{"id":90989,"date":"2026-10-09T13:36:06","date_gmt":"2026-10-09T11:36:06","guid":{"rendered":"https:\/\/edublog.educastur.es\/ixuxu\/?p=90989"},"modified":"2026-10-10T18:47:20","modified_gmt":"2026-10-10T16:47:20","slug":"asturies-cultura-en-rede-4","status":"publish","type":"post","link":"https:\/\/edublog.educastur.es\/ixuxu\/2026\/10\/asturies-cultura-en-rede-4\/","title":{"rendered":"Asturies, Cultura en Rede"},"content":{"rendered":"<p>El Gobiernu del Princip\u00e1u renueva la imaxe d\u2019<span style=\"color: #008080\"><strong>Asturies, Cultura en Rede<\/strong><\/span>, que lleva espect\u00e1culos, esposiciones y otres propuestes per conceyos de tola comunid\u00e1 aut\u00f3noma. <a href=\"https:\/\/actualidad.asturias.es\/-\/nuevaimagen_culturaenrede_09_10_26\">Actualid\u00e1<\/a><\/p>\n<p style=\"text-align: center\">\n<!-- iframe plugin v.6.0 wordpress.org\/plugins\/iframe\/ -->\n<iframe loading=\"lazy\" src=\"https:\/\/www.facebook.com\/plugins\/video.php?height=314&#038;href=https%3A%2F%2Fwww.facebook.com%2Freel%2F1049131901486280%2F&#038;show_text=false&#038;width=560&#038;t=0\" width=\"560\" height=\"314\" style=\"border:none;overflow:hidden\" scrolling=\"no\" frameborder=\"0\" allowfullscreen=\"true\" allow=\"autoplay; clipboard-write; encrypted-media; picture-in-picture; web-share\" 0=\"\/iframe\" class=\"iframe-class\"><\/iframe>\n<\/p>\n<p><!--more--><\/p>\n<ul>\n<li class=\"Ttulo1CxSpMiddle\">Los circuitos d\u2019artes esc\u00e9niques, m\u00fasica, lliteratura, narraci\u00f3n oral, cultura tradicional y cultura sidrera caltienen abierta la presentaci\u00f3n de proyectos hasta\u2019l 13 d\u2019ochobre, y artes visuales, hasta\u2019l 30 de payares<\/li>\n<li class=\"Entradilla\">Escena en Rede va axuntar del 27 al 29 d\u2019ochobre na Llaboral espect\u00e1culos, formaci\u00f3n y alcuentros ente compa\u00f1\u00edes, artistes, programadores y instituciones<\/li>\n<li class=\"Entradilla\">La Rede de Teatros y Auditorios creada apocay\u00e1 va escoyer la so primer programaci\u00f3n, que va llegar a los conceyos ente avientu del 2026 y xunu del 2027<\/li>\n<\/ul>\n<p>La conseyera de Cultura, Pol\u00edtica Lling\u00fc\u00edstica y Deporte, Vanessa Guti\u00e9rrez, present\u00f3 g\u00fcei la imaxe nueva d\u2019<i>Asturies, Cultura en Rede<\/i>, el programa de cooperaci\u00f3n cultural del Princip\u00e1u y los conceyos que lleva espect\u00e1culos, esposiciones y otres actividaes a conceyos de toa Asturies. La presentaci\u00f3n coincide con delles convocatories abiertes angua\u00f1o pa los circuitos culturales y pa la Rede de Teatros y Auditorios del Princip\u00e1u d\u2019Asturies (RETEA) y una edici\u00f3n nueva d\u2019Escena en Rede, la muestra profesional dedicada a les artes esc\u00e9niques.<\/p>\n<p>La identid\u00e1 visual nueva parte precisamente de la idea que da sent\u00edu al programa: crear una rede que conecte cultura y territoriu. El dise\u00f1o axunta conceptos como la comunicaci\u00f3n, la conex\u00f3n y Asturies pa representar les rellaciones que s\u2019establecen ente creadores, proyectos, espacios culturales, conceyos y p\u00fablicos de puntos variaos de la comunid\u00e1.<\/p>\n<p><i>Asturies, Cultura en Rede<\/i> ye un programa de cooperaci\u00f3n cofinanci\u00e1u ente\u2019l Princip\u00e1u y los Conceyos que facilita qu\u2019espect\u00e1culos, esposiciones y otres propuestes culturales viaxen per dellos conceyos. Los proyectos escu\u00e9yense pente medies de convocatories p\u00fabliques y pasen a formar parte de cat\u00e1logos dixitales. Son depu\u00e9s los Conceyos adher\u00edos los qu\u2019escueyen les actividaes que quieren incorporar a les sos programaciones, averando asina propuestes de disciplines variaes a los sos vecinos y vecines. La rede abarca circuitos dedicaos a artes esc\u00e9niques, artes visuales, m\u00fasica, cine, lliteratura, cultura tradicional, cultura sidrera y narraci\u00f3n oral, am\u00e1s d\u2019iniciatives espec\u00edfiques como Autores nel Cam\u00edn o la Xira Did\u00e1ctica.<\/p>\n<p>Les convocatories que queden abiertes estos d\u00edes van dexar conformar los cat\u00e1logos venideros d\u2019<i>Asturies, Cultura en Rede<\/i>. El 13 d\u2019ochobre remata\u2019l plazu pa presentar proyectos d\u2019artes esc\u00e9niques, m\u00fasica, lliteratura, narraci\u00f3n oral, cultura tradicional y cultura sidrera. N\u2019artes visuales, onde s\u2019escueyen propuestes espositives in\u00e9dites pa la so producci\u00f3n y exhibici\u00f3n depu\u00e9s n\u2019espacios culturales variaos, el plazu va quedar abiertu hasta\u2019l 30 de payares. Les actividaes escoy\u00edes van programase ente xineru y xunu del 2027.<\/p>\n<p class=\"Subttulo1\"><strong>Primer programaci\u00f3n de RETEA<\/strong><\/p>\n<p>A esti mapa cultural incorp\u00f3rase RETEA, la estructura nueva de collaboraci\u00f3n ente los teatros y auditorios principales d\u2019Asturies pa favorecer una ufierta estable d\u2019artes esc\u00e9niques y m\u00fasica. La so primer convocatoria ta abierta hasta\u2019l 13 d\u2019ochobre pa compa\u00f1\u00edes, productores y distribuidores, que pueden presentar propuestes de teatru, danza, m\u00fasica, circu, maxa, teatru d\u2019oxetos o t\u00edteres y proyectos multidisciplinares.<\/p>\n<p>La convocatoria ta abierta tami\u00e9n a compa\u00f1\u00edes y promotores de fora d&#8217;Asturies, anque establez un compromisu espec\u00edficu col tex\u00edu cultural de la comunid\u00e1, el 70 por cientu de los espect\u00e1culos contrataos tendr\u00e1 de corresponder a compa\u00f1\u00edes asturianes.<\/p>\n<p>Cada espect\u00e1culu va tener que cumplir les condiciones t\u00e9cniques recoy\u00edes na convocatoria, am\u00e1s de los espacios onde se lleven a cabu. Coles propuestes escoy\u00edes va ellaborase un cat\u00e1logu dixital que va tar a disposici\u00f3n de los Conceyos cola infraestructura necesaria y que decidan incorporase a la rede. Cada Conceyu va poder escoyer los espect\u00e1culos que quiera llevar a los sos escenarios dientro d\u2019una programaci\u00f3n que se va desenvolver ente\u2019l 18 d\u2019avientu del 2026 y el 30 de xunu del 2027.<\/p>\n<p class=\"Subttulo1\"><strong>Escena en Rede: escenariu y puntu d\u2019alcuentru<\/strong><\/p>\n<p>Ochobre va tener otra de les sos cites na cuarta edici\u00f3n d\u2019Escena en Rede, Muestra d\u2019Artes Esc\u00e9niques, entamada pola conseyer\u00eda en collaboraci\u00f3n con EscenAsturias y que se va celebrar del 27 al 29 en dellos espacios de Llaboral Ciud\u00e1 de la Cultura. A lo llargo de tr\u00e9s d\u00edes, la muestra va combinar los espect\u00e1culos abiertos al p\u00fablicu con formaci\u00f3n, debate y espacios pensaos pa favorecer l\u2019alcuentru ente compa\u00f1\u00edes, artistes, programadores y instituciones.<\/p>\n<p>La programaci\u00f3n axunta propuestes de Proyecto Piloto, Circo Bajo el Tejado, ACAR Teatro, Dana Raz, Saltantes Teatro, Teatro del Cuervo, Higi\u00e9nico Papel Teatro, Guayomin\u00ed, Norbayu, El Callej\u00f3n del Gato, Popy Vegas Teatro y MonoEscena. Teatru, danza y circu van ocupar espacios interiores y esteriores de la Llaboral, con representaciones d\u2019accesu llibre y gratuitu hasta completar aforu.<\/p>\n<p>L\u2019alcuentru profesional va empezar primero de que se llevante\u2019l tel\u00f3n de la muestra. Los d\u00edes 14 y 15 d\u2019ochobre van celebrase dos formaciones intensives dedicaes al financiamientu auton\u00f3micu de les artes esc\u00e9niques y a les ferramientes pa cuntar, posicionar y conectar los proyectos esc\u00e9nicos colos sos p\u00fablicos nel entornu dixital. Les inscripciones pa dambes sesiones queden abiertes.<\/p>\n<p>Y\u00e1 a lo llargo d\u2019<i>Escena en Rede<\/i>, tr\u00e9s meses redondes van abrir la conversaci\u00f3n sobre les residencies art\u00edstiques, la situaci\u00f3n y los retos de la distribuci\u00f3n y les posibilidaes de texer redes y aliances fuera d\u2019Asturies p\u2019ampliar el percorr\u00edu de los proyectos esc\u00e9nicos. Artistes, programadores y instituciones pueden inscribise nes actividaes profesionales hasta\u2019l 23 d\u2019ochobre a les 14:00 hores.<\/p>\n<p>La imaxe nueva d\u2019<i>Asturies, Cultura en Rede<\/i> va acompa\u00f1ar dende agora estes convocatories y actividaes baxo una identid\u00e1 com\u00fan. El s\u00edmbolu cambia, pero queda\u2019l principiu que sosti\u00e9n el programa: cooperar pa que la cultura circule, llegue a m\u00e1s sitios y forme parte de la vida cotidiana de los conceyos. Una rede que da percorr\u00edu a la creaci\u00f3n y fai efectivu\u2019l derechu de la ciudadan\u00eda a acceder y participar na cultura, viva onde viva.<\/p>\n","protected":false},"excerpt":{"rendered":"<p>El Gobiernu del Princip\u00e1u renueva la imaxe d\u2019Asturies, Cultura en Rede, que lleva espect\u00e1culos, esposiciones y otres propuestes per conceyos de tola comunid\u00e1 aut\u00f3noma. Actualid\u00e1<\/p>\n","protected":false},"author":117,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[1],"tags":[],"class_list":["post-90989","post","type-post","status-publish","format-standard","hentry","category-sin-categoria"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/90989","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=90989"}],"version-history":[{"count":4,"href":"https:\/\/edublog.educastur.es\/ixuxu\/wp-json\/wp\/v2\/posts\/90989\/revisions"}],"predecessor-version":[{"id":91045,"href":"https:\/\/edublog.educastur.es\/ixuxu\/wp-json\/wp\/v2\/posts\/90989\/revisions\/91045"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=90989"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=90989"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=90989"}],"curies":[{"name":"wp","href":"https:\/\/api.w.org\/{rel}","templated":true}]}}