{"id":8650,"date":"2021-08-06T09:03:04","date_gmt":"2021-08-06T07:03:04","guid":{"rendered":"https:\/\/edublog.educastur.es\/ixuxu\/?p=8650"},"modified":"2021-08-12T09:05:36","modified_gmt":"2021-08-12T07:05:36","slug":"el-festival-interceltique-de-lorient-arranca-guei","status":"publish","type":"post","link":"https:\/\/edublog.educastur.es\/ixuxu\/2021\/08\/el-festival-interceltique-de-lorient-arranca-guei\/","title":{"rendered":"El\u00a0 Festival Interceltique de Lorient arranca g\u00fcei"},"content":{"rendered":"
\n
\n
\n
\n
\n
\n
\n
\n
\n
<\/div>\n<\/div>\n<\/div>\n
\n
\n
\n
\"L<\/div>\n
Semeya propied\u00e1 del Festival Interceltique de Lorient.<\/em><\/div>\n<\/div>\n<\/div>\n
\n
\n
\n

El\u00a0 Festival Interceltique de Lorient<\/a> arranca g\u00fcei magar les dificultaes de tener qu\u2019adaptase \u201cselmana a selmana\u201d al ritmu que marca la pandemia. La \u00faltima edici\u00f3n con Lisardo Lombard\u00eda al frente c\u00e9ntrase en Breizh pero \u201ctoles delegaciones lleven una representaci\u00f3n de lo meyor\u201d, esplica I\u00f1aki Santianes, responsable de l\u2019asturiana.<\/p>\n

<\/h1>\n
\n

\u201cYe un a\u00f1u centr\u00e1u en Breta\u00f1a, pero nel que toles delegaciones lleven una representaci\u00f3n de lo meyor\u201d, esplica Santianes<\/span><\/span><\/em><\/h4>\n<\/blockquote>\n

\u201cYera mui importante que nun hubiere un segundu par\u00f3n. Dos a\u00f1os ensin certame ser\u00eda mui perxudicial pal festival\u201d, apunta\u2019l gaiteru, que rescampla l\u2019esfuerciu organizativu pa facer realid\u00e1 l\u2019Interceltique. Reducciones d\u2019aforu, con nam\u00e1i llocalidaes d\u2019asientu nel casu del Espace Marine, y la obligaci\u00f3n de presentar un documentu qu\u2019acreite tar vacun\u00e1u o un negativu nun control d\u2019ant\u00edxenos p\u2019acceder a los conciertos son dalgunes de les mid\u00edes que van marcar esta edici\u00f3n, na que\u2019l p\u00fablicu va disponer d\u2019un centru de vacunaci\u00f3n y d\u2019ellaboraci\u00f3n de tests pa facilitar l\u2019asistencia a los espect\u00e1culos.<\/p>\n

Nellos, como asocede dende los \u00faltimos a\u00f1os de los 80, va haber una destacada presencia asturiana anque menos numberosa de lo habitual daes les circunstancies. En concreto van viaxar a An Oriant la banda folk Felpeyu y el compositor Ram\u00f3n Prada, que va tar acompa\u00f1\u00e1u por Xos\u00e9 Ant\u00f3n Fern\u00e1ndez \u2018Amb\u00e1s\u2019, Rams\u00e9s Ilesies y Jos\u00e9 \u00c1ngel Hevia.<\/p>\n

Dedic\u00e1u a Breizh nesta ocasi\u00f3n coincidiendo col cincuentenu aniversariu del Interceltique, \u201ccada d\u00eda va tener protagonismu un pa\u00eds\u201d. Nel casu d\u2019Asturies va ser el s\u00e1badu 14, a les 20 hores, cola actuaci\u00f3n de Felpeyu nel espaciu La Bretagne Invite xunto coles bandes bretones Les Vrill\u00e9s y el d\u00fau Chaveul\/Noguet, que convida pa la ocasi\u00f3n a Roland Coq.<\/p>\n

\u2018Finisterres celtiques\u2019<\/strong><\/p>\n

Tami\u00e9n va haber presencia asturiana nel espect\u00e1culu \u2018Finisterres celtiques\u2019, el llunes a les 21 hores nel Espace Marine, un eventu especial pa conmemorar el cincuentenu aniversariu del Festival Interceltique de Lorient. N\u00e9l la Orchestre National de Bretagne va interpretar cinco movimientos fechos por compositores de dellos pa\u00edses pa la ocasi\u00f3n.<\/p>\n

Son Fr\u00e9d\u00e9rique Lory (Breizh), Paul Leonard Morgan (Alba), Sir Karl Jenkins (Cymru), Bill Whelan (\u00c9ire) y l\u2019asturianu Ram\u00f3n Prada, que presenta \u2018Tierra\u2019. Pa la so interpretaci\u00f3n la orquesta bretona va contar cola collaboraci\u00f3n d\u2019Hevia, Amb\u00e1s y Ilesies.<\/p>\n

\u201cEsti a\u00f1u ye un festival centr\u00e1u en Breizh, pero nel que toles delegaciones lleven de los meyor. La intenci\u00f3n ye dar la meyor imaxe posible\u201d, se\u00f1ala Santianes. Les dificultaes que conlleva la pandemia obliga a apostar por esti modelu pa poder sacar alantre la edici\u00f3n, cola esperanza de que l\u2019a\u00f1u qu\u2019entra averase un poco m\u00e1s a la normalid\u00e1.<\/p>\n

Ente les modificaciones ta l\u2019ausencia de talleres, clases maxistrales y la mayor\u00eda de concursos, ente ellos el MacCrimmon de gaita qu\u2019enfrenta a int\u00e9rpretes mozos asturianos y gallegos. Tami\u00e9n toles actividaes de cai, allug\u00e1ndose los espect\u00e1culos nel Espace Marine y la carpa bretona, \u00fanica \u00e9nte l\u2019ausencia de los pabellones y chigres de les naciones celtes.<\/p>\n

Bandera asturiana<\/strong><\/p>\n

Tampoco nun va haber les sesiones de le Nuit Interceltique Bretagne nin la Gran Parade des Nations Celtes, desfile de tolos participantes nel festival peles cais d\u2019An Oriant qu\u2019axunta tolos a\u00f1os a miles de persones. Nesta ocasi\u00f3n nam\u00e1i va garrar el nome de Gran Parade Bretagne y van participar decenes grupos y bandes de gaites bretones nun eventu celebr\u00e1u\u2019l domingu a les 10 hores nel Stade du Moustoir, campu del Lorient, con toles mid\u00edes de seguranza y nel que los responsables de cada delegaci\u00f3n van llevar la bandera del so pa\u00eds, nel casu d\u2019Asturies Santianes, pa facer presentes a les naciones celtes qu\u2019acuden a\u00f1u a a\u00f1u al certame.<\/p>\n

Esta activid\u00e1 y los conciertos del Espace Marine va ser los eventos centrales del Interceltique, rescamplando l\u2019espect\u00e1culu \u2018Finisterres celtiques\u2019 y les actuaciones del gallegu Carlos N\u00fa\u00f1ez o\u2019l bret\u00f3n Alan Stivell, am\u00e1s de la de la irlandesa Sharon Shannon y l\u2019escoc\u00e9s Calum Stewart, que ta estos d\u00edes n\u2019Asturies pa particir nel Festival Interc\u00e9ltico d\u2019Occidente y el Festival Internacional de Bandes de Gaites Villa de Xix\u00f3n. \u201cEsperamos una bona acoyida del p\u00fablicu\u201d, apunta Santianes, que recuerda tami\u00e9n la importancia de la organizaci\u00f3n d\u2019esta edici\u00f3n como despidida de Lombard\u00eda, que dexa la direici\u00f3n del festival por xubilaci\u00f3n, col bret\u00f3n Jean-Philippe Mauras como sustitutu de cara a la pr\u00f3xima edici\u00f3n, na que se va a empezar a trabayar estos mesmos d\u00edes.<\/p>\n<\/div>\n<\/div>\n<\/div>\n<\/div>\n<\/div>\n<\/div>\n<\/div>\n<\/div>\n<\/div>\n<\/div>\n<\/div>\n

<\/h1>\n
\n
\n
\n
\n
\n
\n
\n
\n