/p>\n<p>Ante la entruga de si consid\u00e9rense un referente del feminismu asturianu, Areces amu\u00e9sase prudente: \u00abCuando me lo dicen dame muncho respetu. Porque los que tienen que ser referentes son los colectivos feministes. Un proyectu como <strong><a href=\"https:\/\/pururemangu.com\/\">Puru Remangu<\/a><\/strong> tami\u00e9n, pero equ\u00ed la voz cantante los colectivos feminista y social. El nuesu papel ye emburriar y tar ende, ser un poco la marca c\u00f3mpliz\u00bb. Ent\u00e1 asina, vienden munchos productos fora de la comunid\u00e1. \u00abCasi dir\u00eda que la met\u00e1 vendese n&#8217;Asturies y la met\u00e1 pa otros sitios. Son munchos asturianos que t\u00e1n fuera pero otros, polos nomes y los apell\u00edos, non. Hai munchos gallegos, xente de Lli\u00f3n o vascos\u00bb.<\/p>\n<p style=\"text-align: center\"><a href=\"https:\/\/static.eldiario.es\/clip\/623b0f86-7585-4abd-a34f-6a859304f2d4_source-aspect-ratio_default_0.jpg\"><img loading=\"lazy\" decoding=\"async\" class=\"alignnone\" src=\"https:\/\/static.eldiario.es\/clip\/623b0f86-7585-4abd-a34f-6a859304f2d4_source-aspect-ratio_default_0.jpg\" alt=\"\" width=\"386\" height=\"579\" \/><\/a><\/p>\n<p style=\"text-align: center\"><em><a href=\"https:\/\/pururemangu.com\/\">Puru Remangu<\/a>, cultura feminista<\/em><\/p>\n<p>La tema de la llingua nun resulta un problema. \u00abDe primeres conoc\u00edasenos como un proyectu solu n&#8217;asturianu. Pero agora cada vez m\u00e1s, l&#8217;asturianu ye a cencielles normal, una llingua vehicular qu&#8217;utilizamos pa tresmitir esto y aquello\u00bb, asegura. Gracies a esi llabor de normalizaci\u00f3n de la llingua gan\u00f3 la edici\u00f3n <span style=\"color: #008080\">XXXVI del Premiu Andr\u00e9s Solar<\/span> que concede la <span style=\"text-decoration: underline\"><span style=\"color: #008080;text-decoration: underline\">Xunta pola Defensa de la Llingua Asturiana (XDLA).<\/span><\/span><\/p>\n<p>Na cabeza d\u00b4Enar Areces siempres se ta xestando dalguna idea. <span style=\"color: #008080\"><em>\u00abGustar\u00edame siguir faciendo estos v\u00eddeos visibilizando el remangu como&#8217;l que fiximos col deporte, faer daqu\u00e9 con muyeres que vivan nos pueblos. Y de cara a Navid\u00e1 hai otru proyectu colaborativu del qu&#8217;inda nun puedo cuntar nada, pero que tien que ver col sexu o m\u00e1s bien cola sexolox\u00eda\u00bb. Nel futuru tami\u00e9n-y gustar\u00eda crear talleres, conciertos, festivales, montar coses pero haya m\u00e1s xente implicada. Siguir calteniendo la marca, pero cada vez faer m\u00e1s coses rellacionaes cola cultura y siempres rellacion\u00e1u cola identid\u00e1, les muyeres, el remangu. Esti parag\u00fces ye bien ampliu y caben munches coses\u00bb.<\/em><\/span><\/p>\n<p>&nbsp;<\/p>\n<hr \/>\n<ul>\n<li><a href=\"https:\/\/www.youtube.com\/watch?v=lz-9avDOuyY\">Videu \u00abPoles nuestres g\u00fceles\u00bb\u00a0<\/a><\/li>\n<li><span class=\"style-scope yt-formatted-string\" dir=\"auto\">Falando sobre la iniciativa <\/span><a class=\"yt-simple-endpoint style-scope yt-formatted-string\" href=\"https:\/\/www.youtube.com\/hashtag\/30d%C3%ADesconremangu\">#30D\u00edesConRemangu<\/a><span class=\"style-scope yt-formatted-string\" dir=\"auto\"> y les histories de les nuestres g\u00fceles.<\/span><\/li>\n<\/ul>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" width=\"100%\" height=\"456\" src=\"https:\/\/www.youtube.com\/embed\/lz-9avDOuyY\" 0=\"\/iframe\" scrolling=\"yes\" class=\"iframe-class\" frameborder=\"0\"><\/iframe>\n<\/p>\n<hr \/>\n<ul>\n<li><a href=\"https:\/\/www.youtube.com\/watch?v=W99XVs_etjU\">Videu: \u00abEmburriando\u00bb<\/a><\/li>\n<\/ul>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" width=\"100%\" height=\"456\" src=\"https:\/\/www.youtube.com\/embed\/W99XVs_etjU\" 0=\"\/iframe\" scrolling=\"yes\" class=\"iframe-class\" frameborder=\"0\"><\/iframe>\n<\/p>\n<p>\u00abEmburriando\u00bb ye&#8217;l primer curtiu que Puru Remangu ficimos cola intenci\u00f3n de visibilizar el remangu notra estaya de la vida, nesti casu el deporte femen\u00edn. Fac\u00e9moslo cuntando la historia de La G\u00fcestia Roller Derby, el primer y \u00fanicu equipu de roller derby n\u2019Asturies, coles que compartimos al 100% los sos valores.<\/p>\n","protected":false},"excerpt":{"rendered":"<p>Enar Areces, ceadora del proyectu cultural y creativo El proyectu, qu&#8217;empez\u00f3 como una marca de camisetes y otros productos con mensaxes feministes, foi creciendo hasta convertise nun mediu pa impulsar hestories de muyeres Fonte noticia: El Diario.es, Carmen L\u00f3pez, @Carmenlopezalv Puru Remangu<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[29],"tags":[],"class_list":["post-8317","post","type-post","status-publish","format-standard","hentry","category-articulos"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/8317","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=8317"}],"version-history":[{"count":4,"href":"https:\/\/edublog.educastur.es\/ixuxu\/wp-json\/wp\/v2\/posts\/8317\/revisions"}],"predecessor-version":[{"id":8447,"href":"https:\/\/edublog.educastur.es\/ixuxu\/wp-json\/wp\/v2\/posts\/8317\/revisions\/8447"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=8317"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=8317"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=8317"}],"curies":[{"name":"wp","href":"https:\/\/api.w.org\/{rel}","templated":true}]}}