{"id":9235,"date":"2021-05-24T14:38:57","date_gmt":"2021-05-24T12:38:57","guid":{"rendered":"https:\/\/edublog.educastur.es\/ixuxu\/?p=9235"},"modified":"2021-08-24T14:45:36","modified_gmt":"2021-08-24T12:45:36","slug":"senarda-de-david-fernandez-mejuto","status":"publish","type":"post","link":"https:\/\/edublog.educastur.es\/ixuxu\/2021\/05\/senarda-de-david-fernandez-mejuto\/","title":{"rendered":"\u00abSe\u00f1ard\u00e1\u00bb, de David Fern\u00e1ndez Mejuto"},"content":{"rendered":"<ul>\n<li>\n<h4 class=\"entry-title\"><a href=\"http:\/\/www.formientu.com\/formientudixital\/narrativa\/senarda-de-david-fernandez-mejuto\/\"><span style=\"font-size: 16px\">Fonte: Formientu: \u00abSe\u00f1ard\u00e1\u00bb, de David Fern\u00e1ndez Mejuto<\/span><\/a><\/h4>\n<\/li>\n<\/ul>\n<div>\n<h3 style=\"text-align: center\"><span style=\"color: #008080\"><strong>SE\u00d1ARD\u00c1<\/strong><\/span><\/h3>\n<div>Dempu\u00e9s d\u2019una llarga selmana por fin yera vienres. Esconso\u00f1ar, duchame, almorzar, llavar los dientes y dir corriendo a la parada\u2019l bus. Los vezos y les zunes. En llegando a la facult\u00e1, y sintiendo nos auriculares \u201cThe show must go on\u201d pa tener ciertu toque d\u2019epicid\u00e1, cola fuercia del mensaxe principal de que nun ye\u2019l final, atopo a Manu aparcando\u2019l coche na zona azul.<\/div>\n<\/div>\n<p><!--more--><\/p>\n<div class=\"td-post-content\">\n<div><\/div>\n<div>\u2013 \u00bfVaya chupaeru de perres, eh? Menos mal que y\u00e1 ye vienres, que va salite l\u2019ara\u00f1a de la cartera.<\/div>\n<div>\u2013 Home, \u00bfqu\u00e9 quies, que pague cola tarxeta universitaria? Van cuatro a\u00f1os y nun fici usu d\u2019ella pa nada.<\/div>\n<div><\/div>\n<p>Entramos na facult\u00e1 ente rises goliendo ensiguida los pinchos de la cafeter\u00eda. \u00bfQu\u00e9 ye, que nun tendr\u00e1n estractor, ho? En xubiendo les escaleres, atopamos a los collacios, que taben na mesa falando en <em>petit comit\u00e9<\/em> de c\u00f3mo diben facer l\u2019esame pr\u00e1cticu de g\u00fcei, que yera de m\u00fasica y ten\u00edemos que coordinar piernes y brazos. A les nueve la ma\u00f1ana, que nun somos nin a abrir los g\u00fceyos.<\/p>\n<div>\u2013 \u00bfLlegastis, ho? Y\u00e1 pens\u00e1bemos que nun dib\u00e9is presentavos. Por ciertu, \u00bfvistis el nuevu cartelu qu\u2019hai nel tabl\u00f3n d\u2019anuncies?<\/div>\n<div><\/div>\n<div>Esi cartelu reduc\u00edase al llav\u00e1u de manes. Yo creo que t\u00e1n esaxerando, \u00bfqu\u00e9 hai, dos casos o tr\u00e9s d\u2019esi virus en La Gomera, que queda a mil y picu quil\u00f3metros d\u2019equ\u00ed? C\u00f3mo non, tuviemos que grabar un videu faciendo burlla, que foi directu pal Instagram. Ten\u00eda puesta una sudadera de color prietu con un esbardu que llevaba una corona na tiesta y los collacios de clas, llegando al picu de la comedia, nom\u00e1ronme \u00abel coronavirus\u00bb.<\/div>\n<div><\/div>\n<div>\u2013 Dex\u00e1i de facer el tuntu, anda. \u00bfQu\u00e9 ye que nun sois conscientes de la situaci\u00f3n? Pa una vez que ten\u00edais que mirar pal Twitter, pero caro nam\u00e1s lu us\u00e1is pa memes y varios. \u2013 dixo Cristina.<\/div>\n<div>\u2013 \u00bfEnt\u00f3s, qu\u00e9 ye? \u2013 contest\u00e9mos-y los dos en perfecta coordinaci\u00f3n.<\/div>\n<div><\/div>\n<div>Igual s\u00ed que taba camudando la cosa. Abrimos l\u2019app y nun se fala d\u2019otra cosa. Tweets y tweets con milenta interacciones, too pola noticia d\u2019\u00faltima hora sobre l\u2019inminente confinamientu domiciliariu.<\/div>\n<div><\/div>\n<div>\u2013 \u00a1Venga! \u00bfQui\u00e9n quier ser el primeru en facer l\u2019esame? \u2013 dixo\u2019l profesor.<\/div>\n<div><\/div>\n<div>A los venti minutos y\u00e1 nos esamin\u00e1remos toos. Al final nun foi pa tanto, siguimos cumpliendo escrupulosamente\u2019l dichu \u201cun cinco son seis cr\u00e9ditos\u201d. En saliendo de la clas, y la verd\u00e1 que nun voi escacelo na vida, despid\u00edmonos del maestru ente sorrises, la cabera vegada que d\u00edbemos ver sorrises ensin la m\u00e1zcara percima.<\/div>\n<div><\/div>\n<div>\u2013 A ver si pasa r\u00e1pido esto, que coles pr\u00e1ctiques a tiru piedra y los es\u00e1menes finales en mayu, nun s\u00e9 yo qui\u00e9n va estudiar esta quincena. \u2013 dixo Nel ente los suspiros de los dem\u00e1s.<\/div>\n<div><\/div>\n<div>Taba notando\u2019l maltar cuando tornaba pa casa nel tren que garr\u00e9 na estaci\u00f3n de Llamaquique con destinu a un llargu zarru. Pas\u00e9 gran apuru. La tensi\u00f3n, anque fuere tresparente como un cristal, pod\u00eda cortase con un cuchiellu. Con tola povisa qu\u2019hab\u00eda yera dif\u00edcil nun toser o espirriar y, con tolos viaxeros r\u00edxidos, not\u00e1base la incomodid\u00e1 y el nerviosismu.<\/div>\n<div><\/div>\n<div>El mundu sigu\u00eda en movimientu pero y\u00e1 entam\u00e1bemos a nun ser los mesmos, t\u00e1bemos desubicaos y aturd\u00edos pola situaci\u00f3n. Quiciabes y\u00e1 y\u00e9remos conscientes de que nun yeren simples n\u00famberos, sin\u00f3n que yera xente, yeren families pas\u00e1ndolo mal y munchos quedaben pel cam\u00edn. Por desgracia de toos lo peor diba llegar les selmanes vinientes.<\/div>\n<div><\/div>\n<div>En principiu, como diben ser nam\u00e1s quince d\u00edes, acompa\u00f1\u00e9 a mio ma al que yera l\u2019economatu d\u2019HUNOSA. Quedaben malpenes cuatro coses como quien diz nes estanter\u00edes de finales del sieglu pas\u00e1u allumaes por una lluz fr\u00eda nun ambiente d\u2019escrupulosu silenciu, ensin m\u00fasica p\u2019amenizar la compra: hab\u00eda dalguna conserva, dalg\u00fan brick de lleche, pero nin rastru de papel hix\u00e9nico, formientu o paquetes de llenteyes o de fabes pa facer un pote. La xente mercaba a llargu plazu, y a llargu plazu quedemos en casa.<\/div>\n<div><\/div>\n<div>Alcu\u00e9rdome de too esto porque estos d\u00edes, guetando ente los caxones los apuntes, pa organizalos agora que la carrera universitaria llega\u2019l so fin, hai llibretes feches a la met\u00e1, unes pr\u00e1ctiques ensin facer, amistaes nueves que nun pudi facer. El mundu par\u00f3 dafechu nesos meses, que nun fueron munchos, pero camud\u00e1ronnos.<\/div>\n<div><\/div>\n<div>Si fu\u00e9remos astronautes y la vida tuviere lluz, ver\u00edemos al travi\u00e9s de la ventana de la nave\u2019l planeta apag\u00e1u, dende la zona rural a les grandes urbes. Anque tolos d\u00edes falemos del andanciu paez qu\u2019escaecimos esos meses, o bien tenemos la necesid\u00e1 de dar un golpe sobre la mesa y entamar dende cero pa nun vivir nuna tensi\u00f3n constante.<\/div>\n<div><\/div>\n<div>Esconso\u00f1ar, quedar na cama, poner la mesma sudadera que les selmanes caberes, xintar ensin un horariu concretu, ver les mesmes noticies de seis de la tarde a nueve ensin movese del sof\u00e1, y cuando cansare de tecnolox\u00eda, lleer un poco\u00f1\u00edn o facer trabayos a les dos de la madrugada. Pa munchos la vida yera asina hasta va mui poco anque paeza que pasaren a\u00f1os.<\/div>\n<blockquote>\n<div><\/div>\n<div><strong><span style=\"color: #008080\">\u201cLlugares vac\u00edos, \u00bfpa qu\u00e9 vivimos?<\/span><\/strong><\/div>\n<div><strong><span style=\"color: #008080\">llugares abandonaos,<\/span><\/strong><\/div>\n<div><strong><span style=\"color: #008080\">supongo que conocemos la xugada,<\/span><\/strong><\/div>\n<div><strong><span style=\"color: #008080\">ensin parar, \u00bfsabe daqui\u00e9n qu\u00e9 tamos buscando?\u00bb<\/span><\/strong><\/div>\n<\/blockquote>\n<div><\/div>\n<div>El rasgu que pue definir a un ser humanu y qu\u2019al mesmu tiempu pue dixebralu del reinu animal ye la socializaci\u00f3n, y pa la socializaci\u00f3n precisamos d\u2019un mediu, que nesti casu escepcional foi la tecnolox\u00eda en contraposici\u00f3n cola presencialid\u00e1 ya\u2019l contactu f\u00edsicu.<\/div>\n<div><\/div>\n<div>Amorticemos r\u00e1pidamente\u2019l tel\u00e9fonu m\u00f3vil: xugando al <em>Among Us<\/em>, al <em>Parch\u00eds online<\/em>, con llamaes y con videollamaes. Los cuatro pilares fundamentales, sobre too pa la moced\u00e1, que mos ayudaben a desconectar de la monoton\u00eda. Col pasu de les selmanes los vezos y les zunes pasaron tami\u00e9n a estes llamaes porque nun mos pasaba absolutamente nada pa cuntar.<\/div>\n<div><\/div>\n<div>Los vezos descontrol\u00e1bense. Llevamos programaos dende la nacencia pa facer una rutina y depender d\u2019 horarios, y de s\u00f3pitu desapaecen como\u2019l ru\u00edu. Not\u00e9moslo sobre manera los que vivimos en ciud\u00e1 o nun paisaxe industrial: yera asomar la tiesta un poco\u00f1in y sentir el cantar de los paxarinos o\u2019l pit\u00edu del tren enantes d\u2019entamar el viaxe en soled\u00e1 qu\u2019enxam\u00e1s se sinti\u00f3 ente\u2019l bulliciu de la normalid\u00e1, como les ambulancies que pasaben cada hora pela carretera. Esa serena d\u2019urxencia que diba en rescate de portal en portal.<\/div>\n<div><\/div>\n<div>Lo m\u00e1s desmoralizante, ensin nenguna duda, yera ver pela nueche o pela madrugada la lluz naranxa difuminada pente los cristales del sal\u00f3n. La cruda realid\u00e1 taba eh\u00ed.<\/div>\n<div><\/div>\n<div>Pudimos ver tantes realidaes al travi\u00e9s de la ventana. Un home vieyu, xubil\u00e1u dende cuantay\u00e1 del Pozu Cand\u00edn, almorzando tolos d\u00edes ensin nenguna compa\u00f1\u00eda mirando vagamente a la par\u00e9 azulexada con bodegones nuna tonalid\u00e1 mariella tostada. Si la viuded\u00e1 ye de por s\u00ed una etapa de la vida qu\u2019entristece por alcordase de tiempos pasaos na mente, viendo semeyes del \u00e1lbum del sal\u00f3n, intentando sentir una vegada m\u00e1s la voz de los seres quer\u00edos o alcord\u00e1ndose del perfume qu\u2019usaba la so muyer hasta\u2019l finar, tov\u00eda ye m\u00e1s duro vivilo ensin poder compartilo cola xente de l\u2019asociaci\u00f3n, cola xente del chigre que v\u00eda tolos s\u00e1bados pa tomar una pinta de vinu tinto dempu\u00e9s de mercar na plaza d\u2019abastos o los domingos diendo al campu f\u00fatbol pa ver un Llangr\u00e9u-Compostela y falar de lo que seya cola pe\u00f1a que forma parte de vieyo.<\/div>\n<div><\/div>\n<div>Un matrimoniu vieyu que, y dizse pronto, dempu\u00e9s de vivir una Guerra Civil, una dictadura, pasar muncha fame, ser esplotaos y emigrar, agora diba toca-yos ser parte d\u2019otru momentu hest\u00f3ricu, esta vegada nom\u00e1u andanciu. Un apert\u00f3n de manes nos sos respectivos sillones mentanto sienten la radio cola sensaci\u00f3n de \u201cd\u2019esti a\u00f1u nun vamos pasar\u201d cuando dir a la farmacia de la esquina pa mercar la medicaci\u00f3n yera un actu de valent\u00eda.<\/div>\n<div><\/div>\n<div>El nun salir nesos meses tami\u00e9n diba tener consecuencies f\u00edsiques al priva-yos de dar el pas\u00e9u matut\u00edn al rodiu de los degradaos montes del valle, de dir a misa na capiella del Llungueru con vistes al prau la xira, que diba tardar en ver folixes como les d\u2019enantes.<\/div>\n<div>Tami\u00e9n la pareyina con f\u00edos que nun pod\u00eden dir al parque a esparder, que solo pod\u00eden sentir a los sos g\u00fcelos per tel\u00e9fonu, que tuvieron meses ensin ver a los sos collacios, una xeneraci\u00f3n que tien parte de la infancia marcada poles distancies de seguranza, el xel y por nun poder ver les cares de la xente m\u00e1s cercano a ellos nin da-yos un abrazu candial. Posiblemente una de les coses m\u00e1s dures seya l\u2019avieyamientu dr\u00e1sticu de los nuesos g\u00fcelos en tan pocu tiempu, lo que xenera un sentimientu d\u2019impotencia porque la vida ye una contrarrel\u00f3 y nun siempres pue recuperase lo perd\u00edo.<\/div>\n<div><\/div>\n<div>Un paisan\u00edn o una paisanina interna nun centru de mayores, con delles patolox\u00edes previes y con dificultaes na movilid\u00e1, que quedaron confinaos nos sos cuartos un llargu tiempu ensin poder salir a dar un pas\u00e9u nin siquier al xard\u00edn de dientro del per\u00edmetru de la residencia.<\/div>\n<div><\/div>\n<div>Taben protex\u00edos, s\u00ed, pero\u2019l da\u00f1u emocional, an\u00edmicu y sentimental va ser perdif\u00edcil de reparar, porque s\u00ed notaben que taben morriendo collacios d\u2019otros cuartos colos que xugaben enantes, en tiempos de normalid\u00e1, por exemplu al tute, ente rises y glay\u00edos, o cuando plantaben flores con tanta paz nel xard\u00edn. Nun pudieron compartir esi dolor colos sos f\u00edos porque nun se-yos permiti\u00f3 en dellos casos facer llamaes telef\u00f3niques o vese les cares al travi\u00e9s de la tablet con una videollamada. Deseaben y\u00e1 poder da-yos un abrazu, un sinceru, candial y afectuosu abrazu a los sos f\u00edos, pente medies d\u2019una pantalla flexible de pl\u00e1sticu con furacos pa meter los brazos.<\/div>\n<div><\/div>\n<div>Na segunda y tercer fola foi cuando los asturianos notemos m\u00e1s que naide los efectos del andanciu, desgraciadamente toos conocemos a un familiar, un amigu o al familiar d\u2019un amigu que morri\u00f3 de s\u00f3pitu. Si la muerte y\u00e1 ye dif\u00edcil d\u2019asumir cuando la persona ye vieya o ta enferma, nun hai pallabres pa esplicar lo que tien que ser perder a daqui\u00e9n que fai una selmana taba perfectamente, o lo que ye peor, pensar qu\u00e9-y pasar\u00eda pela tiesta a esa persona que de repente ta nes \u00faltimes nuna UCI ensin poder tar cola so familia. Morrer en soled\u00e1, indefensu, desprotex\u00edu nun cuartu, intub\u00e1u con indignaci\u00f3n y rabia.<\/div>\n<div><\/div>\n<div>\u00bfQu\u00e9-yos pasar\u00eda pela tiesta a toes eses persones ensin voz nesa situaci\u00f3n ensin dalg\u00fan \u00edndiz d\u2019humanid\u00e1? De xuru qu\u2019infinid\u00e1 de llamentos: dende nun poder ver nunca m\u00e1s a los mios nietos, por qu\u00e9 tuvo que tocame a mi cola vida que me quedaba per delantre o g\u00fcelinos, y\u00e1 voi con v\u00f3s. El n\u00famberu de vides, hestories y an\u00e9cdotes que perdimos ye incalculable ya\u2019l da\u00f1u ye irreparable. Foi un aut\u00e9nticu tsunami qu\u2019arras\u00f3 toles cotes sobre\u2019l nivel del mar.<\/div>\n<div><\/div>\n<blockquote>\n<div><span style=\"color: #008080\"><strong>\u201cPronto voi dar la vuelta a la esquina,<\/strong><\/span><\/div>\n<div><span style=\"color: #008080\"><strong>fuera ta amaneciendo,<\/strong><\/span><\/div>\n<div><span style=\"color: #008080\"><strong>pero dientro, na escurid\u00e1,<\/strong><\/span><\/div>\n<div><span style=\"color: #008080\"><strong>naguo por ser llibre\u201d<\/strong><\/span><\/div>\n<\/blockquote>\n<div><\/div>\n<div>Eh\u00ed tuvo la sanid\u00e1 ralentizando la llegada del tsunami colos sos brazos, cada vegada con menos y menos fuercies pol desgaste al nun ceder nin un solu d\u00eda l\u2019andanciu. Nun vivo dientro de la tiesta d\u2019un m\u00e9dicu, pero dempu\u00e9s d\u2019estudiar la carrera cola vocaci\u00f3n de salvar vides, y ver d\u00eda tres d\u00eda cames con fundes de pl\u00e1sticu tresportando muertos pelos pasiellos del hospital, faciendo un esfuerciu tit\u00e1nicu, mano a mano colos collacios de trabayu, como los qu\u2019en so d\u00eda echaben cementu pencima del sarc\u00f3fagu de Chern\u00f3bil, la Unid\u00e1 Militar d\u2019Emerxencies, cuando tenemos incendios d\u2019oriente a occidente, o los operarios de quita\u00f1eves llimpiando les pistes cuando hai riesgu d\u2019\u00e1dene. Nun debe ser nada f\u00e1cil, hai que ser bien fuerte pa esconso\u00f1ar tolos d\u00edes y dir al trabayu neses condiciones an\u00edmiques, que sobre too nestos tiempos ye una obligaci\u00f3n moral porque nun podemos perder nin un solu segundu. Nun ye xusto pa naide.<\/div>\n<div><\/div>\n<div>\n<p>Nun salimos meyores d\u2019esta, la verd\u00e1 ye que tamos bien tocaos, pero s\u00ed vamos ser a valorar lo que ye realmente importante na vida. Agora, que y\u00e1 vamos viendo la lluz al final del t\u00fanel, vamos celebrar lo estraordinario que ye lo ordinario. Celebrar que siguimos caleyando.<\/p>\n<blockquote>\n<div><span style=\"color: #008080\"><strong><em>\u201cL\u2019espect\u00e1culu ha siguir,<\/em><\/strong><\/span><\/div>\n<div><span style=\"color: #008080\"><strong><em>per dientro\u2019l mio coraz\u00f3n ruempe,<\/em><\/strong><\/span><\/div>\n<div><span style=\"color: #008080\"><strong><em>el mio maquillaxe quiciabes tea resquebrando,<\/em><\/strong><\/span><\/div>\n<div><span style=\"color: #008080\"><strong><em>pero la mio sorrisa tov\u00eda permanez\u201d.<\/em><\/strong><\/span><\/div>\n<\/blockquote>\n<\/div>\n<\/div>\n<div class=\"td-post-content\">\n<div><\/div>\n<div>\n<hr \/>\n<\/div>\n<\/div>\n<footer><strong>David Fern\u00e1ndez Mejuto<\/strong> (La Felguera, Llangr\u00e9u, 1999) Estudiante del Grau de Maestru n\u2019Educaci\u00f3n Primaria na Universid\u00e1 d\u2019Uvi\u00e9u y especializ\u00e1ndose en llingua asturiana, ta acabante algamar el premiu nel segundu certame de rellatos curtios de la Facult\u00e1 de Formaci\u00f3n del Profesor\u00e1u y Educaci\u00f3n col lema \u00abTres los cristales\u00bb na modalid\u00e1 de llingua asturiana y col rellatu \u00abSe\u00f1ard\u00e1\u00bb, que reproducimos darr\u00e9u. Ye la estrena lliteraria del autor.<\/footer>\n","protected":false},"excerpt":{"rendered":"<p>Fonte: Formientu: \u00abSe\u00f1ard\u00e1\u00bb, de David Fern\u00e1ndez Mejuto SE\u00d1ARD\u00c1 Dempu\u00e9s d\u2019una llarga selmana por fin yera vienres. Esconso\u00f1ar, duchame, almorzar, llavar los dientes y dir corriendo a la parada\u2019l bus. Los vezos y les zunes. En llegando a la facult\u00e1, y sintiendo nos auriculares \u201cThe show must go on\u201d pa tener ciertu toque d\u2019epicid\u00e1, cola fuercia [&hellip;]<\/p>\n","protected":false},"author":117,"featured_media":0,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[224],"tags":[],"class_list":["post-9235","post","type-post","status-publish","format-standard","hentry","category-narrativa"],"_links":{"self":[{"href":"https:\/\/edublog.educastur.es\/ixuxu\/wp-json\/wp\/v2\/posts\/9235","targetHints":{"allow":["GET"]}}],"collection":[{"href":"https:\/\/edublog.educastur.es\/ixuxu\/wp-json\/wp\/v2\/posts"}],"about":[{"href":"https:\/\/edublog.educastur.es\/ixuxu\/wp-json\/wp\/v2\/types\/post"}],"author":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/users\/117"}],"replies":[{"embeddable":true,"href":"https:\/\/edublog.educastur.es\/ixuxu\/wp-json\/wp\/v2\/comments?post=9235"}],"version-history":[{"count":3,"href":"https:\/\/edublog.educastur.es\/ixuxu\/wp-json\/wp\/v2\/posts\/9235\/revisions"}],"predecessor-version":[{"id":9245,"href":"https:\/\/edublog.educastur.es\/ixuxu\/wp-json\/wp\/v2\/posts\/9235\/revisions\/9245"}],"wp:attachment":[{"href":"https:\/\/edublog.educastur.es\/ixuxu\/wp-json\/wp\/v2\/media?parent=9235"}],"wp:term":[{"taxonomy":"category","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/categories?post=9235"},{"taxonomy":"post_tag","embeddable":true,"href":"https:\/\/edublog.educastur.es\/ixuxu\/wp-json\/wp\/v2\/tags?post=9235"}],"curies":[{"name":"wp","href":"https:\/\/api.w.org\/{rel}","templated":true}]}}